بدر بن عبدالمحسن

New private playlist

حفل تكريم الأمير الشاعر/ بدر بن عبدالمحسن 

أصـاله - ماتغير شي (بدر بن عبدالمحسن) الموعد الثاني

نوال - لاتجي (بدر بن عبدالمحسن) الموعد الثاني


لا تسأليني و ابصر الناس..الاعمى
وين العدل؟ يفداك يا شمعة الدار

لولاي ما خلّوا حناياك مرمى
بـ سهامهم و لفّقوا عنك الاخبار

ليت الشفاه اللي عن الحق طرمى
خلتك و حطت فيني العيب و العار

انا البحر..من يشرب البحر يظما
و انا اللذي في الجود مداتي امطار

الظلم يوجع..يا اهل الظلم مهما
حاولت ادور تفاسير و اعذار

انتي بياض الغيم يا زمزم الما
و اعلى النجوم اللي على الارض سيّار

بياض الغيم  بدر بن عبدالمحسن


عن كل نجم ظهر بسدل أجفاني 
لعل ما عيش حزني لحظة غروبه 

وعن كل خل طويل الصمت كفاني 
الصاحب اللي قليل الهرج عذروبه 

وعن كل ثوب جديد باالبس أكفاني 
وأدله ولا ألقى رسايل هم في جيوبه 

أنا الجفا ليه أخاف الناس تجفاني 
وأنا الحبيب الذي من يعشق عيوبه 

راعي الوعد وأن صدق مرة ولاقاني 
يحتار بين السراب وقلب محبوبه 

يامن عذابه يشققني ويرفاني 
فرقاك غصب علي بالحيل مكتوبه 

خبرت نصف تعب من نصفه الثاني 
بعضي الرماد وبعضي نار مشبوبه

بدر بن عبد المحسن - أنا الجفا

صحيح اني انسى الحوادث والملامح و الاسامي..
لما أكتب عن غرامي .. شعر ابعد ما يكون عن مجرد 
جرح دامي ..
يمكن أقرب للجنون...
من تفاصيل الحكاية..الاساور والمرايه..
عندي هموم القصيده غامضه صعبه عنيده..
وانت عاشق للوضوح ..
ودك بسري ابوح..و انا اخر همي بوحي 
اعبر الشارع ... في الرصيف الثاني قهوه
فيها اربع طاولات ..وحده اجلس فيها وحدي ..وحده للي بيجي بعدي .. وحده لأغلى حرف عندي..أما اخر وحده دايم للي فات..
من هموم وذكريات ..زحمة لكن كل من في القهوه ربعي 
كلهم دمي و دمعي ليه ما تجلس مكاني 
وهذا شوفي وهذا سمعي اطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابين السطور .. وانا اكتب اغنيه مثل الرسايل كنت اكذب .. و الخيال العذب كذب ..
كنت لازم اخفي سري و ما اقول
ان هالمره قصيدي هو خيالات الحقول تطرد اسراب الطيور عن حقيقه عن شعور ....
ما هو في ذهب السنابل .. انما تحت الجذور ..
كسروا العشاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعة العين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله .. 
و اني احلم بس احلم ..

بدر بن عبد المحسن - بس أحلم

للتواصل 

twitter.com/waleed_Allohib

instagram.com/wale11111

www.facebook.com/alwaleed.alluhaib1

بياض الغيم بدر بن عبدالمحسن

Wâlèèd Â. Alluhİb