بتوحشنى بشكل مخيف _مسلم

أغنية حيطة أمل - زهرة   Hetet Amal - Zahra

ربنا عارف قد اي الفترة دي عايشينها ازاي من غيرك يا احمد 💔

أحمد ما ماتش - أحمد رحل

انا جايلك واقف 
مش هاممني البرد المتسرسب 
ولا شال ولا جاكته 
الحزن مش سايب ف قلبي حتة

بناديك وبناجيك 
اديني صبر أيوب 
علي حزن يعقوب اللي صابني 
انا بس محتاج طيفها يحضرني 
يطبب عليا ويقولي هتعدي
عايز اشوف يد  بتتمد غير يدي

ايدين ممدودة 
وانت عطشان 
ثابت ليه يبو قلب بهتان 
مستني ريق من صديق او حبيب 
فارقك زمان 
تبقي خسران 

وزعت همومي علي الخلق ف المترو 
وكتبت قصايد و طيرتها مع الدخان 
بعت مشاعر كدابه ل حضن مبيطمنش
وسرقت شويه حب واهتمام
عارف 
عارف اننا خسران 

لسه بخاف ولسه عامل حساب الكاس
وسحبة يوم ورا التاني 
لسه بلعن الظروف والايام 
واقول الدنيا بتعلمنا دروس 

يارتني عملت حساب غيابها 
كنت هقلل فنجان القهوة التاني علي التربيزة 
و كنت هحفظ الشوارع عشان متوهش من غيرها 
كنت قفلت الماتش وعارف اني هكسب 
كنت هداري عيوبي عشان محدش يشوفها 
كنت 

يارتني عملت حساب 
يارتني قفلت الباب 
يارتني ما استعجلت العتاب 
يارتني 

الزمن واقف مبيمشيش و خوفي مستخبي ورا الشيش  والذكريات عملالي كمين 
 دي سابع مرا اقفل الباب  بس طيفك ممشيش
دي تالت مرة اكسر البراويز 
ليه صورتك فضلت ف البال؟! 

غيابك مموتنيش بس وجودك كان بيحيني 
لسه رجلي شيلاني لسه ضحكتك حمياني 
هبقا اشوف صورتك كل مرة سرقه من ورا الشيش





سبت الأيام تخبط وتيشل 
ولعت ف كل الحسابات و التدابير 
كان عندي امل ف مصير 
مصير اننا هنتلاقي 
وترجع تداوي جراحي وتلمم انهياراتي
لكن ادركت اني مخسرتش غيرها  

نسميها حسرة ولاخسارة 
مش فارقه هولع كام سيجارة 
واكتب شطرين عنها 
وانساها ف زحمه 
او طريق اول مره امشيه 
هحاول ارمي ذكريات ف جيوب قديمه 
هبيع ضحكتها ل روبابيكاا  
مش هحتفظ بيها واخليها انتيكاا

  

لكن رغم كل دا مش قادر انكر ان انا حبيتها 

مسحول ف ذكريات الرصيف ولقطة هناك وكادر وقفيش 
سبنا هنا ضحكة وسبنا هنا حزن وسبنا هنا حنية 
وسبتيلي جرح مسيل يدوم طول العمر
بس تعرفي ان لسه الإمكان فيها ريحة الغايبين 

 غيبتي ولكن عمر ما طيفك فارقني 
بس لجل الشوق المترصص فوق الكتب والجفون
ابقا طلي عشان بتوحشيني 














انتيكااا

كلمات : وليد ديدا
waled Acc : https://www.facebook.com/wsignup
صوت : محمد هشام رجب 
Mohamed Acc : https://www.facebook.com/lllHlll

صدقيني يا حبيبتي لسّه عايش مش هموت 
صدقيني مهما طال الجرح بيا 
مهما أوقات الألم زادت عليا 
مش هيوصَل منها حاجه مش هيطلع منّي صوت

من كتاب خواطر " روبابيكيا "  أنتظروه في معرض الكتاب 22 يناير ان شاء الله 

صدّقيني - وليد ديدا

مغروزه جوه قليبي من مده
ومكبوته..
كما الفيروس ف شراييني
واحشتيني 
دي مش منحوته والله 
واحشتيني
بكل ما فيا من طاقه بقولهالك
فراقك سم جوايا 
وقربك ينهي مفعوله
مليش اعزار ولا تبرير
ولا قادر ابص فصوره من صورك
ويلحق دمعي منديله
يهديني ...
سيدا قال واحشتيني
بكى الدرويش وبكانا 
وفار الدم ف وتيني
انا مش هبكي ولا هكتب... 
انا بنزف واحشتيني
وجرحي عمره ما اتخيط
مات الوحيد من ضلمته القاتله
مات مـ العياط مماتش بيعيط 
كنت الوحيد...
و كنتي وحدتي وناسي
وكنتي النور و وناسي
وجيتي ف يوم قتلتيني
وحشتيني
بقولهالك....
فقربك أو فـ ترحالك
وعند البصه لعنيكي
بتوه فيهم و بتحول 
وكل ما اقول هعديكي
 يرجعني الحنين ليكي
وبرجع تاني م الاول...

كما الطفل اللي ف الحاره 
كفيف ماشي...يشم روايح الماره
يفتش ع الـ ضاع منه 
بيسأل كل يوم نفسه
و يقتل كل يوم نفسه 
عشان الماظه كات ف اديه
وضاعت لما اهملها
مهوش مدرك بإن عنيه
هتبكي ف مره علشانها
انا مش جاي بتحصر
ولا اقول اني متكسر
وعايزك ليا گ جبيره
واحشتيني بقولهالك..
ولو يسمح ف يوم حالك
تكوني الأهل و الجيره
و عهد الله فـ قلبي كلام
ما عارف اقوله م الحيره

هقوله ازاي....!!
وانا الغلطان ومش مالك
لائ اجابه لسؤالك 
سوى دمعي ف ليل حالك
و كيف بتعيشي من بعدي 
و ايه حالك..؟
و كيف البعد اوحى لك 
بإني هكون تمام عادي 
و مش فارق 
وانك لو بعدتي هقول
بساهل يلا نتفارق
أنا عيل...
بيرجع ف الكلام عادي
بيشبط ف اللي بيحبه
يعيط لو تضيع منه
حاجات كان يوم محوشها
و حوشتك...
 وكبرتك ف قلبي كتير 
و بِعت الباقي ف سنيني 
و خضرت الفؤاد ليكي
ف خاب زرعي
و بار طيني
واحشتيني
 دي مش منحوته والله
واحشتيني

قصيده المنحوتة - الشاعر محمد علي

كان نفسى تكونى انتى ملاكى 

روح واحدة لــ محمود الفقى

عن الاوغاد صحاب السوء - عمرو حسن.mp3

https://www.facebook.com/IslamGreeny
https://www.facebook.com/IslamGreenyOfficialPage

عم ياصياد Islam greeny-إسلام جرينى

Tittle: Mo'men Saad - مُسرطن Ft. Ahmed Sadek
Beat : Mo'Men Saad
Mix & Master : Mo'Men Saad
V1/ Ahmed Sadek :

أيام كتير بتعدي وأنا ثابت .. أرسم وألون
جوايا فنان بيحب ورقة وريشة ده اللي طالبه
برسم وردة وقلب فيه سهم يشاور لحبيبة
بلاقي نفسي جدًا وإيديا بتحضن الريشة

خطت لكل حاجة .. بموهبتي رَسمْت خيال
سبحت فيه .. وريشتي علمتني طولة البال
إني أصبر لو وقعت.. ولو وقفت أبقى قوي
إني ماقعش لو وقفت.. إني أبقى ناضج وسوي

أحلامي طاير بيها في أعلى نقطة في أعلى سما
راسم حياتي بريشة وجوا الرسمة أنا الملك
لكن التاج تحتيه ورم خلاني شخص تاني
سرطان المُخ؟ وعروقي اللي في دماغي بانت

هالات كتير في عيني حواليها دمعة رافضة تنزل
مفعول الدوا جوا عروقي بارد جوا جسمي
شعر بيقع .. جسم تلّم .. جسم رافض للعلاج
ريشة وقفت .. ورقة ماتت .. إنسان اتردم بالتراب

Course/ Mo'Men Saad :

كان يوم اتنين ممل مكنش المفروض يحصل شيء
عايشين سوا 10 سنين شوف عدي كام اتنين
كان برضو البحر بيحتفل بأنجازه الوحيد
عاكس الشمس تاني ووافقت انها تموت فيه

V2/ Mo'Men Saad :

ندهت المره الاولي الي دايما ملهاش رد
مكنتش ابدا عارف ان المره دي بالاخص
ولا مكنتش سامع ولا نايم ولا طنشت
الا لما الباب اتفتح ساعتها بس فهمت
صوت باب المستشفي قال لنورها في ضيف جديد
واللمض البايظه فضلت ترعش كالعاده مش مهتمين
ساعتها بدأت المعركه بين الارض وعجل السرير
يا تري الارض كانت قاسيه ولا الي فوقها ضعيف
ابره المحلول اتغرست في قلب ودراع
ونقطه كانت   كما العساكر ماشيين حافظين الطريق
وكأنهم غزاه جايين يحتلوا المكان
مع كل نقطه يهرب دم لأبره ف الوريد
اتفتحت العيون كما ابواب الحصن المكسور
حزينه علي الي حاصل وبتجاهد ف صد النور
دخل رسول الموت بعدها بخطوه ثابته
وبحزن مصطنع  : لوكيميا مرحله تالته
ساعتها ف عقلي اتفتح الباب الي كان مقفول
وفهمت الي مكنتش فاهمه ف اخر 10 شهور
وجع الجسم النوم والخسسان الي مش مفهوم
والبقع والي فوق الجلد والتعب الي طول اليوم
ودي تاني مره اشوفك فيها ميت وانت حي
وكأنك عن خبره عارف ان الجاي جاي جاي
وشايف الامل بيتسربلك من باب مواري 
وانت الي سايبه يدخل كداب وانت عارف
العرق يمد لسابع جد والي سابنا مكنش سابع
متبصش للسما وتدعي هو اكيد سامع
ولا الحاصل هيتغير ولا الراح هيعود
بطل طيبه وافهم ان المكتوب مكتوب
كل المشاهد بعدها كانت حشو مش اكتر
كيماوي بيحارب سرطان والمريض بيخسر
شوفتك  من ورا القزاز بتبصلي وتضحك
وساعتها ندمت اني عمري ما قولتلك  بحبك
واني ولا سبتك تفهمني ولا حتي انا فهمتك
كنت فاكرك  بتكرهني  فبالتالي انا كرهتك
لما سابتنا صدقني انا فعلا احتاجتك
كنت اناني فاكرني لوحدي وناسي ان انت بقي
 لوحدك
فشلت كل محاوله والامل صار مفيش
ونفس المشاهد القديمه بتتعاد من جديد
طول عمرك بتخاف عليا وجه دوري اخاف عليك
يا بابا لو موت النهارده قولي اموت واسيبك لمين

To follow Ahmed Sadek :
https://m.facebook.com/ahmed.sadek.5264382

To follow Mo'Men Saad:
https://m.facebook.com/profile.php?id=100006872205528&ref=content_filter

Ahmed Sadek - مسرطن (feat. Mo'Men Saad)

" محبتكيش " 
- للمره الأولي من الديوان - 

محبتكيش
 ومش عايزِك
 وباعلن توبتي من جِيرتك 
وبازعل منّي لو صدفه في وِسط كلامي جت سيرتك
وبادعي تلفي و تدوري و كل الناس تشوف حيرتك 
قصاص عادل و دَين مردود ، ديون لازم تُرديها 
محبتكيش وكان لازم ، اصُدّك لما قولتيها 
و بالعن يوم قابلتك فيه وساعه ارتحت لِك فيها 
كتبتك سطر وانا مغشوش 
وقمت قفلت كشكولي 
وشايفك وانتي دلوقتي ..
بتقعي في عرضي وفي طولي 
وبينا مصانع الحداد ..
وكارهك قد ما تقولي 
ومش طايق اشوف اسمك
ولا صُورتِك في اي مكان 
ومش عايزك ( علاج ) حتي 
لو الدكتور وصفهولي .

مشيت متغمّي ورا منك .. وشايفك وانتي ساحباني
خِسرت الناس بقيت وحدي .. عشان عاوزاني واحداني
ضِحكْتي عليّا وانا حنيت.. وسبتي العمر يضربنا
مفكرتيش نروح علي فين.. ونعمل ايه اذا اتصابنا
محبتكيش ومش عايزك .. خلاص جَبرت وشطبنا 
وبكره الدنيا من بعدي ..هتديلِك علي سداغك 
وبافتكرِك صحيح لكن ..مش الفكر اللي في دماغك 
لا انا حنيت ولا اتهزيت ..ولا اتلجلجت في كلامي 
وباكره نفسي لو حصلت ..في يوم عديتي قدامي
فـ لمّي كرامتك الباقيه ..
ومتحاوليش ولا تدوسي 
اخدت الدرس وانا حالف ..
ما افوت حاجه في دروسي
ولو ( ربك ) هيديني .. 
 فلوس علي قد ما كرهتِك ..
يومين وهتيجي تلقيني
ملَكْت الدنيا بفلوسي .

رميت طوبتك .. 
لا فارقه معايا مين اخدِك ومين سابك 
ولا مشغول بيوم فرحِك ولا خطوبتك 
ومش شاغلاني اخبارك وسهراتك 
ومش مهتم عايشه لمين وعايشه ازاي
ولا عندي الفضول اعرف وصلتي لفين
ولا مين اللي يبني معاكي بكره الجاي 
وتبقي ( معاه )  في بيت وحياه 
وبينكم عشره متصونيهاش 
ولا فارق معايا ايديكي وقت ما تعمليله الشاي
بيوصلني الكلام عنك ساعات م الناس 
فاسبح ربنا وادعيه و ابات باكي 
يا اول حاجه باكتبها لشخص غريب
واول وِرث ياخده غريب في املاكي 
بتوجعني الحياه لحظة ما بفتكرك .. 
وندمان اللي ضاع من عمري وياكي
لا انا عايزِك تحاولي تصلّحي المكسور 
ولا عايزك تكوني في بالي من اصله 
وحبل الوِد لو مربوط علي رقبتي ..
يكون قطعه اخف شويه من وَصله
ومتقوليليش خلاص تاني عشان خاطري 
عشان مبقاش ما بينّا لا ود ولا خاطر
يا ست الحسن بس في قصه مختلفه 
وست الحسن فيها بتقتل الشاطر 
مشيت وعنيا متغميه ورا منك ..
وكنت لطيف لاخر نقطه من دمي 
باسلّم روحي للصدق اللي جوايا 
وسامعك وانتي جايّه عليا بتسمّي
بامد ايديا نحوك مبتسم وسعيد .. 
ومسكين اللي شاف الحيه مسكينه 
بافتّح عيني في الاخر لقيتني وحيد 
في ايدك طوق وجايبه معاكي سكينه 
لقيت دمي بينزف قولتي ميكروكروم 
جروحي دي شاهده
ع اللي عملتي في جروحي
فهمت ساعتها انك كنتي قاصداها ..
وراسمه من البدايه لـ حُزني و لـ نُوحِي
قرينا الفاتحه مره انا وانتي نقصد خير
وكنت عبيط عشان مفهمتش الإشارات 
قريت وانا نيتي الايام متبعدناش .. 
وكنتي بتقري بس الفاتحه علي روحي .

وادي الاتنين اللي الايام لعبت بيهم 
ماسكه قَدرهم بخيوط رابطاهم في حبالها
سبحان الله بعد ما كان الاتنين واحد ..
بالوقت مفيش ولا حاجه بتفضل علي حالها
ادي التفاصيل بتموت علي عتبة إهمالنا 
وادي الاسرار اللي اتفضحت والناس سامعه
وادي العين اللي زمان كانت دايما تلمع 
من كتر عياط الناس بالليل مفيهاش لمعه 
وادي الضلمه اللي سابتهالك قبل ما تمشي 
وكإنك اول ولاعه بتطفي الشمعه 
وادي يناير اكتر شهر بيدفن علاقات ..
وادي الحكايات اللي بتخلص من غير دمعه

وبحق الله ..
وبحق الوعد اللي مكنتيش ابداً قَدُه
ايام وتزول وشوية وقت وهيعدوا 
اما انا وحياة احلامي وعشمي اللي اتهدوا 
لو كنتي انتي الترياق وهاموت فانا مستغني
يا عيون سحبتني من الايام من غير ما اشعر 
و ايدين دبحتني وعامله ايدين بتزغزغني 
مبقتش الشخص اللي وعدتيه تفضلي وياه 
و صبحت الكوره اللي بترميها برجليكي
سبتي الايام تتمرن علي كسري وزعلي ..
وبقيت مكسور والفضل يعود كله اليكي 
والايد اللي في يوم م الايام كانت سندك 
باعلن برائتها من الدم اللي علي ايديكي 
وان كان ع الغربه مسيرها تروح بعد شويه 
وارجع من تاني أقوم واقف علي رجليا 
دلوقتي خلاص ولسوء حظك هونتي عليا
علشان وقت ما جتلك فرصه هونت عليكي

صدّقيني - وليد ديدا

waled deda 1