كل مرة هنبهر بيها نفس انبهاري وأنا ببص ف عيون الولد اللي شبه ضِل شجر التوت اول ما سمعهالي

خد الجنيه الأحمر وهاتلي حبيب

لا من اسوان بس عاش في السويس

محمد حمام

صباح الخير علي الورد اللي فتح في جناين مصر
صباح العندليب يشدي بألحان السبوع يا مصر
صباح الدايه واللفه..... ورش الملح في الزفه
صباح يطلع بأعلامنا من القلعه لباب النصر
سلامتك يامه يا مهره يا حباله
يا ولاده
يا ست الكل يا طاهره
سلامتك من آلام الحيض
من الحرمان
من القهره
سلامة نهدك المرضع
سلامة بطنك الخضرا
هناكي وفرحة الوالدة
تضمي الولد يا والده
يصونهم لك ويحميهم
يكترهم...... يخليهم
يجمع شملهم بيكي
يتمم فرحتك بيهم
صباح الخير علي ولادك
صباح الياسمين والفل
تعيشي ويفنوا حسادك
ويسقوهم كاسات الذل
وبلغ يا سمير غطاس
يا ضيف المعتقل سنوي
بصوتك دا اللي كله نحاس
صباح الخير على الثانوي
وأهلا بيكو في القلعه
وباللي في الطريق جايين
ما دامت مصر ولاده
وفيها الطلق والعاده
حتفضل شمسها طالعه
برغم القلعه والزنازين

صباح الخير علي الورد اللي فتح في جناين مصر _ الشيخ امام عيسى

اللي يخبي القول ما يبقاش ولد - محمد حمام

all about  this track https://www.facebook.com/torath.egy

يونس شلبى - أدم و التفاحة من برنامج عندما يأتى المساء

اعرف عيون كلمات صلاح جاهين غناء والحان وجيه عزيز

اعرف عيون ـ وجيه عزيز ـ صلاح جاهين

لما نبقى لوحدنا...مين قَدِنا
كل الطيور بتيجي ترتاح جنبنا
وسط الزحام بنتوه كتير عن بعضنا
لكن الخلا قادر يجمّع حبنا

لما بنبقى لوحدنا تحت القمر
والدنيا ليل والقلب بيحب السهر
وأما الطيور بتنادي من فوق الشجر
كل الحاجات الحلوة تبقى ملكنا

لما بنبقى لوحدنا باقول كلام
عمري ما قلته في القصايد والمنام
أصلك يا روح قلبي النسايم والغرام
وانتي الملاك اللي بيسعد أرضنا

لما بنبقى لوحدنا وفي إيدي عود
وإنتي نايمة في المطر وسط الورود
ياللي إنتي أجمل بنت عايشة في الوجود
ومن المطر...وحده الوتر يعزفلنا

لما بنبقى لوحدنا باقول باحبك
نامي في قلبي ونيميني جوه قلبك
تعالي مرة زوريني في جزيرتي بقى
نفسي القمر ييجي ويسكن عندنا


(أحمد حداد من ديوان "الورد اللي بيطلع" (المركز المصري العربي – 2000

لما نبقى لوحدنا - وجيه عزيز

جت جت .. ماجتش إن شا الله ما جت
مطرح ما ترسي هدقّ لها
أنا بعتلها الدعوة
جت جت .. ماجتش مليش دعوة
ما جتش هيّ الخسرانة
أنا كنت قصدي أريّحها
أبقى هوا لو حرّانة
في البرد أنا البالطو بتاعها
و في الدموع أنا منديلها
جت جت .. ماجتش إن شا الله ما جت
مطرح ما ترسي هدقّ لها
لو جت هغني و هلاغيها
مجتش دغري راح ألغيها
لو جت هجيب البلادوسة
عشان تنوّر ليالينا
عشرة الاف مليون بوسة
مبوسناهمش لبعضينا
ما جتش برضه يحقّ لها
جت جت .. ماجتش إن شا الله ما جت
مطرح ما ترسي هدقّ لها
أنا هنا ساكن أوضتي
بسمع طلب و الهلالية
لو جت جسّت على أورتي
و حققت جوا عينيّ
راح أخدها ويايا بشويش
ناكل بطاطا
و نخبز عيش
نقطف جوافة في أوائلها
جت جت .. ماجتش إن شا الله ما جت
مطرح ما ترسي هدقّ لها
هدقّ خيمتي قدامها
و هدقّ ع العود أنغامها
و أدقّ وشمها على صدري
و مش هدقّ على كلامها
و الدقّة هفرشها ف حجري
و سميطة و جنينة و نجري
و أقعد في حجرها و أحكيلها
جت جت .. ماجتش إن شا الله ما جت
مطرح ما ترسي هدقّ لها
و يوم ما جت .. جت ملقتنيش
لقت دموع الناس بتجيش
صوت همهمة و رادّين الشيش
لسّه النهاردة يا ولداه
فتحنا شبابيكنا و لقيناه
في الجو طاير من غير ريش
سافر و خد غنوته ويّاه
كان نفسه تيجي و هوّ يعيش
______________________
قصيدة : الدقة
شعر : أمين حداد
غناء وتلحين : حازم شاهين

جت جت مجتش حازم شاهين-اسكندريلا

محمد حمام - يا شمس غيبى ويا مراكب حلى

محمد حمام - يا بيوت السويس

محمد حمام صوت النوبة 
يغني الليلة يا تمرا بدلا من الليلة يا سمرا
كلمات فؤاد حداد لحن أحمد منيب

الليله يا تمرا - محمد حمام

وقف الشريط بصوت سعاد حسنى في مرضها 
-: صلاح جاهين 
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باسترسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان
ولا شريط له بيبان

وقف الشريط بصوت سعاد حسنى - صلاح جاهين

العبقرى محمد حمام -يا عم يا جمال يا ليله

ياللي انتى بيني و بينك سور
بكرة العيون هاتشوف النور
ولا يبقي بيني و بينك سور
بكرة يا روحي الهنا 
هايفيض علي الدنيا
و قبل ماتفوت سنة
هانعيش فى حرية
افرح بحسنك انا
و تمتعي عنيا
ولا يبقي بيني و بينك سور
بكرة شباب البلد
هايهدوا اسوارها
و نشوف شموع الهنا
قايدة فى افراحنا
نارها تنور لنا
وتشوي اعدائنا
ولا يبقي بيني و بينك سور 

محمد حمام - يا اللي إنتِ بيني وبينك سور

قد ايه برتاح أنا لحظة ما أقابل بسمتك 


الشيخ امام - قد إيه برتاح أنا لحظة ما أقابل بسمتك

اشعار - صلاح جاهين
لحن وتوزيع - وجيه عزيز

العبقرى محمد حمام -يا عم يا جمال يا ليله

Walid Elalfy.

Recent comments

نور

Israa hossam

Mohamed Hamdy

Maryam

Related tracks