ادماااااان هل تراك 👍❤️

صورة ل: علاء حسن - ريف حمص نيسان 2010.
www.sheikhphotos.com

-صار لازم نمشي
مافي سما بتساع السر اللي بعيوننا
فحدا عم يكتم.. حدا عم يفشي
وحدا ماسك النهار من شعره
عم يسعره
وحدا لاحق خيطان الشمس بده يقلها كلشي
عن آخر طريق البيت.. وعن آخر ريحة شمها
وآخر شقفة دهان شالها من الحيط
ضل كل ما يموت واحد منا ينقص خيط من عباية الليل
لصار عاري عالسكيت..
آخر رفيق..
عم يحلم بالضو.. لا تقله يفيق
كلما اتسعت الرؤيا
صار المدى يضيق
بحر الخوف كبير
والغريق بيجر غريق
آخر هالطريق آخره
وآخر كل عطش بلة ريق
آخر وصية
بكل حنين خيبة 
عم ياكل من ذاكرتي
فبخبي صورهم بالجيبة
وبتحرقني خاصرتي
يا وجعي يا آم الهيبة
سرحي الليل على شعرك
وطالعي البيت من الشيبة
أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة


-أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
اللي متلي ما اله بيت
اله رفقة واهل وذكريات
صور أخوات نزلت عالحيط
لتفادي عودة هلوسات
اختلاط الآن مع اللي فات
أنا الفرد الشتات
وين ما بلاقي حالي بكون الظرف الغير مؤات
إذا عم بتبيع نسيان هات
اذا للتلميع عنا لسانات
بس خلينا نروح عالغابة نكتشف حيوانات
اللي متلي خلق بمدينة محتلة
اغترب بمدينة محتلة
رجع عمدينة محتلة، لأ مش لغوية العلّة
المحتل والمحتل شلة وراسي السلة وحقي الغلة
بس ما رح مل قبل ما ملي
مساحتي مني
سكرت دينيي لما آدم أنبأ بآسماء
لما فهموا فرويد بدلوا الوحي بالإيحاء
داء مطرح داء آب مطرح آب
شيخ قبل ما شاب ما شاف غير أمر بالكتاب
اللي متلي ما اله جياب لتساع والوطن بشيكات
مافي خرج حط بالجرح توازن بين ميزانيات
أمن وفساد كل ما تنسرق مدارس وتننهب ثروات
تكتر جيبات تكبر هيبات
كان مستحيل يزوجوا بنتهم حطوا صورته لما مات
فعلاً بكوا كتير بجنازته بس من تحت الكمامات
شادي ما سقط، شادي زمط! البلد سقطت
اللي فوته طلعه كرت بإيده بلّعه دلعه خلص منه ولعه
متل ما سلحه شلحه لبسه قلعه بالكلسون
بيتمنعوا وهم راغبون عالتلفزيون بيتصنعوا ما يثير الجنون
ونحن صامتون، مش باقي وطنياً أنا باقي عفوياً
نحن لغوياً مش نحن دموياً.


أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة

أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.

سطور أصولي كتار
ملجأ منزل ودار
بيتي جمع همومي وضهري رصفته حجار
باكل خبزي وبترك الطريق بلا آثار.


الدرويش والراس - بيت بيوت // إنتاج مونما

لاجئ و يعيد
كلمات و أداء : ابن حواري
إنتاج : الراس
ضبط صوتي : الراس
من آلبوم تراكم | خروج إلى الداخل
2017
الكلمات :


شفتك مشيتي و قلبي لسا واقف شايفك
بقلبي رغيف خبز و شفافك لقمة بايتة
 مخبي نبضة بتطلع مع آخر برميل
كبتنا مكة خيتا حوتنا برلين 
بحسك نسيتي بإيديكي المجازر أساور
صرت أغير لهجاتي حتى الحواجز أناور
كنت أخاف أفقد ملامحي , و ما يعرفني أبوي
لما أطلع أشوف وجهه أرجع أموت
أيا تابوت بيسع حلمي بأني أصل لقبره   
أديش فيكي تكوني دافية وأديش فيني لسا أبرد 
كل الماتوا حلق بأدنيكي حطيون
كل يلي بقيوا بدم يلي ماتوا انقعيون  
نمتي منيح  فتحتي عيونك على جروحنا
فقنا ببلاد تانية فكرنا الهجر عالج روحنا
أنت كذبة كبيرة إلا لما تكوني نحنا
و نحنا منبقى نحنا وين ما رحنا
إلي فيكي أهل ما بدي منك زينة
و أول ما أرجع رح أحرق فيني الياسمينة
أنت الآس دينك صار الآس دينك 
بجرب لمك لقلبي بتخطفك إيدين القاسمينك
ضعت جواتك بحر و قلبي مرسى
كل مرة بلاقيكي فيني برجعي فيكي بغرق
بدور ع حالي وين 
بتطلع على أصابعي بلاحظ الشوارع عم ترتب حالها بيني و بين 
الحارات يلي عم تهدد حالها بإنو تبقى 
بلاقيني بحيطان هدت حالها حتى تبقى 
ليكي حتى لما عريتي ولبستيني انا نقصتك
يما حارتي هي مشاعر متل الكعبة انهدت
كل الحدود مبارح شفتها وقعت على شكلها
سياج عالي من الأضافر عم يحك بضهر الملجأ
و لسا ما نشفت ملامحك بس بكل أيلول بتضعف
روح أسأل خصر البلد ليش ع هزنا كتير استدمى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
بشيل عني همي على كتافي ناتع ولد
نادى أمه قلها بحبك قالتله حبك بلد
بكره الموت يلي حب خالد أكر
بس بتذكر أديش كنت حب أديش خالد قتل
بحب أسرق منك صورة ومن الحكومة كهربا
بحب وجوه الناس طقوس و زخة المطر بكرهها
رح شوفك بكرة ها ! جيبي معك مقروطة
بحب الحلو بس تضحكي و بكره يلي قتل الغوطة
بحب كيف كنا نخبي كل حديث بأضيق حارة 
و بكره كيف الزنازين ضيقة متل الحارة
أنا ماسك  قبلة خدين , بصلي عالقلب مرتين
كل ما يقولوا لك هرب , قولي صارت العودة حقين

05. لاجئ و يعيد | إنتاج الراس

@al-darwish-963 بالظل منربى - الدرويش

Chyno إنتاج و هندسة صوت : نصر شربجي 
تنفيذ و أداء و كتابة: الدرويش

"من ألبوم "الضالين

@GheirQissa بالتعاون مع


'Raised in Darkness' - Al Darwish
Produced and Mixed by Nasser "Chyno" Shorbaji
Performed and Written by Al Darwish

From the album " #El_Dahleen "

Vocals recorded at Audio Addicts, Hamra, Beirut
Mastered by Lopazz at Mixmastering, Germany

Artwork by: Ahmad Tarek (www.instagram.com/tycho23)

-----------------------------------------------------------------------------------------------

الكلمات:

بالظل منربى
جيوش عطشى
لزق بالكرسي بنزل طيزك عن عرشا
بلد طرشان
فغني للي بيخشع ولو درلك ادنه الطرشا
اذا تغطوا اسحاب الشرشف
تحت الدواهي عبيد الشك بيركعوا بسرعة وبيقوموا مهلا
اهلا أرض السمك يا نهلة
الزمن المفقود بيساوي طفلها بكهلا
ركود، كأنها آخر شفة بالركوة
فبتف طحلها
ذواكر صور حتى تزورني
بدا التيتة تسمحلها
جارين وكم شبّاك والشارع سمع بس تردحلها
شو بالزبط كان أحلى؟
العيشة ورا المسلسل قناة الرأي الواحد
روتين بيعيد شريطك انت وقاعد

كفي المدرسة عالخد البرد 
خدوا اللحم هاتوا عضم 
اقتلوا الطفل غذوا المارد
تقديس القائد
تقديس للسائد
مدن بتبيع مخيمات للعائد
وهي راحت

بالظل منربى ومنموت لما نموت
سؤال مبارح مفقود
شو صار بالتمانينات؟ جوابه ننسى الجامع نصلي بالبيوت
ادنه بين خيالك والحيط 
والمخبر عالمخدة
علموك تشكّ بحالك فطلع المخبر انت
والخوف ملكنا دبكنا ما دبكنا
بيعة جديدة للعرصيص صور وشه عكل رصيف
صف طويل لناس منومة الذل بالرغيف
ضحايا المجرم اللطيف فكان سهل يصطادونا
يطعمونا حلم بجنّة او بدولة ما منكونها 
علم علمين أعلام... كل الألوان
ولا لون منهم كان بيشبه لون عيوننا
والأنا بتخوننا 
عوضنا النقص بطول دقوننا
غيرنا دين الثورة
جبنا الأجانب يفتولنا
والمجرم حاصر عقولنا
فشفنا الروس أينعت ونزلنا نجيب محصولنا.

كلّنا سيزيف
كلنا سيزيف
ضحايا العالم الجديد والمجرم اللطيف
كلّنا سيزيف
بلا صخرة على كتافه
ضيّع سبب حياته
وبيموت ضعيف.

Bil'Zill Mnirba - AlDarwish // الدرويش - بالظل منربى

جيتي خلص اخدتيني وقعت عارضي حملتيني شفتي كل شي و ماشفتيني 
ليش هيك بصير

عقلي اليوم عم بيمليني اكتب عنك شاوريني امشي وراي و اتبعيني بس طريقنا غير

وانا لا انا لا انا لا أستطيع أن أغادر
علباب علباب علباب مستني غامر

وانا لا انا لا انا لا أستطيع أن أغادر
علباب علباب علباب مستني غامر

.......
قلنا خلص شفنا حالنا و مافي داعي للمرايا
بطلع فيكي و أنتي فيني و ما عم تصفى النوايا
وانا رايق ما عم حاول كون لحظة عنك غايب
كنت تمثالك بس الدرس اللي بعلم من امثالك

لاحظتك من بعيد و اكتشفت أنك قط 
انا اول روح لا تحسبي لسا باقي عندك سبعة
كنت البيت اللي حاويكي و كان هواكي اكبر غلطة
ولما الغلط بيعلمنا الدرس بكون شطة

بعدت عن كل شي و قربتلك كنت وراكي انا ظلك بس بقيان اني احلفلك انك خلص ولا شي
اليوم عم اكتب بكرا بغني اليوم احترق بكرا جنة كنتي لحن صرتي رنة و اليوم هو الأخير

جيتي خلص اخدتيني وقعت عارضي حملتيني شفتي كل شي و ماشفتيني 
ليش هيك بصير

عقلي اليوم عم بيمليني اكتب عنك شاوريني امشي وراي و اتبعيني بس طريقنا غير

وانا لا انا لا انا لا أستطيع أن أغادر
علباب علباب علباب مستني غامر

وانا لا انا لا انا لا أستطيع أن أغادر
علباب علباب علباب مستني غامر

تاني يوم حاولت انسى قلبي قال لعقلي بتندم و لما صحيت صرت اغطس باحلام ماكانت الي
النوم بعيوني انعمى قلبو مسكت كابوس جربت اكملو اجاني الموت قلت احبو لانك أرض ومكانك حلي

ليش دائماً مندمر حالنا و من عالمنا منطفش 
بسأل نفسي ميت مرا و ميت مرا راسي بخبط

انا شو انا لك انا شو انا 
الكاس قدامي ورجاني كيف العالم داير بهنا 
و انا شو انا لك انا شو انا 
مكتوب عليي اخصر ناس لحد مايجي يوم المنى

بايس ارضك لاتفكريني نسيتك بيوم
حابس حالي بين الناس فيكي متهم و مقتول

ايه

 فيكي متهم و مقتول

جيتي خلص اخدتيني وقعت عارضي حملتيني شفتي كل شي و ماشفتيني 
ليش هيك بصير

عقلي اليوم عم بيمليني اكتب عنك شاوريني امشي وراي و اتبعيني بس طريقنا غير

وانا لا انا لا انا لا أستطيع أن أغادر
علباب علباب علباب مستني غامر

وانا لا انا لا انا لا أستطيع أن أغادر
علباب علباب علباب مستني غامر




Sarbasst 
facebook
 https://www.facebook.com/sarbast.shik...
instagram ▼ 
https://www.instagram.com/sarbas_st/
soundcloud ▼
chikhou
https://soundcloud.com/sarbasst-chikhou
beat : Noise System
Mixed by : Abo Ali

facebook ▼
https://www.facebook.com/Paratroop?fr...

Alyom Alakheer | اليوم الاخير

موسيقى وإنتاج الراس 
@el-rass-the-head 
عمل فني ل إيناس مهذّبي
https://www.instagram.com/numidianes/

 طلال حيدر: "بيتي متل ورقة احترق ما عاد عندي أهل
شبّهتك بهالسهل، وقرص العسل عملو عمهلو النحل..
شبّهتك بحالي.."

محراك:
يمكن أنا حظّي قليل، الدنيا معركة هزمتني
أو الحرب وأمراضها شلّتني
عم بحسّ أنه الراب مش مجدي
شو عم بحكي!؟
مين بيعرف أكم واحد متلي!
أنا ميّت بس بحكي عيشتي ضحكة ع أبيخ نكتة.
ضاقت بنا السبل هربنا
ضاقت بنا السفن غرقنا
طافت ع موتنا الدول وعشنا إحنا البعبوص اللي بوجه الدنيا.
بصفن بوجوه الناس العايشة عادي
بطقع وحدة "ما فارقة" وبكذّب صدقيني
ببرم راسي عن شي تمن سنين لورا لا تواخذوني بهالكلمة ناوي أكمّل نص عيشتي، الحياة عم بتزبّل كفّك شريكتي. صرلي سنين عم ببزق
كانوا غرقوا لو سمعوا كلشي صاير فينا 
بس ورحمة كلشي انهفّ  إنّه ناوينلن ياها
منركب عالدنيا كلنا سوا يا منبنشر السفينة ونفضح أختها ملّا سيرة
يا منركب عالدنيا كلنا سوا يا منبنشر السفينة ونفضح أختها ملّا سيرة يا
منركب عالدنيا كلنا سوا يا منبنشر السفينة ونفضح أختها ملّا سيرة.

اللازمة | الرّاس: 2X 
"لاموني اللي غاروا مني
وقالولي اش عاجبك فيها
جاوبت اللي جهلوا فنّي
خدوا عيني وشوفوا بيها" *1

جسر:
دوري ضلّك دوري ضلّك دوري لندور
دوري ضلّك دوري ضلّك دوري لندور
دوري ضلّك دوري ضلّك دوري.

الدرويش @al-darwish
واقفة بأول الطريق لتستقبلني سؤالها تحت باطها: "ما الّذي صنعتم؟" لملم كلامي اعتباطا..
طلع جوابي فراطة؛ شاركتني فكرة.. شاركتها كيس بطاطا.
أنا تافه لما بدّي، معقّد بس لا تشدّي حنجرتي
ليل والصوت بيودّي، عقلي تركني وراح يطير وراكِ وأنتِ جنبي
فلا تحتدي... جايبلك صور لتتغدي.
بملك كلماتي وكم ليرة بس بفتحلك معصرة بقلبي
أمشي نعمّر ونسكن بالضيعة، بالضيعة الهوا غربي، وأرضي بتساعك... سرّبي
لنحط ّ الكون بعلبة.
خليلي عقلي بعطيكِ قلبي، خلّي الثّبات للمكان وأمشي ولو كلّ حدا بوجهة
منتلاقى يوماً ما واحتمال بكرا يصير كلشي.. فكان لازم قلّك:
كنتِ عكّازي ببيروت لما احتجتك.. كنتِ بيتي لما تسكّرت البيوت بوجهي
كنتِ رفيقة عن حالي بتشدّني كلما يطوف فيني جنوني بتحدّني، تسقيلي جذوري تمدّني.... بالطّاقة وقت الحرب، بالصبر وقت الهدنة، ضيع وبترجّعني، افلت عن محوري وتربطني اتكبّر وتغلبْني كنتِ ناسي وأنتِ ناسي...... وناسي ما بتتركني.


*1: كلمات اللازمة من التراث التونسي، للموسيقار الرّاحل "الهادي الجويني".


المسوخ
حم2018

موسيقتنا هاي | محراك . الدرويش |  إنتاج الراس Moseqtna Hai - Mehrak feat AL Darwish prod : El Rass

سايفر فلسطين الداخل والشتات
Through The Wall Cypher - من خلال الجدار سايفر
----------------
عمل قديم يضم 11 رابر فلسطيني كان مفروض يتصور ووقف بسبب بعض الظروف من انتاج
@albitar
----------------
الرابرز بالترتيب وعلى التوالي
عامر الطاهر - المختار
@ameraltaher

اسلوب - كتيبة 5
@osloob1

فوضى -منعم عوض
@monemawadfawda

بيغ سام - سامر صوان
@bigsam-official

مقدسي - فادي الطويل
@maqdesi

شعراب
@she3rap

دوديكس
@ohjeya

امجد ايه كي
@amjaadak

الباز - ابراهيم عودة
@illpaz

الشيفرة
@elsheefraa

تيسير عودة
@booster-beats

Through The Wall Cypher -   من خلال الجدار سايفر(Prod.bitar)

كورس

دون ماتشوفني يوم أنا صوتي سافر الك
في الأدغال اللي غامر أنا .. ملعون اللي قطعنا وباعدنا
راح عليه اللحن هاد

الفيرس الأول

مرات بكلمة مرات بجملة مرات ب "ما الراتب" بكفيكاش توصل البيت
مرات المرة عشان الحلوة .. مرات العزلة بتيجي بالعزلة.
مليون هليس وكل الأماكن زهق .. شجرة السعادة وانتوا اللي معكمش ورق
بتف بسابق الطرق لانه مافي شيء فرق .. ماتفكر صدري فاتح .. بانكسي هاتلي واقي للطلق .
هذا البيت هارون الرشيد وطبق فاكهة .. قولوا لمحمود فهمت اشتغلت الماكنة .. عند اختيار أماكنك اختار أماكنك ماكنة أنت في مكان وهاي صوتي مسافر لك.

كورس
دون ماتشوفني يوم أنا صوتي سافر الك
في الأدغال اللي غامر أنا .. ملعون اللي قطعنا وباعدنا
راح عليه اللحن هاد

الفيرس الثاني

أنا ملازمك كإني بلازما لازماك
خليت ال ويندوز الهم راح آخذ اللاست ماك
جدي أغلب الوقت لإنه دارك باست لكن هزلي مع الأطفال كإنه فلاش باكس
فيرس للصغار وفيرس للكبار بحاكي أجيال أصحاب فروقات كثار
أنا هدية من "خان الخليلي" وانت من المطار
بمثل ناسي جد مابلعبش أدوار
شايفك راسك بنهز هزه لينفك تقومش بنفعش هذا بوم باب صرف لاحق عالتراب مان لكن هذا الستايل مابنعاد اذا مختار غاب .. سألت حالي مرة اذا كفاي
واجهت مراي خسرت الراوند
شبكت الكرت وصلت الساوند
خبطت المايك انا ب ١٦ قتلت الراي انا بطلعش من الحكاي انا احد ابطال هاي الرواية ..

Almukhtar - Souvenir (Prod .DubCaravan)

Prod by Al Darwish إنتاج: الدرويش
Photo: Nader Bahsoun صورة: نادر بحصون

#مسوخ
#حم


بدو المدينة غزوا الشوارع عالرّينغ في خيم، فلا تسألني عشيرتي وين مضربا.
هالرقبة اشطبا متل بايرو "النجمة" بتضوّي لما يقطعوا الكهربا، ما بيشيلها غير اللي ركّبا.
أنا بنتمي للمناح اللي بيحافظوا على ضبط أعصابن وقت زعرانك بتنزل لتجرّبا،
قلوب أنضف من حسابي بالبنك، وعقول بتنهض بالبلد لهيك كان بدك تغرّبا.
بلعتونا بسورية بس أخواتي بكل البلاد عم يقوموا لتصير كل البلاد أوطان.. عم تفهم؟
أعمى القلب تابع أعمى، والتابع شبّيح، والشبّيح خاروف لو طار.. عم تفهم؟
فلا تستصعبوا طريق الحقّ لأنّه ما عاد تزبط، ع طريق الحقّ صرنا كتار....
كتار عم تفهم؟

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بحمص بالشارع
بالقاهرة بماسبيرو بالشارع

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بالسودان بالشام بحمص، بالشارع.

قلّي مين أقوى، الطايفة ولّا الجوع؟
طرق طايفة أو طريق مقطوع؟
نشوة السكرة ولّا الصوت المسموع؟
ضرب كفوف..
سنان ثابتة والرّئيس مخلوع.
هي لساحة التحرير وشهدا العراق وحسين العطّار، للي ثبتوا بالساحات.
هي ثورة على الذات، ع العرصات، هي مو ثورة لا ثورات. 
هي للي ماتوا قبل لنقلّن تعبن ما مات.
وهي صفحة جديدة وهي كل ما يقولوا الرقص مانه ثورة رقصة جديدة هي
ثورة عالبارانويا، ثورة عالأنكزاييتي، نفس لناسي اللي انردتلّها الرّوح شوي.
وهي رقصة جديدة صفحة جديدة هي كل ما يقولوا الرقص مانه ثورة رقصة جديدة هي.. 
لو ما بدقّ عالطناجر.
أنا طنجرة الحيّ.

هنيك\ تحت\ بالشارع
تحت مجلس العرصات بالشارع
جوا التُكتُك ببغداد بالشارع 
بحمص بالشارع
بالقاهرة بماسبيرو بالشارع
بيتي تحت.

بالشارع | In The Street

Written & performed by: Mazaj - https://soundcloud.com/191217
Produced, mixed & mastered by: @wardenclyph
Artwork by: Mohamad Radwan - https://www.instagram.com/_radwan8

Mazaj on FB: https://www.facebook.com/mazal.mazaj/
Wardenclyph on FB: https://www.facebook.com/wardenclyphmusic/
Mohamad Radwan on FB: https://www.facebook.com/mhd.robben

SPOTIFY

Mazaj - Zamakan (Prod. Wardenclyph) | مزاج - زمكان

Bkhaf nam By Jundi Majhul feat Bu kolthoum
Music Production : Jundi Majhul
Co-Production : Bu Kolthoum
Mixed and master : Bu Kolthoum
Cover art photo taken by :Aram Alsaed


Instagram Profile:
https://www.instagram.com/jundi_majhul/
Facebook Page :
https://www.facebook.com/Jundimajhulwatar/
Youtube :
https://www.youtube.com/jundimajhulwatar

Jundi Majhul - Bkhaf Nam (Feat Bu Kolthoum) | جندي مجهول - بخاف نام

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات

ما في شي احدثك عنو 
بسال كيفك؟ انا كويس ماشي الحال 
هيو في الخزانة معلق قميصك
و على ايدي رابط منك خلخال 
بحسك محال ... شو هالفال ما؟
نكبر  احلامنا تركض قدامنا 
بعدك بلشت اصدق كارما
بقلها بديش انسى، بترد ما في شي كان
هان! عشوي بفتح دكان 
براسي ضابب الك مكان
 وقفي جنان
بكرهك لما تضلي عطول بالبال
و بكره اني اكره اعطيكي هالقد اهتمام!
بس سيبك هادا كلو كلام 
ولما كل شي يقلب سيئ بضل تمام
سيبك كان النا اشياء حلوة بالماضي 
 بهاي الدنيا ولا عمرو شي دام 
و يمكن الظاهر مش زي المخبى 
قلبي ولد شقي ما عرف يتربى 
بضل برغي و اكتب بلكي يتتزبط 
عبث في بحر هواكي قلب قرصان
شعرك ذهب .. راسك خربان
فش حل الك بالزبط زي لبنان
حبك بتعب.. فكرت اني نسيان 
طلعت ملبسك السما براسي فستان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران 

بدهم يانا وحوش.. ضليت انسان 
الحب نصري المتواضع عالسجان 
حكاها وليد ابو دقة في الزنزانة 
بعد ٢٥ سنة اعتقال بسجون الاحتلال
و هيني ثابت نفس الموال 
بغنيكي بعقلي عنفس المقام 
اتضلي بعيدة و انا اضل رحال 
تسعتلاف ميل بيناتنا وانا بعدني علقان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران

Ma L2et Mkan - ما لقيت مكان

Producer/DJ based in Sweden

For business inquiries, production or mixing & mastering services, email: wardenclyphmusic@gmail.com

(All tracks posted and reposted were produced by Wardenclyph)

Mazaj - Zamakan (Prod. Wardenclyph) | مزاج - زمكان

ووردِنْكلِفّ | Wardenclyph

Recent comments

Eyad Ta

Wadea Wadea

ntly

ntly

Related tracks