wellsbox

wells box

cjhch

my fav

ana4iD

ثورة

بلادي ❤

https://www.facebook.com/haitham.alghetawy/

لولا الجبنا .. فرعون كان يطلعلنا من فين ؟
لولا الخايفين .. الخوف أصلا كان ييجي منين ؟
طول ما هي سايبة ومفتوحة ع البحري .. شمال ويمين
طبعا يتفرعن (س) م الناس أو (ص) أو عين

لولا الخايفين الخوف أصلا كان ييجي منين؟ - مقدمة مسلسل فرعون - تامر عاشور

Mostafa Amin | http://fb.com/MostafaAminWay | http://twitter.com/MostafaAminWay  | http://youtube.com/Moustafa0Amin

أنا مش مع 

غناء: مصطفي أمين

كلمات: محمد السيد 

ألحان: صهيب شكري

https://fb.com/SohaibShokryMusic

توزيع: أمير جادو

هندسة صوتية: عمر صلاح

إخراج: أحمد حنفي

أنا مش مع

مش إمعه

لكن عيوني بترتجل

دموع بترفض موت برئ في المعمعة

راح اكون مغفل واعترف

الدم مفيهوش تصنيفات 

أحمر مالوش لون مختلف

والجهلة لسه بيسألو 

هو تبع مين اللي مات

بيتاجرو بالجثة اللي بين ايد ربنا

شوف كام قتيل من عندهم 

وكام قتيل من عندنا

ايه اللي وداهم هنا

دلوقتي عاملين العلم هو الكفن 

كام قلب بيحب البلد مات واندفن

جنازة بتقابل جنازة وضربو بعض

مش كل انواع البشر بيعمرو في الارض

بس احنا برضه مكملين 

متجمعين في الاعلانات

Mostafa Amin - Ana Mesh Ma'a | مصطفي أمين - أنا مش مع

( 1)

يا دفترك والورده بين أوراقه
خطك وعطرك فوق سطوره اتلاقوا
بُكراكي بيسلم على الحلم الشهيد 
وبيبني جنة خلد فوق أشلاؤه
...

(٢)
يا وقفتك في الحر يا تكبيرك
يا لفتك وسط الكفن بحريرك
يا طهر ١٦ سنه كان يوم هنا 
قولي لطلقة غدر كتر خيرك
...
..................................
مسروقه روحك من وطن مسروق
يا هالة الشمس اللي مالها شروق
بنعزي روحك في شهاده مدرسه 
بشهاده تستنى قدومك فوق
................

(٣)
يا زفتك للجنه يا فستانك
يا سابقة خُطابك لعرس جنانك
لو سلم القلب الجميل للفضفضه
ماتكلميش الجنة عن أوطانك
٠٠٠

(٤)
احكي لحوريه عن عريسها الجيّ
اسمه على جبينه: الشهيد الحي
وماتغلطيش وترددي سيرة وطن
بيبوس ولاده بالرصاص الحي



غناء
محمد الصنهاوي

كلمات
إسلام هجرس

الحان 
صهيب شكري

توزيع
محمد هارون

جيتار
شريف فهمي

عود
هشام عصام

محمد الصنهاوي - حورية وطن

هو انتي ليه _ مصطفي أمين _ 2013 

غناء: مصطفي أمين
http://fb.com/Moustafa000Amin

                              |http://fb.com/MostafaAminWay |
                              http://twitter.com/MostafaAminWay
                              http://youtube.com/Moustafa0Amin

ألحان: صهيب شكري:
http://fb.com/sohaib.shokry

كلمات: مجمود السراج 

توزيع: شريف عبد السلام

مكساج: عمار خاطر

360Degree إنتاج

http://bit.ly/18khPPE الفيديو كليب 


هو انتي ليه رغم الظروف
أقوي من الناس كلها 

هو انتي ليه رغم الحروف 
ألغاز كتيره في حلها 

هو انتي ليه حضنك مجاز
متعطرة دايما بغاز 
بتبعديني بالانحياز
ومصنفاني مع العدا 

هو انتي ليه 
أصلا كده 

بتجبريني علي السفر 
وتطبطبي ع اللي كسر 

يا هاجره اللي انكسر 
يارامية صوتي اللي اتنبح 
أنا مش هسيبك للغفر
حتي ولو قلبي اندبح

حتي و لو كنتي كده
بتشكي أو متأكده 
أنا مش هسيبك للعدا
لو حتي كان .... طلمك قدر

مهما الحواجز تبعدك 
هفضل مكمل واوعدك 

أنا بكره جاي 
أنا بكره جاي 

مهما يزيد فوقي الرصاص
يوم الخلاص 
أنا قلبي حي

Mostafa Amin - Howa Inty Lieh | مصطفي أمين -هو انتي ليه

كلمات: مايكل عادل
ألحان: رامي يعسوب
توزيع: رفيق عدلي

محمد محسن - بلدك بعيدة

شعر : أحمد صلاح الدين
fb.com/SaladinDoc

جهز نفسك :

جهز نفسك إن صديقك
بكرة ف وقت الجد يسيبك
إنت لوحدك
إنت وحقك
إنت وكل العالم ضدك
مش وياك غير بس مبادئك
على كام حلم اتصبر بيهم
على كام وعد اتداروا ف صدقك
كل وعود الناس اتكسرت
فاضل وعدك
________
جهز نفسك
إن السجن يكون منطقتك
يخمد كل شرار من طاقتك
ينخر زي السوس ف إرادتك
وان الضلمة هتبقا صديقتك
________

جهز نفسك
إن ظنونك تبقا الواقع
وان مفيش في الدنيا موانع
واوعى تقول على شيء :
مش ممكن !!
إنت الوقتي خيال الأمس
حسن الظن بينفع لما
فيه إنسان لساه بيحس
بس ف دنيا العدل الأعمى
والأرواح تتباع بالرخص
حسن الظن أكيد مش نافع !!
________

إسأل نفسك ..
إيه الدافع ؟؟
إنك تخرج وسط الخوف
وتسيب راحة البال ف البيت
وانك تمشي طريق معروف
عتمة ونهش كلاب وصويت
بابه ملغم بالوطاويط
آخره غويط
إيه الدافع إنك تبعد ..
كنت بتمشي جنب الحيط !!
________

بعد ما تعرف إيه الدافع
اقف تاني ..
اثبت تاني ..
اوعى تخاف من نار ومدافع
اوعى تقولها ف مرة يا ريت !!
________

لما رصاصة هتقطع أجلك
بكرة هيدوا صاحبها نيشان
وانت هتبقا الجاني ف قتلك
واللي اتبرأ كان سجان
وان فاكر دمك يشفعلك 
هيكون بكرة دليلهم ضدك !!
ويلفقوا ليك ألف قضية
ويسبولك ملة ودين !!

فاكر موتك هيحننهم ؟؟
هم أساسا بني أدمين ؟!
________

جهز نفسك ..
إن الحق طريقه خطير
لكن واضح زي (الشمس)
سيب الدنيا بحالها
وطير !!
________

جهز نفسك
إن الكل هيمشي ف عكسك
طنش أي حاجات بتعاكسك
اهزم خوفك واقتل عجزك
واوعي رصاص الهم يصيبك

واما العالم كله ينافسك
جهز نفسك ..
إن النصر هيبقا نصيبك
________
Soundtrack:
Amorous Cello by Rick Dickert.provided by freesoundtrackmusic.com

حَـكْـي 1 | جهز نفسَك

إلقاء : أنس علاء - شقيق إحدى حرائر المنصورة 

شعر : أحمد صلاح الدين
fb.com/SaladinDoc

نصي الحلو
____

نصي الحلو اللي مكمّلني
لما بحس ف مرة بنقص
كانت دايما بتصدّقني
حتى ف يوم ما مشيت العكس
واما الكل بيبعد فضلت
كانت هيّ معايا وبس !!
 ____

كنت بشوف ف عينيها رجولتي
لما تغطي رقبتي كوفية
كانت أصلا غزل إيديها ..
خايفة تجيلي لسعة برد ..
واما اتأخر كانت تقلق
تسأل عني طوب الأرض ..
واما تلومني .. بضحك منها !!
كنت برد بكل برود :
إيه يا عبيطة  ليه قلقانة ؟؟
إنتي جبانة ..
وأطمنها
إني حاميها !!
إزاي إيد تتمد عليها
وانا موجود ؟!
 ____

مرة كلاب الظلم شافوها
نهشوا الفاضل من ضحكتها
نسلوا الباقي من رقتها
زي الخيط ..
سحلوا طيبتها
شدوا جيبتها
واتعريت ..
هي ف عتمة سجنها حرة
وانا محبوس ف انوار البيت ..
ربطوا إيديها
واتكتفت ..
 ____

بص ف عيني وشوف الذل
إن الحل مهوش ف إيديا !!
واني كسرت كلامي وخفت
واني ضعفت
لما عرفت ..
وان بلاط السجن الساقع
كان بيخلي لحافي اشواك
وان الضلمة بتعمي هناك
وان الأكل صفايح زفت
واني قرفت
بص ف عيني وقد ماشفت
مين الوقتي الراجل فينا
ومين الست ؟؟
 ____

تعرف إيه عن جرح القلب ؟؟
جرح القلب مهوش بيلمّ
من غير صرخة ومن غير دمّ
مش مسموع
طعنة بتغرس جوة ضلوع
مش باينين ..

هيّ قلوب ماشية برجلين ..
 ____

تعرف إيه عن ضحكة تداري
حسرة بتنطق بيها دموع ؟؟
لما يبان انك قلقان ..
غصبن عنها 
بس الدمعة
نزلت من غير استئذان !!
تعرف إيه عن يوم ف السجن
يتجددله ايام وشهور
نور الشمس مهوش بيبان ..
واما الصوم بيعدي أدان
بعد أدان ..
تعرف إيه عن طعم الجوع ؟؟
 ____

إيه وداها ؟؟
تنزل ليه ؟؟
برر جبنك للسامعين ..
عادي السحل وعادي القتل ؟؟
إيه الشرع وإيه الدين ؟؟
عادي إيديه تتمد عليها
قطع إيديه
بكرة الدور هيعدي عليك
أصل دا دين ..
لازم حتما هتوفيه !!
 ____

رقة صوتها بتزلزلهم
تحفر فيهم مليون شق
لما بتهتف بتحمسني
تملا القلب حياة ويدق

نصي الحلو بتنطق ثورة
لما تقول للظالم لآ
إزاي صوتها ف عينهم عورة
لما بينطق كلمة حق ؟!
 ____

Original Soundtrack : Amir Hedayah - Hope for Children

حَـكْـي 2 | نُصـي الحلو

شعر : أحمد صلاح الدين 
fb.com/SaladinDoc
صفحة حكي :- 
http://goo.gl/X6sVHw

و يـرجع يناير :
______

كإنه مفاتش عليه كام دقيقة
ف بالي تملي وفاكره تمام
وكان كله شايف بعينه الحقيقة
وأول هتافنا قصاد النظام
وأول مارجلي خطت ف الميدان
وأول ما خوفي انكسر جوة مني
وأول تحدي وأول بيان
وأول ما شمينا غاز الدموع
وأول ما قلنا ثبات من جديد
ولما قفلنا طريق الرجوع
وأول إصابة وأول شهيد
______
ساعتها كان الدم غالي علينا
وجمعنا روحنا وحمينا اللي باقي
وكانت حقوقنا دي نقطة تلاقي
كان الهم واحد وكان ظلم واحد
ومن غير ماننطق ما بينا وعود
وأول قلقنا ما داب ف الحشود
وأول ماشفت الصديق الحقيقي
ومعرفش عنه الا اسمه يادوب
_____
تلف الدواير بكل الفصايل
وكل المصاير وكل الدروب
تموت الضماير وتعمى البصاير
ويرجع يناير يصحي القلوب
_______
وفرطنا ف اللي خلقناه بإيدنا
وتهنا مابين ألف حاجة وحاجة
وضيعنا منا ميدانا بسذاجة
وترجع جيوش الضلام من شتاتنا
وترجع حياتنا ف إيده رهينة
ويرجع سكاتنا يخلص علينا
وع الباقي منا جنينا بإيدينا
وسيبنا السياسة تفرق ما بينا
رجع تاني يحكمنا نفس النظام
بنفس الملامح ونفس الوشوش
يادوبك يغير طريقة الكلام
وفاكر نسيته ومعرفتهوش
دا ساجن أبويا واخويا اللي مات
وجسمي بسلاحه معبي رصاص
وعمري ماهدفن حقوقي ف سكات
وعمري ماهرجع لذلي خلاص
______
وكل اللي ضايع من الثورة راجع
فهمنا دروسنا وحافظينها صم
وكل اللي فاضل من الثورة حلمي
وصاحبي اللي قاتله وصوتي ودم
مفيش حاجة اخاف اني أخسرها تاني
خسرت الحقيقة سنين من حياتي
وعمري ماسيبها تضيع من إيديا
دي سكة نهارنا وطوق النجاة
ومش خايف اخسر عشانها حياتي
وهي حياتي دي تبقا حياة !!
______
خلفنا وعودنا وتاهت مابينا
وآخر يناير هنرجع نتوب
تموت الضماير وتعمى البصاير
ويرجع يناير يصحي القلوب
______
ولسة ميدانا حافظنا وفاكرنا
بكل الاسامي ف كل الحيطان
حقوقنا محدش يرجعها غيرنا
وبكرة معادنا ف قلب الميدان
هييجي بجماله وبمدرعاته
ويرجع يطاطي عشانه جبان
ولسة ميدانا فاكرنا ويسعنا
ضميرنا يسوقنا سلاحنا دراعنا
جمعنا وبكرة هيجمعنا تاني
يوحد هتافنا قصاد اللي خان
_______
ميدانا ودارنا وآخر مدارنا
مصيرنا وقدرنا ممنوش هروب
تموت الضماير وتعمى البصاير
ويرجع يناير يصحي القلوب
______
  Orignal soundtrack by Amir Hidayah / Lost Hope /  Avastin

حَـكْـي 3 | ويرجع يناير

غناء: مصطفي أمين
|fb.com/MostafaAminWay |
twitter.com/MostafaAminWay
youtube.com/Moustafa0Amin

ألحان: صهيب شكري
fb.com/sohaib.shokry

كلمات: محمود السرّاج
fb.com/Csarrag

توزيع: شريف عبد السلام
fb.com/SherifARP

جيتار: شريف فهمي

كمان: Graça Carvalho

هندسة صوتية ومكساج: عمر صلاح


:كلمات الأغنية
آه يا آخر حد باقى
بعد ما مات الجميع
 سبتنى قبل أمّا تاخد 
حضن حتّى ع السريع 
سبتنى والظلم دولة 
والحياة بعد المداولة
 موتى كان آخر محاولة
 تحييى أوراق الربيع
 .. البُكا بلِّل سجاجيد الصلاه بالأدعيا
 والناس مازالوا بيقتلوا ف المُرسلين والأنبيا
 .. من غير حساب
 وانا لسه ببعتلك جواب
من غير لا ظرف ولا بريد أخبارك إيه 
.. وانتَ بعيد ؟
 غيّرت عنوان الوطن .. ولّا الوطن مفيهوش جديد
   لسّاك يا صاحبى بتفتكر .. لسّاك؟
  وتقف وتستنانى ع الشباك؟
 وتشبِّه إنى أنا اللى جاي هناك
 .. فتقوم تناديلى معلش مش جايلك 
إنتَ اللى هتجيلى 

لمشاهدة الفيديو 
http://bit.ly/LzxTEf

Mostafa Amin - Akher Had Ba2y | مصطفي أمين - آخر حد باقي




يا حلاة البنت لما تبدي خطوة من صغرها
و بقناعتها تتحجب تبغي عند الله أجرها


و في حلا الحجاب يكمل نورها في باقي عمرها
في عيون الناس تعلا لو يكون هو فخرها


لو جمال البنت زايد .. لو هي في الدنيا قمرها
ما حلاة البنت إلا .. في حياها و في سترها


و اللي ترضي والديها .. و ترضي الله من صغرها
تتوفق في الحياة .. و يعلا عند الله قدرها

(( نشيد الحجاب )) HUMOOD ALKHEDR (( حمود الخضر ))

بًالَحًيِلَ تٌشُتٌاقُ روٌحًکْ

اتوحدوا أحمد حمدي Wellsbox

انا مش اسف يا ريس - محمد النحاس Wellsbox

باب الزنزانه

رساله الي رسول الله احمد حمدي Wellsbox

محمد المهدي استعباط Wellsbox

محمد عباس مشتاق Wellsbox

مراجيح ياسر المناوهلي I Wellsbox

ياكش تولع Wellsbox

يتربي في سجنك . محمد النحاس Wellsbox

حد ضامن يمشي امن-محمد محسن-عم نجم

برومو البوم اولتراس نهضاوى "قصة نضال"

برومو البوم قصة نضال

في يناير كنّا في التحرير ايد واحدة .. قمنا بثورة شيلنا بيها الطغاة 
مات منّا في طريقنا خيرة شبابنا .. وحلفنا لا نرجع حق اللي راح
غلطنا وسلمنا الثورة للعسكر .. قسمنا وخلى الثوار ميه فريق
روحنا للصناديق لاجل منه نخلص .. عمل انقلاب خلى العدو صديق

فين الثوار .. رضيتوا ليه بالظلم والطغيان 
فين التحرير .. قفلوه وقالوا اصل دول اخوان 
يا كلاب العسكر .. راجعين ليكوا مين تاني ايد واحدة 
لاجلك يا شهيد .. نتوحد من تاني ضد اللي خان 
ضد اللي خان .. ضد اللي خان 


يناير 25 | من البوم اولتراس نهضاوي | قصة نضال

علم .. سجانه .. درس فى الصمود
راجع .. من تانى .. الثورة مسيرها تعود
يا ساكن الزنازين .. مكتوب على جبينك بطل
لا رصاص هيقدر يمنعك .. ولا حتى مليون معتقل

انا عمرى ما يوم هرتاح .. ولا هقبل اعيش مكسور
بكرة الظلم هينزاح  .. وههد عليك السور
يا ساكن الزنازين .. مكتوب على جبينك بطل
لا رصاص هيقدر يمنعك .. ولا حتى مليون معتقل

سجنك حرية | من البوم اولتراس نهضاوي | قصة نضال

الثورة لسا في قلبنا .. والموت علشانها حلمنا
والنور هايشرق بعدنا .. وهايحكوا عنها الف جيل
رجالة اشجع م الأسود .. والحق نور لازم يسود 
هانكسروا كل السدود .. منا حلمي صبح مالوش حدود

وفي كل ميدان زلزال بركان .. الثورة في كل شوارعنا وحواليها كمان 
خارجة الملايين مستنيين .. شايلين اكفانهم على ايدهم ليوم الدين 

خمسة وعشرين قالوا عيال .. فوقفنا اثبت م الجبال
واتزلزلوا بهتافنا خاف.. ولا همنا من يوم ما قال
وفي كل ميدان زلزال بركان .. الثورة في كل شوارعنا وحواليها كمان 
خارجة الملايين مستنيين .. شايلين اكفانهم على ايدهم ليوم الدين 


بركان الثورة | من البوم اولتراس نهضاوي | قصة نضال

كلمات:محمود السراج
https://www.facebook.com/Csarrag
ألحان:صهيب شكري
https://www.facebook.com/SohaibShokryMusic
توزيع:شريف عبدالسلام
جيتار: روكيت
مكساج وماستر: عمار خاطر


BGHANYLAK - mohamed abbass   بغنيلك - محمد عباس

نشيد رائع للشيخ مشارى بن راشد لمصر الغالية

نشيد لمصر ( الله الله ياربى ) مشارى راشد العفاسي

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

Moustafa Amin 
                         |http://fb.com/MostafaAminWay
                        | http://twitter.com/MostafaAminWay
                         |http://youtube.com/Moustafa0Amin

حمل كبير من ألبوم قادرين 2012 ل مصطفي أمين 
كلمات :محمد السيد
ألحان : صهيب شكري
توزيع :ياسر ماجد 
هندسة صوتية و مكساج : عمار خاطر
جيتار :شريف فهمي
فلوت : عماد عاطف
منتج فني : صهيب شكري
إشراف عام : خالد عبد الله

كلمات الأغنية 

لأن العمر حمل كبير 
بتبقي كتافي محنية
ساعات و ساعات 
في أوقات الدموع بالذات 
وروحي بتنكسر مني
و برده ساعات بكون جني 
وأدوس بالصبر ع الأزمات 
 مصير الجي يتعدل
 و لو حتي ما يتعدلش
محدش فينا كان قادر
يغادر ولا مايكملش
وانا عكازي كان معلش
وبتسند علي عادي 
وادادي السكة والمشاوير
لا هقدر ع الوصول بدري 
ولا هقدر ع التأخي

Mostafa Amin - Heml Kebeer |مصطفي أمين - حمل كبير

مقال خالد البري: ١٥٠ نكتة سياسية مترقمة - جريدة التحرير - نسخة مقروءة بصوت الكاتب

١٥٠ نكتة سياسية

أجمل نشيد سمعته في حياتي, يتكلم عن الحجاب-

ويلزبوكس | للتواصل أو ابداء الاراء يمكنكم مراسلتنا على 
fb.com/Wellsbox
info@wellsbox.com
General Information
Mobile. :01005268650
website :www.wellsbox.com
E-mail :wael@wellsbox.com
:info@wellsbox.com
skype:wellsbox

رساله الي رسول الله احمد حمدي Wellsbox

WellsboxShow