أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

والنبى ياغزال

‫إسماعيل يس - صاحب السعادة‬

 الناس بتجري ورا حالها و العيش غربها و رحلها
ظهرت في فيلم بحلم لساندرا نشأت
:)

حسن مرسي - بلد الحبايب

بيبه 
عمي حماده بيبه ..
بيبه جبلي طبق .. بيبه
بيبه مليان نبق .. بيبه 
بيبه قاللي كولي بيبه..
بيبه قولتله ما اكولشي بيبيه
بيبه اديه لاماك .. بيبه 
..بيبه امي بعيد بيبه
بيبه اخر الصعيد . .بيبه ..
بيبه و الصعيد مات .. بيبه
بيبه خلف بنات ..بيبه 
بيبه خلف بنيه بيبه ..
بيبه اد الجطيه بيبه
ا خدها بدبايح .. بيبه .. 
بيبه و السمن سايح .. بيبه 
..بيبه سايح لوف بيبه .
.بيبه و عمللي طوق .
يالي يالي يالي يالي يالي ايل يالي
يا احمد علي يا احمد علي
اسمك علي لساني ..
بيع النخيل يا احمد علي 
و هاتلي خولخالي
----------------------------------------
عرق البلح 
حكاية قرية رحل عنها الظل 
حين سقطت نخلاتها العالية 
وانكشف رعب الشمس
المخرج والمؤلف الرائع : رضوان الكاشف  :)

كلمات : عبدالرحمن الابنودى  وألحان الرائع : ياسر عبدالرحمن 

اغنية بيبه .فيلم عرق البلح

The Dome

Take Me With You - خدني معاك ان كنت مسافر

- خد البزه واسكت  غناء نعيمة المصرية

خليك فاكر مصر جميلة غناء إسكندريلا
 رباعيات جاهين إلقاء يسري فوده
شعر  فؤاد حداد إلقاء سامية جاهين و أمين حداد
=======================================
واللي بيعلى بيعلى
وقولة القلوب عند بعضها
واصله السما بأرضها
وبني آدم سلاح نفسه وصاحب رأي
وقبل الناس ما تكتر السنين كانت كتيره
افرش حصيرة وخلي البساط أحمدي
الليل بسيط يا مصادفني من آخر السكه
قرب من الناحيه دي
ماليش خيال إلا أن رمتني بنور هادي
ورميت علي السلام
في مره طالع من حسن الأكبر على باب الخلق
بين مغربيه وعشا، لقيت القمر في وشي كبير
وقريب.
تطلع عيونك سلم سطوح بيت:
على حدفة دراع من هنا القلعه ومن هنا العتبه،
والقمر لون الحنان الصيفي والماضي الصغير
زي اللي خجلان شويه من بهجته وحسنه
وعلى مذهب شارع محمد على الترموايات
قاطعه الخليج بجرس يجري.
والقمر ميال لكل الدنيا، مالي الدنيا
فوق العباسيه ولبعد الزيتون على نخل.
لبلاد تقول نجع وبلاد تقول كوم. فى نفس
اليوم ، على مزلقان الجيزه و مقبل سارح
غيطان ، واقف على كل محطات السكه الحديد،
واسكندريه.
فى باب الخلق اتملا القرطاس بفول أخضر
رميت علىّ السلام نورت يا ولدى
=================================
عمرك سافرت الفجر عمرك بكيت
عمرك شقيت من غنوه تسمعها
عمرك لقيت نفسك ومديت لها
خطوة صبا
عمرك شكرت أخوك وسقف البيت
وعيون تودك والنظر واللقمه
عمرك خجلت لأن أطيب منك
انت اللى قادر تنفعه
عمرك سألت سؤال
عمرك كتبت لمنكسر مكتوب
ايدك بترعش لما بيملّى
عمرك بدأت عمل وكنت شباب
عمرك سهرت عليه
عمرك جمعت الصبر والحرقه
عمرك خليت تحت الشجر والنور
عمرك طلبت من الريحان دنيا
عمرك مشيت بين الحبايب مغمّض
فى كل خطوه تقول بلادى جميله

02Eskenderella

خليك فاكر مصر جميلة - إسكندريلا

يلا بنا نتمرجح سوا_ سناء البارونى_ بين القصرين.mp3

منديل الحلو

I am Wessam El Din. My music is what defines me. It is my weakness and strength, my nightmare and dream. It is my past, present, and most importantly my future.
My music paves the road to where I should go and where I shouldn't. My inspiration (or music) leads me to what is right and what is not. It is my compass that can never go wrong.