سيرة الحب

عادل مختار - أمل منك.. أصد عنك؟! - إلى فاطمة ناجي

انتي هم حبيتي مثلي؟

‎⁨ شلون تنسى ⁩.

الصورة من تلك الليلة. وقد سبقت وفاة القصبجي ب ٥٠ يوما

طول عمري بخاف من الحب
وسيرة الحب وظلم الحب لكل اصحابه
وأعرف حكايات مليانه آهات
ودموع وأنين والعاشقين دابوا ما تابوا
طول عمري بقول لا أنا قد الشوق
وليالي الشوق ولا قلبي قد عذابه
وقابلتك انت لقيتك بتغير كل حياتي
ما عرفش إزاي حبيتك
ما عرفش إزاي ياحياتي
من همسة حب لقيتني بحب
وأدوب فى الحب وصبح وليل علي بابه

فات من عمري سنين وسنين
شفت كتير و قليل عاشقين
اللى بيشكي حاله لحاله
واللي بيبكي على مواله
اهل الحب صحيح مساكين
ياما الحب نده على قلبي ما ردش قلبي جواب
ياما الشوق حاول يحايلني واقول له روح يا عذاب
ياما عيون شاغلوني لكن ولا شغلوني
إلا عيونك انت دول بس اللى خدوني وبحبك أمروني
أمروني احب لقيتني باحب وأدوب فى الحب وصبح وليل على بابه

ياللي ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم اما الحب ياروحي عليه
فى الدنيا ما فيش أبدا أبدا أحلى من الحب
نتعب نغلب نشتكي منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
أنا خدني الحب لقيتني باحب وأدوب فى الحب وصبح وليل علي بابه

يا اللى مليت بالحب حياتي أهدي حياتي إليك
روحي.. قلبي.. عقلي.. حبي كلّي ملك ايديك
صوتك.. نظراتك.. همساتك شيء مش معقول
شيء خللي الدنيا زهور على طول وشموع علي طول
الله يا حبيبي على حبك وهنايا معاك
الله يا حبيبي يا حبيبي الله الله
ولا دمعة عين جرحت قلبي ولا قولة آه
ما بقولش فى حبك غير الله
الله يا حبيبي على حبك الله الله
من كتر الحب لقيتني باحب
وأدوب فى الحب وصبح وليل على بابه