مُسلسل النَّدم.

فَإنَّ الْقُلُوبَ أَمْسَتْ شَظَايا .

غَـــني للناس للحُـب 💜

بحياتي كنت دوماً المعطاءة المُحبة ، الطفلة بداخلي ما كعدت ولا لحظة وبقت مبتهجة ، يجوز تبدر منها اخطاء بس ابداً ابداً مو بقصد ، احب غدير الصغيرونة ومتعاطفة وي غدورة الي بالعشرين ! 
الصداقة عذبتني هواي ، صديقات قريبات خذلوني لكن عندي صديقات عوضوني كل المحبة منهن فاطمة علي وملاك علي احبهن هواي ،
الحُب غير مُنصف لكني احب الحُب بكل لغاته وكل البهجة بيه 
احب اعيشه ومؤمنة راح يجي انسان ينطيني مشاعر حلوة بقدر الي راح انطيها ، تأخر لقائي بيك يا حبيبي - ماعرف انت منو ، ولا اعرف شوكت حتجي ..
اللي اعرفه عنك هي القيم اللي اني مهتمة انو تكون بيك ..و انك حتكون لحياتي بمثابة إضافة چبيرة وكلش حلوة ، و واثقة انو حكون لحياتك هيچ همين ..
تدري شي؟ متحمسة ، متحمسة انك تطلع مني النسخة اللي مليانه حُب لروح ثانية غير روحها ..
متحمسة انطيك كل هالمشاعر اللي محافظه عليهم بگلبي الك ، 
متحمسة ادزلك الاغاني اللي لگيتك بيهم واني بعدني ماعرفك حتى ..
متحمسة انك تشوف الشغل اللي اشتغلته على نفسي اللي خلاني اگدر اختارك و اوصلك بگلب سليم مابي عقد نفسية و گادر انه يحبك بأحن طريقة ،
متحمسة همين اشوف انت شلون شتغلت على نفسك لدرجة انو قررت اشوفك مُناسب؟
متحمسة احچيلك عن اللي اختاروني بس بعدت عنهم لانهم ماچانوا انت ..
وعلى گد هالحماس وعلى گد هالمشاعر الحلوة بس مداسعى انو الگاك .. داسعى انو الگاني بالأول لان اعرف كلما لگيت نفسي اكثر ، كلما قرب موعد دخولك لحياتي. بس اعرف النهايات دايماً تحتاج صبر، واحنا لبعض احسن ثنين وين ما كنت تكون ، احبك 
اريد يبقى ذكري طيب ومحبتي تارسة قلوب الناس

محبات 💜💜💜💜🦋

قناة التلي /https://t.me/ghdora23
Insta:- ghadeer.waled

مُسلسل النَّدم.

A