-انا كنت فاكرة إنك سافرت
 -ما قدرتش أسافر من غير ما أشوفك.. لسه مخصماني ؟!.. ما هو لازم حاجة من اتنين ، يا مخصماني يا خايفة مني ! 
- وهخاف من إيه ؟ 
-سؤال وجيه .. الواحد بيخاف من شخص تاني ليه ؟! إما إن الشخص ده مؤذي أو .. خايف يحبه ! 
-أنا عمري ما هاحب حد ! 
-متأكدة ؟! 
-طبعا متأكدة ! 
-أنا شخصيا مش متأكد ! 
-قصدك إيه ؟ 
- قصدي إن إنتِ حتحبيني ..حتحبيني أنا .. حتصبحي في يوم من الصبح وتكتشفي إنك بتحبيني .. بتضحكي على إيه؟! 
-ياريت يكون عندي ثقة في نفسي زيك كده يا حسين ! 
-مش فاهم حاجة ! 
-إيه اللي بيخليك متأكد بالشكل ده زي ما أكون أنا شخصياً قلتلك إني .. إني بحبك ! -الحاجات دي الواحد ما بيقولهاش بلسانه قد ما بيقولها بعينيه 
-وعينيا قالتلك إيه بقى ؟ 
-كفاية إنها ما بتلمعش إلا ليا أنا بس .. كفاية إن وشك ما بتنوروش الابتسامة إلا ليا أنا بس - انت بتتخيل حاجات وهمية .. حاجات ما حصلتش أبداً ! 
-خديني على قد عقلي .. 
- أنا آسفة يا حسين 
-لا أرجوكي أنا عايز أشوف وشك منور النهاردة زي ما شفته أول مرة .. عايزة صحيح تسعديني قبل ما أسافر ؟ .. طب خلينا نحلم مع بعض .. نفرض مثلاً إنك صحيتي يوم الصبح واكتشفتي إنك بتحبيني ! 
- وبعدين ؟!
 - وبعدين حتروحي على مكتب التلغراف وتبعتيلي تلغراف على عنواني في ألمانيا 
- أقول فيه إيه ؟ 
-قم بالترتيبات اللازمة لعقد زواجنا .. سأخبرك في البرقية التالية بموعد الوصول - وبعدين ؟ - تركبي المركب وتيجي
 - كل السكة دي لوحدي !!! 
- دي السكة اللي ضروري تمشيها لوحدك !
 - طب افرض إن البحر كان هايج والموج عالي ؟!
 - عشان نوصل للبر ضروري نواجه الموج والبحر 
- وعالبر ألاقي إيه ؟.. قهوة مدلوقة ؟!.. ما تضيعش وقتك ..أنا مفيش فايدة مني ! 
- ليلى ..عارفة حتلاقي عالبر إيه ؟! حتلاقي حاجة أهم مني.. أهم من أي إنسان تاني .. حتلاقي نفسك .. ليلى الحقيقية !

الباب المفتوح:صالح سليم_فاتن حمامه....نفرض مثلا انك صحيتى الصبح و اكتشافتى انك بتحبينى

يوم أزِف الفرحة زف
ويوم أعاني
يوم أقول الموت أخف
ويوم مكانتش الدنيا سيعاني !❤️🌿

- فؤاد حدّاد

♫ ...
اتمنى ده يفضل المكان الوحيد الحنين عليا فى العالم 🤍

الموسيقى هي الذنب الاول ، الوجهة و الضياع..الملجأ الاخير

كان لابد من شرخٍ ما .. هكذا يتسلل النّور

الباب المفتوح:صالح سليم_فاتن حمامه....نفرض مثلا انك صحيتى الصبح و اكتشافتى انك بتحبينى

Yasmine_Fouad