الشيخ إمام

ياللي تشكي من الهوى

ياللي تشكي م الهوى هوّن عليك
واشتري قلب الحبيب بدموع عينيك

إنت سلمته فؤادك قبل ماتعرف هواه
--
ياللي تشكي من الهوى

ياللي تشكي م الهوى هوّن عليك
واشتري قلب الحبيب بدموع عينيك

إنت سلمته فؤادك قبل ماتعرف هواه
--

وإنت هنيته ف ودادك وارتضيت منه جفاه
ليه تقضّي الليل حزين   وانت فى حبك أمين
هو ذلك فى الغرام صعبان عليك؟

الوداد روح المحبة واللي مال
يبقى طول العمر في أسر الجمال
يحلى في عينيه العذاب لجل ما يرضى الحبيب
إن سمح يوم بالعتاب يفتكر وصله قريب
بين صدوده وبين رضاه  
واللي يعشق يسعده طيـف الخيــال
ليه تقضّي الليل حزين وانت في حبك أمين
هو ذلك فى الغرام صعبان عليك؟
صعبـــــــان عليــــــــــــــــــــك؟

كلمات: احمد رامي
ألحان: زكريا احمد
مقام: بياتي
تاريخ: 1932
http://www.misrfone.org/

تسجيل نادر للشيخ امام عيسى - تقاسيم + ياللي تشكي من الهوى

ياللي جفاك المنام
عليل اليف السهاد
النوم عليا حرام
وانت طريح الوساد
ياما ضناني الانين
http://www.misrfone.org/

تسجيل نادر .. الشيخ امام يغنى رائعة محمد القصبجى ..ياللى جفاك المنام

و قلوبنا معاكي يا سيناء يا رما الله يا دير ياسين
يا بولانيا يا بلدنا يا شابة يا جناير يا فلسطين
يا بو ودن تقيلة ما تسمع على جيلنا قالو اللعنات
ومرارة دبح خواتنا على سيناء تقول حكايات
اللعنة اللعنة يابلدنا سبع مرات ملعنون الحل السلمى
او نندب ع اللى مات او نسكت او نتكلم بالشروة نبيع روايات
او نرضى بكلمة تمانع لغناوي الرشاشات
¤ ¤ ¤ ¤ ¤
يا اصيلة يا ارض بلدنا حبوكي المحتاجين
زرعوا القمحات على صدرك خطفوها الدجالين مدينا القبضه نجيبهم كانو فوق ومتبتين والسلم فين ياصحابى وشاهين نجار وأمين وبناتو التسعه يلالو ياولاد الشوم جعانين عاوزين مسمار لذراعه عند الحداد ياسين وياسين واقع من طوله والفرحه تجيلوا منين محتاجه الفرخه لقمحه من ضمن المحرومين والقمحه في بيت القادر والقادر بيته بعيد على سوره دخول وحراسه وبيبانه حديد فى حديد يسحبله الخطوه بخطوه شايلين النور والنار والخطوه تنقص خطوه والليل يطلعله نهار تخبطنا الظلمه نهابر ونزيح فى جدار وجدار للقدس مطاف مشوارنا بالحرب هنمحى العاااااار

الشيخ امام - بالحرب هنمحى العار

ع اللى حاصل ف الحواصل
يا سلاملم يا سلام
الكلام عايز أذاعة
والوطن عايز كلام
وإلإذاعه مستباعه
للمياعه في الغرام
والبلد آخر مجاعه
والجماعه فى انتخام
وإللي يخشى إنه يمشي
جيم وريه ودال ولام
ينقح الكلمه الرصاصة
ع القصيدة وع المقام
تدوي زي الرعد تدوش
تهتك الذوق واللتام.
ينكشف جسم الحقيقة
تظهر اللقمة الحرام

يا سلاملم يا سلام
والوطن عايز كلام
إلإذاعة مستباعه
قول ياعم الشيخ إمام

بينما و الحاله نيله
والبلد بالعه الفتيلة
والخواجة بألف حيله
جاي يلغوص فى البرام
يحكوا عن أسطي الفلاسفة
إنه أفتى ولا أفسى
فى القضية الهيكلية
وإن دي ما هوش منافسه
وأنت مالك يا أسطي فلس
جاى تحسس أوتملس
الخواجهة لما فلس
جاب دفاترينه القدام
دشدش الباترينة تبعه
شد شعره
عض صابعه
إنت إيه شأنك تتابعه
أما مخك مش تمام
شالوا هايكل جابوا علوه
كلهم في الهم بلوي
إنت شوف لك سهره حلوه
بكام ازازه وجوز حمام
وإحنا صاحيين للخواجة
وإللي جايبين الخواجة
وإحنا كاشفين كل حاجه
وأنت تتنيل تنام

ع الهيافه في الكلام
شوف يا عم الشيخ إمام
ديه خلق فاضية وعامله قاضية
وهى موضع الاتهام

بينما شهدانا لسه
دمهم أخضر .. ولسه
جرحهم في القلب لسه
بيواجعنا لو ننام
يحكوا عن واحد صاحبنا
كان أمين دايرة صاحبنا
والدواير قرع داير
ع الجميع قرّان صاحبنا
نزل العداد وهاتك
واعلا وأنزل بجنيهاتك
خد مراتي وهات مراتك
كله ماشي يا عب سلام
واما ريحه القرع فاحت
ع إللي باني و ع إللي فاحت
والإشاعة جت وراحت
جابوا تفسير المنام
عابوا فنانه في زمانها
بعد ما الزمان غبنها
رحنا مصر وجينا بنها
وإحنا سارحين في الكلام

يا سلاملم يا سلام
والوطن عايش آلام
والإذاعة مستباعة قول
يا عم الشيخ إمام

ع اللى حاصل في الحواصل يا سلملم يا سلام .. الشيخ أمام (تسجيل نادر)

أنا رحت القلعة - الشيخ امام


دلي الشكارة جنب الشكارة
و اقعد يا حفني ولعلك سيجارة
فكّـر شوية .. بالعيشة دية
إيه القضية إيه العبارة
من صغر سني
شقيان لكني
ما لط سني غير البصارة
....
و دخلت حارة من جوة حارة
و فكل حارة عليت عمارة
و سط المعامل بنا و مناول
بس المقاول كلني بشطارة
و لا خلى صرة و لا لقمة حرة
و العيشة مرة .. أخر مرارة


دلي الشيكارة....الشيخ امام

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

زروني كل سنة مرّة - الشيخ امام باريس 1989

محتار يا ناس - زكرياء أحمد - الشيخ امام

وبعد إنقطاع بسبب الإمتحانات ، نرجع لحفظ التراث ..
تراث الشيخ إمام ، وتراث عمنا الفاجومي وزين العابدين فؤاد والناس اللي ممكن يضيعوا مع الوقت ويتنسوا والفن اللي اتقدم ميستحقش إنه يندثر! ^^ 

من الأغاني اللي تتسمع في نص الليل ومحدش يمل ولا يكل منها ، الموال ده " يا شمس ياللي هالّه" مُبهج وفيه نوع من الهدوء الجميل .. :))
استمتعوا! :))
==

يا شمس ياللي هالّه يا حبنا الحلال 
يا مدَهِبَلنا الغِلّه يا مكبره العيال

يا مخضره الحدايق
يا محمره الحرايق
يا مسيبه الشعور لينا وللخلايق
بنشوفك بالطابور
بنشوفك بالدقايق

يا سايحه عالضفاير
يا ورده عالستاير
يا منشفه الهدوم
يا ملمعه السراير
يا منقرشه النجوم
يا منفسه العماير
بستنظرك بدمي في كل الزنزانات
وحرسمك بكفي على صدور البنات

يا شمس ياللي هالّه يا حبنا الحلال
يا مدهبلنا الغلّه يا مكبره العيال ..

غناء : الشيخ إمام
شِعر : زين العابدين فؤاد

#قاوم! 

الشيخ إمام - يا شمس ياللي هلّه

الشيخ إمام عيسى يغني و يتسلطن في جلسة خاصة : آه من لقاك في أول يوم كلمات محمود بيرم التونسي و تلحين الشيخ زكرياء أحمد و كانت قد شدت بها أم كلثوم كما شدا بها قبلها ملحنها الشيخ زكرياء 
اهدي لكم هذا التسجيل النادر أحبتي من مكتبتي الموسيقية الخاصة

الشيخ إمام عيسى : آه من لقاك في أول يوم تلحين زكرياء أحمد روعة و سلطنة

الشيخ امام عيسى - على بحبو ياعينى ياليلى اللى مسهرنى بطول الليل
من تسجيلات فرنسا
Theatre des Amendiers - Nanterre

الشيخ امام عيسى - على بحبو ياعينى ياليلى اللى مسهرنى بطول الليل

يقال ان الثنائي الذي لا ولن يتكرر " الشيخ امام عيسي والفاجومي احمد فؤاد نجم " ذاع صيتهم وخصوصا بعد اغنية ( اتوب عن حبك انا )وفي التراك ده خصوصا صوت امام كان ممتلئ بالشجن والطرب وكذلك الكورال
طبعا من الحان الشيخ امام وكلمات احمد فؤدا نجم وذلك عام 1962 
كلمات الاغنية :
أنا اتوب عن حبك أنا ؟ أنا لي ف بعدك هنا 
دنا بترجاك الله يجازيك
يا شاغلني معاك وشاغلني عليك
وان غبت سنه أنا برضه أنا ل
ا اقدر أنساك ولا لي غنا ولا اتوب عن حبك أنا
زي ما يحلالك زي هواك
سهرني عليك سهرني معاك
دنا عمري ما اخاف من هجرك يوم
ولا قلبي بيفرح غير ونا وياك
وان كان أمل العشاق القرب أنا أملي ف حبك هو الحب
وان غبت سنه أنا برضه أنا
لا اقدر أنساك ولا لي غنا ولا اتوب عن حبك انا
أنا لا اتمنيت ولا قلت يا ريت
ولا بعدك عني جعلني سليت
دنا كل منايا أدوق اللوم ويقولوا علي الناس حبيت
وان كان أمل العشاق القرب وأنا أملي ف حبك هو الحب
وان غبت سنه أنا برضه أنا
لا أقدر أنساك ولا لي غنا ولا اتوب عن حبك أنا
تخاصمني كتير تصالحني كتير
كل دا يا حبيبي ما لوش تأثير
توصلني سنين تهجرني سنين ما تغيرنيش دنا حبي كبير
وان كان أمل العشاق القرب أنا أملي في حبك هو الحب
وان غبت سنه أنا برضه أنا
لا اقدر انساك ولا لي غنا ولا اتوب عن حبك أنا

النسخه الطربية من - اتوب عن حبك انا

الشيخ إمام - عشانك اركب الصعب

الشيخ امام عيسى - اقبلى يانشوة المشتاق مرة

من أشعار زين العابدين فؤاد
..

الفلاحين بيغيروا الكتاني بالكاكي
ويغيروا الكاكي بتوب الدم
وبيزرعوك يا قطن ويا السناكي
وبيزرعوك يا قمح سارية علم
وبيدخلوكي يا حرب فحم الحريقة
وبيزروعكي يا مصر شمس الحقيقة
***
وانتي ميدان الحرب.. سينا البداية
وانتي جنينة الصلب.. والنصر غاية
وانتي البكا والغلب.. انتي الرحاية
وانتي البارود والحب.. والحرب جاية
***
غنوا التلامذة الصبح للحرية
الفلاحين ضموا غيطان القمح
رفعوا الرايات في الفجر متندية
رفعوا السنابل بنادق
عبوا البنادق بارود
الرمل قادت حرايق
والنار في دم الجنود
***
والحرب زي جناين الحرية
مهرة ومالهاش حدود
والحرب لسة ف أول السكة
اتفجري يا مصر
اتفجري بالحرب ينطلق النهار
اتفجري بالحرب ضد الجوع ضد القهر ضد التتار
اتسلحي للحرب بالحرية
واتفتحي وردة بدم ونار
واتجمعي من ألف صرخة وضحكة
والحرب لسة ف أول السكة

الشيخ إمام - الفلاحين

يا شارب الكاس + أنا في إنتظارك - الشيخ إمام - El Cheikh Imam - Sheikh Imam

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

الشيخ إمام  _ عطشان يا صبايا

Imam Mohammad Ahmad Eissa or Sheikh Imam (Arabic: إمام محمد أحمد عيسى‎) (July 2, 1918 – June 7, 1995) was a famous Egyptian composer and singer. For most of his life, he formed a duo with the famous Egyptian colloquial poet Ahmed Fouad Negm. Together, they were known for their political songs in favor of the poor and the working classes.

Sheikh Emam Complete Works
A Part Of GramaFoon Project
www.gramafoon.com
Visit Our Other Accounts
@www.soundcloud.com/OumKolthoum

Stay Tuned For More

الشيخ إمام

YasserSM