03 - مصطفى إبراهيم

Mostafa Ibrahim - مصطفى إبراهيم

مصطفى ابرهيم

أنا نقطة مياه فى حنفية أخرتها تعيش فى الحوض ساعة
أنا مهما الرحلة تطول بيا أخرتها هروح فى البلاعة

مصطفى إبراهيم

Mostafa

Mostafa Ibrahim - مصطفى ابراهيم

مصطفي ابراهيم

مصطفى ابراهيم

الكوتشي اللي باش .. بصوت مصطفى إبراهيم .. ويسترن يونيون فرع الهرم ... :)

الكوتشي اللي باش - مصطفى إبراهيم

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

موسيقى و هندسه صوتيه : رفيق عدلى

Recorded and mixes at One Take Studio

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
"العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
أبو طلق من غير صوت
فيه الجيوش ما بقوش
لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا

Mostafa Ibrahim
https://www.facebook.com/mostafa.ibrahim?fref=ts
Rafik Adly
https://www.facebook.com/pages/Rafik-Adly-Works/105834799486969?ref=notif&notif_t=page_user_activity
OneTake Studio
https://www.facebook.com/pages/Onetake-Studio/627330647334095

البنكنوت(بموسيقى) - مصطفى إبراهيم

ساقية الصاوي 11.9.2015
 
شعراء :
مصطفى إبراهيم
مايكل عادل
أحمد حداد

تلحين و غناء :
شادي مؤنس
حازم شاهين

موسيقيين :
هاني بدير
فريد جاد
جون سامي
سيكا
أحمد الموجي



- مقطوعة موسيقية - حازم شاهين
-  كات ها تفرق في الوداع - مصطفى إبراهيم
- ع القد - مايكل عادل، شادي مؤنس
- عكس الإتجاه - مايكل عادل
- الموت يشبه للحياة، الغياب هو الغياب - مصطفى إبراهيم،حازم شاهين
- كمان و كمان - أحمد حداد،شادي مؤنس،حازم شاهين
- بدون إنذار - مايكل عادل
- نعناعة في كوباية شاي - أحمد حداد، حازم شاهين
- السلام عليكم - مصطفى إبراهيم
- يا رب - مصطفى إبراهيم، شادي مؤنس
- من سكات - مايكل عادل
- معملش حاجة تستحق الذكر - مصطفى إبراهيم، حازم شاهين
- دكتور فوزي إسحاق ميخائيل - أحمد حداد
- أول ميعاد - مايكل عادل، شادي مؤنس
- إبني الحبيب - مصطفى إبراهيم
- تفرانيل - مصطفى إبراهيم - شادي مؤنس
- دولاب الهدوم - أحمد حداد
- بكرة - أحمد حداد، حازم شاهين
- سكريبت - مايكل عادل
- عيني في عينك - أحمد حداد، حازم شاهين
- البنكنوت - مصطفى إبراهيم
- ضربوا القمر - أحمد حداد، شادي مؤنس
- يا عاشقين وجه الجمال - مايكل عادل، حازم شاهين
- صفحة جديدة - أحمد حداد، حازم شاهين 

معنى إجتماعنا - ساقية الصاوي

أصل الحياه للعلم
مفهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون
لازم يكون بيلف
لازم يكون بيدور
يتقل عليك ويخف
ويعشّمك بالنور
ف نهاية المشوار
ونا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار
ومّا الزمن تعبه
قصقص شريط الفيلم
وخَد كادر كان عاجبه
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لكن في شيء ناقص
فاضي بشكل غريب

‫قصيدة مافهاش حاجات ببلاش - مصطفى إبراهيم‬‎

وصف كل الخلق ليا
ليه تملي عكس بعضه
وكل وصف اتقال عليه
ليه بيجي عكسه بعده
حد شايف اني خايف
غيره حاسس اني بايع
حبه فاكرين اني عارف
حبه عارفين اني ضايع
طلعوا كل الطبايع والصفات الممكنه
ورسموني بفرشه تايهه من الاراء والالسنه
تطلع الصوره الغريبه لحد اصلا مش هنا
والنتيجه كل مادا صورتي تتلخبط زياده
وانسى اصل شكلي ايه
ولا نفسي اشوفني ليه
حد زي بعد فتره ازاي يصدق غير عينيه
نفسي اوصل للحقيقه قبل ماوصل للنهايه
نفسي اشوف صورتي الدقيقه
ولو دقيقه في المرايه
والمرايه بعيده جدا
والطريق على مد شوفي
والفضول اللي في عنيه
اني اشوفني مداري خوفي

قصيدة ان تراك - مصطفى إبراهيم

أدين بـ دين الجدعنة وبـ دين رفاق الدرب ..
وبقوله احنا مش انا ف المعمعة والحرب ..

وبـ دين ما كنت مصدّقـه؛ ف المعركة الاولي ..
وبـ دين جثث ف المشرحة اساميها مجهوله ..

وادين من ساب اخواته ع الاسفلت مقتوله ..
واقول التوبة مقبولة الا في وقت الحرب !..
__ مصطفي ابراهيم 

* التسجيل من حلقة وسط البلد مع خالد تليمه 
** الموسيقي مّضافه / عود : نصير شمّه : موسيقي "روح"ـ

دين الجدعنه : مصطفي ابراهيم / شعر

الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.

شعر : مصطفى إبراهيم : الصورة قصادك

تفرانيل مصطفى ابراهيم

ولحد ماتميت ست سنين
انا كنت بحب البني ادمين
وكرهت الناس من بعديها
علشان نسوني انا اصلا مين
مش فاكر امتى حقيقي بدات
انما في فتره فاكرها طشاش
كان فنجان قهوتي مبيفضاش
وكنت بكلم ربنا طول الوقت
عمري ماصدقت بنات غير ريم
ويمكن دلوقتي مصدقهاش
اخر مره شفتها فيها
كانت تقريبا بتعزل
وكان في سواق تاكسي منزل
في شنط ناس هتحل مكانها
وشوش بني ادمين معرفهاش
انا ريم يمكن كانت قدي
ايامها لكن دلوقتي اصغر
عارفه ان انا يوميا بكبر .. وبعجز
اكمني مبنساش
انا فاكر ايام بالملي
انا فاكر ايام بالتفصيل
انا فاكر يوم دفنة اختي
هتصدقي اكتر ما فاكرها
وساعات بنسى في ليله كبيرها
انا فاكر شقة قصر النيل
ومش فاكر حد من السكان
من صغري وعمري مابنسى مكان
انا اصلا فاكر بيت شادي
مع اني مزرتوش غير مره
بامارة في برواز بره
كان جواه صورته في اعدادي
كان لسه طالعله شنب
وانا حاسس اني طلعلي اتب
من تقل الشيله ومـ التفكير
معلشي انا اسف برغي كتير
وبسف فوقتك وفوقتي
انا نفسي انااام
انا عاوز اروح دلوقتي
متشكر جدا عـ الجلسه
هنكمل امتى علاج طيب
لازم هنشوف بعض قريب
انا ماشي .. سلام

تفرانيل ,, مصطفى ابراهيم

يا كل حاجه كسبتها
أو سبتها
و ملحقتش اشبع منّها
اكمنّها
قالت “حنروح من بعض فين؟ "
يا ناس يا عبط يا عشمانين
ف فرصه تانيه للقا
بطلوا اوهام بقي
وكفايه أحلام واسمعوا
عيشوا بذمه و ودعوا
كل حاجة بتعملوها
وكل حد بتشوفوه
وكل كلمه بتقولوها
وكل لحن بتسمعوه
عيشوا المشاهد ,, كل مشهد
زي مايكون الأخير
واشبعوا ساعة الوداع
واحضنوا الحاجه بـضمير
دا اللي فاضل مش كتير
اللي فاضل مش كتير



‫كانت هتفرق فى الوداع ,, مصطفى ابراهيم‬‎

إخشوشنوا علشان ...
المعركة خشنة !

سدوا الفٌرَج بينكوا....
حاذوا القدم و الكتف ..
ضموا عشان نعمل..
من وسطنا جيشنا...

تار الشهيد ناخده....
قبل أما دمه يجف

ما تدّخلوش بينّا 
 خاين عشان نكتر

اللى هرب منّا
من غيره نبقى اكتر

ماتسلّموش ضهركوا
غير للى كان جنبكوا
مش للى باع عرضكوا
بالكرسى للعسكر

يا شهدا ماعرفهمش
لاكن بقوا إصحابى
من كتر ما بشوفهم
ف النشرة و الجرانين

يا وشوش ما بقابلهمش
غير بس ف الميادين

مين فيكوا يعرف مين؟


معرفش أساميكوا
ياللى على الجبهة

 ولا مين رمى القنبلة
ولا مين جرى وسابها

ولا نمرة أم الواد
اللى انضرب بالنار

ولا إسم شيخنا عماد
إلا أما بقى له تار

ولا كشف معتقلين
إتاخدوا من بينّا

ولا مين رسم ع الحيط
غير إنه واد منّا

معرفش غير دربكم
و المشى فى رَكبُكُم
و أعيش و اموت وسطكم

يا دولة الثوار

مصطفى إبراهيم - دولة الثوار

البالونه - مصطفى ابراهيم

قالولى زمان - مصطفى ابراهيم

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم / شعر

 أحداث كربلاء - ديوان المانيفستو

مصطفى إبراهيم - قصيدة إنى رأيت اليوم | من ديوان المانيفستو



أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت


المولوية | مصطفى إبراهيم

كانت حتفرق ف الوداع - مصطفى إبراهيم -ديوان ويسترن يونيون فرع الهرم
الصفحة الرسمية لمصطفى إبراهيم على الفيس بوك: https://www.facebook.com/Mostfa.Ibrahim

لو بس كنت ساعتها عارف....
إن دي المره الأخيرة....
مية مية كات حتفرق ف الوداع …..
كنت هحضن سندس اللي ف تانية تالت ع المشاع...
وإحنا طالعين م اللجان...
بعد اخر إمتحان...
واسألها لو بتشوف فلان.....
طب فاهمه مادة ميس إيمان ؟....
طب ينفع ابقي أجيلكوا عادي ؟....
قصدي يعني البيت يساع ؟...
لو بس كنت ساعتها عارف....
إن دي المرة الأخيرة....
مية مية كات حتفرق ف الوداع …..
كنت يومها أكيد حبيّت...
عند جدي ف شقته...
نلعب ورق....
نسهر سوا....
ومش حسيبه عشان ينام ليلتها من بعد الدوا...
أو يرد الشيش عشان ضهره بيتعب م الهوا....
واقوله يعني بذمتك....
أخر نفس ساقع أخدته ف صحتك....
بقي مايساويش حبة وجع ؟
بطّل دلع …
جدي اللي مات دفيان ليلتها بـاللحاف …
لو كان عرف....
إن الليلادي وداع لأنفاس الهوا....
مكنش رد الشيش ف أخر ليلة له....
ومكنش خاف …
كل الشوارع والمباني...
اللي مش حدخلها تاني …
والأغاني....
اللي لما سمعتها...دندنتها...
من مرة واحدة بالسماع …
مية مية...
كات حتفرق ف الوداع....
يا كل حاجة كسبتها  ...
أو سبتها....
و ملحقتش اشبع منّها …
إكمنّها...
قالت “حنروح من بعض فين؟ "
يا ناس يا عبط يا عشمانين...
ف فرصة تانيه للقا...
بطّلوا أوهام بقي....
وكفايه أحلام وأسمعوا....
عيشوا بذمة و ودعوا...
كل حاجة بتعملوها...
وكل حد بتشوفوه...
وكل كلمه بتقولوها...
وكل لحن بتسمعوه...
عيشوا المشاهد... كل مشهد....
زي مايكون الأخير...
وإشبعوا ساعة الوداع ….
وأحضنوا الحاجة بـضمير....
دا اللي فاضل مش كتير ….
اللي فاضل....
مش كتير …

كانت حتفرق ف الوداع

ديوان : ويسترن يونيون فرع الهرم
الشاعر مصطفي إبراهيم 
صفحة مصطفي إبراهيم الرسمية :
https://www.facebook.com/Mostfa.Ibrahim

قالولى زمان وأنا صغير
مفيش انسان بيتغير
وقالوا الوش والماسكات
تملى عمرها قصير

ومادام الطبع كالعادة .. تملى بيغلب التطبيع
هتفرق تربيــة زياده .. فى واحد بالجينات هيصيع !! ؟

أنا صايع على الفطرة .. ولا بكيفى ولا بيدى
وكل ما أقول أكيد فترة .. ألاقى العمر بيعدى

ولسه السنكحة كيفى .. ولسه السرمحة فى دمى
ولسه ببوسها فى السيما
وتضحك أقولها اتلمى

ولسه بلف فى الشارع وأنا معرفش رايح فين
وفى الفجرية على الكوبرى مفيش غيرى مع الأسدين

بدندن لحن أغنية وتيجى انتى على بالى
فصوتى يبتدى يقطع
ودمعة ف عينى بتلالى

فأطلع نوتة الأشعار وأقطع كل أوراقها .. واّفرّقها
وتيجى الريح تبعزقها على الأسفلت فى الشارع

ياست الكل أنا واقع فى عرضك لأجل تقريهم
وبعد متقرى ارميهم أو انسيهم

بحكم الطبع والعادة هتيجى قصايدى متعادة
ومادام كار الكلام كارى .. ومفيش غيرك فى أفكارى
هتفضل كل أشعارى ... مفيش غيرك بنات فيهم


قالولي زمان

بعد طرحك مـ الحساب
للعساكر و الكلاب
و الأرانب و الفيران
و الأجانب و الغيلان
 والارايل والقرون
والمرايل والدقون
اللي فاضل يا افاضل ... هو ده تعداد وحصر 
للعيال اللي جابتهم فالحلال ... الست مصر
~
ديوان ويسترن يونيون فرع الهرم
الصفحة الرسمية للشاعر مصطفي إبراهيم :
https://www.facebook.com/Mostfa.Ibrahim?fref=ts

حصر مصر - مصطفي إبراهيم

الصفحة الرسمية للشاعر مصطفي إبراهيم
https://www.facebook.com/Mostfa.Ibrahim
صوت قفلتك 
لأخر سوسته ف الشنطه
صوت طبطبة ايدك
بالراحه ع الباك باك

فرافيت تذاكر سفر
قطّعّتها اونطه
سندة عينيك وايديك
ف الباص على الشباك

فيه حاجات كتير عايزاك
تفضل كده مسافر
ف طريق ملوش اخر 
إكمنها حتموت
ف الرحله من غيرك

فيه حاجات كتير عايشاك
خايفاك تبطلها 
وحاجات كتير عايزاك
لاكن معطلها
إن إنتا مش عايز

جايز ...
حاجات منها
حتعيش وتستناك 

جايز حاجات تانيه
ف الزحمه راح تنساك
زي اللي راحوا زمان

حتبطل الدخان ؟
ولاعتك السخان 
وسجايرك البوسطن
حيموتوا من غيرك 

حتبطل الاحزان ؟
كشكولك المليان
بـقصايدك الجايه
حيعيش لمين غيرك ؟

جسمك حجزله مكان
بالعافيه جوه الكادر
ميت ايد على كتافك
ميت بصه على وشك

كل الحاجات حواليك
ف الكادر سانده عليك
لو جيت وشلْت اديك
الصورة تتفركش ...

ضلك على الحيطه 
كان خافي عنها النور 
وطلّعها بتنغمش

كفك على السفره.
من غيره كان إزاي...
مفرشها يتكرمش ؟

بصمة صباع إيدك...
لسّاها ع الشبابيك
ميت ألف تفصيله.
ملهاش وجود غير بيك
وإنتا عليك تختار...

حتبدّي مين على مين ؟
وتبدّي إيه على إيه ؟
الجاي والجايين ؟
ولا اللي خدت عليه ؟

أصل الحياه للعلم
مفيهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون

لازم يكون ...بيلف
لازم يكون.... بيدور
يتقل عليك ويخف
ويعشّمك بالنور

ف نهاية المشوار
وأنا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار

ومّا الزمن تعبه
قصقص شريط الفيلم
وخَد كادر كان عاجب
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لاكن في شيء ناقص

فاضي بشكل غريب
إيه اللي سبته هناك؟
ف تلاقي ف الكراكيب.
صورة القمر وياك 
متشاله ف الكشكول.
باصه ف عينيك علطول
وكأنها بتقول ....
بالذمه مش واحشاك ؟!!

الكوتشي اللي باش - مصطفى إبراهيم

Yu Hekal