Zap Tharwat

zap Tharwat

ZAP CAIROKE

Rap 😎🤩

zapp♥️

احلم - Zap Tharwat

صبحنا نادي  - Zap Tharwat

في انتظار يوم الرحمة و المغفرة و قبول الدعاء .. يوم عرفة .. شاركونا على فيس بوك و تويتر على هاش تاج #مستنيك_يا_عرفه 

Follow Us on / تابعونا على:

Axeer Studio - أكسير ستوديو :
- FB:  http://fb.com/AxeerStudio  
- Twitter: http://twitter.com/AxeerStudio
- Google+: https://plus.google.com/+Axeerstudio1/
- Instagram: http://instagram.com/AxeerStudio
- SoundCloud: https://soundcloud.com/axeer-studio

Mostafa Atef - مصطفى عاطف : 
- FB: https://www.facebook.com/MostafaAtef.MA
- Twitter: https://twitter.com/MostafaAtef
- Instagram: http://instagram.com/mostafaatef
- SoundCloud: https://soundcloud.com/mostafa_mam593

Shady Ahmed - شادي أحمد:
- FB: https://www.facebook.com/shadyahmedmusic
- SoundCloud: https://soundcloud.com/shadyahmed/
الكلمات : 
اللي مش في إيديك لسه مستنيك .. ليه بس تخاف دور في كل مافيك 
هتلاقي رزق ونعك في كل حاجة فيك .. احمده بس و اطمن قرب لما يناديك

لو بصيت على اللي فات عمرك ماهتوصل لحاجة 
اللي جاي أكيد احلى و أوقات ماليانة سعادة

ربك رحيم و كريم مش ممكن ينساك 
هو اقرب ليك من نفسك و في كل ثانية معاك
هو حاسس ليك أكيد رزقك ف السما متشال
يبقى ليه بس التنهيد سيبها عليه و انسى الأحزان

حلمك من يوم ماتولدت واقف مستنيك 
اختار يكون واقف بعيد معلش بيتقل عليك 
طول المسافة والمشوار اختبار للأمل 
مين اللي صبر على اللي صار وبالنجاح حلمه اكتمل 
اثبت لنفسك قبل غيرك انك تستحق 
وقول لحملك يوم ماقابلك مش هنفترق
السعادة بين ايدينا بس نشوف الخير و نشكر 
ربك عارف ايه مرادك بس عاوزك بس تصبر

طرقت باب الرجا والناس قد رقدوا 
و بت أشكوا إلى مولاي ما أجد 
فقلت يا سيدي .. و قلت يا سيدي .. 
يا من عليه لكشف الضر أعتمد

مصطفى عاطف و زاب ثروت - مستنيك| Mostafa Atef Ft. Zap Tharwat - Mestaneek

Ana Msh Ader

من غيرك مش هتكمل - Cairokee - Sharmoofers - Yousra ElHawary - El Madfa3gya - Zap Tharwat

كوميديا الأمل


Beat By : Frankenstein beats

Rec. By : Tonal Studios 2016

3mr.Beh Page : www.facebook.com/3mr.beh



lyrics :


زيد العزم ، شد حيلك شد
اخلق انت الفرصه بكره يشيب الشبل
ماتقولش هبدأ بكره ، قوم إبدأ دلوقت 
عشان تقول سبقت لازم تكون سبَّقت
إنت مش إنت و إنت لابس حلم غيرك فووووووق
حاول حاول حاول لازم هتوصل يوم
طب شوف اللي انت شايفه فوق ، فوق عشان انت نايم
فوووق لو كنت قايم ، كان زمانك طوله
ده كان متشائم ف مات ، ده كان متفائل ف عاش 
إمسك ف حلمك شد ، توصل للي مجاش
طب شوف كام واحد عاش بيحاول ، نجح قبل الموت 
فإتغير طعم الموت ، قابله و كان مبسوط
و ماكنش سهل انه يكون عايش لحلمه كأنه مسجون 
بس سجن الحلم مرارة طهمه سهله تهون
اصلي عسله احلي مش من اي نحله 
تاخد منه لحسه تتسحل 100 سحله
-----------------------------------------------
شفت ازاي واضحه شفت ازاي سهله
صاحبي احنا ف سباق ماتمشيش علي مهلك 
ياللي انت مصدق ان حلمك راح و مش هييجي
عوكل قبل شروق عدي علي أوشه اخت مليجى
--------------------------------------------
طلع لسانك لليأس ركب خوفك تاكس
البقاء للعقل مش للسكس باكس
اللي نجحوا كانو زيك قوم بص في كوبايتك
لو لقيتها فاضيه ارميها عاللي مضايقك
ده و دي و دوووول دوووول 
كله عند حلم نفسه يوصل له
بس الفرق بينهم مين خد خطوه تقربه 
مبن اللي سعي و قدر و مين فشله كسره
ماتقولش سايب الزكري الحلوه ليكو و مش عايزكوا
قول انا هبقي الزكري الحلوه و هغيظكوا
بما اننا مختلفين و أكيد مالكش زي 
طلع طاقتك الكامنه اطلق سهام السعي
اسمع للي يوعيك يفيدك و يقويك 
و ابعد عن التافه حتي لو روحك فيه
اشكر ربك عالنعمه و اوعي فيوم ترفصها
علي ما قد تسعي لحلمك هتتخلق لك فرصه
-------------------------------------------------
شفت ازاي واضحه شفت ازاي سهله
صاحبي احنا ف سباق ماتمشيش علي مهلك 
ياللي انت مصدق ان حلمك راح و مش هييجي
عوكل قبل شروق عدي علي أوشه اخت مليجى

3mr.beh-Comedia L Amal - عمرو بيه - كوميديا الأمل

الجوكر-هامش الصمت

الجوكر-أزمة مجتمع

Zap Tharwat ft. Amina Khalil & Sary Hany - Nour | زاب ثروت وأمينة خليل - نور

Zap Tharwat Ft. Sary Hany & Amir Eid (Cairokee) زاب ثروت وساري هاني وأمير عيد (كايروكي) في السما

الكلمات 
بنواجه الفشل بإيمان ، واليأس بعزيمة
مادام مبطلناش نحاول ماسمهاش هزيمة
مش ندمانين على حاجه ، وده عشان اتعلمنا حاجه
مفيش حاجه ببلاش ، والدنيا مش ماشيه بمزاجك

قادرين نحس بدفا الشمس من ورا الغيوم
قادرين نحس كتافنا بتقوى من شيل الهموم
بنشوف الميزة الواحده رغم كل عيوب الصورة
قادرين نحمل ع العضمه اللي لسه مش مكسورة

وعشان بشر ساعات تضيق .. نقول شكلها إتسدت
تقع كام طوبه واحنا مجهدين .. نقول إتهدت
ويدور جوانا صراع “هنقدر ولا مش هنقدر؟”
نسيب نفسنا نلاقى أصوات الإحباط بتكتر

نفتكر أول حب ، وأد ايه اتمسكنا بيه
والوقت اللي ضاع في وهم إن الحياه انتهت بعديه
نضحك على أد ايه احنا كنا صغيرين وقتها
أد ايه الحياه كانت سهله ، وبرضه قلنا مش قدها

عاندي فينا أكتر .. لسه فينا حيل نعاندك
تيجي فينا ايه يا دنيا .. ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

ساعات عشان نرتاح بنشاور ع الأسوأ مننا
لما كل ده يتعدل .. نبقى نعدل من نفسنا
جوانا نص نفسه يريح .. نص نفسه يكمل
نص قادر يواجه .. نص مش عارف يتحمل

نص عايز يفضل يقوى لحد ما يوصل للي عازه
ونص عايز الدنيا تتفصله على مقاسه
نضعف منستسلمش .. نميل مننحنيش
تشوفنا محبطين .. تقول انتهوا .. مننتهيش

حالفين يطرح طموحنا .. حتى لو مكانش الموسم
من كل المحدوفين في بير .. لا يذكر الا يوسف
أكبر م الرضا بقليل بسبب خوف ورعب
عمرنا ما نخاف لمنلاقيش فنرضى ناكل طعم

جواك مقومات الفوز .. لكن محتاج تآمن
إن وجودك في حد ذاته دليل على إنك قادر
ربك ، الطبيعة ، أو اللي مؤمن بيه عامة
مأوجدكش صدفة … والعالم دليل ومثل

عاندي فينا أكتر .. لسه فينا حيل نعاندك
تيجي فينا ايه يا دنيا .. ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

الجوكر-قادرين

شاب بسيط بيحلم انه يبقي حاجة
من منطقة  شعبية فيها ناس كتير محتاجه
زمان قبل ما نعرف التمييز والطبقية
زمان قبل تفريق الناس طبقات بعنصرية
مش هقارن ما بين زماننا والحال أيامه
دلوقتي قيمة الشخص بفلوسه مش باحترامه
سافر الولد برا البلد علشان يأمن مستقبله
واتقي ربنا في شغله ورزقه من اوله 
عدت سنتين واتجوز احلى بنت شافتها عنيه
من اول مرة شافها دعي ربنا تبقي  ليه
وبدأوا بيت صغير طوبة طوبة واحدة واحدة
كانت هيا سنده في برد الغربة والوحدة
وقوام ربنا رزقهم بأحلى بنت في البنات
والرزق زاد بعدها بتلات اخوات ولاد
والبيت كبر ودفي والغريب نسي غربته
بقي في وطنه حضنهم وفي لقاهم فرحته
غلطته انه نسي ان الفرحة مش بدوم
المرض عرف طريقهم بقي بيزورهم كل يوم
الموت قرر يختار اكبر ولد من ولاده
مابيتأخرش عمره بيجي في وقته وفي معاده
ويادوب قدروا يفوقوا من الصدمة اللي كانوا فيها
والموت خطف الصغير في الزيارة اللي بعديها
والحرب قامت في الخليج سنة تسعين
راجعين بكفايانا نعيش متغربين
 
الغربة حال مابينتهيش
 بنتولد و فيها نعيش
مابين غريب جوه بلادي 
وبلاد كتير ماتخصنيش  
 
 
بداية جديدة في مدينة محدش فيها ساكن
سموها نصر صحرا واسعه وشوية مساكن
حاول وعافر دور بس الفرصة مش متاحة
ماليش مكان في بلدي قالها لنفسه وبصراحة
اتغرب تاني وساب حبيبته للأولاد
في كل سبت كانت مكالمة طويلة في المعاد
يطمنهم عليه ويحكي ازاي بيوحشوه
ويرد عليه ولاده يقولوا نفسهم يشوفوه
الغربة مش اختيار لما يكون مفيش حلول
عمر الفراق ما بيقصر دايما بيزيد يطول
وبنفتكر الهدايا راح تعوض الحبايب
مين قال الهدايا تحل محل الغايب
 مرة جواب في صورة مرة شريط في قصة
كل دة مش كفاية اصلك واحشهم لسه
والعمر بيجري طاير زي جري حبيبه ابنه
ورا تاكسي رايح عالمطار زي التاكسي اللي قبله
كان كل مرة يبكي لما ابوه يروح يسافر
وينام في حضنه لما يرجع ايوه انا لسه فاكر
انا فاكر كل كلمة كل تفصيلة وثانية
اصل دي حكاية ابويا مش اي حكاية تانية
تشبه في الحكاوي ياما ناس كتير متغربين
اللي سافروا من شهور واللي هاجروا من سنين
والقصة مش بتخلص أصل الغربة في دمنا
جيل بيسلم جيل واكيد حنسلم اللي بعدنا
 
الغربة حال مابينتهيش
 بنتولد و فيها نعيش
مابين غريب جوه بلادي
 وبلاد كتير ماتخصنيش  
 
قبلنا ومننا ياما حلموا ناس كتير
 حلم بأرض خضراء واسعة وخير في الكون ملوش مثيل
ولما صحيوا من منامهم لقيوا كل الأرض بور
 فتحوا عنيهم في الضلمة ضلمة العقول
اللي في الصخور يكسر واللي منهم قال يقصر
 اللي قصر قام مسافر واللي حاول بعده حصل
 في النهاية دي رسالة كلها تقدير لوالدي
 عاش حياته بيفني عمره علشان اقول عندي وعندي

الغربة - زاب ثروت و ساري هاني و امير عيد 2018 | Al Ghorba - Zap Tharwat ft. Sary Hany & Amir Eid

ما بين لقانا والفراق كانوا ثانيتين
 ما بين فراقنا واللقا سنيين وسنيين
كان نفسي اقولك كل حاجه في الوقت المناسب
 كان نفسي اقولك ولكلامي ماكنتش حاسب
ياه لو كنت قولت كلامي افتح قلبي وابوح
 ياه لو كنت قولت قبل ما تروح
 
من زمان وقالوا الصبر مفتاح الفرج 
صبرت جامد حتي الصبر منك اتحرج
عذاب الألم اللي اتلضم ويا خيط الزعل
 خلي شيطاني حتي ندم عاللي مني اتفعل
فأهم حاجه في التوبه النصوحه يكون الندم
 مش هوصفلك شكل الشرخ اللي فيا اترسم
شرخ كان بألم جوا قلب حلم
 اتغير وشوفت فيه انسان كان أصله صنم
يرضيكي تمشي وتفارقي وفي ماضيه تكوني
 بعد اما كنتي كل حاجه من عقلي وجنوني
لا مش اختيارك ما أنتي لازم تسمعيني
 القرار قرارك بس لازم تفهميني
ايوه مش هخبي حاولت انسي واكابر
 وفي كل مره كبري كان عليا فيها صابر
ياما حاش كلامه ياما ياما سكت
 وياما كان يلومني ان عيونها بكت
وكنت اصرخ واقوله ده أنت كبريائي
 ودايما رده واحد أصل هى دائي
كل داء وليه صنف علاج ودوا
 بس فين تلاقي دوا للهوا
أنا اللي فيا كوم وانتي كوم وكفه
 كل العالم يهون بس الدنيا تصفي
وعد من اليله دي خنجر جوا صدري
 انك لو سامحتي نهر روحي تاني يجري
ويشيل حمل المراكب علي طول الشراع
 ويغني للحبايب بكفايه العمر اللي ضاع
اصلك أنتي غيرهم أنتي كل حاجه
 وهما حاجه واحده باختصار سذاجه
عارفك مش هتمشي ولا هتودعيني
 جايلك تاني اطلب لو بس تسمعيني
لو بس تسمعيني   
 
ياه لو كنت قولت كلامي
 افتح قلبي وابوح 
ياه لو كنت قولت قبل ما تروح


ما بين لقانا والفراق كانوا ثانيتين
 ما بين فراقنا واللقي سنيين وسنيين

لو تسمعيني - زاب ثروت و ساري هاني و شريف الهواري و انجي نظيف 2018 | Zap Tharwat Law Tesmaeeny

زمان بس مش زمان  ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات  
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد  
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش
 
عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل  
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات  
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال  
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
 حس بيا واللي فيا من مكالمة وفي اولها
 ونص ساعة وكان تلاتة من  صحابيقصادي جم
 زادوا اكتر بعد ساعة ايوة دول صحابي اهم
 ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
 قام ابويا بعدها كانوا سندي وقتها
والحكاية دي حقيقة والله مألفتها
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش

الصحاب - زاب ثروت و ساري هاني و حمزة نمرة 2018 | Al Sohab - Zap Tharwat ft. Sary Hany & Hamza Namira

بنزول المية في الكوباية
انا بدأت افهم
فشوفت النص الفاضي منها
فاستغربت بضحك
بضحك علي الايام اللي عدت في الحزن واليأس
وكانى ولا  شايف نصها المليان فلا بأس
 عادي مش مهم عدت مش هتكسر
عرفت اسباب كتيرة علشانها لازم ابتسم 
وشوفت ازاي بكلمة واحدة البسمة ممكن تترسم
زي كل سنة وانت طيب مبروك ونورتنا
ياريت نشوفك تاني وتبقي واحد مننا
واديني بفتكر وازاي انا كنت بشتكي  
واقول ده العمر عدي فات ده احنا لسة بنبتدي
هفكركوا واحدة واحدة يا ريت تستحملوني  
اوعدكوا بابتسامة لو كملتوا تسمعوني
فاكرين اجازة اخر السنة كل سنة  
وحلاوة النجاح لما تنجح انت وانا
وحلاوة النجاح لما تنجح انت وانا
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
انا فاكر المحبة والعشرة والصحاب
 والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
ايوة فاكر عيد ميلادي  والتورتة والشموع
واللعبة دي عايزها واقعد اعيط بالدموع 
وعيد ورا عيد بيجي طب فين العدية  
يا بخت  عم محمد البقال اللي تحتيا
خلصت فلوسي كلها علي البوظو واللوليتا
مبروك البوية الجديدة مكتوبة علي كل حيطة
 ذكريات كتير عبيطة بس كانت ايامنا حلوة
 ايوه كانت ايامنا حلوة والمشاكل كانت بسيطة
كلما نكبر اكتر تكبر همومنا تزيد
بقيت انسان جوه منه محبوس طفل مش سعيد  
الدنيا بتاخد فينا وتودينا وتنسينا
ونروح نتوه ندور علي السعادة وهي فينا
اه بحب السعادة وبحب اللي بيسعدوني
وبحب  اللي وقفوا جنبي لما غيرهم كسروني
وبحب المزيكا لما تعلي في العربية
وبحب ليلة العيد والسهر علي مسرحية
وبحب لما اللمة تكمل بينا علي الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله

السعادة زاب ثروت محمود العسيلي ساري هاني 2018 El Saada Zap Tharwat Sary Hany Mahmoud Elesseily

الدنيا شلة من الصحاب  وفيها كتير اشكال
اللي ناسي دين و واجب واللي فاكر ايه يتقال
واللي خايف غدر غيره
واللي لغدر غيره صاحب
واللي بايع باع الغالي
ودايما للرخيص مصاحب
   
 
الدنيا شلة من الصحاب  وفيها كتير اشكال
اللي ناسي دين  وواجب واللي فاكر ايه يتقال
واللي خايف غدر غيره واللي لغدر غيره صاحب
واللي باع الغالي دايما  بس للرخيص مصاحب
وصاحبنا عايش وسط غابة لازم يتقلب زيهم
 لو فضل للحق  غالب للاسف حيكون ضدهم
فالتزم  بنص دوره قرر انه  يعيش وسطهم
باع للدنيا عقد روحه والتزم وبقي منهم
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
خد النصيحة وعقلك ميزانك في المحاولة
ياما شباب في سنك مال وجاه وسيط ودولة
غدرت الدنيا بيهم طفت في نور عنيهم 
علشان في يوم صدقوا وعد كان من الدنيا لهم
فاحمينا يا كريم من سوء العمر والنهاية
واحمينا من سواد عقولنا لو وسيلة لاعلي غاية
واحمينا من شر الصحاب الغدارين
ده الصاحب لو يخون في صاحبه يبقي باقي مين
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
فأحمينا يا كريم من سوء العمر والنهاية
واحمينا من سواد عقولنا لو وسيلة لاعلي غاية
واحمينا من شر الصحاب الغدارين
ده الصاحب لو يخون في صاحبه يبقي باقي مين
 
 
ده الصاحب لو يخون في صاحبه يبقي باقي مين
ده الصاحب لو يخون في صاحبه يبقي باقي مين
ده الصاحب لو يخون في صاحبه يبقي باقي مين
ده الصاحب لو يخون في صاحبه يبقي باقي مين

الدنيا غدر الصحاب زاب ثروت ساري هاني طارق الشيخ  Zap Tharwat Sary Hany & Tarek Elsheikh - Al Donia

فارس یا فارس نبیل عمال بینده بینادي من زمان ولحد امتى هینده
من صغر سنهم واللقاء مابینا عادة
تلاتة كل واحد فینا مختلف بزیادة 
نبیل الهادي فینا والعاقل بنشوفه اكبر 
لكل موقف عنده حكمة وعمره مالیها كرر 
وعكسه فارس شقي طول عمره مهما كبرنا 
قلبه طایر ودمه فایر أكتر منا 
وأنا بحر الوسطاني بینهم فیا منهم الاتنین 
بتجنن وابقى عالي وأرجع أهدى في ثانیتین
جربنا حاجات كتیر لعب وهزار وفرح
واستحملنا برده یاما حزن وخناق وجرح
وكبرنا أكتر ولقینا العیشة مش بالساهل
لو مهما زاد الحمل بصحابي أنا هبقى قادر
بس الحمل زاد یا صاحبي وجه وقت البعاد
ده كلام في عقل فارس لما بیغرق في السكات 
ونبیل كلامه ثابت بكرة أحلى لو حاولنا 
مش هنلوم الظروف والزمن وده حظ جیلنا 
وفي ثانیة كانت تقوم خناقة بنهم بعدها 
یا عم كفایة حكم مش ناقصین ولا وقتها 
ویرد نبیل أصبر یا صاحبي ده الطریق طویل 
بكرة القلیل على القلیل بالصبر یكون كتیر 
هنستحمل لامتى مستحملنا كتیر حاولنا 
مش هارضى بالقلیل وهسمح تلوم في جیلنا 
كان ودي اقوم افض بینهم بس مش هینفع 
طول عمري دوري وسطهم شاهد بیشوف ویسمع 
الدنیا بحر عالى والصحاب طوق النجاه یا خوفى على نفسه فاللى نفسه فیه مھوداه 
خاف على نفسك یا صاحبى وعلى حبیبك بعدیك
ده البحر یاما غرق یاما فرق ناس كتیر قبلیك
فات كتیر بعد الخناقة أول مرة من سنین 
یفضى المكان علیا ومنبقاش متجمعین 
وبعد أیام جه نبیل عندي یزورني 
مشفتش فارس سألني بخوف أكدلي ظني 
والیوم التاني كان قدامي فارس بیصارحني 
ناویت أسافر وأتمنى نبیل یكون سامحني
مابقتش قادر أحاول ومات فیا الامل
الحال بیسوء زیادة طب إیه العمل
رغم المجازفة بدون ورق مطمن للطریق
اخترت البحر یكون سبیلي وللسفري صدیق
لا لازم تحاول تاني حاول أكتر 
یا فارس ده انتحار إزاي لنفسك تبرر 
طب هتعدي اهوالي وموجي إزاي في مركب صید 
ومتقولش الموج هیشیلني ولا كلام تعید 
مش هعرف احمیك یا صاحبي مش بأیدي مش هقدر 
أنا موجي علي وإنت عندي غالي ومتقدر 
الدنیا بحر عالى والصحاب طوق النجاه یا خوفى على نفسه فاللى نفسه فیه مھوداه 
خاف على نفسك یا صاحبى وعلى حبیبك بعدیك
ده البحر یاما غرق یاما فرق ناس كتیر قبلیك
نبیل عرف الحقیقة الصدمة كانت أقوى منه 
لو شوفوا شكله وقتها تدوله ضعف سنه 
كنت مستنیه یجیلي أصلي عرفت أنا قبلیه 
ماهو مات مابین ادیاه ولسة في حضني أنا مخبیه 
لو كان فهم كلامي لو كان لصوتي سمع 
لو كان عرف إن كل نقطة فیا دموع ووجع 
على فارس واللي قبله واللي هیروحوا بعدیه 
على أحلام غرقت وراحت جوه البحر اللي مداریه 
لو بس حس عذاب غیابه اللي سایبنا فیه 
أو لو بس قرا جواب نبیل اللي كاتبه لیه 
أنا مش هلومك أنا و بلوم البحر 
بس اللي باقلنا منك حزن وألم وقهر 
كان نفسي تشوفي ولادي كان نفسي أشوف ولادك 
كان نفسي ربي یجعل معادي قبل معادك 
كان نفسي ولسة نفسي أشوفك تاني عن قریب 
ونفسي ماشفش فارس تاني عن صحابه یغیب 
الدنیا بحر عالى والصحاب طوق النجاه یا خوفى على نفسه فاللى نفسه فیه مھوداه 
خاف على نفسك یا صاحبى وعلى حبیبك بعدیك
ده البحر یاما غرق یاما فرق ناس كتیر قبلیك

فارس - زاب ثروت و احمد شيبة و ساري هاني | Fares - Zap Tharwat ft. Sary Hany & Ahmed Sheba 2018

"Al Madina" new Album by Zap Tharwat & Sary Hany featuring Ingy Nazif, Sherif Al Hawaary, Amir Eid, Hany El Dakkak, Tarek ElSheikh, Mahmoud El Esseily, Hamza Namira and Ahmed Sheeba.

Al Madina - Zap Tharwat & Sary Hany Ft. Injy Nazif  المدينة -  زاب ثروت وساري هاني مع انجي نظيف

جربنا كتير .. تكرارنا مش بيخسر 
عملنا كتير .. بس اللى جاي أكتر 
طب لون .. فسر .. وضح لينا أكتر 
سيب علامة تعيش سنين حتي لو عمرك صغير
إفتح أي كتاب تاريخ دور فيه علي إسم مصر
سبنا في كل مكان علامة خمسة ستة فى كل سطر
مش مصدق بص إيه عالحيطة مرسوم 
من الفراعنة للنهاردة معلمين فى الفنون
..........
اللى علق علي عربيته صورة بنته وحكمتين 
واللى طابع جوا اوضته بوسترات مغنيين 
واللى طعم الفول بيحلي لما يقرأ بالهنا 
علي عربية فوق قديمة ييجي من عشرين سنة 
واللى عارف خط سيره واللى بيعلم لغيره
واللى لون رسمه حلوة للاعيب كورة كبير وهيرو
شخبط زى مانت عايز المهم تسيب علامة 
سيب علامة تعيش سنين خليك واثق بإبتسامة 
...........

شخبط زى مانت عايز المهم تسيب علامة 
شخبط زى مانت عايز المهم تسيب علامة 
شخبط زى مانت عايز المهم تسيب علامة 
سيب علامة تعيش سنين خليك واثق بإبتسامة

Seeb 3alama (feat. Zap Tharwat) By 7UP

كام واحد - Zap Tharwat ft. Mahmoud Elessliy

Zap Tharwat ft. Cairokee - بحلم

ZAP Tharwat - حصار

Asfalt X Zap Tharwat - Meen El-Ma'sood  | أسفلت و زاب ثروت - مين المقصود

Lyrics I كلمات الأغنية: 


بنت جميلة 
أحلامها بسيطة 
كان نفسها تدوم 
طفولتها السعيدة 
لكن الموت قرر يفوت
عليها الليلة 

هعيش أيام وشهور وسنين كتير بعديكي
وأقول ياريت لو كنت انا اللي رحت قبليكي

الزعل عمره ما قل 
اللي مات مات راح وارتاح خلاص من التعب والذل 
الألم مكانه حل 
اللي عاش شاف الخوف من الموت يحلف إن عمره ما يكلّ 
إني أكون وسط اللي نجيوا 
لما نجّوا الروح بإيدهم 
عايزة أطيّب جرح أهلي
نفسي أقدم شيء يفيدهم 
مش هسيب الغدر يخطف 
حد تاني من حبايبي 
بالطو أبيض للملايكة 
الملايكة أخدوا قلبي 

نفسي لو بإيدي أقدّم ألف إيد وإيد تساعد 
ياما قالوا ليا لأ ألف لأ وألف واحد
هنزل ع المدينة عارفة هلاقي فيها إيه 
الإجابة لكل حاجة كنت يوم عايزة ألتقيها 
هصبر ع المتاعب عارفة مهما أباعد 
راجعة أكيد ف يوم للأرض اللي اتولدت فيها 
راجعة أكيد للأرض اللي اتولدت فيها 

ياما اشتاقنا ليكم من بعد البعاد
لازم هكمّل أنا وألحق عمري اللي فات 

الأيام عمالة تجري 
بس قلبي مش مفارق الماضي اللي راح وفات
مهما العقل كان بيشغي
بالأفكار وبالكلام 
لسه بالي بيطاردني بالصور والذكريات 
مش عايزة أزور قبوركم 
نفسي أزور بيوتكم 
عايزة أشوفكوا بشعر أبيض 
مش بأبيض جوا تابوتكم 
مش هتفرق كرّموني 
أو اتغاضوا لمرة عني 
بعمل ده عشانكم انتم
مش عشان حد يجاملني 

سلام على كل روح فارقت حياتنا بمرض
في حزن جوا قلبي بس عمري ما قلبي إعترض
يا ناس ماتكسروش ضهري لو يوم إنحنى
حتى لو حصل أنا عندي ربي سندي أنا 
طول عمري فيّا دافع إني أدافع عن طموحي 
مش فارقة كتير معايا ولّا معايا بس روحي 
مايهمنيش أنا أي حد إلا الغاليين عليّا
كلمة منهم قادرة تبني اللي هدته الدنيا فيّا 

ياما اشتاقنا ليكم من بعد البعاد
لازم هكمّل أنا وألحق عمري اللي فات 

ياما اشتاقنا ليكم من بعد البعاد
لازم هكمّل أنا وألحق عمري اللي فات

Zap Tharwat - Sary Hany Ft. Doaa ElSebaii - Yama

أغنية 25 % من البوم المدينه

ÇáãÏíäÉ

25% - زاب ثروت - سارى هانى - هانى الدقاق

أغنية صورة بتكمل 
اعلان شركة Opoo Mobile Phone

صورة بتكمل - هانى عادل - زاب ثروت ( اعلان opoo ) sora btkml - Hany Adel - Zap Tharwat

ريمكس لو تسمعينى - جديد 
زاب ثروت - هادز

Seeb 3alama (feat. Zap Tharwat) By 7UP

Zap Tharwat Fans