حابس نفى ف اوضه ضلمه و برمى همومى على الورق
لو كان الصخر بيشعر كان زمانه إتفلق
لو كان طيب مش مفترى ما كنش مات من الغرق
لو كانوا سمعوا الكلام  ما كنش القوم إتهلك
إختلاط بن الحقيقه والخيال
بيت الكلام الأسهل فيه بيتقال
عايش فى اوضه ضلمه بنصح ممنوع عليا الإستقبال
عال الفرح زال
باذلا ما إستطعت من الأمانى
عايش فـ وسط اسره بتدمر كل أحلامى 
ليه لما تقدر تتكدر ولما تكدر تتقدر 
تقدر تفسر عبر عن كل الى جواك وبرر
انا مجرد هامش منتوش من كتاب
كله أمنيات مدسوس فى التراب
وأرجع واقول الزنب زنب الزمن
لصحابى شيلت الكفن
طريقى مافهوش امل
تقدر تصنفنى من العدم 
مات العشم بالنسبالى 
ضاع التمييز الى كان ليكي فـ خيالى
عدم إهانه ظلم خيانه هو ده بقى حالى
كل يوم بيعدى عليا تحت سيناريو المشئوم
دقق فـ المرايه وانت تعرف مين مغرور
اطلب طلب مرفوض
يوم ما احلم اقع مهدود 
كل طريق قصادى مسدود 
تقدر تقول فى حالة موت
كلماتى كلها سموم والسم بيجرى فـ دمى 
بعنى الى كنت برمى عليه الهموم والألم ذاد فى جسمى
انا وإبن عمى على الى منى إزاى متسألشى
إبره وبتخيط فـ قطع ما بيوصلشى
اوضه ضلمه والشيطان مش سايبنى حل عنى
تفكير الإنحلال بيراودنى
عايش فى بيت مكبوت ماحدش فيه فاهمنى
بفضل السكوت بدعى ربى يعيننى
حابس نفى ف اوضه ضلمه و برمى همومى على الورق
لو كان الصخر بيشعر كان زمانه إتفلق
لو كان طيب مش مفترى ما كنش مات من الغرق
لو كانوا سمعوا الكلام منه ما كنش القوم إتهلك
ويعدى شريط الذكريات قدام عينيا و ببتسم
ذكرى إتحرقت الباقى منها خيال بيترسم
مخنوق من جوايا مش قادر اصرخ صوتى بيتكتم
يعنى ايه السمعه تبوظ فى مره علشان غلطت
حقى ضاع فى كل حاجه ليا علشان سكت
عينيا ما كدبتش ولما شوفتها إتصدمت
من كتر الحزن الى جوايا انا إتعدمت
إتعشمت وإتعشمت و فـ الأخر وقعت
عالم تافه بيصنع من التفاهه روايه
كل روايه تافهه يصنع منها الف حكايه
انا المنسى فى الكتاب وفى السطور الملغيه
انا الضلمه الى بتحميني من النفوس المفتريه
انا الحروف فـ كل حته مترميه
انا الإنسان معلوم فى قدره تاريخ صلاحيه
انا المبادئ المنتهيه
انا اصول الإنسانيه
اسهل أبواب الخيال غير مقدور عليها
فاهم معنى الكلام ولا اعيد لك تانى فيها
مش همشى منها غير لما النفوس تتعدل
سايبلكم حياتكم مش مستنى غير إنى اتسجل
بتخبط من حيطه لحيطه عمال بتبهدل
حابس نفى ف اوضه ضلمه و برمى همومى على الورق
لو كان الصخر بيشعر كان زمانه إتفلق
لو كان طيب مش مفترى ما كنش مات من الغرق
لو كانوا سمعوا الكلام منه ما كنش القوم إتهلك
حابس نفى ف اوضه ضلمه و برمى همومى على الورق
لو كان الصخر بيشعر كان زمانه إتفلق
لو كان طيب مش مفترى ما كنش مات من الغرق
لو كانوا سمعوا الكلام منه ما كنش القوم إتهلك

2oda Dallma I اوضه ضلمه

Zeko Mohamed