الأرض أرضي و تراب جدادي ، و المال مالي و الزاد ماهو زادي ... 
و الوڨت وڨتي و البلاد بلادي ، و الأصل أصلي و عباد ماهي عبادي ...
أصلي الخيّالي و الوهرة ، ميزاني عالي عالغدرة ، ڨصبة لحباب و النبرة عمري ما نسيت .. 
أصلي البندير و المهرة ، الڨلب الكاسح كي الصخرة ، لحفة لجداد و الفخرة عمري ما نسيت .. 
أصلي لجبال و الڨمرة ،عشڨان الليل مالصغرة ، ڨمحي و زيتوني و التمرة عمري ما نسيت .. 
أصلي الغزلان و الصحراء ، بسمة قلّيل في الغصرة ، ليعة ليّام و الجمرة عمري ما نسيت .. 
أصلي البارود و النغرة ، آخر لمنامة في الحفرة ، زايد لملامة يا سمرة... عمري ما نسيت ..

صبري مصباح - ما نسيت

Zied Lassoued™ II