قصيدة جربت تموت | ياسمين محمود | 

ياسمين محمود | قصيدة جربت تموت | عزف اسلام التوني

بداية يومك بتحدد مصير بقايا اليوم 
عيشت موقف بايخ فبتحلم بحلول معاد النوم 
عايش اليوم بيومه شايل حمل تقله جبال  
شايف ألوان السعادة رمادي في خانة الأحزان  
راكب مركب و مسافرة جوة كتاب عبر الزمان 
عاشق بترسم حلمك على رمل بلاد الشام 
خايف مغمّي عيونك و من خوفك خايف تمشي 
إسأل المسن اللي ساكنك و هو يحكي 
عارف من كام سنة و انت عاجباك المسألة 
ساجد لكل حكمة ذليل لطاعة الهيمنة  
ضلمة عتمة نور ضئيل قلمي يصرخ مستحيل 
ساجن كل حرف حر و حاجز سجن إيجار قديم 
مسكنات الزمن كانت صديقة ليك في رحلة 
آثار مراحل العمر اسكت نبرة صوتك خشنة ! 
اقفل الشباك الساقعة غلبت تلج طوكيو  
هما مش ملايكة ليه انت لاعب دور بينوكيو  
------------------------------------------
يا ليل يا ساكن واحدك بس سامع ليا  
يا كشكول الحكاوي سطورك كرهت القضية  
حكيت و مين سمع ؟! .. " مفيش " بكيت و مين رجع ؟! .. " مفيش "
 مالاقيتش غير العزلة مبروك مرض النيكتوفيليا 
-------------------------------------------
نوّر شمعة المستقبل شغّل شريط فيديو الماضي  
من ورا المربّع الإزاز عمّال يضحك و ينادي .. 
مين اللي أدمن الدراسة عشان يبص في وشها ؟! 
مين اللي خلص حبر قلمه على حروف من اسمها ؟! 
مين اللي كان للضحكة تاجر بيوزع على خلق الله ؟! 
مين اليوم في وجودوا كانوا يحكوا يقولوا يا محلاه ؟! 
 مين اللي حب و مين فرح ؟! مين في لحظة تاه سرح ؟! 
مين اللي كدب ؟! مين لعب ؟! مين من الضحك مات تعب ؟! 
شوفت بعينك نفس الشخص لما كان في قلبه نبض  
هو هو الهربان صاحب قانون ( لا أعرف حد ) 
بتوصل للناس رسالة و انت أولى بمحتواها  
طول م الخمرة على السفينة مش هتنور نورها تاني  
متعة صغر زماني أكون علاء الدين أواني 
بس وصل بيا حالي أكون عفريت جوة المصباح 
وقت الحاجة هتلاقيني بس في مرضي انت سيبتيني  
كنت شايفك الياسمينا اللي هطير بيها على البساط  
-------------------------------------------
يا ليل يا ساكن واحدك بس سامع ليا  
يا كشكول الحكاوي سطورك كرهت القضية  
حكيت و مين سمع ؟! .. " مفيش " بكيت و مين رجع ؟! .. " مفيش " 
مالاقيتش غير العزلة مبروك مرض النيكتوفيليا

نيكتوفيليا || #Nyctophilia - Ec

شيطان مدسوس وسط الملايكة الطيبين
 قابض فلوس كافر ف وسط المؤمنين
 مبعوث من الهكسوس او من ضواحي الصين
 يا جني من الفانوس يا كائن فضائي لعين



لو صوت الظلم سابقك و لجام الحق جنبك
تفتكر لو سكت كل مرة يبقى ذنبك؟
أصل، في ناس بتلوم ظروف ضميرها مش بيشوف
و ناس الحق جوه بيتها مركون على الرفوف
لو الاصوات اختفت و كل السماعات إتلغت
تفتكر كان ممكن تسمع أي فكرة ؟
تفتكر إن اليأس ممكن يوم يتقتل؟
و أتسأل عن طريق الحزن ازاي يتقفل
يلا قوم إفتح باب الأمل يمكن دة دورك
ييجي حلمك يزورك، ولا قطرك هيفوتك؟
شوف، كام مشهد فاتك من مسلسل حياتك
قول، كام فرصة جاتلك و ضاعت من قدامك
عشت لوحدك، تهت من نفسك
خفت من جهلك، ضاع من وقتك كتير
و كل مرة ترمي حلمك على الشماعة
تفتكر تعمل إيه لو رجع عقرب الساعة؟



كلام مكتوب وسط الأفكار و المواعيد
بين الحروف، أحلام، و شكلها مش بعيد
هتحارب للي ليك، مهما تخسر تعيد؟
ولا هاتفشل أكيد، و تعيش وسط العبيد؟


Shoaib X Asfalt - Shetan | شعيب و اسفلت - شيطان

Mrs0ffixer.

بيني و بين قدسك يهود، بس مافيش في قلبي غيرك
فيا إما أعيش "أسير" يا إما أسير من فلسطينك
يا إما يسجل التاريخ إن أنا مُت كرمالِك
يا إما أعيش في كل قصيدة بكتبهالك

مش ههتف باسمك في الميادين ولا هرفع حسك للي سامع
وإن كنتي قِبلة هصلي بيهم عكسك في الجوامع
وإن كنتي ماء زلول .. فـ عطشانينك غيري
أنا راضي بأثر الماء اللي كان يومًا في بيري

غريب.. أنا مش هنفع أكون حبيب
مش عاوز عروسة في غَزة تكون عاوزاني في تل أبيب
في بينا جدار عازل، وراه أطفال عازت
تشوف صورتك حُرة مش مسجونة في بروازِك

خلفيات روتينية ماسكة كمانجة بتقتل شغفِك
كل الفواتير اللي انتي دافعة ثمن بضاعتها تلفت
حتى الرمال الصفراء بقى صعب جداً إنصافها
يا ترى هشوف عنيكي ولا دموعك من عـ الضفة؟

صدقتك لما قولتي إنهم فشلوا في احتلالِك
زعلان من نفسي جداً إني حاربت في يوم عشانك
كل الموضوع إن أنا صدقت إن فلسطينك ليا 
ورجعت بعد 100 سنة.. لقيت أنثى عبرية

Chrous
الصدمة كانت اكبر من "احب ولا اكره ؟"
تخسر كـ جندي في حرب غير إن أنت تخسر حربَك
الصدمة كانت أكبر من إنك عمال بتفكر
في إن إزاي "أنثى عبرية" قعدت في فلسطينك فترة

Verse 2: 
دي مش تجربة، دي تاريخ بيشهد إني كارهها
جغرافيا بتثبت إن فصول السنة قدرت تتلفها
زمان شوارعك كانت فاضية لكن دلوقتي اتزحمت
عشت لك "لحم ودم" قبل ماموت في بيت لحمك

وبعد المرسال الأخير قبل انتفاضة قلبي
وصلّي إنك مهاجرة بعد مادخلتيهم أرضي
أنا ثُرت، هتفت باسم مشاعر ماتت، باسم وطن 
باسم معازف خسرت أجمل ألحانها بخيانة وتر

نيلك + فُراتك، دمعٌ على فِراقك
ندمٌ يُواري كلَّ جزءٍ مني في تُرابِك
بين البلاد دي كِلياتها بَدّي اهجُرِك إنتي
ما راح شوفك متلك، صِرتي غيرما كِنتي

مش هعترف بوجودك حتى لو بقيتي دولة
حتى لو كوّنتي أسرة مش هكون واحد من شعبِك
حتى لو تَوْراتِك قالت إن فيكي الجنة
عليكي ذنب البعد وانا ثوابي إني ودَّعتِك

وفي النهاية بقيت شَريد وبقيتي وَطَن فاضي
قولتلها راجعة؟.. قالتلي لا خدت قراري
الصدمة كانت أكبر من إني أعيش بعدها
والصدمة كانت أصلا في إن ازاي قلبي حبها

Chrous
الصدمة كانت اكبر من "احب ولا اكره ؟"
تخسر كـ جندي في حرب غير إن أنت تخسر حربَك
الصدمة كانت أكبر من إنك عمال بتفكر
في إن إزاي "أنثى عبرية" قعدت في فلسطينك فترة

في قلبي أنثى عبرية

عايشه ازاي
*تراك رقم 06 من البوم اربعين يوم لقيصر، الذي اطلق في اواخر شهر ديسمبر سنة 2014

#Old_Track
#ana_RC

40 Youm | 40 íæã

عايشه ازاي ! من البوم 40يوم - Cover by RC (Kaiser, Niibo), Ahmed Fahmy

كل ما تبقى الأرض أصلب تحت رجلي أترعب
لـ أنسى كوني شخص بكل معاني الكلمة تعب
وبستغل خوفي في إني اتقدم ، مش في إني اتحجم
عارف الفرق بين الراحه ، وبين ألم مطفي بمسكن

بقالي وجود لما بقالي أهداف أحققها
بسعى للمثالية ، وعارف إني مش هلحقها
بس هفضل ببقى أحسن كل يوم عن اللي قبله
وده يستاهل إني أتعبله ، ويطمنّي وانا بقابله

انا كنت شايفه رماني ، لا في زماني ، ولا في مكاني
وكنت فاكرني هبقى المهدي لو اتولدت في ظرف تاني
تلميذ مذاكرش ، وفاكر امتحانه اللي ميتحلش
مع إن الكل واخد نفس الامتحان مقلش

من هنا بدأت أحل الأزمة ، لما بدأت أشوف
إن العيب كان فيا من البداية ، مكانش في الظروف
آمنت بكون الله بيديني بس اللي استحمله
فبقيت بواجه أي شىء ، وانا راضي ، ومتقبله

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

لما تاخد فرصه تانيه وانت قبل الموت بمللي
يبقى صوت مـ السما بيقولك: جه الوقت تآمنلي
فـ تفوق تشوف كام موته .. كام أوفر .. كام شوطه
كام حادثه .. ليله سودا .. كان وارد فيها موتك

واتكتبلك عمر جديد ، وانت كنت أعمى وعنيد
تقوله أموت .. يقولك عيش .. تقوله ليه مبترحمنيش
وكل دي تجربه ، ومكانش فيها صدف
ده احنا وقعنا عشان نقوم ، وعشان نتعلم إزاي نقف

خطائين .. لكن ده مش هيحدد نوطى ولا نعلى
مش محتاج تغير نفسك ... محتاج تغير فعلك
عمر ما جوهر المُزارع زاد أو قلل الحصاد
الفراعنة لما اجتهدوا شوفنا بعيننا الأهرامات

ولو تعبت في ص ، ولقيت النتيجه في س
بعد فتره هتعرف إن الـ س أحسنلك بكتير
آمن إن ربك أدرى بأفضل حاجه ليك
فـ بيكافئك في الميعاد ، وفي المجال المناسبين

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

El Joker - Forsa Tania الجوكر - فرصه تانيه - YouTube.MP4

Mazen Zaghloul - قابل للإنتِحار. ( Prod By S - LaM SheToZ )

Written and performed by MT3.
Produced by EDOBY.

الكلمات:

لسه فاكر أول مرة فيها شوفتك،
و الطرحة البيضة اللي كنتي لافة بيها شعرك،
و قد إيه مبسوطة إم تي واقف قدام وشك،
بس كان لي أسباب خليتني مبسوط أكتر منك،

زي إني.. عمري ما حسيت الإحساس ده أصلاً،
أكون بضحك من قلبي عشان واحدة جاية تتصور!،
طول طريقي بفكر.. مش ف الحفلة ف الوقفة،
مين دي أوصلها إزاي أنا معرفش إسمها حتى،

و كإني عارفك من سنة حفظت شكلك وقتها،
شوفتك ملاك من غير جناحين و أحلف "دي نازلة من السما،
دي.. دي فالتة ف الزمن" .. شوفتك كاملة فاهمة؟،
و الطريقة اللي لقيتك بيها كانت صايعة فاكرة؟،

أنا لسه فاكر.. و فاكر حاجات تانية،
زي إزاي مشاعري زادت بدون تفكير بعقلانية،
زي إزاي أنا كنت بسامح و أعدي حاجات مش عادية،
زي إزاي مكنش باين إنك بتضحكي عليا،

مكونتش.. متوقع.. عادي مشوفتش كويس،
صحابي قالو "إنت بدماغك إزاي مقدرتش تميز"،
بس الفكرة طول الفترة أنا مقصرتش لمرة،
فمجاش ف بالي لو لحظة إنك ف يوم هتطلعي بره،

فأنا.. مش مستوعب ده إنتي وعدتيني و قولتي،
"أنا مش هسيبك طول عمري".. أنا مش لاقيكي دلوقتي،
معرفش لإمتى هقرا الشات أصمه و أفضل فاتحه،
أو ده الريكورد الكام اللي برضو.. مش باعته،

جوايا كتير و لو مطلعش هتجنن،
بسمع صوتك ف أي واحدة بتتكلم،
مفتقد برودك اللي غلب ديسمبر،
شايفك جميلة مهما عملتي مش هنكر،

و برضو.. رغم إن فراقك كسر فيا،
إتأكدي إني بدعيلك عادي ف كل صلاة ليا،
إتأكدي إن مهما قابلتي محدش هيشوفك بعنيا،
هيحبوكي عشان حورية.. فصعب يتقارنو بيا،

و أنا هبقى كويس بدأت أزيف إبتسامتي،
طول مانا قاعد وسط الناس عشان محدش يسألني،
و لو حصل بقول "تمام" و أقلع القناع ده ف أوضتي،
تضاد أصوات عقلي و قلبي و ذكرياتنا اللي ف مخي،

بقيت أروح نفس الأماكن عشان بس كنتي،
فيها ف يوم من الأيام و أقعد هناك لوحدي،
و أحس روحك ف المكان و قولنا إيه هنا زمان،
و كمان.. دموعي تهرب لما باجي أمشي،

ده حتى النوم نسيت طعمه ده حتى اليوم مبيخلصش،
أو.. بيخلص و أيامي شبه بعض معرفش،
طول الوقت أنا جوا أوضتي قاعد لوحدي مبنطقش،
بحاول ألاقي غلطة ليا و صعب عليا مفكرش،

هل خذلتك مثلاً؟ هل قصرت ف حقك؟،
يمكن مكونتش مهتم و طول الوقت سايبك،
أسف سرحت غصب عني بقول عمايلك،
هيداوي الوقت و من دلوقت أنا مسامحك،

فبتمنالك السعادة مبعرفش أكره.. حتى،
لو دي النهاية فكانت أحلى فترة،
هفضل فاكر كل حاجة كل رسالة و ذكرى،
و كل صورة.. متصورينها كانت فين و إمتى.

MT3 - ديسمبر (Prod. EDOBY)

Muhammed Ashraf - Night | محمد اشرف - ليلة Prod.Dyrexoo

مفرق حياتي اللي بقت شايبه ..
ترسين داخلهم غصب مش قاصد ..
يوم ما إتولدت وكنت واد طيب ..
والتاني لما كبرت على طيبتي ..


خيبتي إني لسه مُصِّر أكون أطيب ..
أحلام برصّص فوقها أحلام ورد ..
بزرع جناين حُب تطرح برد ..


وبدفِّي حلمي بسعي نار قلبي ..
الصعب سهل وسهل أعدي له ..
حلوة المغامرة وهقدر أتعلّق ..
في حبال آمال الصبر والنجدة ..
لكن حياتي مُصِّرة تثبت لي ..
إن اللي طيب حلمه مش حقه ..
يا تكون مُناضل بس بالصورة ..
يا تكون منافق رايته مكسورة ..
وأنا عِندي أكبر من هموم يومي ..


عمال أكابر يمكن أكسبها ..
دنيا ومفيش غير الأسى منها ..
الله يجازيها كسّرت ضهري ..
لله ما بشحت إلا غيط صبري ..
ردي لي حاجة من اللي خدتيها ..
خليني أواصل بس من تاني ..
لله ياصبر لإمتى هنعاني ؟
مسكين يارب وروحي وجعاني ..

#blues #softrock #المسار #bluesrock #arabicrock #music #originalmusic #KARMMUSIC #electric #معجزة #Mo3gza #Trap #Classicrock 

في قلبي أنثى عبرية

‏الطيبツ