ياما قلنا .. ياما حكينا ــ
 نص : خالد الحمروني (أبو شادي) والطيب بوعلاق 
ــــــــــــــــــــــــــــــــــــــــــــــــــــــــ
ياما ڨلنا .. ياما حكينا
ياما طْرَزْنا في لْيالينا
لا الطّرز تْهرَّى لا بادْ
لا باد الضَّـيْ بْعينينـا
***
ياما ڨلنا فُكُّوا الڨمرة
من جَرح اللّيل وْخَبّوها
عالنّاس إلِّي ما يْحِبّوها ،
وْياما ڨُلنا خبُّوا الجَمْرة
طَيِّ الغُنَّايَة وْغَنُّوها
يْجِي نْهار وْلازم تلڨُوها ،
تلڨُوهـــا في ڨلب الميناء
وِالملح مْعَرّڨْ في سْفينة
تلڨُوهـــا في الحقل الغافي
في هَبِّةْ فلّاحُه الحافي
في مَنْجَمْ .. مَصْنَعْ بَاكْتَافِي
وَاكْتاف أسْلافي بانِينَــــه
وْياما ڨُلنا .. ياما حْكينا
***
ياما ڨُلنا فُكُّوا الحِلْمَة
من كلمة وْسَمُّوها بْلادْ
وَامْلُوها بْضحكِةْ لُولادْ
ياما ڨُلنا حُطُّوا النَّجْمَة
حِذْوِ النَّجْمَة وْعَدُّوا الوادْ
للخَضْرا غَضِّةْ الَأنْهادْ
مازالتْ تُمْشُطْ في فكرة
تنسج وِتْفَتّڨْ في ذكرى
مازالت تزرع في نخلة
في الْبَرّ وْتِحلِفْ ما يَخْلَى
تحلم بالشَّمس وْلا أحْلَى
مِنْ شَمْسَة في ڨَبْضْ يْدِينا
وْياما ڨُلنا .. ياما حْكِينا
***
وْيا طَرْزِ الكلمة وِالمَعْنَى
يا فكر وْساعِدْ عَرَّاڨْ
ما تْخاف اللّيل الوَهّاڨْ
وْحتَّى لُو الْوَحْشَة تُوجَعْنا
وْجايَعْنا منبع دَفّاڨْ
بالوَعْيْ الهادر ، وِرْفاڨْ
تْحِلِّ العُڨدة .. تْمِد شْراعْ
وِتْجيب الحق إلّي ضاعْ
تْمِدِّ الخَطوة .. تْفِيضْ خْضارْ
وِتْجيب مْنِ اللّيل نْهارْ
تِحْمِلْ ، تِتْحَمِّلْ لَوْزارْ
ولا تْڨُول تعبنا وْلا عْيِينا
وْيا خضرا
لا طَرْزِكْ بادْ
وْلا باد الضَّيْ بْعِينينا
وْياما ڨلنا ... ياما ڨلنا

ياما ڨلنا ياما حكينا ـ نص للطيب بوعلاق وخالد الحمروني أبو شادي

حصرى - ديويتو شيرين و ويجز 2022 _ Duet Shirine Ft Wegz (192 kbps).mp3

حسن_عبد_الوهاب_-_كل_ضحكة.mp3

فتح بابه ونداني 2023 عبدالله الصافي باحساس عالي2023

لينا عوده - فارس و كومان بدوي - كلمات دسوقي بدري - الحان وتوزيع سيد راضي

Mhrgnat.CoM | Hasopa

إعداد: عروة خليفة
حوار مراسلنا في درعا: إبراهيم المنجر