كلمات وإلقاء : هناء صبري
www.facebook.com/HA.SabRy

موحشتنيش
أصل أنا غيرك مليش
قلبي دايب, عقلي حابب
بيك يعيش
كل مرة مسحت دمعة من عنيا
شالها قلبي جوا قلبه بحُسن نية
تبقى مطرة في عِز حَرك
تروي قلبك اللي ياما في قلبي حرَّك
وخد بإيده لـ جنة مشوفتلهاش مثيل
قلبي عمره ما يرضى عن قلبك بديل
قلبي بيك شق حِلمه في وسط ليل
بالإيمان
جوا منا
كنز مفتاحه الإيمان
آمن إنك راح تعيش
راح تعيش
هفتح الدنيا لقلبي
مهما كان ميهمنيش
قلبي لقى قلبك إيمان♥
راحة ومعاها الضمان
إنه لا يوم ينكسر
ولا يتوجع من قلب خان
حتى لو مرة إتوجع
يلقى حبك فولتارين
يشفي قلبي من الأنين
دق قلبي جوا قلبك
زي دقات الجنين
جوا بطن مامته
نايم مُستَكين
قلبي عمره
ما داق الإستكانة
غير في قلبك
قلبي عمره
ما دق أصلاً للأمانة
غير لحُبَك
لو هقول موحشتنيش
ده لإن الكلمة متوّفيش
شكر قلبك♥
ياللي أنا أصلاً بحبك♥
موحشتنيش♥

موحشتنيش / هناء صبري

حكايه صوره#

Written by : Ayman Zaki and Ali Elanany

Recorded by and This idea belong to Ayman and Ali

Listen us .. Thanks


حكايه صوره
الحكايه كلها موقف مرسوم صوره بقلم سن القلم
بيجي علي الجرح ويدوس اوي
وعلي الفرح مش بيدوس اوي
هي كده الذكريات مابتركزش غير علي الي بيوجعنا
والي يفرحنا بتقري عليه الفاتحه
مهو اصل الوجع صرخه
صرخه ترجع كل الي فات
صرخه تزود كل الاهات
صرخه بدل ماتريحك توجعك
مش  عارف تبطل تفكير في الي بيجرحك
زي مايكون جرحك هو الي بيريحك
والحاجه الي تفرحك تخاف منها وترجع تاني للي بيجرحك

وفي يوم ماكنش علي بالي
كنت فاكر في خيالي
ان الحب هو كل شئ بالنسبالي
كنت بتمني ان يبقي ليا شريك
و فجاه وبدون اي مقدمات
لقيت نفسي بحب
حبي ليها كان شئ الهي
ماعملتش ليه اي حسابات
الموضوع بدء معايا بالنظرات
كانت نظرات طويله
كانت فيها كل الكلام الي نفسي اروح واقوله
كانت فيها كلمه بحبك
فيها نفسي اعيش عمري جنبك
فيها نفسي ابقي اب لابنك


يابني ارحم نفسك بقي وماتوجعش دماغي اتنيل روح اجري روح وقفها وقولها بحبك وامشي
ياعم لا ياعم مش هقدر .. هخاف
تخاف ! تخاف من ايه يابني هي هتاكلك
لا مش هكايه هتاكلني بس مش هعرف
انت بتحبها اوي كدا
ياسلاااااااام ! بعد كل ده ! اش حال ماكنتش انت الوحيد الي فاهمني وعارف الحكايه كلها
طيب خلاص جمد قلبك بقي كدا وانتهي من الموضوع ده علشان ماتتعبش نفسك اكتر من كدا
طيب طيب خلااااااااااص ... طب بقولك ايه  ؟ ماتيجي معايا ؟
اجي معاك فين يابني !!!انا مالي
تؤ .. يعني هاتسيبني اروح لوحدي يا اسطي .. اصول يعني
اه ياعم روح لوحدك


جايلك .. جايلك بشوقي ولهفتي 
جايلك .. دا انا من زمان ماشوفتش فرحتي
قلبي كره خلاص السكوت
وانا لو سكت تاني همووووووت
نفسي اول ما اشوفك اخدك في حضني
واقولك ع الي في قلبي
دانتي اول حب ليا
وانا عمري ما هحب بعدك


وفجاه وبعد وقت قليل اوي لقيته رجع وسألته ايه الي حصل ؟؟
الحمد لله تمام اوي

حسيت في صوته بنبره حزن عمري ماسمعتها قبل كدا
جريت عليه لقيت عينه بتدمع وهو بيبتسم ابتسامه خفيفه وبيقول الحمد لله
لوحدي عرفت ايه الي حصل وماكنش ليه لزوم ان اعرف التفاصيل ماهي مش هاتفيد بحاجه طالما النتيجه باينه
فضلنا واقفين فتره قدام بعض ساكتين وماحدش فينا بينطق
انا مش عايز اتكلم علشان مازودش جرحه
وهو مش عايز يتكلم علشان مايفتكرش الي حصل


انا اصلا ماحبتهاش
حبيتها امتي يعني
هو انا علشان يعني بصتلها كام بصه يبقي خلاص
او علشان يعني حلمت بيها كام مره يبقي هي دي كدا البنت الي في خيالي
لا مهو طبعا كان لازم تقولي كدا

ياربتني ماكنت روحت 
ياريتني ماكنت شوفتها 
ياريتني ماكتت حبيتها 
ياريتني اصلا ياريتني


ااااااااااااه من الجرح لما يجي في القلب
اااااااااه  من الحلم الي مابيكملش
بتوجع اوي لما كل الي بينيته تلقيه اتهد
اتهد في لحظه قدام عنيك وانت مش عارف تلمه
وبتسال نفسك الف سؤال 
هو الحلم الي حلمت بيه كان من حقي
ولاا انا حلمت حلم اكبر مني

انت الي ضيعته بسكوتك
انت الي سيبته يضيع من ايدك
خوفت ليه ؟ .. سكت ليه ؟ 
كان لازم الي في قلبك تقول عليه


خلااااااااااااااص ماعدتش ينفع الكلام
ماعدش ينفع لوم وعتاب
انا قلبي موجوع ومهما قولت مش هاعرف اوصف الي فيه
وانا مش طالب حد يطبطب عليه

#حكايه صوره #خطوه_قلم الحلقه #4

مهرجان ابطال بلدنا غناء موكشا العجيب _ فوكس العالمى _ زيزو الجينتل team Dx  في Meet 3afif

https://www.facebook.com/ahmedmareiofficial

مساء الخير يا ست الناس  لـ الشاعر احمد مرعى

الكلمات 
.
.
.
.
.
.

سفيرة النكد

البنت زى الوردة
محتاجة لعناية
متحبش الوحدة
ولا حتى لثواني
البنت شئ تاني
شيء حلو من جوا 
من برة 100 حاجة
ساعات تكون باردة 
أعصابها تلاجة
وف لحظة تقلب انثى
كالعادة شكاكة
خلصانة بشياكة
البنت كائن يحتوى كل الصفات
كائن يعيط مُبتسِم كدة من سكات
كائن ملوش في الفرحة ابداً
مولود بيعشق العياط





فرحانة .. بتاكل
زعلانة بردو بتاكل
اما بقى لو زهقت ف يوم
تلاقيها بردو بتاكل
عاوزين حل عاجل
الاكل عاملي مشاكل
بس بجد
حنيتها
تِكفي العالم ليل و نهار
اما دموعها
تِطفي حريقة ماليها النار

ثم اما بعد
البنت يا ناس بجد
بتعشق النكد 
على ما أعتقد
اه بتعشق النكد
لو منكدتش عليك
تبقى مبتحبكش
وفـ النكد بقى …
 مقولكش
تعمل م البحر طحينة
ما هي واخدة القلب رهينة

فيه حقيقة علمية
اثبتها العلماء
البنت إذا غارت
صارت أشد غباء

الغيرة حلوة مفيش كلام
بس بلاش يتبعها خصام
مش كل شوية هتتخانقوا
عشان عاكس او إتعاكس
وهو منك هيروح فين
ما هو كدة كدة لابس
بيحبك اه وبيعشق أهلك
وعارف إنه يا ماما يستاهلك
فكوني ليه ام وسند
ومتنسيش واجب كل يوم
لازم تملي حياتوا بنكد
…..
هحكي شوية حكايات
حصلت كتييييييير لبنات
فيهم بنات عاشت
بتفكر تنتحر
والباقي كله مات

ماتوا من الحسرة 
سببها معاملة أهل
وأقل شئ يتقال
قسوتهم .. كانت جهل
عاملوهم بقلة حيلة
 مكنوش كدة قد الشيلة
اختاروا كل الصعب 
وسابوا كل السهل


إلى البنت اللي عمالة بتعيط
عشان واحد سابها وباع
كفاية صداع
هو فات وجع جواكي 
وراح يوجع في واحدة غيرك
وإنتي زعلتي شوية خلاص
كفاية كتًّر 1000 خيرك

اللى زيه ميتزعلش عليه
هو انتي يعني اللي بعتي الحب ؟
طب لو عندك فرصة عشان
تنقذي قلب
هتبصي لكلب؟
انقذي قلبك
وبلاش عياط
إنتي غير كل البنات
إنتي ابتسامتك تدي روح
لحد مات
وأى واد
فكر يجرح مرة بنت
أكيد هيجي عليه الدور
داين تدان 
وفـ 1000 داهية .. يلّا غور
..
هو ليه البنت مصِّرة تحب
واحد عمره ما حبها
ليه مبتختارش القلب 
اللي بيعشق اهلها
ليه مبتبصش على حد
مش حابب غير قلبها


فيه كتير بيحبوا جسمك
فيه كام واحد شاددهم اسمك
وفيه واحد في قلبه راسمك
وعاوزك بس تحسي بيه
ولا انتي قلبك راح بلاش
ده انتي عندك 100 " كراش "
يتمنوا بس نظرة منك
فيها امل ولو طشاش
..
مجتمعنا ده مجتمع لطيف
فيه بنت بتبيع نفسها 
بكل سهولة عشان رغيف
واللى بتشتغل في محل 
التحرش حلو على خفيف
طب تعمل ايه بس البنت 
تقعد تشحت على رصيف ؟
هو ليه مفيش آدمية
ليه عايشين في مجتمع مريض
ليه العيب دايماً البنت 
واحنا مفيش عندنا تقاليد


فكرت مرة تقابل بنت 
تطلب منها تشد حجابها 
عشان جسمها باين
ولا انت عنيك كانت بتعاين ؟

والله حاجات بسيطة بتشد البنت
خوف – اهتمام – وسهر معاها ع النت
تفضلوا تتخانقوا طول اليوم
وف اخر الليل 
تصبحي على خير
وتشوفوا بعض في عز النوم

وانا قولتها ف قصيدة قديمة
الحب عمره ما كان فيه جرح
بس احنا مبنختارش صح
فاختاروا صح

سفيرة النكد ( البنت ) - عبدالله صبحي

غاندى الحلوة اللى انا حبيتها

للناس اللى اتأذت كتير في حياتها واتحولت لوحوش بسبب اللى حصل فيهم .... 
متنسوش تدعموني بلايك وإشتراك في القناة 
Youtube: https://youtu.be/G6L7LYHK2c4
للتحميل: https://2.top4top.net/m_1446cul671.mp3

كلمات القصيدة 
.
.
.
.
حكايتي
إني بكون دايماً وحيد
بحاول أعيش دور السعيد
وان حياتي كلها ضحك
وهنا و سرور
وانا اصلاً كما طور
بيلف بساقية ويدور
عن احلام عيشتها في طفولتي
وانى اما اكبر
أكون دكتور
واعالج امي وابويا المرضى
واجيب للي بحبها وردة
واعترفلها اني بحب
يمكن ترفض ، يمكن ترضى
أحلام مازالت بتراودني
وتتخلل بركان أفكارى
كإني دخلت مسار إجباري
ومهما شوفت كتير في الدنيا
هفضل ادارى
ان انا زعلان
لازم يبان على وشي الضحك
و لو اضطريت انى ألبس ماسك
مريت في حياتي كتير بتجارب
خلتني تعبت
عقلي م التفكير خلاص قرب يشت
رافض التمييز ان كنت عايش
ولا مت
ياما قالوا عني سبت
وانا المتساب
ياما جرحوني وهانونى بدون اسباب
ياما قالوا عني انى
كلب من ضمن الكلاب
وانه راح زيه اللى قبله
وانه غاب
المصيبة 
اني اصلا ببقى مش عارف اسيب
هو يعني اكمني عصبي حبتين
يبقى كل شئ قسمة ونصيب
هو عيب !!
عيب اغير على بنت عاوزها في حلال
عيب اقول بلاش بناطيل اكمنها ملكة جمال


انا واحد راس ماله رجولته
ومبستسلمش
وأي حد جاني علمته
اني مبندمش
وان اللي يبيعني يكون خسران
وبيرجع تاني ضعيف ندمان
واني مبخسرش
عندي نقطة ضعف وحيدة
ان قلبي خلاص بقى هش
واى قصة حب جديدة
غير صالح ليها منفعش
كنت بحب انا غصب عني
قلبي إتعود يخذلني
وفي كوتشينة قلبي النونو
البنت تُقش
بقى عندي فوبيا
من كلمة حب
بقيت اجرح اى قلب
وكإني صعيدي بياخد تاره
كإني عود قطع أوتاره
كإني شيطان وجنته ناره
بقيت كل يومين مع واحدة
ازهق منها اروح للتانية
واقول بحبك 
لعشرة في ثانية
وابقى لهم انا كل الدنيا
وبعدين اسيب
وبفرح كل ما بجرح واحدة
وبكون مبسوط
صوت عياطهم بالنسبالي
كإنه العود
بيعزف لحنه ويرقص قلبي
وفجأة سكوت
ويروح كل واحد فينا لحاله
ويقولوا عليا اني ببيع 
وان انا بلعب بقلوب الناس
وانى فظيع
اصبحت قاسي
كل الناس فاكرنّي ناسي
انى اتجرحت في يوم اوى
وقالوا شخص مش سوي
بيجرح وبيإذي ومنطوى
بقيت من سجن هارب
بقيت مضروب وضارب
بقيت سكران وشارب
بقيت جوايا أحارب
مش هبقى فار تجارب

و هعيش لنفسي بس
خلاص بطلت أحس

فار تجارب ( كإني دخلت مسار إجباري ) | عبدالله صبحي

لمسات موسيقية حزينة من القلب ونغم يشكو الجرح

تراك " معدى كل الحواجز " كلمات - غناء - توزيع - محمد مساهل 2020

Egyptian Poet  ✋ 
 28 Years 👑
Instagram: a_sobhi1
WhatsApp: 01066900356 ☝

سفيرة النكد ( البنت ) - عبدالله صبحي

✍ Ai Songs | AbdullahSobhi ✍