الطحان

شِعر.. (أحمد فؤاد نجم - صلاح چاهين - مصطفى إبراهيم- أحمد الطحان)

مصر

أحمد الطحان!💙💙

Eman

التراك من برنامج حواديت أبو النجوم على قناة دريم من 2005

أحمد فؤاد نجم بيكلم عن مصر  " بهية " بيراهن عليها و بيستنى الثورة والشهدا 
وكل اللي استناه عاشه وشافه
....

النهاردة رحل أحمد فؤاد نجم
3- 12 -2013 
***********

اااااه يامصر يابنت المجنونة
كل عشاقك مجانين
وكل عشاقك عاشو فى الغربة وماتو فى الغربة
عبد الله النديم مات فى الغربة
محمد فريد مات فى الغربة
جمال حمدان مات فى الغربة ... هو اللى يموت حوه اوضة محدش يعرف عنه حاجة دى برضة مش غربة؟

مصر يا مّة يا بهية
يام طرحة وجلابية
الزمن شاب و انتي شابة
هو رايح وانتي جاية
جايه فوق الصعب ماشية
فات عليكي ليل ومية
واحتمالك هو هو
وابتسامتك هي هي
تضحكي للصبح يصبح
بعد ليلة ومغربية
تطلع الشمس تلاقيكي
معجبانية وصبية
يا بهية
أه يامصر ياوجعى ياجرحى يا حلمى ياتعبى
بس انا مراهن عليكى وستنيكى ليلة الفرح
وانا واخد قرار ماموتش الا لما احضر الفرح دة
أحضر فرحك وأنقط وأقول شوبش أهل العروسة
وحبايب العروسة وشهدا العروسة
بس انا مت؟أكد انك جاية رغم كل البلاوى اللى احنا فيه دى
مش عارف بحب فيكى ايه وحبوا فيكى ايه 



آه يا مصــر يا بنــت المجنــونة  "بهيّـة"  أحمد فؤاد نجــم

Facebook : فيس بوك
https://www.facebook.com/diab.live
....
Mixed By : Me
. بيدج مزيكاتي  .. شرفونا هتنبسطوا

www.facebook.com/Mazzikaty2

Enjoy ..



Mixed By : ♫ ♪ Mo.Hassan ♫ ♪


يا برج عالى فى طريج الواحة
لما وجع شت الحمام وراحا
يا برج عالى فى طريج الغايلى
لما وجع شت الحمام فى الليلاى



الصعيد هو موطن الالم 

 البيبة هى حبة البلح الخضرا التي لم يكتمل نضجها، كلمات الابنودي مقتبسة عن والدته من فلكلور صعيدي قديم كان يردده البنائون وعمال الحفر اثناء العمل للتهوين على بعضهم والحان ياسر عبد الرحمن من فيلم عرق البلح
.........





مزج صوفي 

https://soundcloud.com/mo-hassan2/egyptian_project

حكايه بنت مصريه

https://soundcloud.com/mo-hassan-16/story-of-an-egyptian-girl

Upper Egypt _  Pain  _ مزج صعيدي _الم

أحمد الطحان

مرمغت وشي ف التراب
و سبته تحت
و رفعت إيدي
_دا مش ابتهال_
دا الوضع اللي عايزينا عليه
ف عصر الاحتلال 
برفع إيديا للسما
و عينيا تحت
ياللي رسمت الملحمة
انهي الجدال
اثبت وجودك
فوق وشوش كل العيال
شيل التراب
و اعلن .. مثقال ذرة من وجود
.. مثقال
..
_حبيبتي من ضفايرها
طل الرصاص
و بين شفايفها
دم البنات
ضحكتها عهر
ف عيون الغفر
و حنانها ف الزنازين
حبس احتياط
حبيبتي بتعلمني
إني أنحني
من حبي فيها
حياتي كفر و هروب
و الحب ف الدنيادي
زاد الطغاه
لولاه مكانش الخزي عشش قلوب
يا توهة يا بلدنا .. من غير دليل
ف حبك انتي سكنا ليل ف شقوق
لو الزمن ليل .. يزورنا القتيل
نظرة عينيه تقتلنا شوق
للضلمة قلب كبير بينشع سواد
و عجز و إهانة و كفر و غليل
الموت و الاستشهاد عشانها حياد
و صمت دايم ف ضحكة التماثيل

***

أنا مش هناك 
بس إنتي بردوا مش هنا 
معنى الهزيمة بيختلف من وسطنا 
مش بلزمك
كل التجارب و الظروف و عقلي المريض .. هزموني
فلقيتني من غير قصد 
_و الله من غير قصد_
بهزمك 

***

"و أنا بلف أدور على ضحكتك ف وشوش الخلق
جعت                                                     
وقفت عند أول محل فول
و كلت
شوف يا أخي القذارة
رغم كل الحزن دا
لسا الغريزة بتنتصر ل روحها
ف ناكل
و ننام
و نقابل بنت حلوة ف نبتسم
و ننساك
رغم كل الحزن دا
بنكمل"                           
"فدا مين يا فوزي حبستك ف أوضة ضلمة
و أمك بتبكي تحن للضمة
كسيرة القلب
فدا دولة حاكمينها ولاد الكلب
فدا شعب
بيعرص بطبعه لأي حاكم مهما كانت ملته
فدا عواجيز على القهوة 
رغم إنها مش لاقية سرير ف المستشفى
بتدعي للحكومة و ل وزير الصحة
أحا
ما تنطق
قدا مين يلا
فدا ستات بيوت محيلتهمش غير الولولة
و العياط
و الفرجة على عهر لميس الحديدي و أماني الخياط
فدا دولة الظباط
فدا مستقبل ف عين عيال ف وشها الإحباط
و على ضهرها شنط المدرسة
كتب تقيلة بجهلها و كراسات
فدا مين يا فوزي
الشعب لما مش هيلاقي ياكل
هيبقى يخرج
يرموله كام لقمة .. ف يرجع        
و عمر العساكر الثكنات

***

أحمد النجّار

مين من دولا ، و مين من دولا ..
مين من دولا ، ومين من دول ..
لبِّس كل الشعب طاقية ..
لبِّس كل الناس أفارول ..
مين من دولا ، و مين من دول ..

أحمد الطحان 

ركّع كل الشعب ف قصرك 
شرّع شرّح قسّم مصرك
عكسر عصرك - عصرك عسكر
تصلب فوق بنادقها رسول
مين من دولا ، و مين من دول 

مزيج الشارع - أحمد الطحان ، أحمد النجار

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مـآمن يمشي فين



كلمتين يا مصر يمكن هما أخر كلمتين - بصوت احمد فؤاد نجم

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

انا أتوب عن حبك بصوت احمد فؤاد نجم

الشاعر أحمد النجار و أحمد الطحان .. مونولوج.MP3

‫الشاعر احمد الطحان ـ قصيدة اللولب‬.MP3

تركيز فريق ميكروفون من خلال فكرته بيكون على المواهب الحقيقية.. التمثيل، الشعر، الغناء، الحكي، العزف، وممكن تشاركنا فكرتك أو قصة نجاح حقيقية ليك.

زمان كان دايما الناس بتحبطك وبتخوفك وبتخليك تفكر أكتر من مرة قبل ما تطلع قدام جمهور.. في ميكروفون خلينا الجمهور هم أنت.. وأصحابك... وبنشجعك ونقولك ياللا تعالى قدم نفسك.

You are not alone share your talent with Microphone

https://www.facebook.com/Micegypt
https://twitter.com/microphone_egy
Microfonegypt@gmail.com
soundcloud.com/micegypt

أحمد النجار - أحمد الطحان - مونولوج

احمد النجار - احمد الطحان - حبيبتي من ضفايرها طل الرصاص

Malik Al Sharq - Acoustic Version Hesham Afifi / ملك الشرق - اكوستك فيرجن هشام عفيفي

ترايلر للنسخة الصوتيه من رواية عزازيل #بصوتي :)

3zazil Promo

أحمد الطحان - يوسف

سرحت عشان أعرف أعيش

وبحب البنت اللي تعافر   #أحمد الطحان

أهدي هذه الأغنية للسيد الرئيس راعي الفشخ في مصر :D

يا كُس امك  Ya Kos Omk

الربوه .. حته كدا مش متسفلته .. عالية عن الباقيين ... زيك
ناقصها بس جسمك المصبوب.. وقلبك اللى يدوب .. وعنين.

لو كنت انت الخسران .. فـ أكيد دا حظ عوالم
كل الاجوان ملعوبه لو دخلت فـ التانين 

وانا كل ما اقول التوبة .. يكعبلنى الحنين .. ♥♪♫

أحمد الطحان |  حظ عوالم

سيب لي حاجة مشرفة _ أحمد الطحان  Leave me something honorable _ Ahmed Eltahan

و مش مضطر _أحمد الطحان  I'm not compelled _ Ahmed Eltahan

أحمد الطحان - محتاج تراجع قراراتك

غريبة الناس - وائل جسار

 جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

كلمات : خالد عبد القادر
 الحان: يحى نديم
غناء: فرقة عمدان النور

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Seeret El Aragoz - سيرة الاراجوز

نجم في تقديمه للقصيده
 "دي قصيدة ليها نوعية خاصة، القصايد اللي بكتبها ليلة مبخش السجن"

أحمد فؤاد نجم - عزة

كلمات: مدحت العدل
الحان وتوزيع: عمــــــرو إسماعيــل
غناء: خالد سليــم
Original youtube: http://youtu.be/xz9oMKZkJfA

لكل عاشق وطن من فيلم أبو علي .. خالد سليم

http://www.facebook.com/NoWomanCanGetMe
__________________________________________________
هتعرف قيمتي انا بعدين وتتندم عليا سنين
هسيبك تمشي بس خلاص حبيبي ان رحنا مش راجعين
هتعرف قيمتي انا بعدين وتتندم عليا سنين
هسيبك تمشي بس خلاص حبيبي ان رحنا مش راجعين

هنتقابل مع الايام ووريني وصلت لفين
عشان مظلوم فهنسي أوام فراق بفراق احن لمين
لقيتك حد اي كلام وحقي هياخده ناس تانيين
هنتقابل مع الايام ووريني وصلت لفين
عشان مظلوم فهنسي أوام فراق بفراق احن لمين
لقيتك حد اي كلام وحقي هياخده ناس تانيين

هتعرف قيمتي بكره تقول ياريتني فضلت ليه علي طول
مقصرتش في حاجه معاك ولو غلطان واجهني وقول
هنتقابل مع الايام ووريني وصلت لفين
عشان مظلوم فهنسي أوام فراق بفراق احن لمين
لقيتك حد اي كلام وحقي هياخده ناس تانيين

سامــوزين - هتعرف

فروعنا ف كل حتة و بنفتح من خمسة ل ستة

و مش مضطر _أحمد الطحان I'm not compelled _ Ahmed Eltahan

Adel Shraqy