"آدى أيّام العجب والموت
جات بسرعة زى غمضة عين
ليه ماقلتش زىّ لمح البصر
كنت باتقلّب على الجنبين
والكابوس من كل جنب يجيبني
زىّ أعمى يحسّ لمّا يجسّ
ألقى نفسي واللا اشوف نفسي
بالتفت من آخر الدنيا
الحمير بتجرجر العَربَات
السما اللى تحت منها حابات
عند كوبرى أبو العلا بتشتي
أنكمش فى جتّتى من البرد
لسّه حارجع طفل تحت المطر
وأنحنى ع الأرض وافضل عجوز
اتوهمت الخوف دهسنى الخطر
كل شيء إلا الخيانه يجوز
ألبس التوب اللى مش توبى
أعمل الممكن مع المستحيل
أمشى زي الخنفسة وألبَد
جنب حيطة فى رُكن ع السلّم
الحجر الاصفر بيتألّم
فيه أثر للعشرة مهما تهون
أقبل الظلم اللى في الأشياء
والليالي بخدّها المدهون
والحياة والناس وحتى في نفسي
واقرا في الجرنال كلام تاني
وانتقل في الماضى واستغرب
وابكى ع المستقبل الفاني
واحمل الضلمة على عينيّا
وانتبه من نومي واسمع نعي
الزميل جودة سعيد الديب"

أيام العجب والموت - فؤاد حدّاد

فؤاد حداد - مفتتح أيام العجب والموت

ترسم صمتاً نظيفاً فإن المدينة تحتاج صمتاً نظيفاً و ترسم نفسك متجهاً للجنوب .. البقاع .. العروبة .. كل فلسطين !!

" مظفر النّواب عن ناجي العلي "

فؤاد حداد - مفتتح أيام العجب والموت

Ahmad Tareq