MT3😎💙💜

7amas

الجوكر - الواقع

Contact at: 
soundcloud.com/mt3muzic
facebook.com/mt3muzic

Lyrics: MT3

Verse #1

باصينلك بنظرات الحسرة.. شايفينك فاشلة، 
عندك 20 سنة و موقعتيش العريس اللقطة، 
تبقي وحشة.. هتبقي بايرة.. إيه؟ ناجحة ف المذاكرة؟، 
نجاحك ف مجتمعنا عدد العرسان علي باب الشقة، 
و ده الفكر المتخلف اللي زرعوه فيكي من صغرك، 
البنت بتحلم صاحية بالفستان الأبيض من يوم ما إتولدت، 
البنت كبرت بقت عروسة تعالوا شوفوا جهازها،
حاجات لا تذكر بألوفات و معندهاش لاب توب مثلاً،
هاتو الصيني و إملوا نيشها ف نفس الوقت دماغها فاضية،
مخلصة سنين دراستها و متعرفش حاجة عن الدنيا،
و تيجي واحدة ترمي كلمة بتطلب منها تشد حيلها،
البنت دورها عرض مش طلب فالموضوع إصلاً مش ف إيدها،
محدش من أهلها قالها إن شغلها ده الأهم،
لا المهم عرسان تتقدم و هما يشوفوا ف جيوبهم كام،
ده عنده فيلا ده عنده شقة و ده لسه خريج جامعة،
و الصفقة الناجحة للأغني عشان ده مجتمع عينه فارغة..

Chorus (x2)

شايفينك ألف.. من غير الهمزة، 
شايفينك ناقصة.. و العكس لما، 
يكون ف إيد من إيديكي الإتنين لابسة دبلة، 
ساعتها بس.. هيشوفوكي كاملة..

Verse #2

باصينلك بنظرات الحسرة.. شايفينك فاشلة، 
بنت خالتك الصغيرة دخلتها بكرة و إنتي لسه، 
شوفتي الشقة شوفتي الشبكة؟ إتجدعني شوية يا فالحة، 
كل اللي ف سنك خلفوا و إنتي لسه ف أوضتك قاعدة، 
نفسي أفرح بيكي قبل ما أموت زودي الميك أب خفي الطرحة، 
و لو بنقاب هتقلعيه معلش نأجل إيماننا شوية، 
بيعجلوا من نصيبها نسيوا إن رزقها علي اللي خالقها، 
بيشكو قلة حيلتها شايفين الموضوع عجز منها، 
مجتمع مركز دور البنت علي بس الجواز و الخلفة، 
ناقصة عقل و دين و كمان شايفينك ناقصة من غيرنا، 
و لو إتجوزتي و إنفصلتي بعد مدة تبقي كارثة، 
البصة هتبقي مختلفة و نظرتهم هتكون جارحة، 
و العرسان ف سن أبوكي و غصب عنك تبقي موافقة، 
يا هتفضلي لوحدك عايشة و باصينلك نفس النظرة، 
فلما تقرري تتجوزي إبقي خدي القرار بحكمة، 
متخليهومش يستعجلوكي عشان متكونش نهايتك وحشة..

Chorus (x2)

شايفينك ألف.. من غير الهمزة، 
شايفينك ناقصة.. و العكس لما، 
يكون ف إيد من إيديكي الإتنين لابسة دبلة، 
ساعتها بس.. هيشوفوكي كاملة..

Verse #3

باصينلك بنظرات الحسرة.. شايفينك فاشلة، 
بتحبي واحد ف سنك؟ و عشان كده كنتي رافضة؟، 
أي حد بيتقدملك.. دي تبقي كارثة إنتي هبلة؟، 
إزاي تربطي نفسك بولد لسه حياته ف أولها؟!، 
لسه هتستني يخلص جيشه بعدها تستني يشوفله شغل، 
بعدها تستني يكون نفسه و كل ده يا بنتي بسم الحب؟، 
لا الموضوع ده تنسيه خالص و خودي واحد أكبر منك، 
بكام سنة و جاهز عربية و شقة تبقي بإسمك، 
و أي حاجة نطلبها منه هتبقي ف ثانية تحت رجلك،
كده هتعيشي مرتاحة و مش ناقص غير إنه يحبك، 
و ده هييجي بعد الجواز بس إنتي إسمعي كلام أمك، 
سيبي الولد اللي حبك أنا الأدري بمصلحتك، 
الحب مش هيعمل حاجة غير إنه بس هياخد وقتك،
يشغل عقلك يوجع قلبك فسيبيه قبل ما يسيبك، 
برافو سمعتي كلام أهلك و إتخليتي عن حبيبك، 
هيفضل شايفك سندريلا حتي لو مبقاش أميرك..

MT3 | Marar - مرار


Published on May 10, 2016الـــكـــلـــمـــات


زهقت من صحابه و من سهراته و من رجوعه 
وش الفجر كل علاقته بيها سد جوعه 
تصونه ليه و هو خاينها الف مره
بيبصلها كل فين و فين هتبص فين غير بره

لا ده كلام شيطان انا بنت ناس و متربيه
هو اختارني فمهما لف مسيره في النهايه ليا
بس لامتي هموت بالحيا عشان يعيش حياته هو
جبان ، شاري راحة البال و بايع الابوه

زهق من نكدها و من طريقة اهتمامها 
كره غيرتها لما بالغت في المبالغه
زمان كانت كل يوم بشكل و بتسريحه
دلوقتي مياه عديمة طعم و لون و ريحه

كانت كل يوم جديده ، كل بنات الدنيا فيها
دلوقتي المخبر اللي مراقبه دقيقه دقيقه
و مقدرتش كونه اصبح ثور في ساقيه
عشان يعوض جنة بابي اللي في المنيل


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين


ليه بتخون؟ ليه بهون؟ ان شاء الله ، و مش بيكون
ليه مسجونه؟ و مش مسجون؟ ليك دنيتك و انا بدون؟
دنيتي اللي هي الشغل و سجنك اللي هو بيتنا !
اقتنعت ان انتي الطرف اللي بتتعبه علاقتنا !

انت خاين ، في الواقع ده اسمه هروب
من ان كل اللي انا حبيته فيكي ملوش جواكي وجود
طب ما انت مش انت اللي انا حبيته ، يبقي اخونك عادي!
احنا في مجتمع شرقي ،انسي شعارات التساوى

انا اكتفيت ،انا لسه عايزك جنبي
انت اناني لدرجه انك عايز تبين انه ذنبي
مش ذنبي لا انا و لا انتي، الحياه اللي ضغوطها زادت 
و مخدر البدايات انتهي ،فعقولنا فاقت

مبقولش اننا وحشين ،ولا مش مناسبين
احنا يا دوب بشر زي كل البشر و البشر ناقصين
متبررش الخيانه ، انا اصلا مببررهاش 
انا بقول اننا خربنا علاقه حرام منصلحهاش 


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين
_______________________________________________

Kabel Lel Kasr

Written by: El Joker
Music: Free Beat
Vocals: El Joker & A Jokerian
Master and mix by: El Joker
© 2016 El Joker

الجوكر - قابل للكسر

Lyrics :

Verse#1
طفل 10 سنين.. فالحياة جميلة
الله يخليلي بابا و ماما بيجبولي ألعاب كتيرة
البلايستيشن مثلاً.. طول الوقت بلعب
بنام كده علي نفسي لما مرة واحدة بتعب

الحمدلله بذاكر لما بروح من المدرسة 
أصلي سمعت ماما بتقول نفسها أدخل هندسة 
بس بصراحة.. عايز أبقي ظابط 
قولت لبابا يجيبلي مسدس ف العيد و قالي حاضر

بحب بابا طبعاً بس بخاف منه أكتر
بس ماما كتير تقولي يا روحي ده قلبه علي مصلحتك
حياتي لونها أبيض نفس لون باص مدرستي
مفيش مسئولية عندي بس أعمل واجبي ف كراستي

أشطر واحد.. محاط بنظرات الإهتمام
بلعب باسكت كمان بس مكنش بينا إنسجام
كنت شايف الدنيا بامبي وقتها نظري ضعيف
بس عرفت حقيقتها لما عملت الليزك و أنا كبير

Chrous
هي دي الحياة بتمشي حسب الظروف
كل حاجة فترة لو مش مصدق هتشوف

Verse#2
23 سنة.. ألعابي شحتّها
أهلي شايلين مني خريج تجارة مش هندسة 
كنت طفل باشا.. مكنش ناقصني حاجة 
دلوقتي اللي ناقص هو أنا إيه أساساً

أيامي عبارة عن إعادة فملعون أبو الروتين
هدّيت مستقبلي بإيدك بنيت قاعدة مستمعين
هديت الناس بمايك.. ف يقفوا مسقفين
الأغلبية شافوني ناجح ما عدا أنت ف صف التانيين

مصدوم بس مش أكتر من صدمتي لما أتخرجت
إستحالة تكون سابتني أكيد إيديا أنا فلتت
مش مشكلة هنسي عادي أيام البعد أهي كترت
بس متأكد إن كل كلامي اللي بقوله ده ف ودنِك

فهرجع لوحدي من تاني
مش هكمل نص ديني و أنا معملتش الأولاني
مهوي بالي أنا مالي مع نفسي أحسن حالي
أصحي من نومي بدري و أنزل عالقهوة جاري عادي

Chrous

هي دي الحياة بتمشي حسب الظروف
كل حاجة فترة لو مش مصدق هتشوف

Verse#3
فجأة.. 30 سنة و شوية
ف قعدة صالونات عشان تفرح أمي بيا
"مبسوطة يا أمي" بقولهالها بضحكة
و بص للبنت و ف سري برضه مش هي

محاسب ف مكتب و الضهر إنحنى
الراب بطلته و إسمي إتنسى
بضحك م الأسى بصعب ع الحسد
بفتكر أيام طفولتي و أنا ف مدرسة ال ااااه

مش فاكر.. مبلم ف الشارع 
شوفت حب الجامعة بس خلاص معدش نافع
كده كده معرفتنيش عدت من جمبي و مشيّت
و لسه بسرش على جوجل هي ليه سابتني و بعدت

بقضي أيامي مقضي على أحلامي
بشوف أمبول عمري بيفضى قدامي
بتمني أنام ما أقوم مش معقول ده محمود
بقت كل حاجة تحصل أبص لفوق كده و أقول

Single

هي دي الحياة

MT3 | هي دي الحياة (Ft. Youssef Mahmoud)

MT3 - MT3  لصديقي يزن.mp3

MT3 - إنتحار بالبطئ

MT3 - ثقافة شعب

MT3 - دايرة الزمن

MT3 - بلد الهاكونا ماطاطا

MT3 - صراع

MT3 - قدرك بقلمك

MT3 - هي دي الحياة

07- Vandeta9 , 9

https://soundcloud.com/ahmedsantaa
https://youtube.com/ahmedsantaa
https://facebook.com/ahmedsantaa
https://isntagram.com/ahmedsantaa

Ahmed Santa - Kol Mara Bansa El Dawa Ft (R3, Muhammed El-Alfy, Chester) |Explicit| (+18)

[المقطع الأول]
داخل بانشكاح زين المساجين دخلهم  أوضتهم
زي المجانين العباسية جنتهم
داخل أوضة الفران عشان اعزب جدتهم
اضربهم وببجاحة اروح اعزل منطقتهم
مان
تراب براحتك ابرحك ضرب مؤلم
انا بتاع راب سوري مين شرحها لمؤمن
كان جانجستر بس قفشته بكوتشي بنت
مش هتستحمل رزالتي حراق انا سكوتشمنت
في دماغك في الراب أفكار
بمستقبل زي دماغ بكار
عرف آخرتها فساب الكار
بطل زي الي قبلك اقفل الباب وراك ياحمار
كارير عمره ماهيكون زي صلاح
اخرتها شهرين في السين مليان إصابات
فا بصحى الصبح عشان اشرب قهوتي
بسمع فيروز ومنير من غير راب ارتقاء لصحتي
مش بسوق تريندات مبحبش توباك وبيجي
مش كل تراكاتي محن واطلع اعيط فيها على صاحبتي

[المقطع الثاني]
مستوانا مابيقلش بعدما بنغيب
ماببينش لحظات الضعف مع إنها كتير
بسرعة الصاروخ بعدي من جنبيك يازميل
اغانيا بلس إيتين مابختشيش واحط  تيييييت
كل واحد راب قلبه مات
الراب نام عشان علوق والبومات
سيبلي السين عشر سنين اقوم بيه زي أردوغان
من غير هوم اواي اكسبه على أرضه فا كله بان
Damn!
باين عليك  تعابير الخوف وراب خرا الفيشاوي
شيك عند الكبر عزت أبو عوف ورجاء الجداوي
مابشوفش الي على الأرض بس بحيب سماوي
ده أحسن رابر في مصر ده أحسن رابرفي مصرلا مين ساواني
تحية كبيرة لمن هو سفاح إمسيز
ومتفق إن  الي بيعملوه ده مش راب ده نكاح معيز
استاذ منصور لو ماكنش حفني كان راح في تيس
اقابلك بابتسامة وراها غشامة فا طار البربريز

[الجسر]
تحية من سانتا لبطاظ يطير فالزتون بديك علامة
اضايقك بشمس وديفل والعب بيك جيمين في أبو شامة
اعمل معاك الواجب ارفع مسدس في الأوضه
الزيتون الثقب الأسود والفور چي مثلث برموده
بكتب للراب سيناريوهات اقطع واقصقص في دورك
كنت سلطان صغير ارفع مسجل في الروضة
بصبك في كوباية وافضل ارقص في الصودا
في الباتل فيلد بنزل بأكسّر الفورة

[المقطع الثالث]
ايدي عالدركسيون بادريفت بالدايو خرافي
منقذ الأرض من هجوم الإليانز عندي في البايوجرافي
زي طابع البوسطة بتفافة اجلك اللازقة
تنزل تلاقيني في وشك ده نتيجة عملك الأزرق
مدمن الراب مش بيسوق دسات
مش مرزوق بكاب مزنوق بساد
باغاني محن دلدول نسوان
بعد شهر مايبطل راب هيموت انساه
لا هيطول الفانز ولا هيكون إنسان
ادي ريأكشن واو عالتراك وعلى روحك ريأكت ساد
لو حصرنا البانشلاينز هنحتاج إستاد يا عماد
من غير  چاچاجا اعو اعو برا برا برا
يافافي امسك فصاحبك فاتقولي بليز نو سيبه
مكسر عضمك بعد العضة دي قسمته بلس نصيبه
مش بالدقون والمعيز امحيك لو قلت سني
انا ديفندر شيك احميك من العين قبل النني

Ahmed Santa - Marageh مراجيح

TA6EB ft. R3 [ prod. Click Clack ]

MT3  أنا شاب

MT3 أنا شاب

Ahmed ALaa