
أنا تايه - على باب الله - متغرّب - الله الله - و لا ليّا سلطان و لا جاه - و لا ليّا ف التوهة دليل ..
أنا تايه - يا ولاد النيل - متغرّب - و بلادي سبيل - فاتحة لكل بنات الليل - قافلة فـ وشي يا حول الله !

أنا تايه - على باب الله ..
متغرّب - الله الله ..

كل ما أروح على بيت ألقاه - قفّل شيشه و لَمّ غُناه - بَدَل الناس عفاريت ساكناه - و إحنا بنشحت بيت لله !
أنا تايه - على باب الله ..
متغرّب - الله الله ..

قلبك زحمة و أرضك بور - فوقك ضلمة و تحتك نور - و إللي يموت بيموت مستور - و إللي يعيش مستني قضاه !
أنا تايه - على باب الله ..
متغرّب - الله الله ..

بيني و بينك خيط مقطوع - دم و هم و شوك و دموع - لا انا مرغوب و لا أنا ممنوع - بعشق فيكي بأمر الله !
أنا تايه - على باب الله ..
متغرّب - الله الله ..

فُرجَت لَكِن لسّه مفيش - و لا بنزين و لا جاز و لا عيش - و الحُريّة بإذن الجيش - و الدراويش أعداءُ الله !
أنا تايه - على باب الله ..
متغرّب - الله الله ..

خدنا الحرب بإيدنا قرار - و إستعمرنا عيون الدار - نعشق دايماً ضرب النار - نعشق دايماً قوله آه !
أنا تايه - على باب الله ..
متغرّب - الله الله ..

بكرة إزاي راح يجيي يا ناس - و الشيطان وسواس خنّاس - حلّى بناتكم للحراس - حلّى ولادكم للي معاه !
أنا تايه - على باب الله ..
متغرّب - الله الله ..

بيت : #على_باب_الله
#تراتيل_بين_الشوارع_والبيوت
#أحمد_النجّار
#معرض_الكتاب_2014

ملحوظة : اللحن مشتق من - أقر أنا المذكور أعلاه .. محمد منير

تصوير الراجل الطيب : Ibrahim Ali II
https://www.facebook.com/brightminds.CS

إيقاع : Mohamed Hesham Ragab
https://www.facebook.com/lllHlll?fref=ts

http://www.youtube.com/watch?v=WmAgaG1scKU


أنا تايه - على باب الله

كلمات وأداء : مايكل عادل
ألحان وتوزيع : شادي مؤنس
غناء : دياب أبو زياد وشادي مؤنس

العازفين
احمد عبد الستار - كمان
جون - ناي
ايمن صدقي - ايقاعات
حسام ناهد - تشيللو
شادي مؤنس - عود

الكلمات

قبل الكلام ما بيتكتب وبيتشطب
قبل اختراعهم للدقيقة بكام دقيقة
قبل اختراع الكدب والسكك الغلط
قبل أمّا أصلا نكتشف إيه الحقيقة
قبل اكتشاف ان الحنان شبه العَبَط
وان الطريق المستقيم بين نقطتين أصعب طريق
كان اللي باقي في الحياه أبسط كتير
من إن ضحكة تتسرق تصبح مفيش
أو إن غيرك يقتلك علشان يعيش
علشان نعيش..
لازم نكون وقت اللقا
فاكرين معاد الافتراق
لازم تراعي فـ وحدتك أمَل اللقاء
لازم تراعي في الزحام
عدم الدوام
واعرف بإن الاشتياق قد لا يدوم
وانك في اخر التجربة
لازم تقوم..
علشان تعيش..

.. علشان تعيش
بطّل تفكّر في الخلود
أعصر في أوقات الفَرَح
والابتسام وقت الأمَل
فكّر في إن اللي بيمشي
لن يعود
أعصر في أوقات الحنين قبل اللقا
فكّر في إن أكيد فيه ناس متشوّقة..
علشان تعيش..

علشان تعيش..
قابل جنونك بابتسام
قابل معاركك في الحياة من غير سلام
علشان تعيش..
اعرف بإن قضيتك ليها تمن
وهاتدفعه
مهما يطول بيك الزمن
علشان تعيش..

علشان تعيش..
إنزل على الأسفلت وامسح دمعتك
والمس دماء سالت عشان حريّتك
واحجز مكانك في الصفوف
حدد ملامس كف إيدك في الكفوف
يحرم عليك تلمس كفوف الخائنين
حافظ على الفكرة اللي عاشت من سنين
حافظ وعدّي الاختبار
علشان تعيش..
علشان الدنيا بتقلب فجأة بدون إنذار..

"علشان الدنيا بتقلب فجأة بدون إنذار
وعشان الناس علشان الجنة
جابولنا النار
ولأن العالم فجأة بيفضى وتبقى وحيد
وعشان الضلمة وشيل الهم
ولإنك لو هتروح للشارع
تغرق دم
والزحمة هتخلص من حواليك
من غير أعذار
والناس لو شايفينك طيّب
هايقولوا حمار
ولعدة أسباب اتقالت..
هتروح لبعيد
بالتالي هتبدأ م الأول..
فأكيد مشوارك هايطوّل..
وحنينك لحمارك ياخدك
على هَمّ جديد..


علشان تعيش - مايكل عادل وشادي مؤنس

السجن (شفتك في الحلم الليلة قمر) سعيد صالح كعبلون ١٩٨٥

" كنت صحبي بس متعرفش 
كل يوم سهراتنا مبتخلصش
كان تملي يذكر الاموات
و انه ميت روحه مبتطلعش 
كنت صحبي بس مفهمتش 
شوفت حزني زعلت مهربتش 
قولت عني الي معرفتش
فيا اقوله ؛ عجِزت مقدرتش.

كنت صحبي كنت بسمع ليك
كل موته الدنيا بتضيق بيك
شعرك اتسرب من الشبابيك
فِطرة لا تدعو إلى التشكيك
نبرة الصوت الرصاص 
غاوي و الغاويين خلاص
غالي و الأقدار لِصاص
حصروا دورك في التراث

كنت صحبي قولي ايه العمل 
انت الوحيد صادق موِت فيا الأمل
كنت جميل شايف العُمر لا يُحتمل
كنت قتيل خايف غيرك كمان يتقتل

كنت صحبي في الهزيمة ، شعرك المتقال جريمة
براحه ي احمد في الكتابة ، ايدك تقيلة 
إياك تقول دي كئابة ، جودة الأيام هزيلة
شوفت نفسك من الغلابة ، و انت اصلا نجم جيلك
نفسي ارد ليك جميلك ، بس بيقولوا النهاية 
مين الي مات ؟!! أحمد معايا 
كل الي قاله يعيش كفايه 
و لسه بكرة هقرا له .. نص كتبه من الخبايا
مين الي مات ؟ احمد ولي
لسه هيحكي عن علي 
قالك ي زينب تفضلي 
سبق ب خَطوه ل تزعلي
مين الي مات ؟ احمد عزول
ابنوله مسرح ع القبور 
احمد مخلوق علشان يقول 
لسانه فالت حبتين 
لكنه فاهم في الأصول 
هيراعي حرمة الميتين 
لما ييجي يسب فينا 
هيراعي حرمة الميتين 
كان بيراعينا

كنت صحبي و ليك محبة
وسط الخشب رجلك المرزبة 
كنا نهتف تستخبى ، تسمع المدح مسبه
تعلى حبه ، تهب خافي
سيبتلكوا لعب الاستادات 
احمد بيلعب في الشارع حافي

كنت صحبي قولي ليه الأذى ؟ 
احمد مماتش ، قوموا لموا العزا 
دة مش رثاء ، و لا تموتوا في الاسى
مين الي خايفين يتنسى ! 
احمد ما بينا كان حدث
احمد واصلنا بكل حاجة ، إلا النفس . "

مش رثاء أحمد الطحان - أحمد وحيد

تعرف اننا بالصلاة عازين ...
كلنا عايشين عالارض مش فوق فالجنة
بنسدد قطم التفاحة
لو آدم كان بس استنى ... مشكان هيجيب ناس مرتاحة
ومكنش بقى اقصى املنا نوصل لمكان اصله مكانا 
...ومخلوق مالاول علشنا
لكن احيانا م التفكير
الحبكة وفشئون التدابير
يطلع تفسير معقول بيقول
احيانا احداث الدنيا عشان تحصل
وخيوط اللعبة عشان توصل
مبينقصهاش غير شماعة الدنيا اساسا
مالاول شيء يشبه سلك السماعة
يتلعبك منك فثواني وعشان يرجع مفرود تاني لازم تتعزب وتعاني
وتفكه فاكتر من ساعة

أنا تايه - على باب الله

Ahmed El Naggar