عظيم جداً، كان نفسى يكون التسجيل أنقى، لكن كتر خيرك بجد

أم كلثوم - ماتصبرنيش ما خلاص ( للصبر حدود )

لايف من دايرة كامب. كلمات أحمد فؤاد نجم، ألحان الشيخ إمام، توزيع بهية
---
عن موضوع الفول واللحمة 
صرح مصدر قال مسئول
إن الطب اتقدم جدا
:و الدكتور محسن بيقول
إن الشعب المصرى خصوصا
من مصلحته يقرقش فول
حيث الفول المصري عمومًا
يجعل م البني آدم غول 
والبروتين الكامن طيه
نادر زيه ف أيوها فول
تاكل فخدة في ربع زكيبة
والدكتور محسن مسؤول
يديك طاقة وقوة غريبة
تسمن جدًا تبقى مهول
لحمة نباتي ولا في الحاتي
تاكل قدرة تعيش مستور

ثم أضاف الدكتور محسن
إن اللحمة دي سم أكيد
بتزود أوجاع المعدة
وتعود على طولة الإيد
وتنيم بني آدم أكتر
وتطير منه المواعيد
واللي بياكلوا اللحمة عمومًا
هيخشوا جهنم تأبيد

يا دكتور محسن يا مزقلط
يا مصدر يا غير مسؤول
حيث إن انتوا عقول العالم
والعالم محتاج لعقول
ما رأيك جنابك وجنابهم
في واحد مجنون بيقول
إحنا سيبونا نموت باللحمة 
وانتو تعيشوا وتاكلوا الفول
ما رأيك يا كابتن محسن 
مش بالذمة كلام معقول؟

عن موضوع الفول واللحمة

لسه فاكر ... شاعر الكمان  ~  محمود الجرشة

لا مش كدا - وردة

ليلى مراد - (طقطوقة) سنتين وانا أحايل فيك ... عام ١٩٥٦م

Patapan

من قصيدة "ألا يا حمامات الأراكة" للشيخ الأكبر محيى ابن عربي

ألا يا حَماماتِ الأراكَة ِ والبَانِ	ترَفّقْنَ لا تُضْعِفْنَ بالشجوِ أشجاني
ترَفّقْنَ لا تُظهرنَ بالنّوح والبُكا خفيَّ صباباتي ومكنونَ أحزاني
أُطارحُها عند الأصيلِ وبالضحى بحنَّة ِ مشتاقٍ وأنَّة ِ هيمانِ
تَنَاوَحَتِ الأرواحُ في غَيضَة ِ الغَضا فمالتْ بأفنانٍ عليَّ فأفناني
وجاءتْ منَ الشَّوقِ المُبرَّحِ والجَوَى ومِن طُرَفِ البَلْوَى إليّ بأفْنانِ
فمَن لي بجمعٍ والمحصَّب مِن مِنًى ومَنْ لي بِذاتِ الأثْلِ مَنْ لِي بنَعْمان
تطوفُ بقلبي ساعة ً بعدَ ساعة ٍ لوَجدٍ وتبريحٍ وتَلثُمُ أركاني
كما طاف خيرُ الرُّسلِ بالكعبة ِ التي يقولُ دليلُ العقْلِ فيها بنُقصَانِ
وقبّلَ أحجاراً بها، وهو ناطقٌ وأينَ مَقامُ البيتِ من قدرِ إنسانِ
فكَم عَهِدَتْ أن لا تحولَ وأقسمتْ وليس لمخضوبٍ وفاءٌ بأيمانِ
ومنْ أعجبِ الأشياءِ ظبى ُ مبرقعُ يشيرُ بعنَّابٍ ويومي بأجفانِ
ومَرعاهُ ما بينَ التّرائِبِ والحَشَا	ويا عَجَباً من روضة ٍ وَسَطَ نيرانِ
لقدْ صارَ قلبي قابلاً كلَّ صورة ٍ	 فمَرْعًى لغِزْلاَنٍ وديرٌ لرُهْبانِ
وبَيْتٌ لأوثانٍ وكعبة ُ طائفٍ، وألواحُ توراة ٍ ومصحفُ قرآنِ
أدينُ بدينِ الحبِّ أنَّى توجَّهتْ رَكائِبُهُ فالحُبُّ ديني وإيماني
لنا أُسْوَة ٌ في بِشْرِ هندٍ وأُخْتِهَا وقيسٍ وليلى ، ثمَّ مي وغيلانِ

فرقة ابن عربي - تَنَاوحَتِ الأَرْواحُ

كلمات: مأمون الشناوي
ألحان: محمد عبد الوهاب
غناء: محمد عبد الوهاب

كل ده كان ليه لما شفت عينيه
حن قلبي إليه وانشغلت عليه
كل ده كان ليه
كان ليه
قال لي كم كلمة يشبهوا النسمة فى ليالي الصيف
فاتنى وف قلبي شوق بيلعب بي وف خيالي طيف
غاب عني بقى له يومين ما اعرفش وحشني ليه
إحترت أشوفه فين وان شفته حاقول له إيه
كل ده كان ليه
اللى حيرني واللي غيرني واللي فاتني ف حال
نام وسهرني والا فاكرني والا مش عالبال
صبحني ف هم وويل من طول ما بفكر فيه
نساني أنام الليل خلاني ابات أناجيه
كل ده كان ليه
ليه بيحرمني من سؤال عني وافضل استناه
لو يكلمني كان يطمني ع اللى بتمناه
يا شاغلني ليل ونهار بغرام ما اقدرش اداريه
شوف قلبي وشوف النار اللى انت قايدها فيه
كل ده كان ليه

محمد عبدالوهاب - كل ده كان ليه

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

قصيدة العمة يامنة ـ للشاعر عبد الرحمن الابنودي

بسيط غريبة الحُسين - محمد العربي السرغيني-طرب اندلسي

يسمع ضروبه وألحانه .. والمخبى فيه 

فى القلب ياما حيلاقى كل ما يرضيه 

لسه فاكر ... شاعر الكمان ~ محمود الجرشة

Ahmed Hesham Anwar

Recent comments

Mohammed Saeed Awad

Bibo Bibo 5

Related tracks