ليلة ٢٨ رمضان ٢٠٢١
بعد منتصف الليل
أمام باب السر لمسجد ومقام سيدنا الحسين - القاهرة

نفحات بعد منتصف الليل في جوار سيدنا الحسين - مديح متيمة وبعض المحبين

قبعات التفكير الستة# ادوارد بوينو # الحياة الطيبة #Eman Kandeel

الضحك اللي ضحكناه من سنه
غير الضحك اللي بنضحكه دلوقت...
علشان
احنا كمان اتغيّرنا مع الوقت

احنا كمان سرَقِتنا السكينه..
بنخاف أكتر 
كل ما نكبر...

وبعد ما كان الواحد شايل همّه وبس
بقينا نشيل هَمّ ولادنا وأهالينا..

احنا كمان اتغيّرنا عشان الدنيا بتتغَيّر 
واليوم.. اللي فـ صُغري كان أطول من عُمر بحالُه..
لما كبِرت لقيته قُصَيّر

ولقيتني حمار..

ماحسَبتش كل المشوار
وحسَبت الفرح
وماحسَبتش حُزنُه...

واتهَيّألي.. إن العالم دا بكل ما فيه من قسوة
هيطلع طيب وياخُدني فـ حِضنه!

كنا غلابه يا صاحبي... وفوقنا؟
_ما فوقناش...

لسه بيرمينا رصيف لرصيف
واحنا بنبحث عن شغل..
لسه بترفُضنا (الدِبله) عشان واسعه على إيدينا..
وحبيبتك.. بعد ما كنت حبيبها وكل حياتها
لقيتهم حطّوا ف بيتها الزينه...

والدنيا بكل بجاحه بتضربنا وهيَّ بتضحك فـ عنينا
وبتقول: معلش!

رفَضِتنا بلدنا
ورفَضِتنا المطارات..

والعالم طَفّى النور.. وضَرَب صواريخ فـ الجو.. وغنّى

من غير ما يبُص على الرُكن المرميين فيه انا وانت وأحزاننا
من غير ما يقول - بعزومَه - تعالوا احتفلوا معانا

أو حتى بعَطف (الچنتلمان) يسحَب منديل من جيبه
عشان نسمح بيه بُكانا..

جينا.. وماشيين..

واحنا ملذات الدنيا اللي بنحلم بيها سجارة وفنجان قهوه وأغنية وراحة بال.. وعينين
يشوفونا بنظرَه بتعرف تفرِز صح
وتعرف تدخُل للقلب..

احنا القاعدين على رَفّ العالم.. إبن الكلب
بنعرِض بضاعِتنا...
أحلامنا/شبابنا/سنين الطيش/الحب وأوهامه/ وطموحاتنا..

بنصَبّر بعض..
ونقول: معلش.. أكيد فـ الزحمة الدنيا نسِتنا

أكيد سايبالنا مَناب للآخر...

حاجه من الصَنف الفاخر..
حاجه من الفَرَج المتأخّر..

احنا القاعدين على رَفّ العالم
شايفينه بيتبَخّر..

شايفين العربيات رايحه وجايه
والناس ماشيه وجاريه
والسما بتغيّر ألوانها.. وتتغيّر

والعُمر قُصَيّر..
أقصر من إننا أصلاً نِهتَم

والإنسان مش بس عرق أو دم
دا ثورة يا صاحبي وقامعينها

إضحك...
وبصوت عالي
وخلي الدنيا اللي بتتعَمِّد تِنسانا.. تشوفنا بعينها...
واحنا بنلعن ميتينها.. وأحياءها

انا وانت
الخارجين من حواريها وأحيائها...
شقانا على وشوشنا...
بس بنضحك 
علشان نختبر انا وانت ذكاءها

ونشوفها هاتقدر تعرف
هل ضِحكنا دا من الفرحه؟
وللا من الهم؟
.

#خالد_سليم

الضحك - شعر - خالد سليم

ابتهال : عمرو يكن
كلمات : احمد جمال
"تسجيل "عنادل


العين تبكي - عمرو يكن

Egyptian Project_سقانى الغرام

رأيت ربي بعين قلبي - الحلاج - YouTube.MP4

حب الحسين وسيلة السعداء .. وضياؤه قد عم في الارجاء 
سبط تفرع منه نسل المصطفى .. وأضاء مصر بوجهه الوضاء

حُبُ الحُسين وَسيلَةُ السُعَدَاءْ

فرقة ابن عربي  ' إشرب شراب أهلي الصفا '

آخر 7دقائق من فيلم الكيت كات 1991 من روائع السينما المصرية

مونولوج بنت العمده ، محمد ربيع

تسجيل عفوي غير مقصود
خارج باب السر عند مولانا سيدنا الحسين
أيام المولد
قاهرة المعز - ديسمبر ٢٠٢٠

حُبُ الحُسين وَسيلَةُ السُعَدَاءْ

Ahmed Moghazy 5