يا  ست ايه ده كل ده
يا أم المكارم والفدا
أوصاف جمال متجددة
لا هي يوم كده ولا يوم كده
وان قالوا ايه ده كل ده
بنقول مدد يا سيدة

يا أم البشاير والمدد
يا أغلى م الروح والولد

يا ست يا حارسه البلد
من كل من عادى وحسد
ده انتي الأمان وانتي السند
يا محصاننا بالمدد

يا ستي يا أم الكرم
دي الروضة عندك والحرم
ولافيش محب الا انكرم
ولا ينظلم ولا ينحرم

يا ستي يا أم الصفا
يا بنت طه المصطفى
بنت البتول أم الوفا
دي المروة عندك والصفا

يا ستي يا نور ربنا
ده انتي طبيبنا وطبنا
سيدنا النبي بيحبنا
لاجل ان بنته عندنا

يا ستي يوم جتلك صبي
والحب ديني ومذهبي
نلت اللي كان فوق مطلبي
وصبحت مداح النبي



مدد يا سيدة .. الحضرة


زي إيه؟.....
عارفة خامة صوت سيمون؟
حلوة جدا
مش كده؟
حاجة تِجلِي الأفئدة
بس ليها لون مُحدد
تون مُحدد
ليها برضه أوان مُحدد
وقتها دايما مُهدد
صعب جدا تسمعيها 
غير في أوقات الخفوت
صعب حد يفتكرها
لو قالوله مين أحلى صوت
زي شاي البرجموت
يهف عليكي مرة واحدة
كل يمكن كم سنة
أهو ده بالظبط ....
أنا
#AmrAboZeed

مدد يا سيدة .. الحضرة

Ahmed Moghazy 5