mony

كلمات راقت لى ♥

gazaga

Gazaga

عمدان النور - جازاجا - GAZAGA

3AMDAN ELNOOR

عمدان النور

Gazaga - عمدان النور - هاعيشك HaA'eshek By GazagaBand - عمدان النور.mp3

 إتمرد قبل ما نتشرد
ونيرون يستخدم ولاعته
الحلم هيرجع بمجرد
ما نشيل الظالم وجماعته
سرطان وعليك جاي يمثل
دور دكتور ولابس سماعته

فاضل زقة كمان يا مهون
ده الظالم بتقرب ساعته
مين فيكوا لسه ماوقعشي ؟
انا حاسس كلكلوا وقعتوا

ده اتمسكن قرب يتمكن
وفاكرنا هنسكت لصياعته
وقدرنا على اللي اصيع منه
قبل ما نتعرض لمجاعته
الموضوع ابسط من شكة
ايه يعني ما ياما اتوجعتوا

كلمات .. عادل سلامة .. 
ألحان .. يحيى نديم .. 
توزيع موسيقى .. محمد نبيل .. 
غناء .. يحيى نديم .. مصطفى نديم .. تامر نديم .. 
ليد جيتار .. ميزو .. 
كيبورد .. محمد نبيل ..
قانون .. محمد سعودى .. 
درامز .. هشام حمدى .. 
تم التسجيل باستوديو أرت بالاس هندسة صوتية .. حمادة الحسينى ..
تم عمل الميكساج باستوديو ألترا هندسة صوتية .. علاء الكاشف

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Etmarad إتمرد

حضن دافى - كارمن سليمان

نفسي يا رب تغالطني فاجاهدها فتغالبني
اخشى ان اجد فتغلبني
لولا رحمتك تقربني من نورك فاجمل غفرانك

ادعوله في الحرم
يا رايحين الحرم
العمر الغالي يرجع من بعد اتفرم

دنيا و متوله توله
بتبحبح على العتاوله
وبتدي المستريح حتى من غير محاوله.
اللي تديلو جوله
و اللي تديلو دوله
و اللي تديه مقاوله اكبر من الهرم

ادعوله في الحرم
يا رايحين الحرم
العمر الغالي يرجع من بعد اتفرم

كفك يا دنيا علم
على الجته و على الافا
اشوف حالك ابلم و اتشحتف شحتفه
ليه تمشي معايا سلباً
وبتحلبيني حلباً
امتى لقاك يا ملبن على الفسدق اتبرم

دنيا و متوله توله
بتبحبح على العتاوله
وبتدي المستريح حتى من غير محاوله.
اللي تديلو جوله
و اللي تديلو دوله
و اللي تديه مقاوله اكبر من الهرم

ادعولي في الحرم
يا رب
يا رايحين الحرم
العمر الغالي يرجع من بعد اتفرم

احمد سعد- 'ادعوله في الحرم' تتر مسلسل شارع عبد العزيز

مسارح .. وسيما .. وسيرك وأفيش
وصورة المنيّل .. وكاب الشاويش
وكلب الحراسة .. وكرسى الرياسة
وحبة سياسة .. وطربة حشيش
................
تذاكر يا هانم .. تذاكر يا بيه
هاتدخل بعيل .. تحاسب عليه
جميع اللى ماتوا .. عيالى الصغار
جميع اللى عاشوا .. ملوك القمار

كلمات الشاعر أحمد النجار .. 
ألحان يحيى نديم .. 
توزيع موسيقى محمد نبيل ... 

الغناء يحيى نديم وتامر نديم ومصطفى نديم ..
التنفيذ الموسيقى لفرقة gazaga عمدان النور ..
حمادة نبيل .. كيبورد
معتز .. ساكس فون
رأفت فرحات .. كولة
ليد جيتار .. ميزو
بيز جيتار .. محمد العشرى
درامز وبركشن .. هشام حمدى
ايقاعت شرقية .. مصطفى طاطا

الهندسة الصوتية المهندس علاء الكاشف 

تابعنا على فيسبوك:https://facebook.com/GazagaBand
تابعنا على تويتر:https://twitter.com/GazagaBand

مسارح وسيما عمدان النور - Gazaga band

كلمات عمرو حسن 
الحان يحيي نديم 

 


كان بلياتشو متخصص
يموت -قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
و هو لأنه بلياتشو
مقالشى هو نفسه ف إيه
دا كان لما يشوف دمعة
يروح و يشيلها ف المونتاج
و كان لو يوم يعوز ضحكة
يروح يرسمها بالمكياج
وقف على كرسى قدامها
و شد المشنقة بايديه
و جه واحد وقال وقّف
و ضحكوا الناس على الإفيه
فضل يضحك على نفسه
و مش عارف بيضحك ليه !!
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
دخل بدماغه ف الحلَقة
و شدوا الكرسى من تحتيه
وهو لأنه بلياتشو
مقالشى هو نفسه ف إيه
و ف المرة دى تحديداً
مجاش واحد كما العادة
ف آخر لحظة قال وقّف
و بص ف عينها وقت الموت
تخيل وقتها شاف إيه ؟
لقاها واقفة بتصقف
مع الجمهور على الإفيه
و راح مع دوشة السوكسيه

فرقة عمدان النور "البلياتشو" برنامج قعدة مزيكا



نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليه بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. انا من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

عمدان النور ـ نص ونص

ندرت الندر يا مصر بالساهل
ندرت الندر يا دسوقى لأصارحك لاجل ما تفوقى 
بجرحك لاجل يتعافى واسايسك لاجل نتصافى 
واصالحك لاجل ما تروقى
ندرت الندر بالساهل وكفرنى عشان اوفيه 
لا كان الندر يستاهل ولا كفرى نفع بعديه 

ندرت الندر يا طاهرة ما اسيب وقفة ولا مظاهرة 
وفى الاضراب وفى العصيان تلوشنا الشومة والعصيان 
وفى الاقسام مع الاقلام تملّى تكمل السهرة 

ندرت الندر ابو العباس يدوق سجانى نفس الكاس 
واكتف ايده بحباله واسد فى دينى ماله 
وناره الآيدة تحماله وادوس فوق منه زى ما داس 

ندرت الندر يا رفاعى عقدت العزم والنية 
لاهاخد حقى بدراعى مدام حامينها حرامية 
وطوفت وزورت كل مقام مليته دموع بكى وكلام 
كنست السيدة يا امام فتلت يا عدرا شمعك فيه 

ندرت بالساهل ولو حتى هاموت واوفيه
اكيد الندر يستاهل مادام هاتعيشى بعدى فيه

كلمات : مصطفى ابراهيم
الحان : يحيى نديم
توزيع : احمد شعتوت
هندسة صوتية : احمد جلبي
غناء : جزجة باند

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Nadart ElNadr Ya Masr - ندرت الندر يا مصر

 عمدان النور عندنا ف الحى
يدوب بتسرسب نقط الضى
وانا المشتاق لنقطة نور
على جبيني
تطل الشمس من عينى
تنور للغريب والخى

ولسة الشمس ما شافتنيش
ولسة الضلمة مش زهقانة من وشى
ولسة الليل ما بيعديش
وضلمة ليلنا مالهاش زي

دانا المشتاق لحبة نور
كما شوق النبات للرى
تطل الشمس من عينى
تنور للغريب والخى

كلمات : احمد حسين
 الحان: يحى نديم
غناء: جزجة باند


facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

3amdan El Nour عمدان النور

 جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

كلمات : خالد عبد القادر
 الحان: يحى نديم
غناء: فرقة عمدان النور

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Seeret El Aragoz - سيرة الاراجوز

موسيقى حلوة يابلدى لدليدا - (سّحِر النَغَمْ)

لو غبت سنة ... انا برضه انا

رائعة الشيخ امام ( اتوب عن حبك أنا ) بصوت محمد محسن

محمد محسن - اتوب عن حبك انا

اضرب صحوبية

اضرب صحوبية مع الأحزان
 واتمشّى معاها على الكورنيش
ضُمّها بإيدين مليانة حنان
قولها عن سرك ماتخبّيش

قولها دانا حاسس إني وحيد
وقلوب الناس شايلالي جراح
لو لسه ف عيني الفجر بعيد
ف عينيكي طريق الحلم براح

اضرب صحوبية مع الأحزان
 و اتمشّى معاها على الكورنيش
ضُمّها بإيدين مليانة حنان
قولها عن سرك ماتخبّيش

قولها مخنوق مش لاقي كلام
وانتي اللي رسمتي دموعي حروف
حلّفها بكرهك للأيام
ماتسيبش ف قلبك نقطة خوف

واسألها كمان عن أحوالها
دوّر على نكتة تقولهالها
ماتكونش الصفر على شمالها
خطّي و خلّيها تخطّي معاك
ويا الأحزان هتكون إنسان
جايز يتحول يبقى ملاك
ويا الأحزان هتكون إنسان
أحزانك أجمل شيء جواك

---------------------------------
كلمات والحان : انطونيوس نبيل
توزيع : وليد ميمني

اضرب صحوبية - جوني و إيمان فؤاد

حرب شاملة

ماتقوليش إن الورود طلعت بلاستك
و إني أهبل لما بأقبل أبقى نحلة
لمّي كل الورد جايز لو لمستِك
يصحى تاني و فجأة تبقى الدنيا أحلى

ماتقوليش على شوقي ليكي سوء معاملة
ماتقوليش عايشين عشان نكره وجودنا
قولي إن الكون بحاله ف حرب شاملة
قولي إن لقانا وسط الحرب هُدنة

ماتقوليش إن المطر سارح ف جسمي
ناوي يكسي بالصدا رعشة مفاصلي
ماتقوليش غير كلمة واحدة قولي اسمي
ردديه و استطعميه علشان تواصلي

ماتقوليش على شوقي ليكي سوء معاملة
ماتقوليش عايشين عشان نكره وجودنا
قولي إن الكون بحاله ف حرب شاملة
قولي إن لقانا وسط الحرب هُدنة

بين شفايفِك اسمي بيسلسل خريفي
بين شفايفي لو مافيش غيرِك يكفّي
ايوة ماغرزتش ف قلب العتمة سيفي
بس غارس جِدر شمسِك جوّه كفّي

ماتقوليش على شوقي ليكي سوء معاملة
ماتقوليش عايشين عشان نكره وجودنا
قولي إن الكون بحاله ف حرب شاملة
قولي إن لقانا وسط الحرب هُدنة

---------------------------------
كلمات والحان : انطونيوس نبيل
توزيع : وليد ميمني

حرب شاملة - جوني

مـولاى إنـى ببابك - النقشبندى

مَوّلاي إنّي ببابكَ قَد بَسطتُ يَدي 
مَن لي ألوذُ به إلاك يا سَندي؟

أقُومُ بالليّل والأسّحارُ سَاهيةٌ
أدّعُو وهَمّسُ دعائي، بالدُموُع نَدى

بنُورِ وَجهِكَ إني عَائدٌ وجلُ
ومن يعد بك لن يَشّقى إلى الأبدِ
 
مَهما لَقيتُ من الدُنيا وعَارِضها 
فَأنّتَ لي شغلٌ عمّا يَرى جَسدي

تَحّلو مرارةِ عيشٍ في رضاك
ومَا أُطيقُ سُخطاً على عيشٍ من الرَغَدِ

مَنْ لي سِواك!!!!!!!!!!!!!!!!!؟!
 ومَنْ سِواك يَرى قلبي ويسمَعُه ؟
 كُلُ الخَلائِق ظِلٌ في يَدِ الصَمدِ

أدّعوكَ يَاربّ فأغّفر ذلَّتي كَرماً
واجعَل شَفيعَ دُعائي حُسنَ مُعْتَقدّي
وأنّظُرْ لحالي .. في خَوّفٍ وفي طَمعٍ
هَلّ يَرحمُ العَبّد بَعْدَ الله من أحدِ!!!!؟





مـولاى إنـى ببابك - الشيخ النقشبندى

لما تعمل اي حاجة اديها حقا 
يعنى أما تزعل أزعل أوى علشان لما يجى الفرح تعرف تعرف أوى
و لما تكتئب أكتئب أوى علشان لما ربك يفك الكرب ترتاح أوى
و لما تحب حب أوى علشان تعرف تدى أوى
و لما تسامح سامح أوى بس ماتنساش علشان لما يفيض بيك تبقي عملت كل اللي في وسعك
و لما تضحك أضحك أوى علشان تعرف تبكى أوى
و لما تنبسط أنبسط أوى علشان تعرف تتكدر أوى
و لما تغلط كرر غلطتك علشان تعرف تتعلم 
و لما تعمل أى حماقه خد بالك علشان تتعلم الحكة
أعمل كل حاجة لأخرها و أديها حقها و أتعلم من كل اللي حواليك أتعلم من قليل الأصل و ابن الاأصول أتعلم من الكريم و البخيل أتعلم من الغبي و الذكى أتعلم من المتواضع و المغرور أتعلم من اللي شايف نفسه و اللي مقلل من نفسه أتعمل من المحبط و من المتفائل أتعمل من كل ده علشان هيمر عليك مواقف تبقي فيها مرة كدة و مرة كده و أعرف إن اللي فات لو كان وحش الأوحش جاى و إن كان حلو الأحلي و إن ياما دقت علي الرأس طبول و إن كل ده هيخليك أحسن بس أهم دى كل حاجة وقتها ماتسمعش اللي قولك أنت عايش في الدور لكن أسمع اللي حاول يواسيك بكل أو نصيحة مش مهم تعمل بيها المهم تحطها في بالك علشان هيجى يوم وقتها أعمل كلب اللي نفسك فيه اوى طالما لا حرام و لا عيب و أعرف إن هتلاقي ناس كتير منهم اللي يكمل معاك و اللي يفارقك و اللي تأخده الحياة أو يأخده الموت كل ده هيأثر و أعرف إن فيه اللي فاهمك و حابك كده و معاك و فيه اللي مش فاهمك بس مرتحالك بس أهم أدى كل حاجة حقها و ماتكتمش جواك
---------------------------------
خواطر: ماجى إيهاب أنور
هندسة صوتية: رغدة أيمن
أداء صوتى: زينب فرحات

أوى

نخلق وطن

لازم ندوّر ع الطوفان
يمكن لو الكون اتمحى
نخلق وطن مافهوش حيطان
مافهوش قلوب متجرحة

نخلق وطن
مافهوش خريف مافهوش عبيد
ولا ليل مخيف ولا شيء بعيد
مافهوش بشر تقدر تخون
فيه كل إيد بتضم إيد
فيه الحنان جوّه العيون
وردة أمل متفتحة

-----------------------------------
كلمات والحان : انطونيوس نبيل
توزيع : وليد ميمني

كليب
https://www.youtube.com/watch?v=nXHuZNpQ_cc

نخلق وطن - جوني و إيمان فؤاد

مصر يامّه يا مغارة
واللصوص على كل حارة
كنت جايلِك بس آسف
ثَـبِّـتـوني في الإشارة

نفس أصحاب المصالح
واللي جاي زاي اللي رايح
واتنسى الدم اللي سايح
يا ألف رحمة و100 خسارة 

نفس أصحاب الزريبة
ركبوا دقن وزبيبة
ضيعوا ورق القضية 
طرمخوها ولاد لاعيبة
مصر ياما يا بهية
كفروني وقتلوا فيا 
وع الحقوق الانساينة 
يا 300 مليون خسارة

كلمات مروة مأمون 
 ألحان يحيى نديم 
 غناء يحيى نديم \ تامر نديم \ مصطفى نديم
توزيع موسيقى . بيرم 
كمان عماد عزمى \\\ ليد جيتار حسين جمال
هندسة صوتية لؤى فايد
تم التسجيل والميكساج باستوديو وصلة إف إم .. بريش\\\\ شكر خاص لموقع وصلة إف إم .. بريش ومحمود يوسف

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Masr yamma مصر يا امّا يا مغارة

سابع ألبوم في حياة الملك محمد منير
شيكولاتة - 1989

عمدان النور ـ نص ونص

Ahmed Mohsen