songs

شعر احمد ناجي

روقان

الشاعر

فـيفيان مراد - أيام فى العمر

مهرجان هانجوفر مولد سيدي العريان اوكا و اورتيجا   Oka FT Ortega Hangover 2015

اصاابك عشق

حلالى Godzee

WATCH ME PLAY LIVE ON THE ELLEN SHOW!
FULL VIDEO ON INSTAGRAM

Instagram:@Jklanky
Twitter:@Lankfordjohn

Please share and support if you enjoy. 
All credit to DJ Snake & Justin Bieber for the amazing art.

<a href='https://theartistunion.com/tracks/11f658'>Download for free on The Artist Union</a>

Let Me Love You - Justin Bieber (John Lankford Cover)

لو كان بإيدي اختارك ثانيه بدري . كان فرق كتير

موقع دندنها - Dndnha.Com

انا وانت _ مي عبد العزيز

beat by : V-Nom
Rec & Mastring By : V-Nom

Godzee l حوا

بنت الناس 💔

البينولا

اخر عرض ✋

كان هايمشي لما قالت كل شي بينا انتهي ..
رفض تشوفه بدمعته وهو قدام منها ..
حس انه ضعيف كأنه لو فضل قدام عينيها ..
خاف لا تطلع كلمه منه تشوفه بيترجاها بيها ..
........
رد فعله اتقلب وفاجاه قام واقف قصادها ..
بص ليها نظرة اخيرة كأنه من جواه حضنها ..
بس قدامها الكلام كان مختلف غير اللي حسه ..
غلب كلامها وقالها حبك خلاص مابقتش عايزه ..
.........
وانتي كنتي تجربه حكايه كانت متعبه ..
يعني لو هاحسبها صح هاتبقي طالعه مذنبه ..
دموعها نزلت منها وهو بيكمل كلامه قالها ..
لو اتسالت ف يوم عليكي هاقول دي واحدة وكنت بحبها ..
.........
بالرغم من قلة كلامه بس كان زي الرصاص ..
اللي كان طيب معاكي عدي وقته خلص خلاص ..
كبريائه غطي ع جرحه اللي كان عمال بينزف ..
بان قصادها اقوي واحد لكنه من جواه بيضعف ..
........
بس ف نهاية كلامه مرة واحدة ارتبك..
لما كان بيقول سلام بص ليها قام ضحك ..
والتفت ومشي ف طريقه والدموع غلبت عينيه ..
هو بان قصادها مش فارق معاه ..
بس كان معني ابتسامته قلبه كان صعبان عليه ..

كبرياء

كما ف العشق يحكوا عنه ف الحكايات ..
انا هاحكي كلام عنك واقول روايات ..
من البدايات نطق قلبي وقال حبك ..
يعيش حبك مع قلبك ويسكني لحد اخر النهايات ..
حكايتي بكل تفاصيلها معاكي مش بتتلخص ..
ولا بينقص ف يوم حبك عن التاني يا عايشه ف قلبي وكياني ..
واقول من تاني هانساكي افكر فيكي..
 وابص لعينيك اتلخبط يتوه العقل وياكي..
 يروح مش جاي..
واقول ازاي ..
 ده انا اللي كنت ولا واحدة بتشغلني ..
وتيجي انتي تبدلي كل احوالي ..
حكيت عنك لعمي وصحبي ولخالي..
ياساكنه بعيد وف العالي ياعشق الروح ..
يا دوا ليا وشفا لجروح..
 وفين مابروح ..
بقول اسمك واكون راسمك واحكي كل يوم عنك ..
انا ف عشقك..
 كتبت الشعر والدواوين تنام العين..
 ويدعي العقل تبقي معاه يقول القلب بردو امين ..
ياحته بين الضلوع ساكنه يا عطر جاي من مكه.. يارحلة وصحبة ف السكه يا خطفه القلب بالضحكة..
انا ف حسنك ماليش ملكة..
 وسايب نفسي وياكي ومش هاسال..
 بغيرك مستحيل يبقالي ولا هاقبل ..
يا بيت وعيال ومستقبل انا بيكي بكون اجمل ..
يا احلي من بنات جيلك ياسابقه الكل بجمالك ..
بسيب الدنيا واجيلك عابر بسبيلي لخيالك ..
ورحالك..
 ف صحرا انتي بستانها ف دنيا عينيكي عنوانها.. ياداري وانتي سكانها.. 
يا عيد يملي العيون فرحة ف عز الاه واحزانها ..
وانا مش روميو لا قيس حتي ولا عنتر ..
لكن جوايا عشق الكون يزيد ف القلب وبيكبر ..
انا مشبهش يوم ليهم لكن حبي ليكي اكتر ..
يموت القلب ف غيابك يبات مغلوب وبيفكر ..
يطول وقتي مع حيرتي ماجاش النوم لدلوقتي ..
يا محتله حدود ساحتي يا حضني وضمتي وراحتي ..
تغيبي تغيب نجوم الليل وانا ليلي ف هواكي طويل ..
واقول الصبر بردو جميل عشان اخره يكون انتي ..
انا المكتوب ف يوم ليكي انا التايه وف عينيكي ..
انا الموال يدور بين ناسه عشان بس يغنيكي ..
ووقت الفجر يصلي لربه يدعيكي ..
انا المقتول وانا الدايب وانا العاشق بموت فيكي ..

كما ف العشق

متجرحهاش

تسمحيلي انك تحبيني ..!؟

واذا كان الحب اساسه احساس ..
ف الاحساس كله بييجي ف الحضن ..
وكأنك ابن وضماك ام ..
ماهو ف التفسير وبدون تفكير ..
الحضن دفي ودراعات بتضم ..
ومهم ..!! اكيد احساسك مع نبضات القلب ..
ويدق كده ع باب قلبك ..
ويقول افتح ده اللي اسمه الحب ..
الحضن مش وصف او حتي اداه للعطف ..
الحضن طبيب لمريض وحده ..
بتروحله وعارف من مرضك انك هاتخف ..
وتجف ساعتها كل دموعك ..
اول ما تحط الراس ع الكتف ..
وتشف الاحزان الباقيه تصبح مختفيه ..
مع لف دراع حوالين ضهرك ..
الحضن مزيج بين قهوة مدمنها ف سهرك ..
وسيجارة تعفرها ف غضبك ..
نيكوتين القلب ف تاثيره  ..
مفعول السحر ف تغييره ..
الكاس اللي بتعدل بي مزاجك ..
تفقد وعيك جواه لكن بمزاجك ..
الحضن.. كالبيت شبابيك بتقفل ع جرحك ..
الفرحه اللي بتقتل همك ..
الراحه اللي تنسيك وجعك ..
وصديق حاسك فهمك سمعك ..
الحضن .. حبيبه وبتطبطب ..
الحضن .. ابويا اما يقرب ..
الحضن .. حياه ليها بنهاجر ..
او لما بنغلط لي بنهرب ..
الحضن .. ده حاله من الاستسلام ..
الحضن .. وطن الحضن سلام ..
طفل ملامحه بريئه بيضحك وقت اما ينام ..
الحضن .. الشعر اللي اتجمع موصوف ف كلام ..
الحضن .. بيشبه بلدي كتير ف جمالها برغم الاحزان ..
الحضن .. الشمس اللي بتشرق وف كل مكان ..
الحضن .. قمر بينورلك ف تحس ف عز العتمه امان..
الحضن ده احلي شعور ف الكون يلمس انسان ..
.
.
(الحضن)
.
.
احمد ناجي..

الحضن_احمد ناجي

ADELE - 'Chasing Pavements'

أنزل ياجميل فى الساحة - وليد توفيق

كما ف العشق

Ahmed Nagy Ahmed Emam