نُشرت في عدد اغسطس من مجلة كلمتنا
اداء صوتي وكتابة : احمد شعرانى

هذة اللحظة التي تتحدث فيها الى نفسك بكلمات سمعتها من قبل في "زعيق أبوك أو كلمة بايخة مِن مُديرك أو خناقة مع حد كنت فاكرة صاحب" كلام بيرن جواك ويقولك "يافاشل, مش هتنجح, مش مكانك, مش قدراتك, هتموت لو عملتها"

تِحلم تكون مُمثل كبير وتشوفَك واقف علي المَسرح والناس بتسقف لك, وتِحضر كُل البروقات وفي يوم العَرض تقرر مَتروحش وتطَلع مليون حِجه وحِجه تقولهم للناس بس جواك مش مصدقها وعارف إنك كداب, لما تخاف تِركب قطر الموت في دريم بارك ويفوتك لحظة مَجنونه مش هتعيشها كتير, 

لما تسيب تَمرين السِباحة عشان بتتكسف من وزنك الزايد وتفضل زي ما أنت "تخين"
عَزموني في مَرة علي أختتام موديل في الجامعه الألمانية أنا فاكر أني مفهمتش حاجة من اللي اتقال لأني ماليش في اللغه طلعت وقفت خارج القاعه ورا أزاز, أشوفهم منه ومسمعهمش

عارف لما تحب الضَلمه أكتر من النور, ياما سألت وأنا صُغير ليه لما النور يقطع بَحس عنيا بتوسع ولما كبرت فهمت إني بشوف اكتر في الضَلمة

لما تكون مؤمن بالثورة بس خايف تِنزل لتموت وتِنزل أكتر مِن مره وتقف في محمد محمود وتتمسك بالصف الأول بس مِن الأخر علشان تِجري ساعه الضَرب مِن الخوف

عارف لما تخاف

عمرو حسن _ بطلتي توحشيني.mp3

ماصدقتش كلام الناس وصدقتِك 
زرعت بكل شيء فيا طيابة وخير
وجيتلك غير
وجيتلك شاري مش بايع 
برغم اني البعيد صايع 
ولا ليا ف غرام ولا زفت 
لكني حلِفت 
وحلفان الأصيل دستور 
بإني ببصِلك بغرور 
وعايزك ليا أبد العمر 
عرفت ازاي اغنيلك واقولك شعر 
عرفت ازاي صعيدي يجيب ورود للبنت 
وعلمني الوصول ليكي ان مهما حزنت 
فيه أجمل 
وفيه أشياء بتستاهل 
طلعت بعلمي شيخ جاهل 
وفيه في الدنيا ناس بتبيع هواية وحُب 
بدون أسباب ولا خلافات ولا فرق ف مكانه وقُرب 
أنا سيبتك عشان ماعشانش 
كده وخلاص
طلع فيه ناس تشيلهم بالزمن ع الراس وماتقدّرش
هواة جمع اللي حبوهم ف كام برواز 
حسب تواريخ تواجدهم 
وحسب الشكل والمضمون ونوع الحب وظروفه 
وبتقولوا بنكره ليه ؟
من الحزن اللي بنشوفه 
أكيد يعني ماقررناش نكون غُربا ومكتئبين 
ما م الناس اللي خذلونا 
وحبونا مسافة وقت أو لفراغ
أو لجنون مرض اسمه " هلاقي واسيب " 
شبعنا من البشر تجريب
وانا شبعتك جعان وصلك 
كريم أصلك ماهانش عليكي تسيبيني بدون شكراً 
كإني خدمة العملاء ياعسولة 
كإن عنيا مسئولة عشان حبت
أقولك ايه ؟
ماعادش كلام 
مانا معرفش تمني بكام 
مجرد ضيف ظهر جنبك ف كام صورة 
وخلصتوا الكلام بالليل غنا ومواويل
وشعر جميل مالوش داعي 
لا والنكتة ان انا فكّرت يجمعنا مكان بالوقت 
اديني نهيت مكان ما بدأت 
زهقنا كلام عن البنت اللي مجروحه 
وعن ماعرفش مين عمل ايه 
وعن ظلم الرجال تماً لنوع حوا 
وعن ديب النياب طله مابين ضلعه بينهش بنت 
زهقنا كلام عن الخاين وع الكداب 
كإن الباب مابيدخلش غيرنا احنا 
كإن ياعيني سرب ملايكه محاوطنا 
اكلمكم انا عن حد 
كان وبجد بيفكر يراعيها 
ماكانش بيزرع الاشعار سوى فيها 
وكان بيقول : انا عاصي وناوي اتوب 
بشع انك تكون غلطان ووقت ماتبقى شيء صالح تبات مغلوب
بتتغير عشان تخسر
بتتحاول لشخص جديد عشان تندم وتتعاقب
ماصدقتش كلام الناس وصدقتك 
مخدر مر ف ضلوعي مسافة عشق 
سجاير من وجع وضمير ولحظة صدق 
تقرب يبعدوا عنك وتبعد تبقى أغلى الناس 
أقولك ايه وانا لوحدي 
رجعت مكان ما لقتيني 
ازاة خمرة ف الشارع رماها الوقت 
ببص على البشر خايف 
غشيم عشمان ف دراعاته وخايف من غرام كداب 
طلع في الدنيا ناس بتحن لو تتساب 
وانا أصبحت مش زيي وانا معاكي 
انا والله مش باكي عليكي ف شيء 
لكن باقي عليكي ف شيء 
بآخر أب متفضل ف علاقتنا 
وآخر أم نسيتيها ف حضن قديم 
هاسيبك شيء بيتسرب مع الأيام 
واصحّي طفل كان جنبك بحُب ينام 
سلام علشان خلاص ضيعتي 
عشان ضيعتي خلاص 
وسلام ،،،
‫#‏أعراض_انسحاب‬

أعراض إنسحاب Amr Hassan

السيرة الذاتية لحى الزمالك - عمرو حسن

الزهايمر - عمر حسن حفلة الساقية 2017

بحسن نية أو بسوء ادراك 
بتبص قدامك ع اللي سيبته وراك
كل الغلط كان فيك 
أي استراحه ف الطريق تنزل وتشرب شاي مع ناس ماتعرفهمش 
ف طبيعي تفضل مطرحك واقف
من شله على شله 
من شغل للتاني 
من بيت لبيت غيره 
تتغير الأشياء والمشكلة جواك 
الاكتئاب العنيف ضل السعادة السريعة 
والخضر قال لك مرة والتانية 
ان الحياة مش سهلة كما ظنك 
وانت اللي أضعف من غلام تقتله 
أو من جداره تهدمه 
أو من سفينة تدلها ع الغرق 
لم تستطع صبراً ولسه بتكابر
ولسه بتواجه مشاكلك بالهروب منها 
كل الحاجات الغامقة ف حياتك سميتها بُن النهار 
وبقيت غريب أطوار 
كافر بكل اللي انت عايش فيه 
شبح بيدخل سينما مع نفسه 
كل الكراسي عرفتها وعارفاك 
الليل سواده ضل تحت عنيك 
وانت بتدخل حرب شرسه عليك 
طرفينها انت ف الخسارة الفوز 
لو كنت وقفت خطوه قبل باب بيتها 
أو كنت يومها ابتسمت وبس من غير ماتعزمها على عمرك الفاضل 
أو كان موبايلك فصل وفشلت تكتب نمرة هتضرك
كان زمانك بتمشي جنبها ف شارع وتشوفها مش اكتر من جمال عابر
لو كنت يوم الخروجه انت وصحابك وقع عليك الشاي 
وقعدت طول الليل ف بيتك حُر ماخرجتش
ماكنش وجعك خيالك من صديق خاين 
عرفته لحظة خروجه وبعدها قتلك 
باقول لنفسي : 
مش كان كفاية فيلم عربي قديم ف قناة بدون اعلانات 
قاعد ممدد رجلي ع الكنبه 
والصاله شجرة سجاير والحياة سهله
لا هند رستم هتزعل اني نمت ف نص مشهدها 
ولا كلبي هيلومني على عشان بارمي الريموت ع الأرض
ولا بنت مرت ورد على حضني 
هتقولي اني مريض فصام أو شخص مستهتر 
هي الحياة كما قلت 
مضرب تنس مجاني لشخص بلادراعات 
أو غنوة ف الراديو والسماعات بايظة 
أشباه فرص 
أو كوبابات انصاص 
باحسد بقلبي شخص عاش وخلاص 
الصبح يصحي يشتري الجرنال 
ويروح لشغله وبعدها يرجع
تكتبله زوجته لستة الطلبات 
ويروح لأهله مرة ف الأسبوع
هذا البسيط اللانهائي 
ملك الحياة والمستفيد منها على أكمل سبيل
هذا الذي لايكتئب الا عشان له حد مات أو جاله خصم 
أما احنا بنعيط اذا فيه قطه نامت دون طعام 
مشغول خيالنا بمين وصل أو مين فشل 
وقلوبنا دواسة قدم للعابرين - فادخلونا آمنين
وامشوا ببساطه وبانتظام 
ماتعكروش صفو الغنا ف الأوردة
قلبي العظيم - كلبي الوفي
ارمي عليه السلام وانظر من الداخل 
كتابات على الجدران 
صور قديمه على الحيطان لاحمد زكي وميريل ستريب 
وصورة أصليه لريال مدريد الفين وواحد
سامية جمال وسيرة الحب واحد 
الفرق بينهم كاتب الكلمات 
ف القلب عمال النضافه هما أصحابي 
غير انهم بيطفوا أحياناً سجاير حزنهم وهما قاعدين عند شط الدم 
فتجيلي نغزة مفاجأة ف صدري اظنها كدمة
من يومها وانا فاهم ان الألم ف الصدر نصه من الصحاب 
والباقي برواز المليجي لو وقع ع الأرض
كل الحاجات ف القلب مختلطة 
طرح الحاجات الصحيحة من لقا الغلطة 
وبدأت افهم امتي تحديداً تحصل الجلطة 
لابد ان اتنين ف قلبي قرروا العصيان أو جندي سايب خدمته ف الذكريات 
ونام له ساعه عند باب الحزن 
او امي نزلت دمعه منها في انسياب النهر 
مع كل مرة بازور طريق اسكندرية 
on the run انزل ف أول 
واطلب لنفسي اسبرسو وابص من لوح الازاز ع الناس 
يعجبني جداً فكرة المشروب ف كل طريق اروحه 
حق المسافر يلقى جزء سعيد ف روحه 
فيه حد غيري يحب يسمع أم كلثوم ف السفر ؟
فيه حد غيري يحب يشرب حاجه سخنه كل ما بيصبح سعيد ؟
فيه حد زيي بيربط الناس بالاغاني والسنين بالاعلانات ؟ 
لو فيه بشر زيي ف حاجات 
أكيد هيوصلهم كلامي بدون ما اوضح
علشان كمان مش حابب اشرح
النص ده 
وانا لسه باحزن دون سبب 
وانا مكتئب والله من غير أي شيء 
قافل عليا الباب وطالق لحيتي 
ماشي ف ايدي مخدتي وبنام ف كل خلاف بسيط 
on the run حاسس كإني 
والناس بييجوا يريحوا 
ويخشوا صدري ويفتحوا صناديق كاكولا وشيبسيهات 
وبيمشوا مع شرب الحاجات 
ويخش غيرهم يعملوا نفس السيناريو برسمته 
الحزن لمع جذمته 
واداني حقي ف ضحكتين 
وحبيبتي شتمتني بهدوء وشكرتها 
خدت الحاجات من قُصرها
ورجعت أكمل عزلتي 
دي مش كئابة ولا انهزام 
بالعكس 
ده شعور بالسلام 
زي الشجر مابيرمي ورقه ف الخريف علشان يروح المصبغه 
فيه فترة ف العام اسمها 
مغلق عشان التحسينات 
والفترة دي لابد تتعاش كلها من غير محاولة للهروب 
بابعتلكم كل التحية من هنا 
من عند مدخل غرفتي 
باستني يبدأ فيلم عربي واكمّله 
وف ايدي حاجه تتشرب ماعرفش ايه 
ناسي البشر 
وبصاحب الليل والمطر 
وملامحي يمكن كلها متغيره 
معرفش هابعد قد ايه 
معرفش برضه بعدت ليه 
بس الأكيد واللي احنا متفقين عليه 
تجمعنا صدفه قريبة 
on the run ف

On The Run

وما ادراك ما الفوبيا 
كلمات عمرو حسن 
بقيت عادي
كإني ديكور 
مابتكلمش عن حاجه ومابعلقش
ومبكدّبش حد ف شيء ، ومبصدقش
ومش مهتم بالدنيا ولا بالحرب 
ومش باحزن على الرايح ولا الآتي 
ومش حابب ادخّل حد ف حياتي 
بقيت مابقيتش من ساعة وجع ف الروح 
ولا شرير ولا طيب ولا حساس ولا سادي 
بقيت كما طيف
بقيت كما ضيف 
بقيت ،، عادي
على الحال ده بقالي زمان
بقالي كام سنه يمكن 
ماحدش منّكم خد بال 
روبوت تشغيله بحجارة 
وطول ماحجارته فيه شغال 
شجر اخضر ما بيجرّحش عين الناس 
فانوس بيقيد ونوره سبيل 
ده مش تمثيل 
ولا تطويل ف مشهد ما 
لكن اسلوب وشكل حياه 
فماتلومنيش علي غيابي انا موجود 
ف اعيادكم 
واحزانكم 
صديق ف كافيه بيسرح ف اللي ضاع منه 
شريك منزل 
نزيل غرفه 
وجع بيبص م الشرفه 
انا موجود ومش بفسد فرح بينكم 
ولا بزعل قوي منكم 
انا على غير ما جوايا 
مهرج باسعد الشله 
وصاحب افيهات حاضره 
وعامل لجلكم حضره 
تقولوا ف وصفها الله 
فلو وجعاكو كلمة آه هابطلها
يومين عزله واكون احسن 
وهارجع تاني للشكل اللي كان بادي
انا عادي 
فخد راحتك
وقول عني اللي بتقوله 
انا وكتير من الناس اللي بقوا زيي 
مابنقربش م العالم عشان يحلو 
ومابنفسدش ابدا جو 
ومبنأذيش
لكن بنخاف من التجديد
من الناس اللي بيخشوا الحياه فجأة 
وبيفاجئونا بوجودهم 
عملنا سياج علينا عشان 
ماتتعشمش ناس فينا 
ف كل مساحه تلاقينا 
نميل لاغاني شتويه 
ولون غامق ف لبس عتيق
ريحتنا بيوت فارقناها 
هدومنا ناس قلعناها
وسمّيعه 
بنعرف نكرم العالم ونقراهم 
مبنملش من الحكايات 
ولينا ف كل صدر نبات 
ولينا الجدعنه الكامله 
ماننساش عيد ميلاد صاحب 
ومبنبخلش بالمواعيد 
جدير بيكم تساعدونا 
تغنولنا 
وتحكولنا 
وتسقونا 
يجوز دون قصد تحيونا 
وتدونا امل ف الضي
يجوز نتراضى على روحنا 
ونتطمن لبكره الجي 
يجوز بالوقت نتطمن 
ونرجع نبتسم عادي .
#وما_أدراك_ما_الفوبيا

وما ادراك ما الفوبيا صوت وموسيقى.. كلمات الشاعر / عمرو حسن .. أداء صوتي / أحمد سمري

مِن شوية 
شافها قُدامُه وكان هو هو 
بس هى مكنِتش هى 
هو : 
مِتعود منين ما يهزه الشوق 
يسأل عليها بكُل صحوبيه "
مُمثل بارِع فى أداء دور النساى 
قدر يقنِعها بإن مكنش فى شئ بينهُم 
و بالنسبالُه 
لسه شايفها حبيبتُه وزوجتُه وأم عياله 
وحياتُه وبيتُه وكُل الجاى .
هَل يقدر حد فى هذا الكون 
يرَجع قِطعه مِن البَسكوت دابِت فى الشاى ! 
هو كمان دايما يسأل 
أنا هَمشى إزاى !
أنا دوبت خلاص ومَليش لَمة
وإن حتى قدِرتوا تصَفونى 
هيروح فى الشاى شَكلى ولونى 
ساعتها يا إما هتِرمونى 
يا هنشف جَمب الكوبايه 
كُل النهايات فى أخرها الموت ’’
الحُب ملوش فى الوسطيه
يا إما كابوس قاسى وقاتِل 
يا إما الفَرحه الأبديه ..
.. 
فى حجات بتِحصل مِش سَليمة 
الإدين دى أرق من إنها تِعمل جَريمة 
أو تإذى حد 
عنيها أجمل من انها تَحمِل سِكة وداع 
أو قسوة النظره بفراق بجد 
كان حُضنها فى عز الليالى الشوك 
بيطرح كُل أنواع العطور والورد 
هى
أخر قصيدة شِعر حقيقية 
أول حورية تزور بِقاع الأرض  ..
معمرهاش إشتكت مِن ظُلم إهمالى 
معمرهاش ملت من غيبتى بالأيام 
من عينى تِعرف كُل أحوالى 
بدون ما يبقى فى بينا حتى كلام 
من يومها مُختلفه .. بسيطه وحنينه 
أروحلها بكارثه .. أرجع بقول هينه  
طول عُمرى من كِلمة " كامل " 
حد برئ 
و كنت معاها بحس إن أنا مِش ناقص شئ 
كُل الحجات الحِلوة فى حضورها  
مقدرش طِب القلب 
يمحيلى جرح قديم 
وكان فى مقدورها ..
فِكرةِِ إنى أنساها مثلا 
فِكره مرفوضه وغَبية
بالتمام كما جِدر شجرة 
هى بقى مغروسة فيا 
مهما طُرق الحفر تِكتر 
أو يطورا مِنّها 
برده مِش مُمكن هتِقدر 
تِمحى شجرة بجِدرها
فيا مِنها مهما قالوا 
ماتلوموش قَلبى إللى شافها 
خدها بالحُضن فى خياله 
متلوموش عينى إللى رافضة 
لو لمره تشوف بديلها 
متلوموش قَلمى إللى لِسه 
فى القصايد بيحايلها 
..
 لما شوفت عنيه / حن قلبى إليه / وإنشغلت عليه / كل ده كان ليه !
,,
يمكن عشان 
مليش نصيب فى نعمة النسيان 
أو إن حُبك مِش مُجرد حُب عابر 
وهيتنسى ببعدُه 
كان إيه جزاء قلبى لما صدق وعدُه
وفرشلك الطُرقات بنور قايد 
إديتى فُرصة لورق يقطعنى فى قصايد !
إديتى فُرصة للشِتا على قلبى يتطاول 
كشر فى وِشى بحِزم قام قايل 
هتشتريها إزاى وإنت فى كبينة البيع ! 
لِم اللى فاضِل وأهجر الموقِع 
إخلى المكان قبل ما تِبدأ ضرب 
وإقتنع إن الخسارة
أسرع طريقة تنهى بيها الحَرب .
..
بدل الفُراق والحُزن 
كان أولى نِتقابِل ونحِلها بالحُضن 
إدينى بس ميعاد ف الأمر يستاهل 
هدم القلوب مِش شئ 
هيعدى بالساهِل 
من يومنا وإحنا شِراع واخدنا نفس الريح 
ف إزاى هنِتفرق 
أظن لازِم قوى نِوصل لحَل مُريح 
يا إما راح نِغرق ..
خلينا نِتقابِل وكأنها الأولى 
عن نفسى أسِف وإن كُنت مغلطتش 
وإنتى متعتذريش عن غلطه معمولة 
إمحى إللى فات مِن بُكره هتلاقى 
كُل العُقد يا حبيبتى محلولة.
..
جايلك وقاصِد أفكرِك 
أنا لِسه أهو بستنظرك 
والدَليل 
حاولت كتير أحارب نظرتك بالبُعد 
وكُل مرة بموت قتيل 
سكنانى يا بنية .. كما ضِلع مِن جِسمى 
الفرح ميزورنيش .. غير لما تِبتِسمى 
أنا كُنت طير واخد .. عالهِجره والتِرحال 
نزلت فوق بُرجك .. ف إتهد بيا الحال 
من يومها وجناحى .. ما شق طَرف سحاب 
سجنانى كيف فيكى .. من غير قفص ولا باب 
ملكتى قلبى إزاى دا عُمره ما إتمَلِك 
بسهوله قام بانلِك  
كُل إللى عاش يخفيه 
سبتيه يقربلك 
وده برده من خيرك 
ف كملى خيرك لحد ما تتميه 
أو سيبى نَص أحكيه 
لا ينتهى بفراق
خلينى أقول مثلا إن إحنا مُختلفين 
وفى يوم من الأيام هلاقيكى رجعالى 
أجرى على حُضنك بكل لهفه وشوق 
ف تِفردى دراعِك وتقولى تعالالى 
.....

عارف لما تخاف

Sh3rany