وماترتاح… لأن سدَّيت اذانك من ضميرك صاح
وهي مزنه… ثجيله أو عاصفه أو حالوب
يريد لهن سكف مصبوب موش ألواح
ريح امسودنة بيهَ المعمرة أتطيح… ونته أعواد حلفه أمنيلك سباح
جان الريح شامل والغثيث أيضيع… بس من صفه الحاصل شالك المرواح
بالزرع الجثير أيشيه شوف العين… والنبته الخبيثه أتفوت عالفلاح
ما ترتاح.. من هاج البحر وابعد علينه الكَيش.....
غادرت السفينه أو خنت بالملّاح
أو حشَّمت العواصف والمطر والروج…لذكرت الربه او لاكلت بيه أرواح
صحبة عمر جانت والعمر دربين… أشو باوَّل الخطوة أو ماي وجهك طاح
بدلت الاكلوب الجانت اتهم بيك بمسامر لواكة وليل مغنه وراح
ولميت العفن والسكط والممروض وخاويت الوذر والزفر واللفاح
أو من هاجت الدنيه أوزره أوياك الحال… غطَّوا روسهم والداح منهم داح
ماترتاح ماطول الشمس كل يوم تلبس ثوب وتلاعب النسمه الرازقي الفواح
ماطول الخبز والملح بيه ناموس وارواح البشر عد البشر ترتاح
ما ترتاح… لأن ندبه أبضميرك والجبيل أبخيت والشاره التحركَك عمر ما تنزاح

عريان السيد خلف ماترتاح مهرجان اهل القصيد الثالث 2

عريان السيد خلف ماترتاح

‏منحصر حول ذاته، لا حاجة له من أحد
ذائقة فضفاضة.. باللاشيء وكل شيء

اذا بدا كُل شيء مِـن حَولك مُظلماً
فَـ أنظر مِـرّة أُخرى ، قد تكِـون انتَ النور .

لولا الموسيقى لكانت الحياة غلطة .



راحة بال وطيبة خاطر
اكثر شيريد الانسان؟

she thought the grass is green on the other side

عريان السيد خلف ماترتاح

Ahmed K. Naif