أبشرك خلصوا مابقوا عندي هواي 
كل المشتريهم رخصوا بيه 
أصافحهم واحس باطراف اديهم غيض 
كاتل منهم ومادافع الديه 
بسد بوساتهم دفنوا شكَد أنياب 
واكَول يجوز جانت عن حسّن نيه 
ويمر طاريّ ويذكرولي للشينات 
واصد لغيبه اسمي التنوكل نيه 
وانه الجنت اضل واكَف بالأستعداد 
من أسمع عزيز يفوت طاريه 
حسبالي العدد بي ثمرة من يزود 
وعن قلة الواحد تفرق المية 
بس تالي ادركت طين الكَلوب اصناف 
والعِشرة الطويلة تريد نوعية 
على كلًّ عِشت ماخذت بس طيت 
وي ليل المجازة الماشفت ضيّه 
وينه وينه اللكا بيه جاي يبيع 
وين الانه مطني من هوه الريه 
والزم جفني خاف من ارمش يزعلون 
واتناسه لحجاية البذني محجيه 
ومن لكَالي حكَـ عند مُحب ماداعيّ 
اكو حكَـ برجعته يعيب راعيه 
عرفتلها كَمت مازاعل اليرحون 
ولا ع الباب اظل متناني ليلية 
من شفت الحلم ينوخذ مو ع اللون 
بعد بطلت اظم احلام وردية 
الناس اختلفت وظهرك اتجيّ وين 
اذا ماتلّكَه حايط تكّعد ابفيه 
لهسه وماعرف عايش وياهم ليش 
ويذوب الثلج بس ينجوي شويه 
حتى جروحي من عدهم خذتهن شوكَـ 
ابد ماحسستهم بيها من نيه 
من سألوني صح كَالوا اطوّك جروح 
لا كَلت لشماته انطوني عيديه 
شايف من تجيك الطعنة من أحباب 
هيج جروحك تحس بيها روحية 
تصور تبتدي تشتاكَـ للچتال 
اذا جف التطعنك بيها حنيه 
المهم ... عاذرهم وكلّ البقن سهلات 
انا الجرف اليسامح روچ شاطيّه 
حتى مننجرح مادام همه بخير 
أنا بخير يعني وكلشي مابيه

المهم عاذرهم_أيهاب المالكي

خفت على الجمر الحركني وربعي سمعوا بي ماهفوا علي هفوا على الجمرة

https://t.me/zahl24 

https://www.instagram.com/qpe.95?igsh=MTdkNTRkbGxudXdqcQ==

‏لا أعلمُ متى
‏ولا أين
‏ولا حتى كيف
‏سأواجه ما تبقى
‏من عواصف
‏بقلبي الخائِف.

أشربُ صِرفاً أجنِحَة البعوض

حزين . . حزين
أحاول أنْ
أعبُرَ الآن
كل ضجيج
الشوارع

المهم عاذرهم_أيهاب المالكي

Ahmed K. Naif