 ليه يا حبيبتي ما بينا دايماً سفر ؟!
ده البعد ذنب كبير لا يغتفر  
ليه يا حبيبتي ما بينا دايما بحور ؟!
أعدي بحر ألاقي غيره اتحفر  

عجبي 

صلاح جاهين 

سيد مكاوي - ليه يا حبيبتي ؟!  - رباعيات صلاح جاهين

مفيش في الأغاني كده ومش كده

تفرقنا عن بعض بالشكل ده

يا مصر اللي جايبة الشجر من زمان

وشايلة الضفاير على البرتقان

وقبل الأوان اللي قبل الأوان

بتحييني أنفاسك المسعده

مفيش في الأغاني كده ومش كده

تفرقنا عن بعض بالشكل ده

يا حلوة كلامك تحبه الودان

يشمسني في الدروه زي الميدان

يمشيني بين الحيطان الغيطان

عروسه وحصان في القمر والعدا

مفيش في الأغاني كده ومش كده

تفرقنا عن بعض بالشكل ده

عنيكي تغمض وتفتح يبان

سطوح الليالي عليه الأمان

وبحر الدره من ورق لامتحان

وبتغني موّالي يا مولّده

مفيش في الأغاني كده ومش كده

تفرقنا عن بعض بالشكل ده

بحبك كأني طليق العنان

و زى العجوز اللي دق البيبان

وزي الكتاب اللي كان ياما كان

وزي الرصيف اللي في السيده

مفيش في الأغاني كده ومش كده

تفرقنا عن بعض بالشكل ده

Mafish Fil Aghany- أحمد إسماعيل -مفيش في الاغاني كدة ومش كدة

عجبى عليـك . . عجبى عليـك يا زمن
يـا بو البدع يا مبــكى عينى دماً
إزاى أنـا أختـار لـروحى طـريـق
وانا اللى داخـل فى الحيـاة مرغمـاً

عـجبى
_________________
حاسب من الأحـزان وحاسـب لهـا
حاسب علـى رقابيـك مـن حبلهـا
راح تنتهـى ولابــد راح تنتهـى
مـش انتهت أحـزان مـن قبلهـا ؟
عـجبى
_________________
مرغم عليـك يا صـبح مغصوب يا ليل
لادخلتهـا بـرجليا ولا كــانـلى ميل
شـايلنى شـيل دخلـت انا فى الحياة
وبكـره ح اخرج منهـا شـايلنى شـيل

عـجبى
___________________

يأسـك وصـبرك بين إيديك وانت حـر
تيأس مـا تيـأس الحياه راح تمــر
أنا دقت مندا ومندا عـجبـى لـقيت
الصـبر مـر وبرضـك اليـأس مــر
عـجبي
__________________
يا باب أيا مقفـول . . إمـتى الدخـول
صـبـرت يـامـا واللى يصـبر ينـول
دقيت سـنين . . والرد يرجع لى : مين ؟
لو كنت عارف مين أنـا . . كنت أقـول

عـجبى

حاسب من الأحزان \ يأسك وصبرك بين إيديك - رباعيات صلاح جاهين بصوت علي الحجار

كلمات على سلامه لحن وتوزيع وجيه عزيز شارك فى الغناء جيهان مغاورى من البوم " ناقص حتة "  انتاج عام 2007

وجيه عزيز - حاجات ومحتاجات

دعاء الكروان - (حوار) فاتن الحمامة وأحمد مظهر

https://www.facebook.com/altafkeerfelhegra

كانت حبيبتك مخلصة ؟

كانت حبيبتي مخلصة
كانت إذا غاب القمر
تسهر عيونها الناعسة
كانت إذا طال السهر
تصبح نجومي في المسا
كانت بتصبح لو أقول تلميذة جوا المدرسة
بس الزمان هو اللي خان
أبدا مالوش ذنب الزمان
***
كانت حبيبتي على الطريق
بتسيبني لو عاوز أنام
وتجيني لو أحتاج صديق
تسمعني لو هقول كلام
وتشد ويايا الغريق
كانت في ليلة الصيف نسيم
وف ليلة الأمطار حنين
بس الزمان هو اللي خان
أبدا مالوش ذنب الزمان
***
كانت حبيبتي حنينة
كانت بتوهبني الأمان
في اللحظة 100 مليون سنة
كانت بتسقيني الحنان
وتقولي إشرب يا أنا
كانت إذا قلبي اشتكي
مـ الشوك تكون السوسنة
بس الزمان هو اللي خان
أبدا مالوش ذنب الزمان

محمد نوح - كانت حبيبتك مخلصة؟!

من مسلسل "رحلة السيد أبو العلا البشري"
كلمات : عبد الرحمن الأبنودي
ألحان : عمار الشريعي

علي الحجار - يا حبيبتي الشمس مش بعيدة

من ألبوم متصدقيش 1983
كلمات : عبدالعزيز عبدالظاهر - لحن وتوزيع : عماد الشاروني

Ali Elhaggar - matsd2esh | علي الحجار - متصدقيش

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

وقف الشريط بصوت سعاد حسنى في مرضها 
-: صلاح جاهين 
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باسترسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان
ولا شريط له بيبان

وقف الشريط بصوت سعاد حسنى - صلاح جاهين

و حبيتك طفولة عيد..

كلمات: ابراهيم عبد الفتاح، ألحان: عطيه محمود، توزيع احمد مصطفي.

محمد نوح - كانت حبيبتك مخلصة؟!

Ahmed Ali