arabic

Zeina Barhoum / The Arabic Soprano / Alcantara

instruments arabic

مود

حلوه

.. قلبي و مفتاحه ، سعاد ماسي

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

Zade Dirani & Jana  -  كل شي عم يخلص

لقيت ان معظم التراكات دى بيجمعها حاجه واحده مشتركه فحبيت اجمعهم مع بعض 

الحُب وما بعده

روحي فيك مهما جرى، أنا روحي فيك

Arabic Sway Piano

The word "NeyNava" is Persian and could be translated as "Sound of The Ney" .NeyNava is a Concerto for Ney and String Orchestra and One of Alizadeh Most Popular Compositions.
NeyNava is a Fusion of East and West in The form of Concerto of Ney and Orchestra. Jamshid Andalibi performs the Ney solos in The Album.

Darâmad_Hossein Alizadeh_Neynava

Lamma Bada  Arabic  When He Begins To Sway  Andalusian Muashah Year 1100

La Vie En Rose  French & Arabic (Featuring Saeed Bazoqa On Accordion)

La Cidarem La Mano / Don Giova

Granada  Spanish Zeina Barhoum  The Arabic Soprano

Funiculi Funicula  Italian (Featuring Nedy Muna & Basem Muna) Zeina Barhoum  The Arabic Soprano

Ftani Os Edho  Greek (Featuring Stathis Oulkeroglou) Zeina Barhoum  The Arabic Soprano

غنيلي شوية شوية

La Vie En Rose- Jean Marie Riachi

Cafe de Beyoğlu- Bana Ellerini Ver (Pervane)

قلبى و مفتاحو cariro orchestra

التحميل من هنا   :) 
http://www.2shared.com/audio/HeF6eHAq/pearl_of_dream.html


Pearl of dream

ميل ع رواق - ريان الهَبَر وفرقة بَسيطة

Live performance with Amro Salah on the piano

Zorouny Kol Sana Marra - Noha Fekry - Live

طالعة من بيت ابوها - هاني متواسي.wmv

" Egyptian Project" سقاني الغرام

Bach 
Matthaus Passion
(used in Andrei Tarkvosky's film The Sacrifice "offret")

Bach - Julia Hamari - Matthäus Passion - Erbarme dich

Lamma Bada Arabic When He Begins To Sway Andalusian Muashah Year 1100

Ahmed Demerdash