آل السمك بابا حافظ آل السمك ماما فرنسا 🔥🔥🔥🔥🔥🔥

قلّي بدّك توزّع شهادات شرف للثوار كنت بأوّل مظاهرة قدمتلّك سي في! لأنّه الثورة نتاج الخرا فمانها عفيفة

الحرس الثوري بالشام عم ياكل قضامة وأنا أللي لغتي عنيفة 

انتاج : illadib 
https://instagram.com/illadib?igshid=1fm192xtdwtmr

مكس و ماستر: الشلش
https://instagram.com/shalash_or_chalch?igshid=h0b8m7wxtifa

الكلمات :
بعرف انه اكتئاب كل ما تكتر سطوري
راضي عن كل شي حالي وقتي و وصولي
ملتزم بصفي عارف رح يجي دوري
من و انا صغير مفتح امي يتناديني جوري 
الدنيا عم تعاندني شكلي جيت عليها
منخفضة احتمالات النجاة بصوتي جيت عليها 
بتمي زهقت المرار ف عم جرب حليها 
بعترف بالمشاكل لاقدر جيب حل ليها
قارئ الف مكتبة براسي ميت جريدة
بحسني يوزرسيف بحاجة لغة جديدة
بركي بتكفيني لكسر كل شي بحاول تقيدي
عم حارب حتى يضل فيني البقاء غريزة
او استعملها بشكل تاني تكفيني لعبر
شو حاجة يلي راضي بانه يجرب يغير ؟
فاقد نعمة النسيان عم لاقيني متذكر
ما بفكر اني حب و بحب اني بفكر

ببحر لراحة البال غيري بيغرق بالسكينة
الضجة من شباكي بتكسر هدوء المدينة(x2) 

لو ما الكل شرا يمكن كانوا خلصوا البياعين
لو ما القلم اله جرة كان مافي مرفَعين 
لو مافي الخط الحلو كان مافي معتقلين 
او ما كنا برا و فكرونا مرفهين 
بطلنا نستكين نحنا بحالنا منستعين 
عشنا ياما و شافنا لبطل فينا ثابتين 
صافنين و الدنيا بتاخد فينا
مافي بحرية للريس غرقنا و مافي مينا
مين يودينا على حكايا تحكينا
من ريحة الحارة لريحة الكينا
ياريتنا ضلينا ع كل طريق غنينا 
حاج ننباع برخيص صرنا ال يا حسرة علينا 
بس الامل مو جود نرجع نلملم اشلاء
بضيع مفاتيحي بس بتذكر الاسماء
رفقاتي يلي كانوا و راحو تحت اعماق 
فيك تقتل الوجوه بس مافيك تبطل تشتاق 


ادراك
2021

02- جوري/jory (انتاج illadib)

Pyramid

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

أنا غريب!؟
بسلامة العلّة يا طيّب
حلل غضبي اقنعني انه الكتابة فعل نخبوي، طيّب؟
ورا نفس الحيط وراقفين بس ما يعني تستوطوه
اولاد البلد ما بيستوطنوه!
أنا غريب ما بتشوفني بمعهد عالي ولا صوتي بينوطوه.
الأحسن يكون للناس ويزلّطوه
جابوا التمدّن علساني فكبيتلهم بحر.... بلّطوه!
ماني جندي لا أُساق
قطعوا إيدي لاقوا ساق
عطشنا خنقوا الساقي لاقوا ساق..
يسُري بنا الله ليلاً عالبرميل
يصلبنا العناق.. بلا إزميل
واقفين على باب القيامة فاتحين دق ارتجال مع إسرافيل.
إذا خسر بيعتزل، وإذا خسرنا مندخل
بس الجمهور آخد برطيل موتوه من الجوع وفتحوله نوافذ تمويل.
فعمين التعويل لما تصير الفكرة سجن
تجار عويل اشترونا بالحزن
قلّي راسي اذا السلم لغة العقلاء جنّ!
أنا مقاتل فاللي عم تسمعه ليس بفنّ ليس "بيفاً"
ليس بفنّ.. ليس "بيفاً".... ليس بفن.
أنا غير معني بمسميات جماد ما بتسمعني
أنا غير معني بمسميات جماد ما بتسمعني.

أنا غير معني بتصنيفي
بس قلّي بدّك توزّع شهادات شرف للثوار كنت بأوّل مظاهرة قدمتلّك سي في!
لأنّه الثورة نتاج الخرا فمانها عفيفة
سلفي وفيتيش جيفة
ما كان في داعش لما احتلينا الشارع بأسلحة خفيفة.
بتصحّيك قذيفة
وبتنيّمك عمامة
الحرس الثورة بالشام عم ياكل قضامة وأنا اللي لغتي عنيفة؟

أنا غريب أنا شكّ
أنا صليب نفسي
بنتمي لبرّا السور عحالي بثور
أنا سجين حبسي.

طب زيح نكزة
مانها قافية زاي وسين
هاد مو درس ولا دس للسين
إذا انتوا ملوك أنا مندسين!
بدّك تدعيني وتنسحب وتزعل بس سبّك بعدين
اي أهلين! أنا بالساحة شغب بالحالتين فلا تسألني الشعب العربي وين!
أنا بعرض دولتك، لهيك صدري ضاق
أنا مو نصف نايم أنا نصفي فاق.

القصر بالنظر مو بالمدى والعلّة بالجوع بس يحاصرك
ضيق نفس.. اي ضلوع قاصرة
تسلل من الرحم للخاصرة.
لأنّه انتوا اولاد حرّة، واني ابن طافرة!
مو عالجرود عمخافرك، فاسمي بيدوب عمحاضرك
البسطار عمى حافرك!
اعتقلني بصادرك
قال السمك بابا حافظ قال السمك ماما فرنسا
قال السمك لن ننسى! قال السمك لن ننسى.

أرض السمك

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
All lyrics written and performed by Al Darwish 
Graphic design by Sedki Al imam

مزاجي بركة مي وسخة
فاللي تعب من الشمس يعطيني نصها وياخد من الفي نسخة
أفكاري سلسلة قصها
برا مدارس فوت عراسي فرصة
حيطي واطي وجرس الباحة عم يقول بسيطة يا عرصة!
حرامي قمح لم الناس يعمل صلح ووزّع فصة!؟
فطعم الصمت مرّ والحكي سفرجل
خمسين عرص بالزلط عملوا محفل
عم يقيسوا مينهم أرجل.
من لم يمت بالسيف ضل عكتافنا تدندل
معلش بصيص أمل المشنوق شنغل
سلّمونا الرز... بَرغَل
وكنّا منشبه الموت فلما شافنا الموت ترغل:
أنت طاحون هوا، دون كيشوت شانن هجمة
وأنا وروحك جوا عم نغني سوا
كلّ ما تحرر شبر هجين بيصير شكل الأرض
طفلة وغوى
وزباين آخر الليل بتبيعهم هوا
يعني أمة، لترضي سيد أو ترضي سما
عبيد للخوف وعبيد لحامي الحمى
كلوا كمأة من حنجرتي وأنتوا عم تسبّوا العطش
تضامنوا مع جمجمتي إذا مخّي انلطش!

كذب السلم فلم بيبكي ومافي محرمة
كذب ياللي قلك أنه طعن حدا بمقلمة
خدي منّي آخر نفس، لا تسألي أنّى يكون لي هذا فكلنا دنس
وجه رجّال واحد قرفص خري
استنفر... عبس
أول بركة دم زتّوها بوجهه طمس
كاتب مرموق هو عمل الثورة وعنها كتب
ف راحت حلب، وبعدها الشام صار قفص.
بيقولوا كانت وقت كل المخافر من ضحكة
ولو إلك تم يضحك كان بيحكي
قوليلي ارتحتِ بعد كلشي عملناه كرمالك؟
كان بدنا نفرد شعرك هلق منركض لنهدّي عقالك.
كنتِ أمه وأخته وبنته وحبيبة قلبه وهلّق ميلي على ميّالك
عم ناقض حالك.
نحنا خيال فكسرنا تمثال لتصيري تمثال لأنّه نحنا خيالك
ونحنا الدم والكم ونحنا قطبة بشالك
يبدولي كبش فدا لما المخلّص يتهيّأ لك
نحنا ما ملكت يمينك وعبيد شمالك
خصيانك ورجالك.
نحنا، أنتِ. فكرة حلوين بأول السكرة
غربا عن شوارع ما بتحفظ جميل بآخرها
ضمة فاترة بعزّ البرد
روح طافت عن جسم العبد
نحنا ضيق صبر الثورة اللي ضلّت صابرة.

برّاني | إنتاج مقاطعة

Mix Tape Classilky Prod and mixed By Watar Jundi Majhul 
Featuring El rass - Bu Nasser - El Darwish - Bu Kolthoum 
All Sampled From the greatest Miles Davis .
Enjoy .. 

رح استفيد من وقتي بغير شكل 
استثمر بذري بخير حقل
قبل التوحيد ميزان العدل كان عضو بعل.
فالمنظومة تلفانة أصلاً
شكراً!
وضعك بالسليم لما تستخدم مصطلحات ما بتفهم اصلها
ايدك طالت قصّرها
كانت رقصت الملكة بس فالت خصرها من الضحك عمالك قصرها
نزلت عالسوق تتمشى ومالت عثالث بسطة وخدم لعتالة بسطها
فيي ركّب لسّا الفين جملة بلا معنى.. خلصنا.
ما تقلّي فلّتك شو رابط!؟ هادا اللي عم تدافع عنه إذا لقطك بسورية عافظك.
فمشينا من ركاكتك خيو، بحر الدم ما بينفات عليه بمايّو
اشلاح وجهك خشّ رطوبة بالفكرة خلّت جبينك ينشّ
اذا في فري مايسن فأنت "ست كوم" لاقطينك عدشّ
عالمسرح بتكشّ بالفيديو بتكشّ بالصور بتكشّ
شايفك خال، عشفايفك غال
ذكرني ايمتا غيّرت سورية عنوانها من الشام للغال؟
تعا افقك مؤامرة انه لما تم نفي السامرّائي صار الأنكل سام... عال؟
تأثير البرشام زال، بأوروبا سارد عحزام ناسف والبلد بترتي بردها الألغام شال.
اسأل اللي تعبوا من الترحال، اسأل اللي ما رضي يصير تمثال
اسأل اللي بردوا بالشمال، برد السويد أو برد عرسال؟
عرصات ولك! خصخصات للوجع
عم تعرج بحارة الرجلين بتكتب فيها سجع؟
زت الودع يا لوح، تخيّل ضايع بغابة وبتغنّي للضيع يا روح
التطبع بالطبع يا روح بالطبع يا لوح!
كيفك يسعدنا تشريفك
شوارعنا بتاكل اولادها وإكرام الضيف دفنه بضيّفك؟
شاطر تتقاوى عبيوت اصاحبها براتها عيفك
نفسها اللي خبزتلك.. حمص شخّت برغيفك.

والموسيقى مينا، طزّ فيي وفيك وعمبدأ إيد وحدة طزّ فينا
سفنّا مصرة تغرف والموسيقى مينا
طز فيي وفيك وعمبدأ إيد وحدة طز فينا.

8 - 3aftak Feat Darwish - عافطك مع الدرويش

Prod. El Rass
Guitar by Yaacoub haidar
Track artwork by Mohannad Babilley
حم 2017

الكلمات:

جفاف جفاف الطقس هون
نقص حنان ونقص نوم
بعين ترتيب ورقص كون
وبعين قلق من وجع بكرا

على مين رح علق أمل على أصلا البلا؟
عأمير حرب ودون خجل كوش عالبلد؟
عمدير بنك بيترقى كلما بننهب؟
على نفسي انا انا لها انا لهب

عنواح القصب؟ شي بيهوي
عناوين الصحف شي بيبكي
بيعان الذمم شي بيبكي
دوخان العمم شي بيبكي
درا درا درم شي بيبكي
شي بيبكي
طب بيكفي يا عيني بيكفي ح تنشفي

بناكل حروب بنغرق بدمنا بنخلف بنخلف بنعبي للكوكب
بتضيع الهوية وبتفرط دولنا بنهلوس بنهلوس وبرنسي عمركب خلنج
لركابي المستنقع براسي جزيرة الكنز
تركنا فضيلة البنج عشاطئ الأمس
خلعنا ثقافة الفرجة والهمس لنركب قوالب الجهر
نشيد مراكب الجهد
اشهد اجهد حتى مطالع الفجر 
بصحة جنسيتك هل في صباحك المجد؟
أم هل استاذك الخوف بيشمك الكلب؟
باكل الطعم وبخرى عالصنارة

جفاف جفاف الطقس هون
نقص حنان ونقص نوم
بعين ترتيب ورقص كون
بعين قلق من وجع بكرا

هيدا الحزن مش أصيل 
غياب المعنى مش مصير
رابطين بايدنا جنازير
رابطين رغباتنا باعذار
لسانك قال أنا
بس قلبك هو بيعرف مش هيدا كان المنى مش انت اللي مختار
هني اللي بيحملوا الشعلات وانت اللي بصدرك النار
حاج تكون اللي عليك كون اللي منك بيطيب الاختبار
ايام الانتظار كانت حياتي فاضية
متل موسم ناركوس بدون اسكوبار
متل نهار ما كتبت فيه عالقليلة 20 بار وشطبتها
هيدي فرشتي فما تربت عكتفي اذا رتبتها
الحياة بقرا صفرا فاقع لونها وبدي بس موت يقولوا روضتها
طعميتهاوحلبتها
بعدتها كفاية عالنار وعرفت كيف قلبتها
حطيت امراضي بسيخ كفتة

على مين رح علق أمل؟ على بكّاء حتى الشلل؟
على ياللي بيجاوب مش انا كل ما بينسأل؟
على ياللي بينسى الصحرا كلما بينسقى؟
ايه حاجتك بقا 
ايه حاجتك بقا

أرّخي أرّخي
بعثي عصبي بمراية عبثي مرخي
قلتلها لبيضة الكلمة قاعدلك حتى تشوبي
وحتى لو متت بأرضي تحت جثتي بتفرخي
واذا ما اكتمل نموك بعيرك لثتي تتهضمي
بعيرك صوتي تتصرخي

الراس - سينين

الرقية الشرعية / مع الدرويش

Prod by Al Darwish إنتاج: الدرويش
Photo: Nader Bahsoun صورة: نادر بحصون

#مسوخ
#حم


بدو المدينة غزوا الشوارع عالرّينغ في خيم، فلا تسألني عشيرتي وين مضربا.
هالرقبة اشطبا متل بايرو "النجمة" بتضوّي لما يقطعوا الكهربا، ما بيشيلها غير اللي ركّبا.
أنا بنتمي للمناح اللي بيحافظوا على ضبط أعصابن وقت زعرانك بتنزل لتجرّبا،
قلوب أنضف من حسابي بالبنك، وعقول بتنهض بالبلد لهيك كان بدك تغرّبا.
بلعتونا بسورية بس أخواتي بكل البلاد عم يقوموا لتصير كل البلاد أوطان.. عم تفهم؟
أعمى القلب تابع أعمى، والتابع شبّيح، والشبّيح خاروف لو طار.. عم تفهم؟
فلا تستصعبوا طريق الحقّ لأنّه ما عاد تزبط، ع طريق الحقّ صرنا كتار....
كتار عم تفهم؟

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بحمص بالشارع
بالقاهرة بماسبيرو بالشارع

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بالسودان بالشام بحمص، بالشارع.

قلّي مين أقوى، الطايفة ولّا الجوع؟
طرق طايفة أو طريق مقطوع؟
نشوة السكرة ولّا الصوت المسموع؟
ضرب كفوف..
سنان ثابتة والرّئيس مخلوع.
هي لساحة التحرير وشهدا العراق وحسين العطّار، للي ثبتوا بالساحات.
هي ثورة على الذات، ع العرصات، هي مو ثورة لا ثورات. 
هي للي ماتوا قبل لنقلّن تعبن ما مات.
وهي صفحة جديدة وهي كل ما يقولوا الرقص مانه ثورة رقصة جديدة هي
ثورة عالبارانويا، ثورة عالأنكزاييتي، نفس لناسي اللي انردتلّها الرّوح شوي.
وهي رقصة جديدة صفحة جديدة هي كل ما يقولوا الرقص مانه ثورة رقصة جديدة هي.. 
لو ما بدقّ عالطناجر.
أنا طنجرة الحيّ.

هنيك\ تحت\ بالشارع
تحت مجلس العرصات بالشارع
جوا التُكتُك ببغداد بالشارع 
بحمص بالشارع
بالقاهرة بماسبيرو بالشارع
بيتي تحت.

بالشارع | In The Street

أعمال قديمة..
إعادة النشر للأرشفة

مزاج مغفرة انتاج مولانا


لتلتة، السيد درويش.
Prod. by: Watar.
(الشعب يريد إعادة إنتاج الديربي)
- إنتاش بذور الوعي صعبة 
مصرّ كون خط ثالث لينضج وعي شعبي
السكة وحدة سميها السكة المكرّمة
أصوات الحق مغبرة فيك تسمينا محرمة
الكحل عالأرض عنا المحل عالعين
الخوف خلطة عالطلب كأم كلثوم و"سلف دين"
خليك صاحي رئيس دولة قهوة مستقلة
قلي مين الناس رح قلك حشيش وملة
خليني حل وعالغسيل كون ناصع
عم اكل خرا كل حياتي لهيك عم كون ناصح
مجنون فلتان على بلد عبيان زوايا
ناس مكدسة بباصات أعمال بلا نوايا.
- هالمرة أنا التاجر رح اشتري الأرض وارجع بيعك
بعقد استملاك يخلع نيعك..
اخلع رجلي ليخك على قناعك فيها، كون على أتم القناعة فيها
وفيكَ، شق أي وثيقة بتمتّ للعدوّ بصلة وثيقة
الأرض رشيقة قد ما شفتها عندها ناس جرب تكون صديقها
ساير الركب لا تركب، ضهري ما انحنى لتركب، كم جثة بدها
لتركب البلد ففرقوها!! صراحة..
فكري كان محصور، ففرّ فوقك!
الدم بينقض الوضوء بس الكذب لأ
الموسيقى بلا دروشة طبيخ بلا كزبرة
البارود وصل لحلقك مو؟ إذا فكيت سناني والعفن طلع باللثة شو؟
أنا ما بعيشها للحياة بس بسمع العيشة
طالما سمعت هالتراك فيك تسمعني اي شي..

الطقطقوقة #3- السيد ديربي والدرويش!

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات

ما في شي احدثك عنو 
بسال كيفك؟ انا كويس ماشي الحال 
هيو في الخزانة معلق قميصك
و على ايدي رابط منك خلخال 
بحسك محال ... شو هالفال ما؟
نكبر  احلامنا تركض قدامنا 
بعدك بلشت اصدق كارما
بقلها بديش انسى، بترد ما في شي كان
هان! عشوي بفتح دكان 
براسي ضابب الك مكان
 وقفي جنان
بكرهك لما تضلي عطول بالبال
و بكره اني اكره اعطيكي هالقد اهتمام!
بس سيبك هادا كلو كلام 
ولما كل شي يقلب سيئ بضل تمام
سيبك كان النا اشياء حلوة بالماضي 
 بهاي الدنيا ولا عمرو شي دام 
و يمكن الظاهر مش زي المخبى 
قلبي ولد شقي ما عرف يتربى 
بضل برغي و اكتب بلكي يتتزبط 
عبث في بحر هواكي قلب قرصان
شعرك ذهب .. راسك خربان
فش حل الك بالزبط زي لبنان
حبك بتعب.. فكرت اني نسيان 
طلعت ملبسك السما براسي فستان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران 

بدهم يانا وحوش.. ضليت انسان 
الحب نصري المتواضع عالسجان 
حكاها وليد ابو دقة في الزنزانة 
بعد ٢٥ سنة اعتقال بسجون الاحتلال
و هيني ثابت نفس الموال 
بغنيكي بعقلي عنفس المقام 
اتضلي بعيدة و انا اضل رحال 
تسعتلاف ميل بيناتنا وانا بعدني علقان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران

أرض السمك

الدرويش | AlDarwish

Recent comments

Wasem Allaham

×

Jamil Shamali

Gloria Alicia

Related tracks