ezraaa

.. ❤

عمرو حسن ❤

Nono

عمرو حسن - Amr Hassan

coin

لو كنتى استنيتى شويه

كيفو هالحلو - رشا رزق وجوليان فرحات - من فيلم هلأ لوين

ساموزين - مش قادر أبعد عنك

كلمات: بديع خيرى
ألحان: سيد درويش
غنا: سيد درويش و حياه صبرى


يا ورد على فل وياسمين الله عليك يا تمر حنة
قرب هنا تعالى عندنا قرب هنا تعالى عندنا
خد وردة يا بيه خدي فُلة يا هانم

خدلك هديه لحبيبتك م الورد دا زينة الجناين
تخليها تدوب في ريحتك وتبقى من ضمن الزباين
خد وردة يا بيه خدي فُلة يا هانم

وحياتك أنت ما تكسفني خد لك عودين دانا اسمي نرجس
والله ان ما كنت تنفعني لأزعق وأقول راجل مفلس
خد وردة يا بيه خدي فُلة يا هانم


ياللي عاوج لي طربوشك فوق الجبين على سنجة عشرة
مانحط لك صحبة ياسمين في عروة الجاكتة رخره
خد ورد يا بيه خدي فُلة يا هانم

ياورد على فل وياسمين ـ عايدة الأيوبي

كلمات : محمد إبراهيم

آداء : رباب محمد
https://www.facebook.com/roroo.lodaa

انا البنت اللى مرتبطتش
بعيل توتو فـ الجامعه
وقالو دى ماشيه تتنّك
وطالعه فيها بزياده
ولو جه واد يقول حاجه
تقول عيد تانى مش سامعه
ولو تهته عليه تضحك
وفـ الآخر تقول خلصت يا حماده ؟!
وعايشه حياتها مرتاحه
بعيد عن اى اى بعاد
وواثقه فـ نفسها جدا
مبتكلمش اى ولاد
وييجى واد ويتتلكك
ويحجز كرسى جمبيها
ويعمل فيها واد طيب وبرده خجول
وييجى الحيله فـ الآخر
ويطلب منّها الكشكول
وهيا فـ سرّها فاهمه
وتتحجج عشان يمشى
ويجى بعده واد تانى
يقول معجب ومبنامشى
وهيا لا هيا فرفوره .. ولا غاويه
كلام تيمو
دى بنت مخلّصه جدا ومـ الآخر
على قديمه
لا ناقصه واد يقول مشتاق
ويعمل فيها جامد بس
وشايف نفسه سى السيد
ويتحكم فـ فعل ولبس
كإن الواد خلاص يعنى
مفيش منه
وعامل فيها ميت راجل
انا اللى يحبنى لازم يكون عاقل
يجيلى لحد باب البيت
ساعتها هقول يا ميت اهلا
انا موافقه وكمان حبيت
ده دول اصلا عيال فافى وبتجلجل
عشان انا فاهمه مـ الأول
انا البنت اللى مرتبطتش
وقضّت وقتها سينجل

أنا البنت اللي مرتبطتش - محمد إبراهيم - رباب محمد

اغنية ادم كله بتاع مصلحته

كله بتاع مصلحته  - مسلسل تحت الارض Underground Adam ادم

أول اغنية نزلت لى في حياتي  - 
كلمات و الحان  - علي الالفي
توزيع  - شريف محسن
هندسة صوتية و ستوديو - باهر الحريري
vo - اسامة جميل

Aly alalfy - mesh lazem | علي الألفي - مش لازم

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد ابراهيم - كتبت وراكى بالمللى

محمد منير - معاكي

-كلمات الأغنية-
عيب عليك ... اقل كلمه اقولها ليك
اللي فيا هايجرى ليك ... ياللي ما بيطمرش فيك
عيب عليك ... بالقديم اه والجديد
كل ده هيطلع عليك ... ياللي ما بيطمرش فيك
حقي ما بسبهوش لحد ... من اللي شفته بقيت بجد
حقيقي انا مصدومه فيك
كنت مجنونه وعقلت ........ كان مين يلومني لو عملت
عقلي بيك عيب عليك......ع العموم الكلام ده ملوش لزوم
اني ارجعلك في يوم .......دا اللي ابعد م النجوم
لف دور ....... وعليا مثل الف دور
من نفسي واثقه مش غرور
ما بقاش في قلبي ليك شعور
قوللي فاضل ايه ... هاتفضل ليه تعذبني
مش جرحت زمان ... ملكش مكان خلاص سيبني
عيب عليك ... دي اقل كلمه اقولها ليك
اللي فيا هايجرى ليك ... ياللي ما بيطمرش فيك
لف دور ... وعليا مثل الف دور

Lyrics : Hassan Attiya
Composer: Mohamed Yehia
Arranged by: Afreem
Mixing & Recording : Amir Mahrous Studio M.Sound 2
ــــــــــــــــــــــــــــــــــــــــــــــ
Follow Soma :
✔ https://www.youtube.com/SomaOfficialChannel
✔ https://www.facebook.com/Soma.Official.Page
✔https://plus.google.com/+SomaOfficialChannel
✔https://instagram.com/soma.singer
✔ https://facebook.com/FreeMusicEgypt

Follow Free Music :
✔ https://www.youtube.com/FreeMusicEgypt
✔ https://facebook.com/FreeMusicEgypt
✔ https://twitter.com/FreeMusicEgy
✔ https://www.facebook.com/FreeTVMusic
✔ https://plus.google.com/+FreeMusicEgypt

Copyright © All Rights Reserved - Free Music

Soma - Eib Aleek | سوما - عيب عليك

في الاول والاول بس
بنشوف بنشوف باللمس
وبنعشق من اول ثانية

وياخدنا العشق وياخدنا العشق
وياخدنا معاة لاخر الدنيا

بنلون احلام بتاخدنا
ونضم العالم دة في ايدنا
ونلملم ضحكة بتسعدنا
نرميها تروح اخر الدنيا

في الاول عمرنا مانخون
بنشوف الدنيا بعيون
وقلوبنا بتشوف حاجة تانية

وياخدنا العشق وياخدنا العشق
وياخدنا معاة لاخر الدنيا

بنلون احلام بتاخدنا
ونضم العالم دة في ايدنا
ونلملم ضحكة بتسعدنا
نرميها تروح اخر الدنيا

في الاول والاول بس _ هشام عباس

عاوزة أفرح بيك
لما أفرح بيكي انتي الأول
اتلم ياواد بتكلم جد
انا عاوزه اتطمن ليك وعليك
والنبي فكّك 
والله عبيط
انا يابني هاروح مش هاقعدلك 
محتاجة اشوفك ساكن بيت
هو انا يعني بنام ف الشارع ؟
ياحمار اديني عقاد نافع 
مش هتجوز انا كده مرتاح
أنا أمي كمنجة وحضن متاح 
ومشاعر معرفش احكيها
أنا متجوز أمي أساساً 
متطمن وانا عايش بيها
أنا كل ما بهرب منها واغيب 
بكتشف إن انا بهرب فيها 
الست دي حالة ماتتكررش
نتغير ..... هي ماتتغيرش
الدنيا تشيلها وتهبدها 
تطلع تنزل
تكسرها تقوم 
أنا أمي أنوثة بـ100 راجل
ورجولة بدرجة ناي مكتوم 
ساعة ماتوفى أبويا وراح 
شوفت ف نظرتها كلام وجراح
من يومها وهي عمود البيت
والآمر دايماً / والناهي 
الدوا جيبته ؟
فاكراني نسيت ؟؟
انا عارفه ان الدنيا تلاهي
احضنها تقوللي امشي يانصاب
بتغيب أيام زي الاغراب 
وتقولي مشاغل وأبصر ايه
انا أصلي بقيت شاعر معروف
قالك معروف .. بأمارة إيه 
كوافيلك تشهد يامهزأ
ف رضاكي يامزة أنا بتلزق 
واخرج على أوضتي شوية وانام 
واسمعها تصلي وتدعيلي
الواد تلفان
انما طيب .. وانت قريب
ارزقه رزق بحجم السماوات 
وارزقه بالخلفة ولاد وبنات
وتنام وتقوم تلاقيني مشيت
فتقوم تبدأ ترويق ف البيت 
أنا اسف جداً ياحبيبتي
علي سفري الدايم والاشغال 
علي كل كلام ضايقك واتقال 
انا مهما بدور وباعيش ف الدور 
باطلع وانزل واجي عليكي 
أنا راجل جداً 
ورجولتي تلخيصها ف بوسة علي ايديكي 
والدنيا ان ضاقت ف انتي براح 
وانا جنبك باتطمن وارتاح 
وخناقنا ساعات بيكون راحة 
وخصامنا كتير بيكون تلكيك 
الأم مكان لسكون الروح
وخضار من قلبك طارح فيك
أيوة ياماما ؟
عاوزة أفرح بيك

قصيدة عاوزه أفرح بيك

انا خفيت خلاص منك
وبكره انساكي وكإنك
سحابة صيف مابتمطرش
انا والله ماباهزرش
انا شُفتك مع صحابك وماتهزتش
صحيح دمّعت دمع خفيف
لكني مسحتها بسرعة وعيني حتى ماتبلِّتش
مانيش سامع بلاك تيما عشان خاطرك
ومش هاشرب ليمون نعناع عشان خاطرك
انا تذكرتي مش لايقة على قطرك
ولا قلمي عرف ينزل على سطرك
انا غلطان عشان م الأول اخترتك
ودخّلتك ف تفاصيلي
كفاية شربتي من نيلي وانا عطشان
وحلِّفتك عشر مرات على القرآن
تراعي ربنا فيا وتملى الدنيا حواليا
حضنت ايديكي ف ايديا وانا سكران
وكنت باوفّر الضحكة عشان انتي اللي تبتسمي
وصلت لمرحلة ممكن اسيبلك حتة من جسمي
حلفتيلي بإنك بكره تبقيلي وقولتي هتحملي اسمي
وايه فاضل سوى ذكرى
ف اخر كرسي ف السيما ( شمال ع الطرف )
وبوسة وسلسلة قديمة عليها حرف
وشارع شفنا فيه بتارين
وضحكة لما باتكلم
وانا ألدغ ف حرف السين
ودكة صبحت انا فيها لوحدي حزين
بادوّر ف اللي فات كله وباحسبها
ده ربك لما سببها حكم برضه ماتكملشي
ويمكن صمتي فيه حكمة عشان فيه حاجت ماتتقالشي
وبكره هامسحك دمعة اذا نزلت ف يوم ع الخد
يا أكبر حزن له فرحة
ياهزاراية واخدها بجد
انا مفارق ومش فارق
مافيش فُرقة تموِّت حد .
#‏عمرو_حسن‬ 

انا خفيت خلاص منك

وائل جسار .. ظروف معنداني

محمد محسن-من زمان جدا❤

ساموزين_يضرب بيك المثل

وحشتيني 
ولو كل اللي عارفينك قالولك اني مانفعكيش 
ولو كل اللي عارفينني قالولي بكره تنسيني 
وحشتيني 
ولو كل البشر قالوا ان انا عاصي 
واني غلطت ف حياتي غلط ياما 
ده واد تلفان وكل يومين معاه واحدة 
وحتى فلان زعل وياه عشان واحدة 
انا أصلا مانيش يوسف 
ولو زوجة العزيز همت 
وقالت هيت لك ياجميل 
يجوز راح اميل 
وممكن اضمها جهراً
يسيل من ضحكها نهراً 
تدوب الاغنيات ف النيل 
لكن مهما هاشوف وهاطوف ومهما قابلت ناس وظروف 
هتبقي لوحدك القشة اللي جيت علشان تنجيني 
وحشتيني
مافيش انسان مالوش ماضي 
مافيش راجل مالوش أخطاء 
لكن دايماً ف نقطة ضعف 
ونقطة ضعفي هي انتي 
وطول الوقت كنت باقول 
انا مابقتش عاوز شيء سواكي انتي 
باحس معاكي اني مسيح 
براءتك عاملة زي الريح 
بتكنس ف الغلط بهدوء
وبابقي ف ضحكتك سكران 
ومش عاوز لا انام ولا افوق 
وكان فيه حل والله 
وكان ممكن اكون بالوقت زوج صالح 
ماليش ف المسئولية ساعات 
ساعات طايش 
لكن بالوقت كان ممكن اكون احسن 
تسامحيني ف غلط فالت
وهاحلفلك بإني هاصلح العدلة التي مالت 
بلاش تمثيل عشان أصلاً 
صياعتي وفشلي من غيرهم
ماكانش يجوز تحبيني 
وحشتيني
ف كل مكان ف ذكرى معاكي متسابة 
ايديا ف ايدك الطفلة باعدي معاك ف الشارع 
ملامحك وانتي بتسمعي فيروز 
نهارك وانتي بتواجهيه بشاي بحليب 
وحكاياتك على صحابك 
فلانة بتكرهك جداً 
فلانة قالتلي ماتشوفيهوش 
كلام قولتيه وكان لازم 
ف وقت الجرح ماتقوليهوش 
اكيد دلوقتي بتقولي 
زمانه مولع الدنيا 
بيغلط كل يوم عادي 
خلاص فاكك بقا ومرتاح 
وانا والله ف قيودك 
كطير من كتر ما اتقيد 
طلعله جناح 
انا ف البعد متحاوط بطيف ريحتك 
ولسه لحد هذا الوقت فاكر شكل تسريحتك 
وتنهيدك 
وشكل الساعة علي ايدك 
طريقتك وانت بتغني 
بعيد عنك حياتي عذاب 
حياتك ايه بعيد عني 
يا دنيا عرفتها فجأة 
وارض لمستها بشويش 
يا أطهر من رقم فلكي 
ف عداد اسمه أكل العيش 
بتحكمي ليه على غيابي 
وف حضوري بتنسيني 
رفضتي ان انتي تتسابي 
وفجأة انتي اللي سيبتيني 
وحشتيني

وحشتيني

انضموا لصفحة مادو عل فيسبوك 
fb.com/mado4music

موسيقي تصويرية ولحن محمد عبدالعال مادو 
شعر عمرو حسن 

‪#‎Freindzone‬
خلينا صحاب 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

موسيقي تصويرية وغنا محمد عبدالعال مادو شعر عمرو حسن

#سهلة_وبسيطة - هشام خرما مع هاني عادل و نسمة هركي و مى عبد العزيز و عبد الرحمن  رشدي
Sahla w Basita - Kharma feat. Hany Adel, Nesma Herky, May Abdel Aziz, & Abdel Rahman Roshdy

Watch the Video here: https://www.youtube.com/watch?v=boRq0rAEYkw
------------------------------------------------------
موسيقى: هشام خرما
كلمات : نسمة الشاذلي
عود : محمود دسوقي
ناي : مصطفى سامي
إنتاج : هاما فيلم برودكشنز - هشام سليمان
------------------------------------------------------
كلمات الأغنية:
الفرحة بابها مفتوح
ماتهربش منها بسبب الخوف
بابها قريب حتى شوف
سبها تخدك و بيك تطوف

اسمع مني ده بكره احلى
و بأبسط حاجة الدنيا تحلى
اعمل خير هتبقى أغنى
ولما نبدأ، نبدأ بأحنا

الحياة سهلة و بسيطة
لو قسيت عليك عديها
دي السعادة مش بعيدة
و الرضا طريقك ليها

السعادة نعمة ببلاش
و الرحلة ما بتستناش
سامح و أنسى و متأساش
دنيتنا حلوة ﻻزم تتعاش

عايزين طريقنا يكون ألوان
الفرحة فيه مش بالميزان

ضحكة كلمة أو حتى سلام
معادلة سهلة مفيهاش كلام

*قيل للسعادة أين تسكنين... قالت أسكن في قلوب الراضيين...
 *يا خالق السعادة... ارزقني فيضا منها...
* فالفرحة لحظة... و الرضا حياة
------------------------------------------------------
Follow Hisham Kharma / هشام خرما:
http://www.HishamKharma.com
https://Facebook.com/HishaKharma
https://Instagram.com/HishamKharma
https://Youtube.com/HishamKharma
https://Soundcloud.com/HishamKharma

#Sahla_W_Basita ^ Kharma feat. Hany Adel, Nesma Herky, May Abdel Aziz & Abdelrahman Roshdy


زي مج كاكاو قديم على رف بارد م الرخام 
زي سرب من الحمام فقد الديار 
زي المطر ف ازاز فيميه 
أو زي سهم بينطلق ناحية هدف 
ماعرِفْش هو اللي اتحدف 
ولا بإرادته اختار مابين أحلام بديلة 
زي باندا ،،،
أو أقل قليلا
ابدأ نهاري بضحكتي لله 
واحشد مشاعري كلها للفرح 
أمسك واتبّت ف اللي لسه معاه
واعمل كإني قد شُفيت م الجرح
أختار مابين لبسي اللي يناسبني 
واحط سهواً ف الجيوب ذكرى 
أمي بتغسل كل شيء جوه الجاكت 
عشرين جنيه مادفعتهاش ولا خدت بالي منها 
وَصلْ الايجار ، كارت شحن قديم خدشته ومارميتوش 
لكنها ،،،
بتنسى دايماً إنها 
تغسل ريحتها م القماش 
لو هي كانت دوّرت ، كانت هتلقى ف الجيوب أغنيتي 
هتلاقي بنت ف جيب قصاد القلب 
طلقة رصاص أثر الفراق المشترك 
بس احتراماً للشَرَك 
كان لازم أمي تسيبها للذكرى 
وتسيب لبكره ذكرى مانسيتهاش
زي باندا ،، 
كل شيء ليها انقرض 
إلا السجاير .. والمرض .. بالبرد والخوف والزحام 
باصحى وانام 
وكإني دوبلير حد تاني بالتمام 
وكإني باصحى عشان انام 
زي باندا بامُر وحدي ف الشوارع
باسمع موسيقى تردني ليها 
واهرب إليها تردني ليا 
كلمت صاحبي الصبح وعزمته 
" صاحبي اللي فاضل ف الحاجات الملح " 
اقسم معاه دخان سجاير ربما 
يعمل سما واعمل مراكب من ورق 
احكيله عن عمر اتسرق 
يشتمني بيا وبالوجع 
" لساك وسخ ، انا كلب أصلا اني جيت .. مانا كنت قاعد باشا مبسوط ف الكافيه ، رديت عليك علشان تنكد ع اللي جابني بشكوتك ؟ اشرب يا زفت ف قهوتك وتعالى نعمل شيء جديد " 
صاحبي اللي فاضل ف الوريد 
ظهر النهاردة ف صورة الدم بكثافة 
ضحك الطبيب وكتبلي حقنة مسكنة 
أنا ليا مين غير الصحاب والأمكنة ؟!
رتب صحابك ع الورق حسب الوجود وقت الألم 
واعمل خطوط تحت اللي فاضل منهم 
تحت اللي لسه بيفهمك ويكلمك 
تحت اللي لما بتنسى هو يفكرك 
تحت اللي غاوي يقدرك 
وان كنت عاجز .. يحضنك ككمنجة قابلت لحنها 
يولع كلامكم جنب حاجة بحبها 
انا كل ما اجي وافُك جسمي واعلقه 
ما قابلش جزء بصدقه الا الكفوف ف الضهر 
الا الضوافر وقت حضن مابعد شوق 
وكإني غيمة ومطرت على فوق 
وكإني باندا كل شيء ليها انقرض ولا زلت عايش لجل اكون عبره 
بما اني خبره ف أغنيات فيروز 
ولإني جداً أو لإني يجوز 
ولإني فعلاً م الفراق ادمنت 
أنا خُنت نفسي لما كنت اتخَنْت 
وحرقت بنزين رحلتي على ايه ؟
واحدة ف يناير ماشية ف الشارع 
خليتني ليه بصتلها 
ركبت ناس مركبتي ليه ؟ 
الكل عامل نفسه نوح ورماني وحدي للطوفان 
طيب عبيط صدقتهم من امتى كان الموج ضمان ؟؟
هو انتوا مين ؟
ومليتوا ليه كل الصور لما انتوا هتبيعوا ببلاش 
الكادر صادق ناحيتي والغلطة جاية من الفلاش 
هو انتوا مين ؟؟ وانا ليه حزين على ترككم ؟؟
انا ليه لقيتني باحبكم 
أو ليه لقيتكم م الاساس !
أنا باندا تعبت م الخسارة المفرطة 
بدلّت كل الراحلين بأغاني كانت زيهم 
القهوة فن اللاشفاء من حُب خلق كرهتهم
والروج بتاع البنت لساه ع الجاكت 
غنيت وصوتي ف المدى لاصوت :
خماره جسمك ضحكتك بيره 
يا اللي انتي ذكرى صغيّرة كبيرة 
مريّت عليكي كرسي مش مليان 
وشربت فنجانك يا ست الأوليا
كان السحاب القطن ممزوج بالنزيف 
سمّوه غروب وطاوعتهم ف التسمية 
وانا من ساعتها اتنين ف واحد باشربك 
باستغربك ...
ولقيتني باندا مهددة بالانقراض 
على افتراض انك بجد على افتراض 
وعلى افتراض اني بجد 
مابقيتش بتفائل بحد 
مابقيتش بتقرّب لحد 
عايش مجرد تكملة لشريط قديم 
مستني باندا ف عصر ما 
تؤمن بتوزيع الحياة 
وتكون كمثلي مهددة بالانقراض 
نقسم سوا الفنجان ف دهشة من البشر
دبّين ف عالم خالي الا من حجر 
وساعتها يمكن تبتسم فيروز 
والقهوة تبقى قهوتين بالوقت 
أنا كنت باندا بس صرت تمام 
أو هابقى باندا بس مش دلوقت .

باندا

الحان و غناء : محمد فوزي و نور الهدى
توزيع و اداء و فكرة : مروان أنور 
كمان : مروان أنور
ناي : مروان أنور


Marwan anwer ::: انا مش حلوة

www.facebook.com/Marwanatef20
soundcloud: goo.gl/hiUCJw
instagram:Marwan_atef
snapchat:marwan_atef
twitter:Marwan_3atef
youtube.com/marwanatefvo

وحشتك؟


مابتحبكش 
بتتعب ليه وتزرع أرض مش أرضك 
وليه سهران 
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض ! 
مابتحبكش والله
وكل اللي اتعمل بينكم حكاية وقت مش اكتر 
كلامك كله كان عادي 
ووردك مرمي ف الشارع من الشباك 
بتضحكلك وتبقى معاك 
وتحلفلك تكون وياك
وبعد ماتمشي بتسيبك تاريخ مهجور 
حكيت وياها عن نفسك فتاجرِت بيك 
واديها ياسيدي بتعايرك باسرارك وبعياطك قصاد منها 
تجيب سيرتك واخبارك وتسبكها بدموع عينها 
ولا صانت كلام بيبنكم 
ولا قدرت تراعي حتى حلفانها 
ياراجل ده انت علشانها 
بقيت واحد ماتشبهلكش
مابتحبكش
بتبني ف ايه ؟
بتنكر ليه كلام واضح كضي الشمس 
بقالك قد ايه مشتاق 
لواحده كان لقاها فراق 
وكنت معاها طفل كبير 
حكيت للكل عنها بدون ماتتكلم 
وكنت تشوفها فتسلم 
وكنت تشم بارفانها فتعرف دارها ومكانها 
وتعرف كل الوانها بلمسة ايد 
ادي العيل ف وصف العيد 
لا نفع الشاي ولا الحكايات 
ولا الاحلام ولا البدايات 
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك 
وتشتم فيك 
وتدعي عليك 
ولا بتقول ده كان طيب وكان فيه بيننا ضحك دموع 
ولا بتقول ده صان وجعي ولا حافظ على المجموع 
مسافة ما الكلام بيموت بتنسى كل شيء له أصل
وتترك للمشاع سيرتك 
بتعمل ايه ؟؟ 
ياخي والله عيب فعلاً 
عشان امك ياخي حتى 
عشان حلمك 
عشان لو شفت ف مرايه انعكاس صورتك ماتتعرِّش وماتوطيش 
يادنيا رخيصه مابتديش 
لواحد حد يستاهله 
يشوف الشخص لما يعيش 
نتيجة موقفه وجهله 
نصيبك وانتي من أهله 
هموم الناس مابتضحكش
مابتحبكش
شكلك زفت 
اديك وعرفت
ف ايه ردك ؟
كفايه خيابه من حدك 
كفايه سنين بتتسرسب عشان ولا شيء 
مافيش ف الدنيا حد يبيع وهو بريء 
مقامك وسط كل الناس مقام عالي 
ووزنك في عيون اهلك دهب غالي 
وروحك نجمه بتلالي وقلبك ناي 
رميت نفسك لقلة قيمة بس ازاي 
طلع خوفك عليها ف عينها ضعف شديد 
وقربت بمشاعرك بس هي بعيد 
خيالها مريض بناس عدّوا 
بتتلذذ ببيع وجعك على الرصفان 
وتيجي انت وبتسامح بأي ضمان
لا والأعجب بتطلع منها غلطان 
وتطلع حد مش شاري 
كإن العرض كان ساري يومين بالظبط 
لا منك غِبت ولا قرّبت 
وادي الأيام بتثبتلك وبالاوراق 
غلط نظري ف نظرك فجأة ع الأشياء 
قعدت كتير عشان تفهم وربك شاء 
تضيع أحلى ما ف عمرك عشان انسانه ماتحسكش 
مابتحبكش صدقني 
مابتحبكش.

شكر : ستديو زين داوود 

مابتحبكش

موسيقي : عمر خيرت 
---------------------------------
و الله ما طلعت شمس و لا غربت
إلا و حبك مقرون بأنفاسي

و لا جلست إلى قوم أحدثهم
إلا و أنت حديثي بين جلاسي

و لا ذكرتك محزونا ولا فرحا
إلا و أنت بقلبي بين وسواسي

و لا هممت بشرب الماء من عطش
إلا رأيت خيالا منك في الكاسِ

و لو قدرت على الإتيان جئتكم
سعيا على الوجه أو مشيا على الراسِ

و يا فتى الحي إن غنيت لي طربا
فغنني واسفا من قلبك القاسي

ما لي و للناس كم يلحونني سفها
ديني لنفسي و دين الناس للناسِ


والله ما طلعت شمس ولا غربت : من مسلسل الخواجة عبد القادر / ادب الحلاج

محمود العسيلي ادينى بعيش

مصطفى محفوظ - مغلطش فى حاجة 2012


أغاني فيلم والت ديزني الكلاسيكي
(طرزان)


- أشعار: أمين حداد
- إخراج الغناء: جيهان الناصر


"عالمين"
غناء: هشام نور


"هتعيش هنا في القلب"
غناء: هشام نور - عايده فهمي


"ابن الحياة"
غناء: هشام نور


"اديله في المعسكر"
غناء: جيهان الناصر


"و أنا وياكو يا أغراب"
غناء: هشام نور


"عالمين - إعادة"
غناء: هشام نور


أنا غريب - كرتون طرزان

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


الشاعر محمد إبراهيم - علبة ألوان

محمد إبراهيم - من وحي الهاند فري



كلمات : ميدو زهير
لحن : دينا الوديدي

تدوّر وترجع وجع واعتكاف
وتطبع عليك السنين العجاف
وأول ما حُبك يقابلك يسيبك !
وأول ما حُبك يسيبك تخاف

صنعت سجنك م الهوا ودخلته بإرادتك
وإديت حبيبك نفسك، ما سألت فين حطك
وإكمن كله أذاك قررت تعشق ملاك !
يا اللي عشقت الملاك حتى الملاك صدّك
