حسن زكى   
على عوده فى قعده خاصه 
فى صحبة الشاعر الكبير سمير عبد الباقى
من كلمات الشاعر الرائع حسن رياض 
الكلمات 
اللى اشترى منك ما وزنش 
 فما تحزنش ولا تشكيله
مع ان الاحزان بالكيلو 
 او يمكن ربك ما اذنش
اللى اشترى منك اهو باع  
ليك فى العشق وليك اتباع
ليك فى الجرح ليالى وباع
 .. فما تحزنش ولا تشكيش
على اهون اسباب ما تجيش 
.. او على اهون اسباب تيجى
مركب وبترسا فى خليجى
شايله الزينه وقلبى ما زنش
فما تحزنش ولا تشكيله

حسن زكى - اللى اشترى

شعر:  احمد حداد 
ألحان : محمد عزت

يالا اضحكي - فاطمة عادل

من برنامج قعدة مزيكا على نجوم اف ام
مصر يا امّة يا بهية يام طرحة و جلابية
الزمن شاب و انتي شابة هو رايح و انتي جاية
جايه فوق الصعب ماشية فات عليكي ليل و مية
و احتمالك هو هو و ابتسامتك هي هي تضحكي للصبح يصبح
بعد ليلة و مغربية تطلع الشمس تلاقيكي معجبانية و صبية
يا بهية

Nagham Saleh - Baheya نغم صالح - مصر يا امة يا بهية

والحب فى الدنيادى طوق النجاة
لولاه يضيع قلب المحب الوديع ! ^_^

محمد محسن حبيبتى من ضفايرها طل القمر

مسار تاني_أحمد أسامة


أحمد زكي
 فيلم إضحك الصورة تطلع حلوه

عندك حق هوا عن هوا يفرق من فيلم اضحك الصوره تطلع حلوه

شد حيلك / تلغراف - مصطفى إبراهيم

رتيبة - حقا المعصرة عندكم تشرح القلب زي الزريبة تمام و لا ...
طلبة - بتنتج خمس أضعاف انتاج الخواجة كركور احنا ايه هننهب؟
رتيبة - و قالولي على عشة الفراخ الي انتا مقعد فيها أخوك بعد الغيبة الطويلة دي. يا أخي دا شريكك
علي - يعني ما يهمش طلبة بعدين هيبقى ...
طلبة - شفت يا سيدي أهو كله من ده دي مجرد عينة من مفهوم حضراتهم عن الشركة معندهومش مانع أجيب منشار و أقطع المكن حتة حتة حتة باسم الست رتيبة رتيبة هانم صامولتين تلاتة للست فاطمة مفتاح انجليزي لسعادة البيه البيه الكبير و انت و أنا نخلع البلاط و نقسمه بينا و البيه الصغير رمز المستقبل هه يبقى صاحب و مدير عام عموم المقشة هاهاهاهاهاههههاه و الي شقي و داخ ورا الأوراق عشر سنين لحد ما اتقطع قلبه فكل دا ببلاش هه عشان خاطر سواد عيونهم كادو آدي يا سيدي مفهومهم للشركة الشركة الي أنقذتها أنا الي استلمتها خردة و طلعت منها البدع 
فاطمة - أيوة لكن بفلوس مين؟
طلبة - أولا مصلحة مين ؟ مين المستفيد ؟ و لا كنتوا طول عمركو عايشين في العز ده؟ و بتلهفوا الأصناف دي كل يوم؟ أنا الي بأعرق هنا الوحيد ما تقولهم يا علي الناس فاكرة النجاح بيجي بالساهل قولهم انك يا ما جريت و خطبت و جعحعت و قولت كتير و في النهاية رجعت مهزوم ديلك بين رجليك 
علي - هوا برضه طلبة من حقه انو ...
فاطمة - طلبة مش من حقه يحطنا في موقف ما نعرفش راسنا من رجلينا فيه بتلبس طاقية ده لده و ده لده و تغرقنا في بحر مستندات و أوراق و كل حاجة بكره و بعده 
طلبة - و الله الي مش عاجبه
فاطمة - يمشي مش كدا؟ هو حد قادر يمشي و ما مشيش؟ دا ايه الشجاعة دي كلها؟!
رتيبة - مهو انت كمان مالميتناش من ع الارصفة  يا سي طلبة الأموال الي بتشتغل بيها دي أموال عيلتنا احنا أموال عيشة و أموال فاطمة أما أموال عيلتكم فروح دور عليها في الصحرا مطرح ما بعزقها البيه والدك
محمد المدبولي - أنا رايح أغير هدومي
المهرج - اجري يا علي جري الوحوشي غير رزقك لم تحوشي

مقطع من فيلم عودة الابن الضال

لو تعرفي..
أنا قد إيه موجود تملي في سكتك..
وحلم دافي لسة تحت مخدتك..
أنا قوتك.. حريتك.. حنيتك..
وتهورك،..وحكمتك.. والفتك ..وغربتك..
ورغبتك في الحياة..
وهل افترقنا؟
 مش صحيح..
الحب غير كل شيء..
الروح تبوح بأسرار اللقاء..
لحظة ميلادنا كل يوم..
ليه ترسمي الكون الوسيع صندوق ورق...
استسلمي واحلمي بكون كبير ومختلف..
واللي نلاقيه هو المهم..
وأي شيء بنخسره ماهوش مهم..
ومستحيل الحلم ممكن يبتدي..
من غير وصال بين البشر..
ونجوم كتير بتتولد حين نلتقي..
ونجوم تموت لو نفترق﻿...
لو تعرفي..

لو تعرفى على الحجار

وفجأة
هبطت على الميدان
من كل جهات المدن الخرسا
ألوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم.. الدم
قلب الميدان وعدل
وكأنه دن نحاس مصهور
انا عندى فكرة عن المدن
اللى يكرهها النور
والقبر اللى يبات مش مسرور
وعندى فكرة عن العار
وميلاد النار
والسجن فى قلبى مش على رسمه سور

قلت له لأ يا بيه
انا اسف
بلدى بربيع وصباح
ولسه فى صوتى هديل الينابيع
لسه فى قلبى صهيل المصباح
لسه العالم حى رايح جى
بيفرق بين الدكنه وبين الضى
بلدى مهما تتضيع ..مش حتضيع
ما ضايع الا ميدان وسيع
يسع خيول الجميع
يقدم المقدام
ويفرسن الفارس
ويترك الشجاعه للشجيع
ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل
وفى ليله التشييع
كان القمر غافل ..مجاش
والنجم كان حافل
لا بطل الرقصه ولا الإرتعاش
لما بلغنى الخبر
اتزحم الباب
وإتخطفوني الاحباب
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب
ما اجمل نومه على كتوف اصحابك
تنظر صادقك من كدابك
تبحث عن صاحب انبل وش
فى الزمن الغش
والرؤيه قصادى اتسعت
بصيت وحاسب نفسى بين خلان

تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر

ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والكواكب ومذله الرغيف
شويه فات سقراط....
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا فسه
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين
وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع
اما انا
فاتسعت الرؤيا
وبصيت للمسا و
للحياه المتعسه
وللنسايم المنعسه
وقلت ورا سقراط

دنيا فى هيئه خنفسه
ما اتعس الانسان
ما اسعد الحيوان
قبل مرورى على بعض مكان
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن
وقدرت تموت
وتفوت اللحم العارى المتهان
فى المدن اللى معداش منها ريحه انسان
انا مت
ومش منظور لى جواب
متحصن بكتوف الاصحاب
ولذلك فت
عند التربه.......
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن
ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق
فى قماشى الابيض
من جوف القبر
التقدم ضابط واتعرض
قبض على الجثه
وطلب الاوراق
نزع الاكفان
عدل الوش
ووقف وركلنى
وقالى بلؤم شديد
حتى فى الموت بتغش
شيلوه
ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
بتدارى ايه ؟
ايه باقى تانى علشان تبكى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن الوسخة ياكلب
اظنك حتقولى تانى الشعب
وصفعنى وتنى على بطنى بالكعب
يا سعادة البيه وانا ايه؟ او ليا فى العمال ايه ؟
ما تغور الدنيا والعمال دى تضيع
يا صاحب هذا المبنى الموروث
ضل جدودك فى الجدران مغروس
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان
اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده
كلب..
محاصر..
متهان..
منبوذ..
جربان..
وانا يا ابنى الحلم اللى مالهش اوان
معروف عشى فى قلب البستان
معروف صوتى فى زمن الاحزان
وفى اى زمان
واتذكرت سنه ما اتبنت القلعه
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل
وآخر الليل جانى بدم صحابى فى الاكل
استأذنت ارتب اقوالى
قفل الباب
واتفتح الباب
وخلاص
....................
يا عم الضابط انت كداب
واللى باعتك كداب
مش بالذل حاشوفكم غير
أو استرجى منكم خير
انتم كلاب الحاكم
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت
احنا شعبين ..شعبين ..شعبين
شوف الاول فين ؟؟   
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها..
بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعه انفاسها
واحنا ولاد الكلب الشعب
احنا بتوع الاجمل وطريقه الصعب
والضرب ببوز الجزمه وبسن الكعب
والموت فى الحرب
لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
انتوا الترك واحنا الهلك 
سواها بحكمته صاحب الملك
اناالمطحون المسجون
اللى تاريخى مركون
وانت قلاوون وابن طولون ونابليون

   
الزنزانه دى مبنيه قبل الكون
قبل الظلم ما يكسب جولات اللون
يا عم الضابط
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى
ما خدمك الا من سجنك

الأحزان العادية

نفسى حقيقى أقابلك مره بعد سنين .. وأشوف أنا فين وانت بقيت فين

لسه فاكرنى ؟

يا ترى مبسوط ولا حزين

لسه فاكرنى ؟

فاكر لسه شقوتى وضعفى .. وحزنى وفرحى

لسه ملامحى بتيجى فى بالك .. وبقيت إيه بالنسبه لك

..حلم وغاب ولا حقيقه لقيتها سراب

.. ولا مجرد كلمة قريتها يوم فى كتاب

بتمنالك .. كل الخير انا بتمنالك ..

..أنا نفسى فــ مره حقيقى أقابلك مره .. مره بعد سنين


الحب والسلام - بعد سنين

ومابين ما تشوفني وتنساني..
انا غمضة عين