Ahmed Osama

underground

zahra

special

songs

Meditation

كلمات

أدهم نابلسى : فنان اردنى من أصل فلسطينى أشترك ببرنامج اكس فاكتور لكى يظهر موهبته فى الغناء ورغم عدم حصوله على اللقب الا انه حصل على محبة الجمهور الذى كان يدعمه وسيظل يدعمه   :)

خدنى معك - أدهم نابلسى

كلمات فؤاد حداد

أنا حرّه وأموت في الحريّه
ومزاجي أعمل سحليّه
أزحف ع الأرض وع الحيطه
واطلع وانزل واعمل زيطه
واضرب في الشمس طرمبيطه
أنا حره بديلي وبراسي
وماحدّش يكتم أنفاسي
وما احطش ماسك لإحساسي
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا عاوزه أعيش
أنا بدي أعيش
أنا نفسي أعيش
على كيف كيفي
أنا حرّه وأموت في الحريّه
ومزاجي أعمل سحليّه
أرقع في الشمس الزغروطه
واخد حمام من غير فوطه
أنا حره براسي وبديلي
حره بنهاري وبليلي
حره بمناخيري القطقوطه
أنا حره بخشمي ماهوش خشمك
وما احطش برقع ولا يشمك
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا حرّه وأموت في الحريّه
ومزاجي أعمل سحليّه
أنا ابقى سحليه وسيم
ويجيني برص بتاع سيما

وبتاع مزيكا وترا لم لم

واتاوي في حضنه وأنا باحلم

ويقول لي ابتسمي يا بسيمه

وافرحي بالميه وبالخضره

ماتحطيش احمر ولا بودره

ولا احط قزاز

ولا أقفل شيش

عقلي يا هزاز

كلّك نغاشيش

وأنا حره أعيش

أنا حرّه وأموت في الحريّه

ومزاجي أعمل سحليّه

سحليه وحبايبي سحالي

أنا حره بحالي ومحتالي

حرة أصحصح والا أسخسخ

والا أغني وقلبي يشخشخ

أبواب الدنيا فاتحه لي

ما اقعدشي في الأوده لوحدي

وما احطش إيدي على خدي

ولا احط قزاز

ولا أقفل شيش

عقلي يا هزاز

كلّك نغاشيش

وأنا حره أعيش

أنا عاوزه أعيش

أنا بدي أعيش

أنا نفسي أعيش

على كيف كيفي


Music & vocals: Ghalia Benali
Accordeon: Wael El Said
Back vocals: Che the archive
Actors: Yanae, Lisa, Baya, Chade
Images and video: Ghalia Benali

"غالية بنعلى - زى سحالى "أنا حرة أعيش

الاغنية ب مزيكا 
https://soundcloud.com/omnia-hassan-2/original



ليه الكمانجا بقلب إسود .. عمره ما بيصفى لـ بيانو ؟! .. ليه هنفضل زى 
مـ إحنا .. صوره وكتابه ورهان .. ليه الشتا كان وشه غامق .. والحنين واقف مكانوا .. لسه تايه بين عنيا وبين عنيكى فـ المكان ؟! .. ليه هسيبك .. ليه هقرب ؟! .. ليه بحب ساعات أجرب .. إنى امشى فـ سكه أصلا مش باينلى ايه آخرها .. وأما فجأه تضيعى منى .. أعمل انى نسيت وأقول .. عادى يعنى زى غيرها ! .. احضنينى قبل اما تمشى .. لو ضرورى تودعينى ..وإحفرى صورتك فـ عينى .. وإبكى على كتف اللى بينا لو خلاص هتضيعينى .. وإدى ضهرك ليا وامشى .. فـ المطر ومترجعيش .. يمكن انسى ان انتى مُتى وأقتنع انى هعيش 
>>>>>>
كلمات : محمد ابراهيم
الحان : أمنية حسن

ليـــــه الكمانجا

المزيج العميق " الجمال "

ماتخافوش

Abraxsophia - Sara'Lnaseem

قصيدة لـ أسامة عادل
 https://www.facebook.com/justavio

من ديوان " غزل البنات " .. معرض الكتاب 2015

أداء صوتى : منّة كُردى
https://www.facebook.com/Kawkabmashy

لو حتّى بُكرة بعيد .. إخلق فـ قلبك كُون 

<3



اتطمّن _ أسامة عادل _ منّة كُردى

قصيدة لـ إيمان الميهى 
https://www.facebook.com/eman.abdoullah

أداء : منّة كُردى وإيمان الميهى 
https://www.facebook.com/Kawkabmashy

من ديوان : فردة حلق 

معرض الكتاب 2015

قصيدة: بلوزة تريكو
النهارده ...-
 كات عيوني واسعة جداً
عايزة تلقُط نور كفاية
- دبّة النملة كمان
كات ملازماني ومعايا
-راسي -وبرغم انشغالي-
 كات حِمايا
-أمّا كل شعور فـ قلبي..
كان كفاية عشان أخاف
...
-رغم خوفي
كنت ماشية ثابتة جداً
مؤمنة ان الحق ضيّ
وان ذُلّي ماكانش وارد
طول ما عزّي فـ قلبي حيّ
-دنيا كانت ليل وضلمة
رغم برد ماكانش جامد
كنت لابسة هدوم كتير
كنت دفيانة بضمير
كنت خايفة
أي حد يشد فتلة من البلوزة
فجأة كل الخيط يكُرّ
-كات هدومي الشتوي واسعة
كنت خايفة اتعرّى فـ عيون
شايفة طعم العِزّة مُر
شايفة إن البنت "عورة"
وان جهل الأنثى "ستر"
...
-اتّاخدْتْ..  
فـ المواصلة
لما شفته حامي ضهر مراته جامد
بس لمّا بنت تركب
كان بيخبط فيها قاصد
...
-انهزَمْتْ
لما شفته بيقرا حادثة
بنت كانت راكبة تاكسي
وانتهتْ جوّاه بكارثة
طبّق الجرنال وتمتم:
تستاهلها
أصلها لو باحترامها
كان لايمكن طال ضافرها
...
-زيّ ما انت
-لسّه فارس جوّه قلبي
-لسّه دمّك حامي ضهري
-لسّه بتداري عليّا لمّا اصلّي فـِ الميدان
-آه صحيح معرفش اسمك
بس باتغطّى بعيونك
اللي كانت واسعة جداً
عايزة تلقُط نور كفاية
-لجل مبدأ
كان يوميها 
جاي معايا

ـــــــ
إيمان الميهي*
من ديوان: فردة حلق
27-12-2011
(إهداء لـ ست البنات)






بلوزة تريكو _ إيمان الميهى _ منّة كردى

مسار تاني_أحمد أسامة

kamanga . nancy mounir 
guitar and singer .dina elwedidi 
lyrics by mido zoher 
melody by dina elwedidi 

تدور وترجع

music : Mohamed saleh 
singer :dina elwedidi & Ahmed saleh 


Humming

عارفِك مش تايهه _ دينا الوديدى

شعر/ اسراء مقيدم
آداء/ زينب فرحات


وهتعمل ايه يابو قلب مصبوغ بالجَدَب 
مع بنت تكوينها بيشبه للشتا؟ 
متلوّنة بريحة يناير 
روحها عاشقة الكلفتة 
واكمنها..مروّية فى القلب بتعب 
كان فيها منه حجات كتير 
يمكن دفاها..أو جفاها 
أو شرودها عن دواها 
أو هواها للسهر 
وبرغم سقعة جوّها 
تلقاها تقدر لو تعوز..تصبح غطا 
البنت سكة للسفر 
وانت المسافر فيها مهما كان قلبك عجوز 
..لساك فتى 
كات جدتى بتحكى زمان 
ان البنات.. 
تأويلها جوة الحلم دنيا 
والحلم كان واجب نفاذه فـ خطوتين 
"كام رقصة صولو من الوجع 
على رتم أوتار الكمان" 
وكأنه ديْن 
وان الميزان..علشان يوازن كفتين 
فـ البنت يلزمها تعيش كام ألف ضحكة 
عشان يعادلوا حزنها 
والحزن لو كان تُقل وزنه يسوى مَبْكى 
بضحكة واحدة منّها. 
يامفرّقين حبة دفا ع البردانين 
قلب الشتا زى الرصيف 
او زى شارع كان مداه ضلمة 
ومخبّى وسط العتمة نور 
والبنت برضه قلبها شتوى 
عكس الخريف 
يسكنها حبة ضىّ رغم الليل 
..كل البنات 
تقرب لروح البرد فى البوح والسكات 
زى الحكاوى الدبلانين 
حدوتة كات متشتتّة 
مكتوبة لكن ما اتحكتش 
مش ميتّة..لكنها 
تفاصيلها لسة ماتعاشتش 
وعشان كدة 
كل الصبايا فطبعهم.. 
بيكونوا أجمل فى الشتا 
كل الصبايا فطبعهم 
بيكونوا أجمل.. 
.. 
فى الشتا



بنت تقرب للشتا

لساك دفا

لسّاك بـ رغم البرد ساكن ف الضلوع

و مالكش حضن يكلفتك

و بـ رغم خوف ساكن ف قلبك من زمان

قادر تكون انت الأمان"

..قادر تكون انتَ الدفا

 

لساك مصرّ ان الدموع

قنديل فرح..

..نازل على خدودك بـ يرقص فى الخفا

لساك تداوى فـ القلوب

مع ان قلبك كان يادوب

بيدوب فى احضان الشفا

!..لساك دفا

 

ازاى بتعرف تبقى بلسم للجروح

مع ان جرحك لسة حىّ

مع ان عتمة دنيتك..

! علقم

بتعرف تبقى ضىّ

لساك بـ تتشعبط فـ حبل لحلم جىّ..

...لساك بتقطع بالمودة

كل احبال الجفا

 

ياللى انت عكاز للخطاوى فى الدروب

لسة الوجع عارف يطبطب ع القلووب

لا الدنيا عن لوع الوجع ناوية تتوب

..ولا انت ناوى انك تبطل

فى العكارة...تكــون صف

----------------
كلمات: إسراء مقيدم
هندسة صوتية: رغدة أيمن
إلقاء: زينب فرحات

لساك دفا

محبتك جنون - مدحت صالح - كوكب تاني

لما تعمل اي حاجة اديها حقا 
يعنى أما تزعل أزعل أوى علشان لما يجى الفرح تعرف تعرف أوى
و لما تكتئب أكتئب أوى علشان لما ربك يفك الكرب ترتاح أوى
و لما تحب حب أوى علشان تعرف تدى أوى
و لما تسامح سامح أوى بس ماتنساش علشان لما يفيض بيك تبقي عملت كل اللي في وسعك
و لما تضحك أضحك أوى علشان تعرف تبكى أوى
و لما تنبسط أنبسط أوى علشان تعرف تتكدر أوى
و لما تغلط كرر غلطتك علشان تعرف تتعلم 
و لما تعمل أى حماقه خد بالك علشان تتعلم الحكة
أعمل كل حاجة لأخرها و أديها حقها و أتعلم من كل اللي حواليك أتعلم من قليل الأصل و ابن الاأصول أتعلم من الكريم و البخيل أتعلم من الغبي و الذكى أتعلم من المتواضع و المغرور أتعلم من اللي شايف نفسه و اللي مقلل من نفسه أتعمل من المحبط و من المتفائل أتعمل من كل ده علشان هيمر عليك مواقف تبقي فيها مرة كدة و مرة كده و أعرف إن اللي فات لو كان وحش الأوحش جاى و إن كان حلو الأحلي و إن ياما دقت علي الرأس طبول و إن كل ده هيخليك أحسن بس أهم دى كل حاجة وقتها ماتسمعش اللي قولك أنت عايش في الدور لكن أسمع اللي حاول يواسيك بكل أو نصيحة مش مهم تعمل بيها المهم تحطها في بالك علشان هيجى يوم وقتها أعمل كلب اللي نفسك فيه اوى طالما لا حرام و لا عيب و أعرف إن هتلاقي ناس كتير منهم اللي يكمل معاك و اللي يفارقك و اللي تأخده الحياة أو يأخده الموت كل ده هيأثر و أعرف إن فيه اللي فاهمك و حابك كده و معاك و فيه اللي مش فاهمك بس مرتحالك بس أهم أدى كل حاجة حقها و ماتكتمش جواك
---------------------------------
خواطر: ماجى إيهاب أنور
هندسة صوتية: رغدة أيمن
أداء صوتى: زينب فرحات

أوى

قصيدة: عمرو شاهين
أداء صوتى: زينب فرحات
مونتاج وإخراج: رغدة أيمن
-----تفاصيل بسيطة

 

قولهم 

إن الغياب .. نُص المسافة للقا 

و أن اللقا

خط البداية للغياب 

قولهم 

طعم العتاب

يشبه التلج اللي ب يدوب ع اللسان 

بارد أوى وقت الدخول للفم 

و يدفّى ريقك لما داب 

فاكر مرورك من هنا 

صوت الجونله 

وهى ب تطبطب على سجاده الصلاة المفروشة زينه 

لسه ب يرن في عامود السرير

ريحه الدفا 

وطعم خوفك

سكر القهوة الزيادة وريحه الدخان 

كلهم

اقنعونى إن الفراق … 

محطة تانيه في العلاقة المستمرة 

مش ضروري إن البكا 

ينزل من عينك دموع 

مش ضروري إن الفراق 

يخطف م الشفة ابتسامه 

و لا هوش ضروري 

إن كل حضن أنا ها اخطفه 

ها أدفع قصاده

حسنه

في يوم القيامة 

ف اصرخي لما تجيلك الضحكة بجنونها 

الصرخة ضحكه قديمه مكبوتة 

أنا اللي عايش لحظه الحب وشجونها 

وأنا اللي بعمل م اللحظة دى ..حدوته 

الملايكه 

ضمة كفوفك للجاكت 

طعم الهوا بعد المرور بين خصلتك

كلها تفاصيل بسيطة 

بتخلق القصة .. وتديها الحياة 

الشمس أنتي 

والليل في ستره للمشاعر يبقى أنا 

ضدين ب يجروا عكس بعض 

لحظه لقاهم .. مشهدين ملهومش وصف 

مشهد شروق

" ..اقسم لذاتك بالوفاء

اقسم بكل تفاصيل الحياة .. على البقاء "

مشهد غروب 

" أوعدك أنى ها رجع من جديد

أوعدك .. مش ها أسيبك تحضني الأشواق كتير "

...

قولهم 

إن الزهور ..

قادرة حقيقي ع الغنا رغم الخريف 

وان الخريف ..رمز الشجن .. 

قادر يضيف على جَنَتَكَ .. لون احتضار 

و باختصار

ورق الشجر .. اصفر خريفي 

والسنابل .. اصفر حياه 

و عينيكي أنتي 

شماعات الحلم .. في دولاب الوجود 

قادرة تحافظ ع الفرح

ترتر ب يلمع

على بطن فستان الزفاف

و أنا قلبي يرويه الجفاف .. 

والبعد.. يَّمْ

يسقى تفاحة اللقا 

علشان نسيب الأرض عذرا

للكواكب والنجوم

تفاصيل بسيطة

تخيّل نفسك شجره
و اثبَت لإنك شجره
ضارب فى الأرض مسافه
وثابت
وانت أدرى.
تخيّل نفسك نور
و اِعمى لإنك نور
أنا كنت سور البير
و صَبحت جير السور.
تخيّل نفسك باب
وافتح لإنك باب
على دنيا أصلا طريق
وبينتهى بسرداب.
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله.
تخيّل نفسك ورده
و اِزهى لإنك ورده
كل الالوان قصادى
بس الريحه واحده.
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم.
تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها.
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه.
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى.
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى.”


― عمر طاهر


عمر طاهر | تخيل | Omar Taher | Tkhayal

نص: ماريو جابر
هندسة صوتية : عمرو شاهين
ميكساج و آداء صوتي: زينب فرحات 🎙️صوت الونس
***************************************
https://www.facebook.com/ElSayedmgaber
لو يهمه الآمر فعلاٌ

مكنش سابها

للظروف

لو يهمه الآمر فعلاٌ

مكنش بدل أمل

بخوف ..

لو يهمه الآمر فعلاٌ

كان سـئـل

و عشان يهمه

الامر فعلاٌ

كنت أنا علي طول

هجاوب

دا لو يهمه الامر فعلاٌ
……….

مش بهتان من لون

الدنيا لا بالعكس ..

دا أنا

متلون

بس اللون

كان غامق حبه ..

بس

أحيانا يظهر باهت
……

لو يهمه الآمر فعلاٌ

كان

سـئـل دا لونك أنت

ولا باهته عليك ظروفك ..

كنت

ارد و أقول ظروف ..

اللي تـ بدل أمل بخوف

و اللي تتساب للظروف ..

و اللي مفتح يبقي أعمي

مش يشوف

و الكلام يصبح سكات

من الكسوف ..

عشان مايهمه الآمر فعلاٌ ..

لو يهمه

قصة: مصطفى السيد سمير
إخراج وهندسة صوتية:عمروشاهين
أداء: زينب فرحات
************************
http://www.facebook.com/notes/%D9%85%D8%B5%D8%B7%D9%81%D9%89-%D8%A7%D9%84%D8%B3%D9%8A%D8%AF-%D8%B3%D9%85%D9%8A%D8%B1/%D8%AD%D8%AF%D9%88%D8%AA%D8%A9-%D8%A7%D9%84%D8%B4%D9%88%D8%A7%D8%B1%D8%B9/10151681644688266


حدوتة الشوارع
************************
في نهاية كل يوم بعد ما يروح آخر واحد ماشي الشوارع هي كمان بتروح عشان تستريح

بتروح مكان واسع وتقعد تمدد وتلعب برجليها في الرملة .. وفيه منها بينزل البحر عشان يريح جسمه المهدود من شيل الناس والعربيات وسند الشجر والبيوت طول اليوم

الشوارع الكبيرة أول ما بتوصل بتقلع أنوارها العالية وبتديها للشوارع الصغيرة والحواري عشان يلعبوا بيها _ وبعدين بيحطوا سماعات في ودانهم ويسمعوا مزيكا هادية عشان يستريحوا من الدوشة .. أو ياخدهم الكلام مع بعض عن اليوم كان شكله إية وعن المظاهرات الكبيرة والطوابير والخناقات وقفلة المرور لما العربيات كلها تتلخبط مع الاتجاهات والبشر في النص باصين لبعض بعجز يدل على إنهم قد إية كائنات تعيسة مش عارفة حتى تحافظ على براح عشان حاجة تعدي.

أما الشوارع الصغيرة فبيقعدوا يرغوا كتير عشان بقالهم طول اليوم مش لاقيين حد يتكلموا معاه .. حتى الناس اللي بيعدوا غالبا مش بيبصولهم ولا بيستنوا عشان يسلموا عليهم لا بيمشوا على طول

 
محدش أبدا كان يعرف الموضوع دة لحد ما في يوم جت بنت نزلت بالليل عشان تشتري شمس صغيرة من عند عمو بتاع الشمس .. عشان أخوها كان عيان ومحتاج نقل نور والدنيا ليل والشباك نايم .. نزلت عند باب العمارة واستغربت قوي .. هي كانت أول مرة تنزل فيها بالليل كدة وملقتش ولا شارع .. قعدت تبص يمين وشمال ملقيتش .. وبعيد خالص كان فيه شارع صغير خالص يادوب يعدي واحد قلبه كبير أو اتنين ماسكين إيد بعض.. شاورتله من بعيد فابتسم قوي وساب السحابة اللي كان بيقرا فيها وجه ناحيتها وقال لها ازيك اية اللي نزلك دلوقتي .. قالت له الشوارع راحت فين .. قال لها بتستريح من الشغل وبتاخد دش من التراب .. قالت له طيب انا عايزة اروح لعمو بتاع الشمس عشان اخويا عيان .. هرش الشارع في الخطوط البيضا اللي في راسه وقال هو مش من هنا .. هو لازم تعدي شارعين بس اكيد مش حيرضوا يصحوا دلوقتي .. انا ممكن اوديكي بس متقوليش لحد .. عشان انا حانتحل شخصيتهم وهما ممكن يزعلوا

البنت صقفت بإيديها وقالت له انت شارع حلو قوي وراح مسك ايدها ومشيوا..



طول الطريق كان الشارع الصغير بيحكي لها عن البيت الكبير على البحر اللي بتستريح فيه الشوارع بعد كل يوم .. وكان بيقول انه لما كان بيروح كان بيحب قوي يحط الصدفة في ودنه ويسمع وبعدين يحطها على بقه ويتكلم وكإنه بيتكلم مع البحر عالتليفون .. ويقعد يحكي هو عمل اية النهاردة .. البنت ضحكت قوي لما قال لها ان البحر رد عليه مرة " ها وبعدين "!!

البنت مشيت هي والشارع الصغير وكان كل شوية شباك أو إشارة مرور تسلم عليه وتناديه باسم الشارع اللي منتحل شخصيته فيسلم عليه جامد وكإنه يعرفه والبنت كانت بتكتم ضحكتها بصعوبة وبعد ما تمشي شوية بعيد تضحك كتير بصوت عالي ..

 

البنت جابت الشمس وروحت البيت ووقفت عند الباب وقالت للشارع الصغير انت شارع شاطر قوي .. ممكن أسألك سؤال : هو انت لية مرحتش معاهم عشان تستريح .. قال لها عشان فيه بنت في يوم عدت عليا لقيتني ساكت راحت جابت رواية وقعدت جنبي وقعدت تقرا بصوت عالي وتضحك قوي .. ساعتها فيه بياع ورد عدى اداها وردة وقعد جنبها وبعدين بياع جرايد وسحابة ويمامتين .. ومن ساعتها وانا حاسس اني دافي قوي ودايما الحاجات بيعدوا عليا ويسلموا ونقعد نفتكر القصة والبنت .. فقلت افضل مكاني يمكن تحب تخرج بالليل تلاقي حد يوصلها

الشارع سلم على البنت ورجع مكانه وسابها تفتكر براحتها

حدوتة الشوارع

صدقيهم لو قالولك أنى مش عايش حياتى
صدقيهم لو حكولك عن عذابى وعن سكاتى 

كل وحدة قابلتها بلقاكى فيها
وعنيكى لحظة بعدها أشتقت ليها
حياتى كنت بحبها وحبك بقيها
وعنيا كانو بيسألو عنك يوماتى

صدقيهم لو قالولك أنى مش عايش حياتى

أنتى فاكرة أن الجراح بعدك قليلة ... ولا بعدك عنى هين
الجراح دى عزبتنى ألف ليلة ..... بس مش عايز أبين
بقيا منك جوا منى حاجات كتيرة ... مهما ليل البعد ليل
كل ما أسمع عنك انتى أى سيرة .. ببكى على حظى القليل

صدقيهم لو قلولك أنى مش عايش حياااااااتى

www.facebook.com/osamalovlyboy

www.facebook.com/groups/dolcegattino

წ…℅……ঔღঔ…ੲੜ ..ҢΞяøÕ ĽòVξЯř.. ੲੜ…ঔღঔ……℅…წ

ﬗ▁▂▃▅▆▇★☀二【«..Ǿ∫ДMą..»】二☀★▇▆▅▃▂▁ﬗ

Mohamed Nour - Sada2ehom  محمد نور - صدقيهم

عاشق سارح ف الملكوت - ريهام عبد الحكيم

مدحت صالح مغني مصري معاصر حقق نجاح و شهرة كبيرة فى مصر خاصة فى فنرة التسعينيات, ارتبط صوته مؤخرا بتترات مميزة لآعمال فنية مختلفة ما بين مسلسلات و افلام لآشهر نجوم الدراما في مصر
الاغنية تتر لمسلسل سكة الهلالي انتاج رمضان 2006 ومن بطولة الفنان يحيى الفخراني و اخرين