- 2 noyabr 1937-ci ildə anadan olub. 

- Musiqi məktəbindən sonra Konservatoriyaya daxil olub (1954, Qara Qarayevin sinfi). 2 ildən sonra Çaykovski adına Moskva Dövlət Konservatoriyasına keçirilib (Yuri Şaporinin bəstəkarlıq sinfi, 1956-1961). 

- 1961-ci ildə "Azərbaycanfilm" kinostudiyasında musiqi redaktoru vəzifəsində çalışıb. Sonrakı illərdə Dövlət Filarmoniyasında bədii rəhbər, Ü.Hacıbəyov adına Dövlət Konservatoriyasında (indiki Bakı Musiqi Akademiyası) müəllim işləyib. 

- Musiqinin müxtəlif janrlarında bir çox dəyərli əsərlərin müəllifi Emin Sabitoğlu bir simfoniya, üç simfonik poema, üç kantata, simli kvartet, skripka və fortepiano üçün poema yazıb. Lakin bir neçə musiqi janrı onun yaradıcılığının əsasını, müəyyənedici hissəsini təşkil edirdi.

- 600-dən artıq mahnı, 9 musiqili komediya bəstələyib, 40-a yaxın filmə musiqi bəstələyib. "Alagözlüm", "Bu gecə", Şükriyyə", "Payız gəldi", "Çiçək yağışı", "Bağışla", "Əlvida", "Bəlkə", "Bir axşam taksidən..", "Gəncədən gəlirəm", "Ağ çiçəyim", "Dərələr", "Bakı, sabahın xeyir", "Uzaq yaşıl ada", "Dağlar", "İnsaf da yaxşı şeydir" mahnıları çoxsaylı əsərlərindən bəziləridir.

- Tamaşalara yazdığı musiqilərsə o qədər çoxdur ki, sayını heç bəstəkarın özü də doğru-dürüst bilmirdi. 

- Paytaxt teatrları ilə yanaşı Sumqayıt, Gəncə, Lənkəran, Mingəçevir, Naxçıvan teatrlarının tamaşalarına musiqi bəstələyib.

- Xalq artisti Emin Sabitoğlu 18 noyabr 2000-ci ildə Bakıda vəfat edib.

Ana Suari is following