مسكين البدا يأمل أملُه يغلبُه تحقيقُه
والعاشِق الجفاه المعشوق وا سهرُه ونشاف ريقُه

أمِش قول ليهُ يا المُرسال عساهُ يراعي ملهوفُه
حبيبَك وبي وراك جارَت عليهُ وخانَتُه ظروفُه
فَقَد صبرُه شَرَد نومُه لهيب الشوق حَرَق جوفُه
نُحول جِسمُه وشحوب لونُه براك أحسن تعال شوفُه

براي سويتها في نفسي قلبي الحبَّ ما واعي
عِشِق زولاً مِجافيهُ وما كان للحَصَل داعي
أقول أتناسى، حُبُّه يزيد، تزيد من تاني أوجاعي
طريق الحُبّ مشيت فيهُ تعذّر تاني إرجاعي

خِطاباتي البوديها تقول لا بتمشي لا حاجة
وديت ليهُ زول مُرسال والمُرسال مشى وما جاء
بقيت أنا والنجوم بالليل سوا نساهِر ونتناجى
والناس اللّي كانوا سبب رموني وصِبحوا فرّاجة

محمد وردي - المرسال - كلمات محمد علي أبو قطاطي

Ayman Amin