شعر

Hesham Elgakh

my songs

shaaaaady

liii

He4am elgakh

music

قصايد

و بقولّه يا بحر

ليه الموج فى عز الهوج ما بيخلصش

و الملح سد وِدانك و دانك لجل ما تخلصش

 

يا بحر كام ألف بِت زَغزَغت رِجليها

و رَفعت عنها الحجاب

و لزقت فستانها بالعاني على ضهرها

و جرحت رِجل الواد اللي جري في ضهرها

 

و عملت ملحك دوا

و اللي جراحه هوى

مالهوش طبيب غيرك

 

طب ليه بِتبخل عليا

مع إِن نــانــا صبيّة

زَغزَغت رِجليها

و رَفعت عنها الحجاب

و لزقت فستانها بالعاني على ضهرها

و دبحتني في مهرها و دفعتلك راضي

خليتلي حبي قضيّة وعملتلي قاضي

 

وكويت بِملحك جرحي كِيف الدّبح

من ميتى يا بحر الجراح بتطيب بِحبة ملح

 

و أنا أَصلي واخد ع الـوجع

و أمَّا الجِـراح بِتصيـب جَدع

بيصِير وجعها بــــ مِيت وجع

تعرف يا بحر الـ ميت وجع

 

وجع اللي حَبّيتها وسابِتني

وجع اللى بعنيها سَبِتني

وجع اللي عملِت مني رمل

في قعر جوفك رسَّبتني

و تسعميت مليون وجع للذكريات

 

أصل المحبة يا بحر مش فترة وتعدّي

دي عمر شايِل صوت هزاري و غلب جدّي

فكر طايِح يوم يِجيب و شهور يِودِّي

 

و تسعميت مليون وجع

عدد المحارة و الودع

عدد الكلام مِن بين شفايِفها الجمال

عدد الشَماسي والكراسي والبنات

عدد الرمال

 

عدد المطر يا أبو قلب أقسى مِن الحجر

كل اللي فاكرينك بتجمع للحبايِب شملهم

عالم بقر

ما أنا جبتهالك .. مش جبتهالك

شَهِّد الشمس اللي لسه سمارها فوق ضهري تقولك

إِنّي يا بحر ائتمنتك.. جبتهالك

 

ولّا ليه شهد رِمالك

علّي صوتك

سمع الرمل اللي مدبوح من قساوتك و اندهه

و إِن كان يِجاوِب اسأله فين قصور الواد داهه

 

هيقولولك ما إنت يا بحر اللي هديتها

وسويتها بِباقي الشط

هيقولولك هو هو الموج يا بحر

زي ما جمع حبايِب زي ما كسر قصور

بس النوبة دي يا بحر موجك القاسي كسرني

هو أنا ناقص كسور

 

لو تعرينى يا بحر تلقى جوايا بنات مالها عدد

ولا اتكسرتش

زي ما تقول جسمي نحس من الحريم وبقيت وتـد

بس النوبة دي ما انتصرتش

 

بعترفلك يا هوى البحر إِني مغلوب النوبة دي

بس خليك واعي دايمًا وافتكر مين اللي بادي

ومن الليلادي لا إِنتَ صاحبي ولا أعرِفَك

إِياك تشوفني بِبِنت حلوة وتطلب إِني أعرفك

صبرك عليا و هـ اكشفك

و هــ جرِّسك و هـ جرِفك و هـ جوِفك

و هـ كَتفك كيِف الذليل

من الليلادي سماك يا بحر هتبقى ليل

 

مِن الليلادى هـ أطفي شمسك

و أطمس الدنيا ونهارها

نـانـا مـاتت بس فاضل لسة نارها

و العزا عالق ما بِيني و بِينك إنت

والله ما هقبل عزاك

قبل ماخد بإيدي تارهـا

هشام الجخ - سري جداً إلى البحر

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

وبقولها انا انت وانت انا

مين الحمار فينا

انا اللى حمار ولا الحب اللى نازل رجرجة فينا

طب انت انا ... وانا انت وجه فينا اللى جه فينا

حظوظ الناس مصالحاهم وحظنا ليه مجافينا

 

طظ يا حظ يا ملاوع هحبها ويكش تولع نار

هاكونلها بر وسفينة هنتحمل وهنكيدك ونضحك رغم ما فينا

وشوف غيرنا يا حظ خلاص مفيش والله رجا فينا

ده انا انت وانت انا طب مين حمار فينا

 

حمار الليل مطولش فيوم السهرة والزينة

حمار الواد بتاع اللب

فاكرة يوميها عالكورنيش

قطع احلامى وكلامى عن الترحال

ويوم سفرى ويوم ملقاكى عالمينا

 

حمارة صاحبتك لما بتمشى معاكى فالشارع

يبان حسنك يغطيها يخللى شكلها شوارع

بحبك ظايطة فاللمة واحب اللمة فعنيكى

وبفرح كل يوم لما تسافر ايدى فايديكى

 

ياعم حسين يا ملقانا

يا شاهد فرحى وشقانا

انا اللى حمار ولا هى

ولا الحب اللى ورّانا

 

حمارة سياسة التعليم فدى الدولة

وقال تعليمك العالى

ياولدى يبقى ليك اولى

بقالى سنين انع يا ناس

مابين ثانوى وبين جامعة

اقول ابنى سحابة شوق

تاخدنا لفوق وتبقى هى دى الجامعة

 

هاتجمعنا لوحدينا

تدارى كسوفها منينا

وانا فصدرك .. وانتى فحضنى

نرجع تانى نتلخبط

ما نعرف مين حمار فينا

 

ساعات اقعد مع نفسى

فليلة صيف وبلكونة

وقمراية ونص سيجارة

اروق حبة عن نفسى

وكام نظرة على اشارة

يطيروا منى للجارة

لو انتى جيرانا لزقالنا

وكاشف بيتكوا شباكنا

ماكنتش اكره الشقة ولا القعدة

هاشوفك كل يوم نايمة

وهشوفك كل يوم قاعدة

انا شايفك وشايفانى

وصوتنا موصله التليفون

اكن الكون بقى بتاعى

او احنا وبس جوه الكون

لكن حظى التعيس دايما

مخللى عمارة ولا اتنين

مابين بيتى وبين بيتك

وداروا بيتى عن بيتك

 

بس انا عرفت الحمار الان

فلان احمد فلان

عشان سايب كل المكان

وبانى عمايره وسطينا

وساب روحى تروح روحك

ويتلاقوا فنص السكة

مابينك وبين الكون

يطيروا فالهوا حبة

يدوبوا حب ومحبة

ابصلهم يا وخدانى

وقلبى صافى ومزقطط

وارجع تانى واتلخبط

ولا اعرف مين حمار فينا

 

بحبك نانا او ناعسة

بحبك ليلى او المظ

نعيمة .. تمر حناية

بحبك وانتى بالمينى جيب

واحبك شال ودلاية

بحبك وانتى فالتليفون وفالجوابات

بحبك.. وانتى ويايا

بحبك بت حكاية ورغاية

تصحى سكوتى جوايا

تلاعبينى واغمى عيونك السودة

صوابع ايدك الممدودة

بتدور على حضنى وتتدور

كسوفك عنى حايشنى وحاششنى

وطيش حبك مطيشنى

كفاية تعبت مالطيشان

مفيش مرسى يدفينا

ايديكى تنام على صدرى

فى حتة يدوب تكفينا

وليل نعسان يغطينا

تغير الشمس منينا.. تصحينا

يهيج قلبى ويتخبط

وارجع تانى واتلخبط

ولا اعرف مين حمار فينا

 

بحبك طايشة جواية

مسافرة ضلوعى فضلوعك

وانا طوعك

يزلزل صوتك الزلزال ويحينى

يخلينى انا.. عصفور فى شباكك

يا ناشرة فالمدى شباكك

ايديكى يوم ما ضمتنى

حضنت الكون بكفة ايد

وبالتانية سندت القلب فمكانه

بحبك... يااااه

يا نار فالقلب نوارة

انا حمار اللى حبيتك

وخليتك بحبى حمارة

يــــا حمــــــارة

هشام الجخ - حمارين حبيبة

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

قصيدة انطردى الآن من الجدول للشاعر هشام الجخ

هشام الجخ_انطردى الآن من الجدول

متزعليش - قصيدة هشام الجخ

قصيدة طبعا مصلتش العشاء هشام الجخ 

جديد هشام الجخ :- طبعا مصلتش العشاء

للقصيدة كاملة والفيديو 
http://www.algakh.com/albums/%D8%B7%D8%A8%D8%B9%D8%A7-%D9%85%D8%A7%D8%B5%D9%84%D9%8A%D8%AA%D8%B4-%D8%A7%D9%84%D8%B9%D8%B4%D8%A7/

جديد : هشام الجخ - طبعا ماصليتش العشا

اغنية مايستهلوشي - حسن الشافعي مع ابلة فاهيتا
Hassan El Shafei’s ft. Abla Fahita  “Mayestahlushi ” 

حسن الشافعي مع ابلة فاهيتا - #مايستهلوشي | Hassan El Shafei ft. Abla Fahita - Mayestahlushi

اغار عليها .. عبدالرحمن محمد .. كاملة

هشام الجخ - عشان غني

هشام الجخ طبعا مصليتش العشا cbc

هشام الجخ _ طبعا مصلتش العشا


كده كده يا قلبي 
يا حته مني 
يا كل حاجه حلوة فيا
كده كده هتمشي وتسيبني وحدى في الحياه والدنيا ديا
يعنى ايه يعني خلاص انا مش هشوفك تانى 
مش هلمسك  , مش هحكي ليك عن حاجه تعبانى
كنت روحي لما كان جوايا روح 
عمري ما اتخيلت انك في يوم تروح
مش فاضلي مني غير حبة جروح 
مع السلامه يا حبيبي وفي امان
عمري ما هقول يوم عليك ماضي 
وكان عمري ما انسي مهما طال بيا الزمان

كده يا قلبى - شرين عبد الوهاب

لكلمات وفيديو القصيدة : http://www.algakh.com/albums/4295-2/
تابعوا هويس الشعر العربي هشام الجخ على :
لكلمات القصائد والحصريات والأخبار .. على الموقع الرسمي
www.algakh.com
وصفحة الفيس بوك الرسمية
https://www.facebook.com/Hisham.Gakh
وللاستماع للقصائد صوت فقط
https://soundcloud.com/algakh
وعلى الانيستجرام
https://instagram.com/algakh
وعلى جوجل بلاس
https://plus.google.com/+hishamelgakh/
وعلى تويتر
https://twitter.com/Hishamalgakh

Follow Hisham Algakh on :
For poem words and news ... on the official website
www.algakh.com
and the official facebook page:
https://www.facebook.com/Hisham.Gakh
and listen to poems on soundcloud:
https://soundcloud.com/algakh
and follow al gakh on instagram:
https://instagram.com/algakh
and google plus:
https://plus.google.com/+hishamelgakh/
and on Twitter :
https://twitter.com/Hishamalgakh


جديد : هشام الجخ - خمسة الصبح

Ramy Sabry _ Ba2olk Eh T3alyرامى صابرى _ بقولك ايه تعالى

محمود الليثى - امي

لمشاهدة الفيديو
https://www.youtube.com/watch?v=eICnSUbNYGM

جديد : هشام الجخ - لقطة الفراق

يوم كان السكوت جبروت .. كان شاعر وكان عوّاد
وكان رحّال في أرض الله .. لكن وقت الحنين عوّاد
يا لايمين الولد ع الصمت .. ماترموش الملام ع الواد
يا (أدهم) ياللي خلّف للتاريخ (بدران)
يا (يوسف) كِتْرت القمصان
قِبِلت اني أموت عطشان
و اقَف في الصف و اتدَرْوَش .. واكون من زُمرة العُبّاد
لكن ماقبلش بعد العزم والنخوة .... أموت (عوّاد) 

تابعوا هويس الشعر العربي هشام الجخ على :
لكلمات القصائد والحصريات والأخبار .. على الموقع الرسمي
www.algakh.com
وصفحة الفيس بوك الرسمية
www.facebook.com/Hisham.Gakh
وللاستماع للقصائد صوت فقط
@algakh
وعلى الانيستجرام
instagram.com/algakh
وعلى جوجل بلاس
plus.google.com/+hishamelgakh/
وعلى تويتر
twitter.com/Hishamalgakh

Follow Hisham Algakh on :
For poem words and news ... on the official website
www.algakh.com
and the official facebook page:
www.facebook.com/Hisham.Gakh
and listen to poems on soundcloud:
@algakh
and follow al gakh on instagram:
instagram.com/algakh
and google plus:
plus.google.com/+hishamelgakh/
and on Twitter :
twitter.com/Hishamalgakh

هشام الجخ - عوّاد

جديد أصالة #عيش_سكر_وطن
شكر خاص للنجم أحمد فهمي
رؤية فنية : طارق العريان
انتاج @Stargatemusiceg

Executive producers : Moussa Essa - Anas Nasri
كلمات : د. محمود طلعت 
ألحان : إيهاب عبد الواحد 
توزيع موسيقى : نادر حمدي

- حبيبتي شُفتي اللي حصل في سوريا ؟

= هذاكر للولاد حاضر وأعشيهم وهادعيلهم
   وأحمّيهم كمان بدري وأنيمهم وأغنيلهم
   هاسيب المكواة دي لبكرا عشان تعبانة مش قادرة
   ده شغل البيت يهد الحيل
   وهاتلنا عيش وكيس سكر وجبنة يا ريت ولو تقدر ماتسهرش لنص الليل

- حبيبتي عيش وسكر إيه وليه مش شايفة غير نفسك
   بلد بتموت عشان الكل قال نفسي

= حبيبي العيد خلاص قرب فـ شيللي كام جنيه على جنب
  بلاش كالعادة تتهرب وتيجي تقوللي وضعك صعب

- ومين جاب بس سيرة العيد وليه مش حاسة بالموضوع
   بلد بتموت عشان الكل .. عشان الكل مش حاسس

= حبيبي أنا عاملة مش سامعاك عشان خايفة لا يوم أتهد
  مانا من كتر أوجاعي بخاف أوصف مشاعري لحد
   بخاف على بكرا من بكرا .. وأخاف دايمًا أنا من الجاي
   وقلبي مات على فكرة لكنه مُصِّر يظهر حي
   في ناس الغربة كسراها وناس الغربة كارهاها
   وناس مضطرة فـ بتبعد وشايلة بلدها جواها
   وهو يا سوريا ده الموضوع ..
   وطن بيموت عشان الكل مش سامع، مش فاهم، مش حاسس، قال نفسي 
   ..
   فهمت حبيبي ؟

- فهمت خلاص .. هاجيب العيش وأنا جاي والسكر ومش هتأخر

The City of Prague Philharmonic Orchestra Conducted by : Miriam Nemcova
Recorded at Smecky Music Studios, Prague 
Recording & Mixing Engineer : Vitek Kral 
Mastering : Nader Hamdy 
Music Producer : Nader Hamdy

Social Media Management and Poster Design : Brand Stamp

Assala's Official Social Media
https://www.assala.ws
https://www.facebook.com/assalaofficial
https://www.twitter.com/assalaofficial
https://www.instagram.com/assala_official
https://www.youtube.com/assala

watch official video

Assala ft. Ahmed Fahmy - Eish Sokkar Watan | أصالة وأحمد فهمي - عيش سكر وطن

Follow Mohamed Aly :
:تواصل مع محمد علي
https://www.facebook.com/MohamedAlyViolin 
https://www.instagram.com/MohamedAlyViolin 
https://www.twitter.com/MohamedAly 
https://play.anghami.com/artist/2159165

Mashaer

Mashaer Cover By Mohamed Aly | مشاعر

جديد  هشام الجخ - غفير القصر

كلمات القصيدة مكتوبة والفيديو :
http://www.algakh.com/albums/%d8%ba%d9%81%d9%8a%d8%b1-%d8%a7%d9%84%d9%82%d8%b5%d8%b1/

جديد : هشام الجخ - غفير القصر

Zap Tharwat ft. Amina Khalil & Sary Hany - Nour | زاب ثروت وأمينة خليل - نور

كلمات وإلقاء : محمد ابراهيم
عود : سعد العود
بيانو : شادي ابراهيم
______

عشر دقايق بُكا

للمره العاشره بقول مالك
وتقولى مفيش حاجه إطمّن
وتحاولى تخبى كلام باين
من غير ما تقولى كلام يداريه
جه عياطك بيقاطع صوتى
وانا بسأل سر سكوتك إيه ؟!
أتاريكى فـ وادى و انا فـ وادى
موجوعه بشكل مهوش عادى
من سبب أنا معرفهوش لسه
ومازلت مُصّر إنك تقوليه
فسألتك " طب بتعيطى ليه" ؟
و أنا عايش ليه أو علشان مين
أو لزمتى إيه أصلا عندك ؟
هو انا مِش قولت فـ أول يوم
حبيتك فيه هفضل ساندك ؟
و إن شوفت دموعك همسحها
من قبل ما عينك تبكيها
_ إن كان فيه حاجه انا معرفهاش
لو حتى هتجرحنى إحكيها _

ردت بعياط أكتر فـ بكيت
وبكينا لحد أما شهقنا
و فـ وسط كلامنا رميتلى سؤال
" تفتكر الموت هيفرقنا "
لكن من قبل أما تجاوب
انا طول مانا عايشه هكونلك قلب
بيحبك ولآخر نبضه
لحظتها لسانى سكت منّى
و إتحول إحساسى لقبضه
وحاولت أكدب إحساسى
علشان ميبانش ان انا موجوع
فبدأت أغير فـ الموضوع
قاطعتنى وطلبت منى أهتم
وقالتلى انها عملت تحاليل
وطلع عندها سرطان فـ الدم
وحياتها يدوب حبة أيام
تتعد على الإيد مش أكتر
وقتها حسيت انى إتشليت
مـ الصدمه ومعرفتش أفكر

وبدأت عياط و مخلصتش
غير لما قالتلى كلام حسيت
منه انها بتقولى وصيه
فسمعته وروحى بتتقطع
وإديها بتبرد فـ إديا
إن انا منساش اللى مابينا
وإنى أحصلها على الجنه
هى هتسبقنى وتستنى
ودى كانت آخر أمنيه

عشر دقايق بكا - محمد ابراهيم

TrpMix.CoM.Ghazala.M.ELMaSrY

اغنيه ري ري ري احمد الديب الالدغ جامده اوووي مش هتندم انك سمعتها علي الدرامز 2018

قصيدة طناش _ هشام الجخ

اميرة البيلي تعبت فقمت كلمتة من حفلة هشام الجخ بمس.mp3

محمد عدوية  & محمود العسيلي - انت تقدر
2018

تقدر تعمل كل حاجة
ولا يهمك كل اللي بتحلم بيه بتقدر عليه

هيوقفوك هيحاولوا ييأسوك ويحبطوك ويكسروك
خليك ديما جامد جرب حاول عاند

هايقطموك وتملي يفشلوك ويبكتوك ويزهقوك
وماتزعلش دا عادي كله كلام ع الفاضي

لو غرقوك عوم لو وقعوك قوم صدقني في يوم
بعزيمة وإرادة تقف تاني كالعادة

في جواك سوبر مان أحلامك بالإمكان وعشان
انت بطل من جواك في حلم بيستناك

تقدر تطير من غير جناحات
وأياك تقول ما خلاص الوقت فات

شوف الجايات وانسى الرايحات
حبة طموح وهتعمل معجزات

تُقَدَّر تُطَيِّر مَن غَيَّرَ جناحات
وَإِيّاكَ تَقُول ما خَلاص الوَقْت فاتَ

شُوف الجايات وَأُنْسَى الرايِحات
حَبَة طَمُوح وهتعمل مُعْجِزات

موقع دندنها - Dndnha.Com

محمد عدوية  & محمود العسيلي - انت تقدر

ماجدة الرومي - وعدتك

الشاعر هشام الجخ 
قصيده متزعليش

هشام الجخ - متزعليش.

قصيدة التأشيرة للشاعر المصري هشام الجخ تلخص حال الفرقة التي يعيشها الوطن العربي في الوقت الراهن .. والصراعات العربية العربية .. والحدود المصطنعة


العرب الآن - قصيدة التأشيرة للشاعر المصري هشام الجخ

آخر ما حرف في التوراة - قصيدة هشام الجخ الممنوعة

هشام الجخ - ايزيس ♥♥


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh

شاعر ينعش شعره القلب ويلون بكلماته الواقع

قصيدة طناش _ هشام الجخ

Bash Mohandsa Emy