Revolution

stuff

Music

meine 2

بدائل

حضرة

R.F.F

إنتاج : أسلوب
فلوت :نيسم جلال
باص : زياد صادر
إيقاع : حسين قمح

الكلمات:

"تحت رحمة مدفعية".
أسد وحش غابة ما لازم يحكم بالبشر
بيسوى تشوي لحمو إذا انقطع لحم البقر
ثورة بلا سلاح قلي كيف بدا تنتصر؟؟
طالب الحرية  بقلم يسندو فلاح 
مرا حجابا من كوفية صدريتا جعبي
ولد يعطي إحداثية و الجهاز بإيدو لعبي
قائد الميدان ما بيفكر بالسُلطة 
و المصاري حق سلاح جمّعتا الناس 
هيك كان لازم إنو تكون بالأساس
بس الدعم إجا من اللي باعوا الأرض كُلا 
إبن الهاشمية ,سعود,تركي بن عبدالله
من اللي غرّقو بالدَين ل صدام
شريكو الشمّت فيه ع حبل الإعدام 
من إسلام بلاد الشام بندر بن تيمية
و صواريخ صارت تنزل عشوائية 
و دبح عالهوية
و قائد الميدان ضاع ب زواريب قصر تاني
و التفجير سيارات عالبشر فلتاني 

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

مصر كانت بعدا عم بتجرب مرسي 
و البحرين ملك الله ما شالو عن كرسي
فتحلي دفتر سايكس- بيكو ل نعيد التقسيم
ما القصير بدا تصير مطار بهالقرب
حولا عدرا قارة وادي النصارى و النبك 
قطاع الدرب من العريضة عالغوطة الشرقية 
ما الخلاف عالخلافة بعدو بأرضو 
و بقي الشعب وحدو تحت رحمة مدفعية.

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

تحت رحمة مدفعية

الراس:
هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا


الراس وناصر دين الطفار (انتاج مونما) - لبنان 2

 اللي بيقلك أنه حاسس فيك كاذب
لا تقلي المين اسف
أنا حارق مية شارب
بيغنّوا لمية لاجئ
حناجرهن اسفنج عازل
المهم فيوز اليوتوب ما بهم مين بعازه
ليك دمشق دانها ساده 
لغير ولادها ما بتسمع
هاد ليس تراك موسيقي هاد طلب عفو من الوالده
يوم سمّوا رحمها ساروجه و الولاده
كانت نحنا عيفوا الميديا من ايدكن لنغفا
قرفنا
ان كنت ابن لجوء بعز البرد ناطر تدفى
صدقني ما لح يكون همك يروح أو يبقى
حنون جامعة الدّول خايف علينا نغرق
جايين بنص الجمعه نوقف عالطاوله و نخرا
مين أنته عفواً ؟ .. و مين اللي حط جرحي 
بكل دعايه و نشره .. تكرار سيناريو جفرا
حكاية بلدي مانها موضه تعاطفك خلّيلك
لو كانت دمشق بتمشي كانت اجت تخلع نيعك

كل ما بغفى عالقاعد ببقى عكرسي بتكسي
و أمي جنبي بتطبطب عكتفي تقلي 
أمّي : " قوم وصلنا " .. فتّح عيوني 
ضمّ شارعنا لصدري حس حيطانه عخدودي

ليك نحنا بس الشّهدا إن متنا عالستيج
بنص الليل عتمه فايق بتلمّس حيطان البيت
تصحّيني أمي تقلّي لبيس عالسّاكت لا تقلّي ليش
عصحرا بيضا مافي حرب فيها لا تقلي وين
و دعت بلكونتنا و بإيدي مخدّه
لابس أسود أرمل بعدّه أربعين يوم بلحيه
بقلها : " تتجوّزيني ؟ " بتقلي : " لسّاك صغير
"العرب مالهن بالعاده يحبّوا الأرض عبكّير
" قلتلها : " العرب كذبه بان النّجس يوم النكبه
من طول عمري عيوني بأرضك ما بتطلّع فوق القبّه
زرعت فيكي شتله بتسقيها دم بتخونيني
متل ما عطابور ختان الجواز تركتيني
تحت بلكونها و اهلها بالبيت عم يتناتفوا
دمشق اطلعي اتغمّيلي تركيهن يتساوموا
طلعتلي الكحل عخدودا عم تبكي
قالتلي ليك .. بس ترجع .. منحكي

https://www.facebook.com/QuziackAbuKolthoumRassulBaniOmayyah

بو كلثوم - قوم وصلنا - إنتاج بو كلثوم - Bu Kolthoum " Oum Wselna " Prod.by Bu Kolthoum

كلمات و أداء ناصردين الطفّار
انتاج موسيقي : مونما

الكلمات

انت مغلط اذا مفكر انو جهنم بعد الموت ، اني عرفت جهنم اول يوم خدت نفس
اول كلمة قلتا "بدي" تاني كلمة "البدكن ياه" يمّا غمّة بالقطيع يا أمّا بتندعس
الجنة يبن عمي ما بتجي من رياضة قوم و قعدة الجنة بسمة بوج فقير بإيدو تنكة ايفيس
جهنم للي جاعت بنتو ركع و صلى
 الجنة للي سرق اكل حاكم و طعما
كل ما اجو الشحادين عالسيارة علي الصوت علي قزازك و اكتب عالفيسبوك الله للفقير
الله يبن عمي محاصر باليرموك ، قلي ضب لسانك لا كلاب الملك يرموك
الله ولد يبن عمي مع ولاد درعا ، بزواريب جبل محسن عم يتوقى القناص
شوفو صوب بعلبك موجود بكل ضيعة ، عالرصيف مع شغيلة الفاعل عالبحصاص
طافر بسهول ما بتتسعر بالمال مبدل اهله بسلاح و جاره باحتلال
شاف بعينو النبي شيت خاوى نبي بقانا مات، بعدا ببالو دولة سمت اشرف حرب مغامرة، عادت عملت ثورة اشرف شعب مؤامرة
الله منو بجامع فخم الله بالمخيم، فلاح بسهل القاع و بحلب عايش بالرعب
طفل بعرسال استشهد طلعت روحه بعيتا الشعب
الله عنده حقوق ولو ما عنده صواريخ صوته من صوات صريخ اسرى التعذيب
دم الحق ما بينجمع مع الجامع معه مصالح مع القلك قوس معك يوم القبض قلك صالح ، الله ما في عنده حزب ولا تيار سلفي
الله بري من كل دين حق المرا منو في
لما تصلي للرب لا تتوجه صوب الكعبة الله عاف آل سعود بوجهن لبس جعبة
الله ناس بلحما الحي صوب القدس مجمعة عم ترعب لدورية ملالات مدرعة 
بالبحرين بدوار اللؤلؤة
و بمصر ضد الكل بميدان التحرير
بسورية عم ينقصف منو بقصر الامير آمن ، آمن ..

ما بدي موت بانفجار صدفة للاقيك
ولا بدي ذلي بهالدني يعطيني عندك جنة
يا رب
لو بجهنم صفيت .. جهنم للي جاهر باللي بقلبه ، جنّة .



براءة - ناصردين الطفّار (موسيقى مونما)

بو كلثوم :

الرب في كل رفض صدفه
في تسلسل رحله
وصال الطاقه تحت قبه
دوراني حول محوري
بذكر المصدر أحيى
أرواحنا في اللحم أسرى
لله حضره 
ويل للمصلين نحن بالله نسكر
إرتداد سجود الجبهه لأن قلب الأرض أجوف
أنت المرتضى نور على نور 
إسقي العطشى بور أنا بور
فتت أوصالي لحمي تراب و ماء
أنت لروحي بقاء أنت مملكة السماء
منك نظره أنا الذرّه في هذي المجرّه
هبني منك أنا منك أنا منك أنا عشقك
أضعف خلقك مستسلم لسرّك
حمنا رحابك سكرى بذكرك
كالأرض نحن من تراب كالكواكب
تدور الأرض معنا طلباً للخالق
رأيت الرّب بعين عقلي أنا صوفي
الرّب هنا الله فيزياء روحي
ذرت الخلائق طلباً لمصدري
حنيت الرأس عزاً ذلاً لمطلبي
للوصول الأعظم نحن طلّاب
قتل الخير فينا يوم صلب الحلاج
لطيني عائدٌ روحي ستغادر الملمس
للمحسوس هجرتي للمستمسَك
لولب صدري يلامس الطّوارق
ذاهبون في ظلام الحفر و أنت باقٍ
يا مصدر الطاقة الأعظم 
خذني بحضرتك عن جسدي الأجرب

عشق إلهي " حضره " - إنتاج بو كلثوم

كلمات : دعاء عبدالوهاب / زياد علي
الحان : هاني الدقاق
توزيع : مسار إجباري

مسار إجباري | وأنا كل ما أقول

الشوق للحي .. لا يعدي
النحيب بعد القتل لا يجدي
أثقلت مناكبي أحمالنا تكفينا 
بعد الموت ، حنون جلق سيواسينا
الرب ليس حضره الحضره هي الوسيله
يا حنون ، نحن منك و أنت فينا
يا مكور الأرض قسموها
أخلق لنا كوكبا نغادر الحدود
ضاقت بنا الدنيا صارت سجننا
فافسح لنا في برزخك طهرنا من حقدنا
سئمت من قوميتي فالحي أولى النذر
لعنكم الله وحدتكم عين الكذب
أصلي للرب بقلبي المحروق 
لهيب شوقي أحرق المحسوس
هلل يا ابن دمشق لا تحزن
حياة البرزخ عند الحنون باتت أقرب
إيماني بالحنان يواسيني
في وحدتي في غربتي أنت تكفيني
هربت من محنتي إلى مسيري
أسموني لاجئ هنا يا سيدي
لجوئنا ليس لهم بل إليك
اتكالنا ليس عليهم بل عليك
مخلّقي يا مصدر الطاقة الأعظم خذني بحضرتك عن جسدي الأجرب

حضره ٢ " حنون " - إنتاج بو كلثوم

بو ناصر في : تتليت 
موسيقى : مونما
تصميم الصورة :محمد سعودي

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

إيقاع المونما يبن عمّي الصوت علّي
 خلّي يشفى هالقلب من كل علّة
 ضل دلّ سبّ كبّ حجار علّي
 عيشتي و عيشتك لجهنم قلبها
 بكّى عيون العالم و حرق قلبها
 كل هالتماثيل واجب قلبها
 و واجب يبكي البكّاك الدمعة دم
 و خلّى العمر كلّه يمشي زود دم ع دم
 من تحت الارض يخي طلع دم عدم
 كل أفعى ببطن الشعب كبّت سمّا
 و كل من نزع سهرة عيلة طيبة سمّا
 ناصردين الإشيا بأسمائها سمّا
 و ما بعمره حب الشهرة للكلام فضّى
 و لا بعمرا الروح انباعت كرامة حشيش و فضّة
 سيرة انّي اخلص خلص فضّا
 و تسمّع راب و عتاب
 و زتّ عالظلمنا يوم لوم و عتاب
 ما بدّي قصور صدور بيوت و عتاب
 بدي كون حرّ عرصيف شارع فرعي
 بغنّي عن الجيرة و العشرة بكلام فرعي
 بكون حرّ عرصيف شارع خالي
 لا تقلّي الحزب أمك هاك الكلب منّو خالي .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

مين ضلّو حدّك ؟
 و مين طرّى حدّك ؟
 و مين لمّا وقعت قال خلصت هون حدّك ؟
 مين ضلّو ماضي ؟
 و مين نسي ماضي ؟
 و مين عرفت مأخّر إنو لعدوّك ماضي ؟
 مين مالو مال ؟
 و مين عنده عزّة نفس لكن ما لو مال ؟
 و مين استقرش حتّى حكيه صار مال و مال و مال و مال ؟
 مين إبن طايفة ؟
 و مين لمّا بتبزق بوجهو بيقول طايفة ؟
 مين باع دين؟
 بالهرمل إلي أخوة مهما كانو باعدين
 مرّة العيشة بين حيطان زرقا مرّة
 مرّة بس طلاع و شوف الدني برّا مرّة
 و شوف كيف الافتراضي فيه يكون جدّي
 و خلّي الثورة تضرب من وسط طهران و جدّة
 و هدّي خوك ان وقع قدّام العدوّ نهار
 و انهر كلّ من ركع قدّام العدوّ و انهار
 نحنا كتاب الكذب ما روانا
 و نهر الخمر اللي بالجنة ما روانا
 بالقانون ممنوع تتليت ماروانا
 و اللي تلّى الدم ديه عالرئاسة متلّت .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)


ناصردين الطفّار - تتليت - موسيقى مونما

أغاني كافون  Kafon - Mix Reggae

تريز سليمان تغنّي زياد سحاب - الوضع الإقليمي 2010

بسناني ماسك سنير الإيقاع
كل ما بفتح تمي بيفلت لهيك وجهي فيه قاع
عبّر غضب غضب كمل نصب نصب
شعل حطب عطب
جمع سلّة عتابا و وزع عتب عتب
تحت المي نفس نفس
تحت الفي نبّت عفن
تحتك قيء , عذرك عدم
أرقص خي , خصرك وطن
حيطان المنفى منجى بلا أرض
ف
تعربشنا عالحيطان و الطين بلا أرض كف
أقرا الفنجان سوره تغطي الغربان سورك
لعربان الحجاز صوره تنكّس تاريخ طورك
عم بنعيش كل ما نموت صوت صريخ فض فوك
كل ما يبطّل يتنفس يقول كس أبوك
عيفوا توب الكعبه تمسكوا بتوب الغريق
اللي راحوا ، و وجعنا ثوره عكتاب التاريخ
قرّب اخر القصه كل كرعة مي بغصه
بق البحصه شق و لفها باخر صفحه



خيري و مثقال شيركو و سمره التكريتي و المقداد
زهير 
و البقي منهن عالشاشات
صور و الراح جور بالحاره تخبي قصص عن البلاد للولاد بركي ان عادوا
ولاد حارتي بدقني مخبي حصص
عالموت لسا القصص كل حول و حيل بنقص
عحد السيف الرقص
ادبك عوجوهن يا خال الدبح عالموال الوجع الواحد ما بصير تنين للرحّال 
كل جمعه و انحنا بخير كل جمعه و نحنا بليل
كل اخر جمله بحيل عيّن عوجوهن خير
نادي نجم الشام يضوّي وصولنا
الحي أكبر من الكوكب ولو بيآوي لجوئنا
عالموت لسى الوعد للخوف كسّر رعد
رجال ربينا عالدعك أمي ربت ضبع 
إبلع ضيم حوّل غضب طاقه تحطّم قلق
ثابت ما تهزّك ريح سمّ برب الفلق
و بالبحر ارميني ..

ارميني - بو كلثوم - Ermini - Bu Kolthoum - Prod.by " Bu Kolthoum "

غيتار الباص عزف الوتر

شرح المفردات : 

ولاد الحي صار فاضي بابن
 ما عاد في في غير برا تيابهن
أمي و بي أسود ولادهن
ولاد الضيم - هيك سمونا ببلادهن

الوتر : 

ضبيت الشنتة تقيل الحمل ، انحنى ضهري ، رحيلي حلي ، الحيلة حبلي ، تلحيني صبري ، حلي موت و ما رح كون مدفون بارضي ، دعيلي بركي ، بتولد الارض جيلها ، ما صرلها اربع سنين فينا حبلة ..
عم تدبل شتلة لو بعيونا امل تورد ، تورق 
فرق بين الهجر و المتغرب 
عم دق ع نفس الوتر بس الي سنتين محلي 
جربت طول الجملة بس النفس خذلني يللي 
ضيعني دلني ، يللي بايعني قلي ، بايعني يعني يللي منعني ارجع قال عني المتخلي و يللي غرق المدينة غرق و بنظرو انا الخاين 
حلاوة الروح و غلاوة البو قالتلي سافر 
بعرسي ما رح حني 
الديرة نقت ، بيري طف بإيدي بسفق و بقيلي كف ، صفيلي صف ذكرى بلد و حرب و درس عالرف 
مسكت دف صرت دق لنرقص عالرحيل 
يللي انهزو اهلي فزوا و البلد ضل نحيل 
شفت هم الحي فتعلمت عتل 
لسا الالم شباكي
عم اطلع من شباكي مو لبطل و الوش باكي 
باقي شوية في برا تيابنا الشمس كذبة لما منوعد فيها ولادنا منسقي بزرة حرب و قسمة 
فلا تمحي اسمي 
انا من ولاد الحي


صار فاضي بابن
 ما عاد في في غير برا تيابهن
أمي و بي أسود ولادهن
ولاد الضيم - هيك سمونا ببلادهن

بو كلثوم :

لم شمل كب نص تيابك
أصغر فص منا بمية غيڤارا
أفطر زوم
لم شمل كب نص حبابك
وتر واحد منا بمية قيثاره
تزوج بوم
كلمتين انجليزي كم مستشرق صحن فول
محا ندوق ، طعم اللقيى غير بصحن طوب
محا ندوس ، أرض المنفى غير بغنى نفوس
الراح منا بيسحب اللي بعدو تعا نروح
عكوكب الإنسان فيو أغلى
عكوكب مافي "هيبسترز" بيبيعوا فيك بمغنى
و المغزى بيحب القضيه بس ليبوس
مو بس اللي باع العرض ديوث
اشتغل لحارتك ، بشتغل لحارتي
"لساتني انا انا من يوم ال" شوف بنضارتي 
الكوكب ما عاد وسع فجأه
كيف كانت وسعانه البلد كل هالعدد بزقه
عوجه عوجه امسح عوهج وهج اسمح
نعمي الكون بنورنا
لو كان البلد اسطوره كان الزيف عبى سطورنا
لم شمل انا و خيري يداوي جروحنا

ثنائي لتلته - لم شمل - إنتاج بو كلثوم - Latlateh - Lam Shaml - Prod by. Bu Kolthoum

لذت بباب المصدر لمخلقي
فمن للعصاة غيره
لذت من ذعري بذلي للحبيب الأوحد
لذت من ألمي و من وهني و من ضعفي
لمن لا ضعف ولا هوان له

خلعت عني ثوبي الأسود
ببسم الخالق الأوحد
بديت العد للأقرب
مكسور القلب يا مولاي داويه
مكسور خاطري يا حنون واسيه
بدانيه
بباب العرش ساجد و باري روحي
الأعظم
بذكره نحيا بذكره نُرحم
بجاه كليمك الأكرم فالتنظر حالنا الأصلب
عبيدٌ أنا عاصٍ لكن إسمك الأكرم
جوابنا نعلم بما قدمت يمنانا واه نعلم
صدري يذوب من ذلي لكاد صاح إذ يؤذن
فسيح الأرض لا يكفي فجدران بلا منفذ
سجون الدنيا قد كثرت فمنا من بقى فيها
و ما أنت به أعلم
فيا مولاي خذ بيدي إلى فسيح برزخكم
فقد فتنت جموع الأرض كأن لم تقل نبعثكم
يا صاحب الملكوت يا رب يا قدوس أذب حديدهم
فالشام قد شاخت و جف القوت
لا خير فينا يا مولاي وا شامي
شارف يوم الوعيد و باء أهل الشام بالشام
ربي يا مصدر الطاقة الأعظم
خذنا بحضرتك عن ذلنا الأجرب

بو كلثوم - حضره ٣ - ( آمن ذعري) - إنتاج بو كلثوم

Nabd نبض  Ft. Khaled Nweiran

أنت بيننا فينا يقول الدال للأعلى
بأن الله ليس هنا و ضاق ذراعنا للوصل
إن كنت بغيب سمائنا ترنو فمن في القلب يا ذا القدر
من لصَغارنا يدنو
 جباه السجّد صارت بلا أجساد في الشّام
و صاح مؤذن في حمص في صمت بلا أحرف
صريع العشق لا تكفيه دنيانا و إن دامت
صريع الحرب لا تكفيه دنياكم و ان زانت 
فبسم الروح
مدد مدد مدد مدد مدد بلد
فكيف لا و الأيدي يمينها سكين
و شمالها صحفٌ تنادي باليمين للسفيه
كفروا بدين الحب ان غلظوا ولو عبدوك
دهرهم سليب الروح ان كرهوا فلا نجد
على من فيها من بدين الحب يحتكم
فخذنا نحستي بالحب فغير الحب لا نجد

بو كلثوم - مدد (حضره ٤)- إنتاج بو كلثوم | Bu Kolthoum - Madad - Prod.by Bu Kolthoum

https://www.facebook.com/Music.Live.In.Syria الموسيقى والفنون تحيا في سوريا

زياد سحاب - الوضع الاقليمي

Secretly Famous

Ala Shan

The Spy From Cairo- Ala Shan (Farid Al Atrache Cover)

Prod. by Watar
عن طرابلس وحمص وحمص وطرابلس

 نزار قباني-عزف منفرد على الطبلة

الراس:

نفسي محبوس
خد الشك دم، بس العقل بده يبوس
حرب الحق حلم بس الوجع ملموس
عالصدر كابوس، أشلاء بلا أسماء على وجهي عم بتدوس
لطرابلس تراب حمص عمل تلقيح
عبير دمع زهور عم بيزور مع الريح
منيح بس دور الجريح مش مريح
رح صير شيخ أعمى عم بيرتل للضريح
انجرحت فالتفيت بشريط أنباء عاجل
اشتقت فاهتديت عا خط حمام زاجل
المحبة مش مراجل وانا بحار نوحي
عرّوك فكرمالك اضطريت اشلح روحي
وارميها عكتافك، الربيع بعده مطول بعدن مزرقّين شفافك
بدنا للعدية رية، طرابلس وحمص دورة دموية
شيلوا صنم ساحة النور اكتبوا "الله رب الحرية
خلص صار صوت القصف ايقاع ماشي
عزف عوتر عنف تلحين فاشي
ركضت باجريي ريح، حولي صوت مش مريح
رصاص مثل صراخ ديك مخصي عم يصيح
لا أنا ثوري لخلفي مش لسلفي
ورح خيطلك توب صوفي مش حريري بشرفي
عن شرفتك رح غني وحمص تلسعني
رح فكك حيط فكري بكرا فجرك بيجمعني

السيّد درويش:

طفّيت رموشي، غفيت، شلحت العباية والطربوشة
زعيم عشيرة طايفة، عم بيبيع بضاعة مغشوشة
الراس قال الناس عايفة ربّا، عشية خايفة عم تتخبى
فتحت عيوني
الناس مجنونة 
مقسوم التراب بالنص
لعبة تجار واللص صارت
سيناريو حمص بدن ينعاد بطرابلس... فشر
الشعب واعي هي يوتوبيا
ولسخرية القدر علقوا بشارع اسمه سوريا
جوا المدينة استعصاء بوجوه البشر
اعصر السما مافي مطر انتفاضة بلا حجر
بلشنا وأد المدن وجاية الدور على قطر
أكلنا الموت حتى ترجعي توقفي يا حمص.. قومي
شدي الحيل.. طريق طرابلس قرب
شدي الشمال رح بتشوفي الجنوب سرب
ضبي وجع الأمة تحت صدرك جوا طرابلس
رح ضلني رافض كون معك للموت لأني معك للحياة
اخلصي من عهر الطغاة اتجبري
الشمس كتير قريبة لا تتجمدي
بكرا بتمشي على جفون الناس أنتِ وعم تتخصوري
ارقصي اليوم عرسك جايين نزفك
ل12 ألف شهيد سوري بلكي عا حمص بتزوري
ولما بتشوفي وش حمص بلا معالم
رح تتعلمي تثوري عالسلاح قبل الحاكم

الرأس والسيّد درويش - ميناء حمص

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

أيان : 
بوم بوم بام 
ليالي الشام...ما بننام ...بوم بوم بام 
بوم بوم بام ... 
بلاد الشام ...ما بتنام ...بووم بوم باام ....
بو كلتوم : 
مسطح عم أصفن بنص الشارع ...عم اسأل مو بناية الجيران مبارح هون كانت (مبلا ) 
مسطح عم أصفن بنص الشارع ...حدا شفلي جوزة حلقي ؟ و عطرف الرصيف مريح نص أحشائي برا بطني ...و في ارمة جنبي مكتوب عليها ...انتبه شهيد أفشخ من فوقي ... 
مسطح عم أصفن بنص الشارع ...السيارة المرمية ورايي سودة بتزكرها زرقا معقول في مايكرويف يسعها !!!!! 
و لا تزال السردة و لا أزال انا معها ... 
و قفت عرجليي حاسس بخفة بالجسد ...شايف أشلائي قدامي و تاريني غادرت الجسد ... 
و ليكو جاري حنبي رايح بالنص ...... 
كل شقفة منو بمكان من الشارع المشقوق بالنص ... 
و جنبو مرتي ساكتة ...لسا ما لحقتني عم تنازع ...ااعدت و نطرت يلحقوني بقية سكان الشارع ...
أيان : 
بوم بوم بام 
ليالي الشام...ما بننام ...بوم بوم بام 
بوم بوم بام ... 
بلاد الشام ...ما بتنام ...بووم بوم باام ....
وتر : 
بالشام في حي كان كائن بالشام حي .. 
كان بالشام في حي بنفس اللحظة يللي انا كنت فيا حي ..كائن بالشام بليلة بلا ضو ...غير ضو خافت من الشارع يللي في الناس من الشارع خافت 
الجورة واسعة ...عم شوفها بس مستغرب .. 
كيف ما عم شوف باقي جسمي بلاقي بجسمي ...القزاز فايت .. 
اخر شي بتذكر لما كنت رايح عالدكان مشان جيب دخان و شوية خبز بايت 
الموضوع غريب و انا متسائل ... 
في جنبي وحدة ساكتة كانت ساكنة جنبي .. 
ناديتا و ما عم تسمع ...طلعت ادنا سالتة قلت بركي ساردة !!! 
طلعت انا السارد اني عايش ...بعد دقايق ...شفت .. 
نااس ...و كتيير ناس ... 
عم تحمل ناس و يللي حامليني خمسة و واحد شايل كيس شفاف بألبو قلب شتان ما بين الواقع و يللي شايف قدامو الأشخاص أشلاء و غميت ...
و لهلّأ عأساس انا بكوما فايت طلعت طالع من ناس متجمعة بكومة ناس ... 
و لا تزاال السردة و لا أزال انا معها ......
أيان : 
بوم بوم بام 
ليالي الشام...ما بننام ...بوم بوم بام 
بوم بوم بام ...

LaTlaTeh -  لتلتة - بوم بوم بام

Scratching DJ Stickfiggr

عم دوس دوريات أمنية كأني مقاوم داخل
مواطن الموطن خارج مواقع حمص وداعل
متابع عالطريق متل آثار الدبابة زارع
أرضي شهداء كنجوم درب التبانة طالع
من قمع الناس من ريحة حشيشة وكاس
من أصوات البواط عبواب كفرنبل لعقال
أشراف درعا الأبطال شامخ، صوت القاشوش راسخ
الثورة صلاة ناسك، ماسك بإيدي مقطع ناسف
لأقطع بقلمي الإيد اللي امتدت عشعبي
صوت الموت صار مألوف كلحن شعبي
الحفلات بباب توما الأكفان عبواب دوما
من الحي الكان مليان بقيان أوضة
بس بسلمية بيستشهد شب إسماعيلي
بتشييع شهيد سني بمقبرة للجعفرية
بتحرق حقول الشعب رح أحرق حقول نفطك
علق راسك مقطوع وأكتب على جبينك نحنا!

عم علق أنا عم علق عم علق
نظامي صار قديم ولازم غيره

الشعب مختار حيره، الغضب مافيك تسيسه
من ورق شغب ثوار لبلد مسروق خيتا فلسطين
على اسمك تاجروا فينا، خبينا البلد جوا ضلوعنا
ولادها هاجروا فينا.
أكلنا الكف كفينا كفننا قلوبنا برحمة الرب ربينا
عيوننا سدينا صدقنا الصوت سبينا
شفنا الخيم قريبة بين حجيرة وسبينة
عنفس الأرض صرت محتار بين رية وسكينة
وسكابا للشعب، واسكار مع هالرصاص
دق كاس القناص ودق عبواب الحراس واخراس
الشعب ثار حتى صار الشعب محكمة
خليك شايل سلاح رح أطعنك بالمقلمة
أمسح دموعي بمحرمة سوداء، شق الحبس بالنص
سكر بالبلد بشوية بحص وغص
التراب عتّم عالعيون، أكفان وناس
شواهد عالم عالتم.. ريحة دم وزيتون.. شمّ



الصورة من صفحة، عدسة شاب تافه
http://www.facebook.com/lensYoungsillysyr

دم وزيتون - السيد درويش. إيقاع: المنقرش

بكفيني.ريمآ خشيش

إيقاع | السيد درويش و وتر

سكة عرجة، مضرج بدم ال"آخر" لأنها لذة "أخرى"
غزة أختها: نفس اللقيط واقف عالزيق، حرس حدودي خزّيق على الروسي عزّيف
"طاخ" باخ" كله نفسه  وكله أرشيف
الواحد محير خمسين ملة وتعريف
مختلف معك عالفحوى فما رح ناقش بالتحريف
ما فتوى الإيلاج من الأذن بقصد التنظيف؟
تجديف!؟ أكيد هي التهمة بتلبقي، خلي براسك
يتيم صعب يعمل سلم أهلي
شلت سطلي عالنبعة وكنا سبعة
أنا وحمص وقانا وداريا وصبرا وشاتيلا وشبعا!
عم تاكلك الضبعة لأنك تاجرت بالرجعة
طز لما تغرق القارب وتشوف الثورة بدعة
مناضل خدعة، خدله خزعة، ورم خبيث متله متل خدام ورفعت
إزحط.....

منشق ومدروز سابقاً
كما لوحظ شقه مرات عديدة وتدريزه مرات أخرى عديدة
وشنق نفسه خمس مرات في غرفته بخمس أفكار سديدة

حديدة رديئة الصنع، تاريخك ملزق بالصمغ
قوات الردع استعمار باسم النخوة
ايديك عالرشاش رخوة
عزيزي المستمع طبقنا اليومي عدو مشوي
هو نكرة أي لا تطلب تعريفه، شعار المرحلة وظيفي
لا تعتبره مبدأ وبالشأن السوري تغرق لأنها مو نصيحة
قبل ما تمدهن شمهن ريحة إيديك كتير قبيحة.

عشت وأنا عبي دمي بالطشط
لأني وقت حقي بصير هردبشت
قد ما رح تحكي لغات بالحمصي بتضلك "بوشت"
كثافة إنتاج سوء توزيع صلعة ومشط.. دفة
عم حس بخفة! بخفي حنين رجعت عم عبي الوجع بالقفة
عم قفي نثر أجسادهن من بيتي لاطراف الحفة
من التيتة ليما الضفة..... صعب لما تعرف أنه الحكي ما بيكفي!

كفي أحياناً بترجف بس ما بتصافح.. وصارت
في كراسي طارت هالحبل عالجرار مرابط
كلشي بحسابه العدس بترابه زابط
انسى كلامي في صبية فوق عم بتغني ساقط
ضابط وجهك بوجهين فبغشك مرتين
مرة ب"بوطي" ومرة ب"بوتين"
بيكفي تسألني الثورة لمين، رح أضرب حالي برجلي إذا ابني بينسى فلسطين.
أنا بنسف طور سنين، منسف صحيح بس محرّف.
خرّف لبس توب النعجة فكر حاله اتصوّف
اتمسك بحبل الله لما الكل عوّف
عرجعة الإيمان طلع صرح واتخوّف.
أجوف، طبل. ناس ومي وسطل.. شطفة صغيرة للإسطبل
براسي انهي السلطة بشي تحديد للنسل، تجويد سورة النمل
تحطيم قصور أبي جهل. شعوب بلشت تصحى
تفريق النص عن النصل، وهابي سلفي أوبعثي بيشوّه الصورة الأصل
لقد تم اكتشاف العطل... قبطان راكب، عطيار راكد على حصان، بيعشق كرّة..
بتعشق بغل!

تداعي حر | السيّد درويش

" Egyptian Project" سقاني الغرام

Arabic Radiohead cover by Hayajan from their first album, Ya bay. 
You can purchase this album at a price you decide! http://www.loudr.fm/release/ya-bay/SPcd4

Hayajan - Nude

يها الشعب العتيق استقبل كلامي
أنا إله الكون فاركع تحت أقدامي
واعتلي منصة الشهيد، عفواً منصة الشهود
أنت مدان بجرم خرق الحدود
أنت تفكر يجب أن تنفذ فقط
أنت يا شعب جرثومة حكمي عليك سقط
فانتظر خطابي القادم، قادم
سأقول فيه الشعب شعبٌ والحزب حاكم
وأنا القائد لكل الكون أنا العظيم فاعبدوني


استنى شكلي رح غيّر شرشف التخت لالبس كفني
قد ما قالوا سلفي شكلي طولت دقني بلكي
منشوف استقالة كالقوتلي لتعم الوحدة
عشي شكلي أو كالشيشكلي
ليصير انقلاب بشوية بلد بقيت بطرف قنينة نقطة مدينة عابواب شفة
فاسحاب شتلة من طرف شعر الصبايا
وازراع بالأرض مرايا بلكي بتعكس شكل حقي. هي صلاتي استعصاء للمولى بلا سور
أنا الحق صوفي فاصلبوني رح ضلني دور
أنا الشعب باقِ أنا الأرض أسمائي
أنا المجند الحر أعلن انشقاقي
سمعان أصواتي، أصغولها الشعوب بدها تغني
الشعب يريد إصلاح عطل فني
الشعوب تثور فلاحق السطور عبساطة المعاني كإرحل خلق دستورنا
اسماع رفضي لكلشي بأول خطابك
الشعب ما بيموت خبر ابنك يعلن حدادك
يعلن خروج روحك، لك يلعن نفوذ روحك
الشعب قدر فاستقبل سقوط لوحك

ردّ الشعب| السيّد درويش، إيقاع: المنقرش

Nas & Damian Marley - Patience

Download NOW
iTunes: http://bit.ly/cnzjkf
Amazon: http://amzn.to/9LdnOQ

Released: May 17th, 2010
Universal Republic Records / Tuff Gong Records

Distant Relatives - Patience


لتلتة، السيد درويش.
Prod. by: Watar.
(الشعب يريد إعادة إنتاج الديربي)
- إنتاش بذور الوعي صعبة 
مصرّ كون خط ثالث لينضج وعي شعبي
السكة وحدة سميها السكة المكرّمة
أصوات الحق مغبرة فيك تسمينا محرمة
الكحل عالأرض عنا المحل عالعين
الخوف خلطة عالطلب كأم كلثوم و"سلف دين"
خليك صاحي رئيس دولة قهوة مستقلة
قلي مين الناس رح قلك حشيش وملة
خليني حل وعالغسيل كون ناصع
عم اكل خرا كل حياتي لهيك عم كون ناصح
مجنون فلتان على بلد عبيان زوايا
ناس مكدسة بباصات أعمال بلا نوايا.
- هالمرة أنا التاجر رح اشتري الأرض وارجع بيعك
بعقد استملاك يخلع نيعك..
اخلع رجلي ليخك على قناعك فيها، كون على أتم القناعة فيها
وفيكَ، شق أي وثيقة بتمتّ للعدوّ بصلة وثيقة
الأرض رشيقة قد ما شفتها عندها ناس جرب تكون صديقها
ساير الركب لا تركب، ضهري ما انحنى لتركب، كم جثة بدها
لتركب البلد ففرقوها!! صراحة..
فكري كان محصور، ففرّ فوقك!
الدم بينقض الوضوء بس الكذب لأ
الموسيقى بلا دروشة طبيخ بلا كزبرة
البارود وصل لحلقك مو؟ إذا فكيت سناني والعفن طلع باللثة شو؟
أنا ما بعيشها للحياة بس بسمع العيشة
طالما سمعت هالتراك فيك تسمعني اي شي..

بو كلثوم - مدد (حضره ٤)- إنتاج بو كلثوم | Bu Kolthoum - Madad - Prod.by Bu Kolthoum

Bu Kolthoum | بو كلثوم