touffar

hasan

hip hop & rap

طفار

الطّفار

غناء: ندى الشاذلي
كلمات، ألحان، توزيع، انتاج: الراس
الرصاص الحي: مقاتلو طرابلس

أغمد سيوفك ما بهذه الأرض حق
أغمض عيونك عن عيونك واستفق
كل هذا الشعر في الأصل لثام
صلب ألباب العرب، لا يلين لا يرق

استرح من ضباب لا تنتهي فصوله
من ذباب جائع من حلم مأكوله

مقل مدورة في جيف مسمرة
بين جحيم مفتوح وجنة مسورة

لاحقين بقيصر وصاحبي لم يبك
تعودنا الميسر
عظامنا أطلالنا فحتمنا أن تكسر
العظام من بنياننا، أن نخسر
فألنا في شامنا، يميننا في ميسرة
أفعالنا مصفرة، في اليد صرت خنصراً
فكن نصف نبي في غاره تدثرا
وما سرى في فتحه منتصرا

سيوفي غيث تغمده الغمام
عيوني اثنان يمان وشام
سمعت شمالي الآن استقبل يميني
سأزرع الغار من ورود النار
وأخلع الدثار فالشوك يقيني
والشك يقيني من حبري الكرّار
يذود عن زرعي بباب الغار أسدُ
وترسم الخيال خيول الشعر تعدو
وتحمل المياه طيور الشوق تشدو
شوقي لله كسر، جبريل ما جبر
مع العسر يسر في قلب من صبر
عصر الصحراء هذا، طوفان رمال

خذ من الصحراء شيئاً من همم
كن صرخة الصوفي في وجه العدم
جدد على شكل الصبابة عهدنا لله، أو بالله
لله در العقل ما أغناه، ما أهناه غير الآه
رباه هذا الفتى اضناه بين القاف والهاء اقتتال
لا قابيل، لا هابيل عبادتي الإقبال
قرباني الأفكار، مسقية بقبلة القلوب في الأذكار
إنكار لخدعة الدستار،
 طوبى عراة الرأس فالدستور
أن تعتنق أقوالنا الهوى، ويقتنع هوانا
برقصة السؤال في الأقوال
لا أقسم بمواقع النجوم
إن ترسم الدوائر حول قبلة تدور
تصير،
سلالم الجينات حمضاً في النواة
يذوب المعارض، ثائرٌ يحوله
فلا تقل تشوه بل سمه اختبارا
بالحب يتفوه
فإن غدا بقاؤه احتمالا
في الغاب جال
دون أن يموت،
دون أن يضيع في زرقة الفيروز، وحمرة الياقوت
صار للعقول والقلوب قوت
موسعاً مساحة الناسوت

ندى الشاذلي والراس - أثر نواة

Dam is a Bollywood film - الدام فلم هندي

They say that Bollywood movies presents a song every 5 minutes!
DAM is a Bollywood Movie 
يدعون ان الافلام الهندية تعرض اغنية كل ٥ دقائق - الدام فلم هندي

Dam is a bollywood film (FREE DOWNLOAD)

عبالي تف عالايقاع نص طالع من المعدة
خايف المايك يدوب الكهربا بالراس بتعدي
عهدي عنفسي قول لاشباح الموت ابتعدي
متل كتاب الموتى الكلمات بتعيش بعدي
خط لكمة، بكل كلمة لكنة طعمة
متل المصلوب ما كل كلي من بعضي
نعمة، بس مش ضابط بدرعا
أنا ظفر طفل صار لتجار الثورة مرعى
بدل ما تخاف عالرب بقلب الجوامع
خاف عالرب بقلب طفل مكسور جفنه دامع
سامع؟
بدل الثورة بعمل مية
هي مش لائحة طعام وانت بتنقي القضية
طرابلس والقاهرة، تونس عمان بيروت
رقصنا أنبياء يونس ببطن الحوت
قريش هون بس بطلنا ايلاف
لك الراس مش راس الراس رؤوس بالآلاف
تصالحوا الملائكة تحرروا الاكتاف
أكداس أهداف أنا بالبيت مش ضيف
لا أكياس رمل ولا موسم اصطياف
زهر زجاجي عم ينبت عالبترول
فتحسس بالربيع وقع منخار أبو الهول
عراس مثقفين متحف شيخ ابو المول
وجع الراس ببلاد البانادول
بدل ما تخبطه عالحيط
بتخبطه عالwall

أنا الراس من جسمي
وعم خاطب راسك فيك
على ايقاع قلبك لأنه الراس ما بيكفيك
انتاج ضو برقص
خلايا الدماغ بالرأس
فأس تقطع ايد اللي بتمتد لتطفيك
الحرية روح العصر بس الروح صنعة
فالحرية والتعب متل الروح والدمعة
غرقنا بسواد فكرنا النعي وعي
صار الفعل بالكلام لما الكلام صار لعي
دعي الواتساب من يديك وتعي معي
مش عالروف، أنا بطريق مش خروف
بدنا نرجع عالبداية مش بس النقط 
الحروف بدنا نعيد رسمها
للحروف أرواح فما بنوقف عند جسمها
كونها قصة قديمة من الهند أصلها
فما تفكر قصدي راب أنا بدي شوف الرب
بالحرف مش بالحرب
لأنه الفاء التفت، روضت الأنا فالنقطة خفت وفت
ارتفعت لفوق بس الحجاج ما بيعرف
عمكثف بالمراجع حتى بالبحث تغرف
ما بتغرب شمس الحق حتى شم الحبر تشرق
مرن الذاكرة حتى الكلمة تفرق تخرق جدار الواقع
تسرق كمشة من الممكن وعالحدود تهريب تمرق
إذا بنترك المساحة لأصناف إسلاميين
غير باسراء جماعي ما بنشوفها فلسطين
فرق بين اللطم والتلطيم، بين الحكم والحكيم
تفصيل رجيم
متل النبي الثوري طه بتدرج بالأيات
أنا لست المتنبي، أنا شوي بموت حتى تعبي حياة
نصوصي من بعدي ائمة أهل البيت
لنبات بأمان، بيت لكل المظلومين، مش ضيوف المخطوفين
ثورتنا بالسماع بوطن مكفوفين
بس في راس كيميائي مضروب ترامادول
بيتلخص نهجه الفكري بمشاهدة the wall
الpink floyd بس الفيسبوك أزرق
بيضل حلمك جوا ملحك جوا إذا ما بتعرق

الراس و مونما - جدران المعدة

Music by Munma
Mastering by C-drík 

عم يقولوا الناس عنّا إننا بنعمل غير الناس
وإنه الناس بتحكي عاطل لما بتسأل عنا الناس
وإنه عيون الناس علينا برتبطنا من ايدينا
وإنه الحرية بالأكل، الهوية والشكل بيكونوا عذوق الناس

طب مين هالناس؟ بركي بدهم تطبيب بالأساس؟
بيعطيك إحساس إنه ملائكة وخنّاس
إنه انت شقفة فحم بين حقول ألماس، تيس
مين الناس؟ مصلي الصف الأول؟
حج عند مرته بس مع صاحبته بيتحول
سماهم في قلوبهم، بيسكر بزبيبته
الجبية حبيبته
ما حدا بتطول لحيته بسبب فائض طيبته

مين الناس؟ هيدي البياعة السراقة؟
برج مراقبة تقول التجارة غطاءها
"هذا من فضل ربي" مترين عالمدخل، بس لسانها ما بتضبه
هوّا عمنقل
إذا شوي دمها بيتقل، جرحها بيلزق
بضاعتها فاسدة، قد ما بترغي عليها بتبزٌّق

كرمال عيون مين بدك تحبس بنتك اختك؟
كرمال عيون مين بدك تتركي المطارح؟
كرمال عيون مين بدك تخاطري بصحتك؟
كرمال عيون مين بدك تتخبى بمبارح؟
هيدي مدن أو مسارح؟
شاشة بيضا بس بالكواليس مذابح
عنّا، لو المسيح قال من كان منكم بلا خطيئة فليرجمها
كنّا صلبنا المسيح وهتفنا: انتم كفارة ذنبونا فلن نرحمها
شلحت حجابها خففت تيابها وما كتبت كتابها هربوا العرسان عن بابها
حشوة سم بقلب ورق عريش، نوع حرص غريب
سكاكين بمخدة ريش
بنعتل همها وبطريقنا بنحكي عنها
بننشح عرضها بالحديث، ملا شرف خبيث

عم يحكوا عليك الناس من الجنّة والناس
خلي براسك هالوسواس، سكر برادي الشباك
قطش ايديك بايديك حتى تتسلم الكاس

*2

إذا الأمهات ترباية حريم سلطان
رح يطلع فرويد غلطان واوديب فلتان
عهبل صبحيات مدامات لبنان
إبن ناس ابن عيلة أهله جماعة أكابر
بيسوق رينج روفر وبيه مأجر بلدوزر تيرفع صورة زعيم
إيه لأ والنعم، داعسين عالفهم، توريت للجهل
بس شو معلم "من شابه أباه ما ظلم" !
اللي خايف اذا جديدة الحالة بيخاف من حاله
شايف عين لاحقته وما بتتركه بحاله
بارانويا، بارانويا، غطي وجهك بويا
إذا كان الخيط بالإصبع فالمخ يو يو
مجتمع نميمة مطبخ أفكاره فاضي فعلحم جاره الحي عم يعمل وليمة عزيمة
وبيرجع بيحكيك عن هيدي الأمة العظيمة
قال شرف البنت متل عود الكبريت
بس شرف الشب قداحة
شرف معبأ غاز، رجولة مساحة
متل اللي باع حمص وبده يجاهد بالقرداحة
ففضي الساحة، تتسبح الإباحة
ببركة التكرار ياللي حتى الحمار بيعرف ياخد منه راحة
إقتصاد رعوي، اغتصاب فموي
فكر مخنوق بيعمل التهاب رئوي بصدر القعدة
حط واقي فكري لسانك مرض معدي

الراس و مونما - بشرفك

ولما قسا قلبي وضاقت مذاهبي رفعت رجائي نحو عفوك سلّماً

كلّ يوم عاشوراء، كل أرض كربلاء، كل مظلوم حسين، كل ظلّام يزيد
في كلنا كل ذلك فقل لي كيف ينصر المظلوم دون أن يكون في جلد الجلاد هالك؟
لدرب الظلّام سالك؟
هل تظن أنّ منا من للحق مالك؟
تمالك نفسك!
الوسط في اللغة قمة الجبل، النصر بالسواد دنس بلا حبل
موقف بلا عمل، ثورة على عجل
خشب مصفق لأقدام ممثل 
أنت المسروق وأنت المحصل
أنت المشنوق وأنت المتأصل في حبكة الحبال
مع أنها أمانة لم تحملها الجبال
عقال ما دونه عقول، حضيض ما دونه دون
عبيد متعادون، خلف طغاة...متعادلون
كلّهم بادون، كلّهم أظلم
العين والسن لا يخسرهما من يحكم
ما الأحكم؟ بالرأي الكتمان أم ينطقني الظلمان؟
بل مظالم بأعداد العباد، كالطريق للإله
ترى ما كان جرى لو الحسين انتصر؟
هل كان صاغ المجزرة؟
كل مظلوم محق حتى تشاد المقبرة

سيد الكونين اقعد وشوف حسين
على الثرى مظروح يبكي ويدير العين

الراس - في حضرة الحسين

على الحفة مشروع رواية موسيقية انتاج اسلوب بلاشتراك مع 
تهاني نصار (الراوية/مريم)
عبد الجبار خمسة (ابراهيم)
مقدسي (ابو داوود)
ساطي (الشيخ)
اد عباس (المخبر)
ابراهيم غنيم (رابر الحارة)
شكس العلي (الجار المزعج ) 
جزار(محمود) 
فرقة قمح (زبون ابراهيم )1
الشاعر عبد الرحمن جاسم (وسام السلفي )
شاهد عيان (ابو ابراهيم)
مولتوف (احمد)
جعفر الطفار (تاجر الحشيش )
رامي سباعي (الشاب السوري)
اسلوب (زبون ابراهيم 2) و من سكان المنطقة 
موسيقي /ميكس : اسلوب 
فلوت:نيسم جلل 
جيتار/باص: زياد صادر /اسلوب 
درامز في المشهد العاشر حسين قمح 
كيبورد :لؤي احمد في 2 .10 .17
رسم وتصميم الغلاف :زياد صادر 
شكر خاص الى افاق على دعم المشروع و (ابو غابي.حسام نيهوم .عيسى المقداد .عبد الرحمن جاسم .تهاني نصار .احمد فهيم .محاسن المصري .عايشه سلعوس .روز نكد .علاء العلي .مولتوف.عبد الجبار .جاستين دي غونزاغ.زياد صادر  )

المشهد الاول

ناصردين الطفّار - قمم
مستوحاة من قصيدة قمم للشاعر العراقي مظفر النواب
انتاج موسيقي : وتر (من لتلتة )
تصميم الصورة : محمد السعودي

اللازمة :

قمم قمم معزى على غنم 
ملوك وسلاطين شيوخ بازارات الأمم
قمم الأزياء و نفط مضرطة بنغم
دفع قبض استسلام حشم و خدم

ضحك عالدقون أكل خرا عض صبيع
مزايدة عبعض مين اللي ارخص بيبيع ؟
حريتهن ذل و عودتهن تطبيع توحدت كروشن بس الوحدة عالتقطيع
دمك للتوازن و لحمك للتضامن ، المجازر و التنازل كيف بيجوا بالتزامن ؟
حرف الضاد مش عم يحمي استجدي من جلادك رحمة .. المنابر حكي فاضي بس بالحمام الوحدة
الطهارة قذارة و الحقوق يعني خسارة و الشرف تجارة و الدعارة يعني قيم
عالرئاسة حمار بس ذكي لما شعبو نزف دم حمل سيف و بكي
سرق الانتصار معو مصاري الاعمار مثل بلدو بقمة لت و عجن حكي
الملك الملعون اللي بيبرم كل الكون حتى يسوق البترول بس بيعقد قمم
عار علينا اذا شارون مات ما انعدم
اجتماع عربي امريكي روسي التأم بلشتا لا  و لم و لن خلصنا الدفع كم ؟
سمو نعجة جلالة كبش بغل محترم

(اللازمة)

هاي قمة القمامة
كلن نتنياهو مهما غيرو الاسامي
كلما حكو عفلسطين زادت العمالة و كل ما دعمو الثورات فيها كترت الرزالة
انت مصدق حزب البعص بدو يحرر فلسطين و آل سعود الهن علاقة بالدين ؟
هاي قمم كاميرات تغندر قداما الحكام متل العاهرات
سكرو بدم شعوبن حتى ينامو بالقمة ـ الأفعى بطقم او دشداشة رح بتضلا مسمة
اكل و نوم قتل و حكم عمى و صمم بنسوان و مال الأمم عرب الله باعو الدمم
عاش مظفر النواب و ماتت كل القمم

ناصردين الطفّار - قمم (معزى على غنم)

إنتاج : أسلوب
فلوت :نيسم جلال
باص : زياد صادر
إيقاع : حسين قمح

الكلمات:

"تحت رحمة مدفعية".
أسد وحش غابة ما لازم يحكم بالبشر
بيسوى تشوي لحمو إذا انقطع لحم البقر
ثورة بلا سلاح قلي كيف بدا تنتصر؟؟
طالب الحرية  بقلم يسندو فلاح 
مرا حجابا من كوفية صدريتا جعبي
ولد يعطي إحداثية و الجهاز بإيدو لعبي
قائد الميدان ما بيفكر بالسُلطة 
و المصاري حق سلاح جمّعتا الناس 
هيك كان لازم إنو تكون بالأساس
بس الدعم إجا من اللي باعوا الأرض كُلا 
إبن الهاشمية ,سعود,تركي بن عبدالله
من اللي غرّقو بالدَين ل صدام
شريكو الشمّت فيه ع حبل الإعدام 
من إسلام بلاد الشام بندر بن تيمية
و صواريخ صارت تنزل عشوائية 
و دبح عالهوية
و قائد الميدان ضاع ب زواريب قصر تاني
و التفجير سيارات عالبشر فلتاني 

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

مصر كانت بعدا عم بتجرب مرسي 
و البحرين ملك الله ما شالو عن كرسي
فتحلي دفتر سايكس- بيكو ل نعيد التقسيم
ما القصير بدا تصير مطار بهالقرب
حولا عدرا قارة وادي النصارى و النبك 
قطاع الدرب من العريضة عالغوطة الشرقية 
ما الخلاف عالخلافة بعدو بأرضو 
و بقي الشعب وحدو تحت رحمة مدفعية.

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

تحت رحمة مدفعية

الراس:
هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا


الراس وناصر دين الطفار (انتاج مونما) - لبنان 2

الراس :

هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا

Naserdayn Touffar & el Rass- Loubnen 2 (Prod. Munma)

كلمات و أداء ناصردين الطفّار
انتاج موسيقي : مونما

الكلمات

انت مغلط اذا مفكر انو جهنم بعد الموت ، اني عرفت جهنم اول يوم خدت نفس
اول كلمة قلتا "بدي" تاني كلمة "البدكن ياه" يمّا غمّة بالقطيع يا أمّا بتندعس
الجنة يبن عمي ما بتجي من رياضة قوم و قعدة الجنة بسمة بوج فقير بإيدو تنكة ايفيس
جهنم للي جاعت بنتو ركع و صلى
 الجنة للي سرق اكل حاكم و طعما
كل ما اجو الشحادين عالسيارة علي الصوت علي قزازك و اكتب عالفيسبوك الله للفقير
الله يبن عمي محاصر باليرموك ، قلي ضب لسانك لا كلاب الملك يرموك
الله ولد يبن عمي مع ولاد درعا ، بزواريب جبل محسن عم يتوقى القناص
شوفو صوب بعلبك موجود بكل ضيعة ، عالرصيف مع شغيلة الفاعل عالبحصاص
طافر بسهول ما بتتسعر بالمال مبدل اهله بسلاح و جاره باحتلال
شاف بعينو النبي شيت خاوى نبي بقانا مات، بعدا ببالو دولة سمت اشرف حرب مغامرة، عادت عملت ثورة اشرف شعب مؤامرة
الله منو بجامع فخم الله بالمخيم، فلاح بسهل القاع و بحلب عايش بالرعب
طفل بعرسال استشهد طلعت روحه بعيتا الشعب
الله عنده حقوق ولو ما عنده صواريخ صوته من صوات صريخ اسرى التعذيب
دم الحق ما بينجمع مع الجامع معه مصالح مع القلك قوس معك يوم القبض قلك صالح ، الله ما في عنده حزب ولا تيار سلفي
الله بري من كل دين حق المرا منو في
لما تصلي للرب لا تتوجه صوب الكعبة الله عاف آل سعود بوجهن لبس جعبة
الله ناس بلحما الحي صوب القدس مجمعة عم ترعب لدورية ملالات مدرعة 
بالبحرين بدوار اللؤلؤة
و بمصر ضد الكل بميدان التحرير
بسورية عم ينقصف منو بقصر الامير آمن ، آمن ..

ما بدي موت بانفجار صدفة للاقيك
ولا بدي ذلي بهالدني يعطيني عندك جنة
يا رب
لو بجهنم صفيت .. جهنم للي جاهر باللي بقلبه ، جنّة .



براءة - ناصردين الطفّار (موسيقى مونما)

جعفر الطفار 
مقدسي 
ساطي
احمد رفعت :دف
ايقاعات :حسين قمح 
انتاج اسلوب
كلمات الاغنية 
مقدسي
اخر الليل ومش نايم عبيت شنتي وراق بس لسا خايف ابصر يمرقوني يا ربي تسهل بدي الحق الطابور من اولو خليني اشهل مبارح دورية مسكت جاري عالجدار هيو صار بنفحة وصار جداري بلا جار داري اتعبت بغبار فجأة قام هدولو دارو قالو امني بالسجن بتلت سنين محدا زارو بتوصلني اخبارو , بديش افوت تهريب هيني اخدت تصريح غصبن عني سيب !! ايدي بعرف الطريق مهوني كانت مزرعة واقف بطابور قدامي جندي ورا اسلاك مربعة حاسس بصربعة مش يمكن ناسي وراق ؟؟ مهي فوبيا صارت عندي ولك فوء يا ! لاء هي صار الفحص دوري خد كومة وراق لتشبع فتحلي باب صغير من وراي وقلي إرجع !
جعفر 

بين أرضنا و أرضكن حدود عليها دورية
و نحن بين الموت و بين حواجز عسكرية

تنين درك حطّو مرا هندية بسيارة
طاروا فيها صوب بعبدا ع مبنى الوزارة
زمور الخطر بتقول كمّشو الأسير
مدري اللي مارق مستعجل موكب شي وزير
مدري نكد دهر الله ما بيرمي الا فقير
مدري الحرية ما لبقت إلا لأمير
و حمامات الأمن العام صارت حبوسات
ل اللي جايي من سوريي ,سودانيي ,فلسطينني
فندق خمس نجوم حبس الروسيات
بس ل اللي معو مصاري وزّع جنسيات
فضلات الناس البطراني عالأطفال مساعدات
غيفارا ما مات
بس البشر ماتوا
لما عالحواجز يخي مرقّوا سيارة
فجروّها بالضواحي روّحوا ختيارة
و الفقير بعدو ناطر يقطع حاجز...

بين أرضنا و أرضكن حدود عليها دورية
و نحن بين الموت و بين حواجز عسكرية
ساطي
صحيت عالخمسة جهزت ودعت أخوي والحجة
دعواتك اللي زمان مش رايح قلبي صابته الرجة
بس من هم الرحلة راحت وبلشت أحسب الغلبة
عقلي بودي وبجيب شكلو بالشمال دعست عالعتبة
ضايع الطريق طويل والنخزة عالجسر إختفت
مريت بسرعة المعاملة بكل سلاسة عطول إنتهت
المرحلة الثانية بين دارين روحي هون وهناك بين نارين
نظام وإحتلال المشاعر إختلطت صفيت بين جارين
باص باصين طلعو خمس باصات بس ملطوعين
بالنص خمس ساعات قاعدين بالشمس متروكين
طلعات ونزلات بوزعو إبتسامات بدون أختام
تقول جاي عدارهم بشيك عالجواز بعطيك لزقات وأرقام
أجهزة ورنات نظرات وشاشات بعدها بتروح عالثالث
عد للثلاث من الجهتين نفس الحاصل خذ عالساكت
بسال عالمارق عشان تحس بوجود السلطة
معاي مش فارق بما إنك بتفتش حتضلك نقطة
https://soundcloud.com/ay-satti 
https://www.facebook.com/GaafarTouffar?ref=br_rs
https://soundcloud.com/maqdesi

مقدسي .جعفر الطفار. ساطى :بين الحاجز والموت انتاج: اسلوب

جعفر الطفار
حكو    مات
إنتاج  اسلوب

أوروبا اللي استعمرتنا استعمرت حالا
أميركا الشيطان الاكبر 
روسيا ورثة القيصر 
حتى الصين حلما تصير اميركا شي نهار
فرق الانسانية مننظم عنو نحن شعار
نسونا انو العبيد هني استعبدوهن 
انو قبل اسرائيل هني اللي احتلونا
انو الحكام ببلادي هني نصبّوهن 
و التقسيم ع انغام من عصر الاندلس
الطهارة بواحد سكران مع آذان الصبح
تقمّص الخيّام 
بين العشيقة و الشاه الملك و الاسلام
و اللي باع كتاب راس المال عمل منو راس مال تاجر بحرية
ما التاريخ مو من صنع الله صنع البشر 
فكر بلا فعل متل بأرض الشرقي حجر
كذب قالوا إنو ظروف ما بتجبر الناس
إنو الحرب منا بين حاكم و محكوم 
ظالم و مظلوم 
و اللي قبل عاليمين البعد عاليسار 
حلم ثورة تنهي ظلم عاشتو أجيال 
فلم صورة تعمل zomm  ع جثث أطفال 
Out  عالفنادق
Out عاللي صرلو خمسة عم يحفر خنادق
Out  عن حدود دير الزور 
ولك In  صوب الحزب
الحزب إجا ثورة   إسلامية ع لبنان
قتل مهدي عامل يخي أمر من إيران 
الشيوعي قبل التسعين حصة سوفياتية
إشتراكي بالمختارة و بعباية بيك
و جبهة وطنية 
و حرب قبل الإجتياح كانت طائفية 
قادة محاور الدم تجوزوا بالطايف
حطوا بذرة بيت سعود برحم بيت الاسد
خلفت محروم 
خلفت مظلوم 
ربّت حرامية 
بشيكات الحريري كانت تمشي محادل بري
عصاية غازي كنعان تهزّ البلد كلا
و الشطب كعب الصليب إنشطب عالخريطة 
راح و رجع هوّي و عون يبرم عالحقيقة
و التحرير صار بأمل قبل المحرومين
من التحرير لتموز إنتصرنا بالحزب 
إنتصرنا بصمود الشعب اللي آخرتو ثورة 
ثورة صارت حرب 
هما ترفع راس اللي قاوم عالرمح
جابت حد بيت الأسد دولة إسلامية 
بعيدة عن الحزب شي الف سنة ضوئية 
و قسّمت سوريا
و الحماني منا شريك الحاكم و الحكومة 
حكومة تفرض أمن ع حساب الشعب الفقير
تحمي جمهورية موز 
ترفع الأجار تدفن تحت الارض معاش
تساير اللي عندو بنك و تدعس الطراش
بين اللي ناطر قانون و بين العم بيشرّع 
حكومة متل الجاية بعدا و أني بكل حروب الدني طافر عن قانون 
بدي ثورة تحمي شعب و تمحي اسرائيل
بدي ثورة تحمي شعب و تمحي اسرائيل
             ******
ثورة تحمي شعبي تمحي اسرائيل
            ******
 
طافر كان بأرضو حكوا مات 
طالوني غدر يا غالي حكى و مات
وصّى وصيتو نقاتل حكومات 
ما هيدي الأرض في إلها صحاب.
      


حكو مات

Inevitable

Sex Ain't Better Than Love

طفّار - من الأوّل
الإنتاج الموسيقي : جعفر طفّار
ميكس : رائد خازن
2012
Touffar - Min Al Awwal
Produced by: Ga'far (Touffar)
Mixed by: Raed Khazen

New track to be released on an upcoming compilation by Stronghold Sound.
Respect to those finding the truths in the middle of the game.

touffar - من الأول

نشيد الطفّار من البوم صحاب الأرض 

الطفّار المحرومين بوجّ الظلم مسلّحين ، الرمز ملحم قاسم و التحيّة للباقيين منتشرين بفلسطين كتائب عز الدين الطفار معروفين مناضلين جبّارين

العراق وطن واحد شعب موحّد مقاتلين . آسيا حقول الرز المزارعين . افريقيا صحاب الارض مشردين . اوروبا غضب شارع مغتربين مهمشين . ضواحي امريكا مالكوم اكس لوثر كينغ كل السود اللي بالهود و حتى البيض المنضمّين . اللاتينية بكوبا غيفارا الارجنتين

ما منستسلم ما منسامح ما منصالح للمحتل ما منفاوض ما منهادن ما رح نسكت للعدوّ

بالسكين او بالحجر بالفرد كلاشينكوف قذايف ار بي جي او قنينة مولوتوف

المقاومين الاحرار بوج جيوش المأمورين

هودي كلن طفّار مش ببعلبك مدفونين . طفار و منتصرين وين ما كانو منتصرين

هودي كلن طفّار مش ببعلبك مدفونين

 

طافر / ابن بعلبك ما بيموت طافر / مش ببعلبك مدفونين

 

خرج الطافر من جسدي من روحي من قلبي المحمرّ سماءً

أتقنه وشما على صمتي انزعه من شوقي رداءً

هل يبقى للحرّ سلاحٌ إن أدمى اللون انامله ؟ و كتاب بالحقّ تشرّع

هل يقوى الدمع ان ينساه ؟

احمل بندقيتك واطفر فالرمل قد وهجت رؤياه

يبين السمّ من النَزعِ فالآخر كالأول حتماً .. و يردّد أطفالٌ لم يُلَدوا

ط ف ر

ط ف ر

 

طافر كل مقاوم كل مقاتل كل فدائي كل فقير طافر كل محروم بكل الارض كل فلاح كل شغيل مستغل طافر كل من وقف ضد الظلم بطل قاوم احتلال

كافر كل من حرم او سكت عن حرمان كافر كل من سلم او سعى للسلام

طفار من البقاع و الأنبار والجليل بنت جبيل مرجحين غزة بوادي الحجير

البيموّت من جوع متل البيموّت برصاص اللي بيحرم حتى الموت متل البيطخ ب قناص بنص الراس رصاص الشرف صلخ مش عشوائي انعرف

اسرائيل منّا دولة بكل دولة اسرائيل

بكل حكم عم يعتدل عم بيروح يحضر قمم مع ملوك مع شيوخ عم بيفوت بصفقات مع يهود يقتل شعب بدو حقوق طافر

كل مقاوم كل مقاتل كل فدائي وكل فقير

 

طافر / ابن بعلبك ما بيموت طافر / ابن بعلبك ما بيموت طافر / ابن بعلبك ما بيموت

2 نشيد الطفار - طافر - بالإشتراك مع عبد الرحمن جاسم

شو عمي مطولين لنمشي
يلا عمي عمهلك لنطلعلنا راكبين بعد
..شو بطلع فاضيي
طب عليلنا هالصوت من عندك الله
آه
الصوت الصوت..
من مدينة الشهدا مبلش طريق القدس ، خزان المقاومة بدمنا اللي تحول ثورة جياع و مستضغفين بوج الدولة حرمتنا منعتنا نزرع لنحصد تحرير و حرية قتلتنا ما سكتنا ردينا التار تهمونا تهمة شرف سمونا تجار تعاطي بحليب ولادنا الصغار نزلوا من بطن امهم حاملين الرشاشات ازرع احصد كسّر لفّ رانج كلاشين و فيميه و مطرح ما بيحلالك صف
تحضر لبلشلك من اول الطريق بعرفك على بقاعنا و تاريخنا العريق عندك لحدود شتورة كله مش محسوب بتضلك ماشي دغري بتوصل لنص السهل
طريق جديد مزفت عجنابه بيوت الاهل و اشجار بتنقي حتى الهو ا جُبنا و جدعان ما بيعيشوا سو انصيحة مني لكل الما بيتحمل يدور من هون و يرجع احسن ما يفل محمل لانو نحن قطعنا زحلة صارت خطيرة الرحلة حواجز عسكرية نقاط تفتيش مراكز فاضية ما فيها جيش اسباب معروفة من هيديك المرة علقتهم مع بيت جعفر اكيدة كانت مرة او قبلها بيت زعيتر حمية و المقداد علوه ناصرالدين المصري و مش رح زيد طبيعة صخرية و الاصل فلاح تحية للبيحترموا المزارع الفلاح من اهل اللبوة العين بعلبِك و بريتال حربتا حرتعلا الهرمل كلها رجال معروفين بالكرم النخوة و الرجولة رانجاتهم المفيمة بتمشي بلا نمر الاخمس المواعين معليلي نعيم صفات طريق العودة بتختصر
ازرع احصد كسّر لفّ رانج كلاشين و فيميه و مطرح ما بيحلالك صف
يا ابن عمي يا ابن عمي
انت بس انتظر لننتقم لتنعدم انت بس انتظر لف بكفن في رجال عم بتضوي الدنيا و تعيش بعتم احلام بسيطة بقبر الفقر عم تندفن حكم مستغني عن ناس استغنت عن حكم عفن حكم عبقاع يعيش بعدم بعلبك بقلبك طفّار تقاتل طفر
ببلد منتظر مرض مُعدي مُنتظَر و التاريخ مليان شواهد عشيرة شعب جبار
قارن كم في جندي و كم بقاعي بخط النار تذكر نهر البارد شو بيشبه جسر المطار
حي السلم مار مخايل و تذكر بجرود عكارتذكر حملة عالطفار قوّادا عميل ركن
بلا جامعة احتلينا الجامعات نحن الما في عنا سوليدير ولا بارات
عنا رغم الفقر بيضل الكرم منصان والفان معيش بيتين و للتالت جايب ضمان
و دمار حامي عمالة نظام انتبه لحد هلق كم في عسكري عميل
انتبه لحد هلق جيشك كم روّح قتيل منموت بعيون مفتوحة منتظرة وطن شوف الفرد حتى بجنب جثة مخوفن كلاب بوليسية كلاب بيكتب التاريخ كتاب اخمس دستور bkc
ناس بتزرع وفا ضد وفا انعرض انطلب ناس بتزرع شرف ضد شرف بالمال انضرب و ضد دستور حول بلد لماخور حول سهل ارض بور والاديان و طوائف جور
جرّب زور مدينة محاطة بسور و بيوت ما بتشوف نور ما بيقطع حيطان قصور جيل عم يكبر بين جثث بيلعب بكلاشين رجال عم تضوي الدنيا تعيش بعتم نظام عميل عم بيموت و ببعلبك الدفن شتلة من البقاع بتسوى الف جنة عدن ابن بعلبك ما قتل و ما سرق الا اللازم ينقتل و ينسرق و ابنك ما حرق الا اللازم بنحرق
هو الوحيد اخترق نظام بيسرق تعب بيسرق عرق
ولك صف
ازرع احصد كسّر لفّ رانج كلاشين و فيميه و مطرح ما بيحلالك صف

3 مدينة الشهدا

طفّار صحاب الأرض ايه يابن عمّي جعفر ناصردين

نزلوا الطفّار وصلوا عوسط بيروت
عالكروش عالبدلات عالشركات عالبنوك
عسوّاح عمطاعم الدعارة بالعواصم السياحة بتقتل ناس عتعمير هدّ بيوت
عحاخام بعقال منكّر حتّى يفوت عهوا من باطون جامع حرامية كون أنكل سمّ مصّ الدمّ تلوّن مية لون
تعدّد جنسيات و معاليك عم بتشمّ
والتحرّي عم بيحرّي عم بيخرّب بيوت البشر
إنجاع الشعب ياكل حكّاموا ما ياكل حجر
نصب إحتيال قبض حقّ الإغتيال عقانون قوي علينا مدعوس من السوليدير
فتفت نظامن لمّا فات بلعبة موت مات بريال الإنتخابات لليهود السندات
للخلجان أميركان أوروبية و روسيات
بسترباكس كوستا كوكاكولا مولانا ما في مطرح للفقير بوسخ وسط الغنى
متل ما بلعتوها لبيروت رح تبلعكن متل ما حرمتونا بالبقاع رح نحرمكن
ماشي
عم بتهدّد الطفّار حبّس شعبة معاليك
روح حبّس صبّاط للعدوّ مدّ الأيد روح حبّس العمّر بنى قصور بدم عبيد
يطلع يتلف رزق الناس حتّى يورّد كوكايين
تعيش و تترحم تتذكّر بيروت سوليدير
بدّا تموت حتّى نعيش بدّا تطفي حتى نطسّ
هاي مش شرم شيخ اللص هاي مدينة منوّرة
هاي للروي البدها قصّ
شو بتترك لليهود بس تخاف من غنيّة
بس تخاف من غنية ولا شو بتترك لليهود آه؟
ناصردين جعفر

هيدا البلد هيد الشغل هيد الحكي ماشي
هيد النصب هاي السرقة هيد الكفر ماشي
من عتم بيوت الناس شعشع وسط بيروت
عالوسخ التجاري إبن بعلبك ما بيفوت
هيدا البلد هيد الشغل هيد الحكي ماشي
هيد النصب هاي السرقة هيد الكفر ماشي
من عتم بيوت الناس شعشع وسط بيروت
عالوسخ اللتجاري إبن بعلبك ما بيفوت إبن بعلبك ما بيموت إبن بعلبك ما بيموت

الطريق نزول
من الهرمل عابيروت
من فوق بتشوف علب كبريت مركّبين عن الجسر غرفة نوم ما في حرمة للبيوت
الإضاءة موزّعة بين مناطق شعبية و أحياء للطفّار بالمدينة مهدّدين
محاصرين وسط
و محاصَرين بوسخ تجاري ببيروت متحدين
هودي بنوكي مش لإلنا أمّن حق التابوت
مجتمع مقسّم طبقات حتى بس تموت
مفكّر كل من مات بيندفن ببيروت؟؟؟
ماللي احتلّوا القدس نفسن هنّي احتلّوا البلد بشركاتن بالمطاعم باللي لبّس قبّة جامع من كتر كفروا دهب
عمّر بار الحيط الحيط محلّ صرامي بدل البيت
بعد إحتلال البلد بلّط نصّ البحر
النورماندي من عنّا لقبرص صارت جسر
عمارك ما بتساعوا الأرض علي بعد طلوع
بالسما بساط الريح صوت الفقش الطقش الرقص
مع طلوع الفجر أعلى من صوت الأدان
وهيدالجايي ليستثمر موسم سلم و صيف
قللّي شو كان عامل لمّا كانت هالأم كامل عم بتوزّع هدايا ممضيّة بخط اليد
عالضاحية لبعلبك كل الجهات جنوب
والشركة عم تتوسع تحقق بالأرباح بتأجر بتبيع بتحالف مع خليجي بتتحوّل عالمية برعاية أميركان
عم يحموها الأبطال تحريّة موزّعين مسعّرين بزواريب ممنوع عليها تفوت
مفكّر إبن بعلبك بدّو يسكت عالحرمان؟
ما حدا ناطر منكن حقّ بيتاخد بالقوّة
بكرا الثورة يابن عمّي تقتل كل كلاب العصر
تطرد كل ملوك القصر
تدمّر شركة سوليدير
ترجّع كل حقوق الشعب لأصحاب الأرض
يابن عمّي من الهرمل عا بيروت ضوّي سوليدير و عتّم عالناس بيوت
يابن عمّي

6 الوسخ التجاري

لكل ام شهيبد

من البوم صجاب الأرض

7 لكل أم علي

مو قانَون 

حبر عورق مو قانون هيد حبر عورق مو قانون
ايه يبن عمّي ..بمشي علقانون بعد المشي عجتتن اني غير بقانون الطفّار ما بلتزم
حبر عورق مو قانون هيد حبر عورق مو قانون
بمشي علقانون بعد المشي عجتتن اني غير بقانون الطفّار ما بلتزم، لا تلتزم.
.بمشي علقانون بعد المشي عجتتن اني غير بقانون الطفّار ما بلتزم،
هيد حكم الغني عالفقير من زمان صحاب الأرض فنّدوه
طفور موّقت ما في حل وتأكّد انّو بغيابك حامي الحمى رح يحتل البيت يسرق شو بتستحلي عينو ويطلع بيان القيادة: داهمنا وفرضنا وهرا تلفنا الأرض الفيها زهرة لا قدرنا نطال الطفّار ولا فينا وصلنا عالجرد..
بيوت فوق روس صحابا عم بهدّا الدرك، دولة تورّد مية شكل حتّى الزرع ينترك بأرض يموت بالقانون موت الجوع..
محضر تسوّل بالناس ال عم تسترزق بحجّة تشوّه سياحة رح بتموت..متل بوها فطيس
هيدا بليس

بدّو يفرض النظام وبتمّو ملقعة الدهب عم يعلف فاست فود يسكر عخام البترول تسقّف كل عمرو بالعبري بيحكي شويّة عربي مكسّر، يحلفلك بلآه الأكبر..

النظام من الكفر لما يكون بالنظام في قانون عم بيحسبنا تحت الصفر..

دولة ترقّي جواسيس يطلع مجرم رئيس لما تموت العدالة يحيا العهر...

حكومة رفع الأسعار الحضارة باشارة سير كلّو مبتسم للصورة بالأبيض فيها كل خير، لفقير حملو تقيل من مطابخ للمدارس والضرايب والمحاضر، لا تدفعن خزّقن..

وقفوك وقّفن ،نبشوك فجّرن وال بشد على ايدك ايدو قطشا..

كلبجوك دبّحن بالبارود أهّبن ..ما البارود صدّى بالسرايا انتشى...

مو قانون..

فكّ الأمّان لينتحر فيك الخوف ، قدّامك ما تعود تشوف الّا عدوّك مصلوب، خصمك مرشوش ومقتول..

حتّى باسمك الحروف ردت تار مع طفّار عن قانون عمينباع عن عدالة عم تنشرى عن عمالة بالأجار...

طفّار عن دقون عم تتلوّث بقانون عم يتشعب معلومات حتّى يحمي الي سرق ،

هيدا مو قانون هيد حبر عورق..هيد حبر عورق..

حبر عورق مو قانون، حبر عورق مو قانون

بمشي علقانون بعد المشي عجتتن اني غير بقانون الطفّار ما بلتزم،ا

ذا اني مخطئ عالاعدام.. بس اذا الي حق..بدّي اسحبو من عيونن

حبر عورق مو قانون هيد حبر عورق مو قانون بمشي علقانون بعد المشي عجتتن اني غير بقانون الطفّار ما بلتزم،

لا تلتزم..

صحاب الأرض..هاو الطفّار يبن عمّي..هيد حبر عورق مو قانون..جعفر ناصردين

9 حبر عورق

6rp.com-Wael-Jasar-Besm-allah

▬▬▬ooo▬▬▬ooo▬▬ஜ۩۞۩ஜ▬▬ooo▬▬ooo▬▬▬
*NEW*NEW*NEW*NEW*NEW*NEW*NEW*NEW*
وائل جسار - الزوجة الرابعة -  We Sahra Ta7la ®
www.wesahrata7la.com
www.facebook.com/wesahrata7la
www.youtube.com/user/wesahrata7la
https://twitter.com/#!/WeSahraTa7la
*NEW*NEW*NEW*NEW*NEW*NEW*NEW*NEW*
▬▬▬ooo▬▬▬ooo▬▬ஜ۩۞۩ஜ▬▬ooo▬▬ooo▬▬▬

Wael Jasar - El Zoga El Rab3a - We Sahra Ta7la ®

كونى صبارة بلاشتراك مع   كتيبه 5 , مكادى نحاس 
انتاج : اسلوب\نيسم جلال 
لحن الموال من تاليف مكادى نحاس 
الشعر تراث فلسطينى

اسلوب و مكادى نحاس  - كونى صبارة  Osloob feat Macadi Nahhas - Kowny sabaara

Fadi al Aysar - Bhebek ..On MR.NEW 2012
Lyrics: Omar Sari 
Composer: Mohammed Zeidan
Music Arrangement: khalid Mostafa

فادي الايسر - بحبك - MR.NEW 2012

نعيم الشيخ هو عيلي شت متي على غيابك ياااااااااااامسيحية  ضع عيلي مني

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار والرأس

مكس تيب : أسلوب مقدسي
انتاج اسلوب ..بلاشتراك مع مولوتوف, جعفر الطفار, عبدالرحمن جاسم, خالد المحتسب
فلوت: نيسم جلال ,جيتار: حسام وهبى ,بيز: زياد صادر\اسلوب ,درامز: حسين قمح ,ناى: ناصر ,ايقاع دف: سعد الكردى ,هشام صادر: عود ,سمينوف : قربة

تصميم الغلاف :زياد صادر

(Lyrics)

حب الوطن بقلبك مقدسة
وصرتي راهبة بديرو مقدسي
معك اسلوب والطافر مقدسي 
سيوفن جاهزة بيوم الحراب

عهالتراب وجودي مالو أساس بالصحة
كيف واسمي اصبح ملغي من أرشيف ولادة ؟
كاني بنفخ قربة ما بتتعبى بـ100 بمضخة
عايش على الاغاثة منتمي لحزب الانروا
طوبى للثمالة ان كانت تجعلني انسى
طوبى للعمالة ان صارت تقلبني أعمى
طوبة تفشخك ان تنصر اسحاق رابين 
تمثل جهاد للدين وتكتب تحيى فلسطين
مع مين انتا حدد ولا واقف ع الحبلين
راكب الموج لتوصل متخفي بوجهين
ما بين العين الكبرى والهرم فراغ دنيوي 
أفكار تشد تغير الناشط لمنزوي
طريقك ملتوي ما بتمشي اذا كنت دغري 
أعلان الدولة صادر مع كفر بلون مغري
موجود كآلة للعمل عايش بنظام طبقي
انا مش زيادة عدد بمشروع تطهير عرقي

--------------

بالعاصي و براس المان ميتنا أسقع بكتير / بس القصة يا بن عمي لما عالوزاني تصير /إنو مكفي ع فلسطين نفسك ترمي حالك فيه / إنو النص التاني منو تابع للجولان/ التلة اللي فيها يهود محتلينا من زمان و النظام بتاني ميلي يمكن باعا أو نسيان/ و بضهرو سهل الخيام الميركافا ما بق تسترجي بعد تفوت عليه / و شريط الحدودي مكهرب و الدورية اللي عم تهرب و اللي بيحلم بعد يشرب مرة بمرج عيون الشاي / باب المعتقل مفتوح من حالو خجلان / بدو يستقبل زوار يتذكر سجان / بدو يفرح إنو تحرر إنو بتموز تتدمر و المشاهد اللي بذاكرتو يمحيها النسيان / السهل تحت ضهر البيدر شوفو من كفركلا و طاقية زرقا سانيتا باقي عنا الحلا ؟؟

5. Ebin 3ammi .ft (Ja'far Touffar) -  إبن عمي

الهبو.جعفر الطفار إنتاج أسلوب.شكر خاص :
رفعت مبارك (عتابا)
علي بشناتي
لويس :دودوك/زياد صادر: بازز
إنتاج أسلوب

المصاري بتفضّي الراس و بتعبي الكروش
عالم عم تنهش ب بعضا صارت كلها وحوش
و اللي معو مال 
ليرة منوّ ما بتنال 
غير ما تعمّلو زبّال و تنكش عندو بالمنكوش

بس الفقر عزم الفتى موًلّج بكفّو 
إتكل ع زنودك زنودك وحدن بيكفو
و العطشان البدو ماي يشرب ب كفو 
لأنو من غير كفوفو ما بيروي الشراب

إشتغل تحت دَين العالم حتى تشبع ذلَ
فلاحة و من دون التعويض ع بيتك بتفل
من الجمل إدنو بيعطوك تعمل منا أكل 
بس العترة ع محابيس بين الجرد و بين السهل

بس الفقر عزم الفتى موًلّج بكفّو 
إتكل ع زنودك زنزدك وحدن بيكفو
و العطشان البدو ماي يشرب ب كفو 
لأنو من غير كفوفو ما بيروي الشراب

الهبو

انتاج: اسلوب
باص :زياد صادر
الضغط النفسي لما تعيش بمنطقة متل رويسات 
متل الضغط بحي السلم و المخيمات 
الساعة ستة شوف الغانم راكد عالباصات 
يلحق شغلو و الطريق موقف سيارات 
كل واحد وحدو بسيارة حتى السرفيسات
نحنا هوني مجبورين حتى نبقى مستورين 
احترق عنا البو عزيزي مية مرة 
بقي صوتو بنفس الشارع ما طلع لبرا 
نحنا يما مشحرين يا عم ناكل بعض
غرف ما بتساع تخوتي نومتنا عاﻷرض
صحاب اﻷرض صرنا مأجرين للشركات
يبدو إنو إبن بعلبك يا بن عمي مات
كنا بمشاريع القاع كل ما موسم منا ضاع نزرع و نعيد الكرا 
صرنا ولاد حزام البؤس بين اﻷوزاعي و صبرا و شوفارية كميونات الهرمل ع سوق الخضرا
نحنا كل ما صارت حرب منستشهد بقانا
هوي البقي تحت القصف متل اللي سافر ع غانا
نحن الشعب بترم الثورة خانوها إخوانا
نحنا بحروب المذاهب ما في إلنا دور 
أرض الليمون الحزيني من حيفا لصور
تبكي عالحوش اللي كنا منا حمص نزور
ياما مهجرين بتموز زاروا زيتا 
أمن ع أهلو المقاتل لنتصر ب عيتا 
و اللي أستقبلونا بين بيوتن و المدارس 
كيف ت صاروا يحفوا الشارب و يربوا مكانس ؟ و اللي قاتل إسرائيل ع حدود السورية حارس!
يا خالي تقطيع الروس صار بإسم الثورة 
روسيا إحتلت طرطوس لتحافظ ع دورا 
تركيا صار إلها نفوذ صارت صوت و صورة 
اللي دمر أفغانستان متل اللي احتل العراق 
بنوا دولة كردستات بإسم اﻷعراق 
كلن مجتمعين بمجلس أمن ع فلسطين 
عالثروة اللي بالسودان 
ع كوبا و مالي و إيران 
من ميلي الفقر و الحرب متل الحكومة و الحزب 
كان ناقصنا السلفية و بترول بلبنان .
العروبة ماشية بدمي و العراق
 و قلبي حزن ع و ضعا ولع راق 
تاييه بين سوريا و العراق 
و إيران و رمل صحراء العرب . 

تاييه

جعفر الطفار و عبد الرحمن جاسم بلاشتراك مع خضر سلامه 
باص:زياد صادر
انتاج اسلوب 
البرستيج الكليشيه و العالم الكلاس
الدعارة بالفن الراقي ما بتعبي الراس
فنان اللحظة السعيدي 
قهوة سيجارة جريدي و قعدة عالتراس
مش كوفية بالالوان شرشف طاولة
شلكة حلقة بمناخيرا و ايدا طايلي
لبنان الوادي الاخضر بالعلب المعفّنة
إقتصادو من السياحة و النسا المزينة
تيبس أرض السهل
نربى نحن بعل
تقتلني و بدك تقنعني انو نحن أهل؟
الحكي عالمنجعي سهل و الفلاح بأرض السهل عايش بأرضو غريب ابنو بزواريب
متل ما بتطل الشمس متل ما بتغيب 
عندو أضعف الايمان يكره شي اسمو لبنان
عندي اضعف الايمان اكره شي اسمو لبنان

يا بحر خدني معك
يا موج بيعدني
مقطوع هون الامل
 عيشة جهنمية

قالوا لي أن حسّان ذهب إلى السويد؛ هناك يلتقي الفلسطينييون ببعضهم .
ضيقةٌ هي بلادنا؛
واسعةٌ لأوروبي يتحدث العبرية، 
وموظف جمعية يصرف أمواله يساراً في الحمرا
في المخيم، الوقت أقل ضيقاً، 
الناس أوسع صدراً أمر بين الأسلاك، 
ودعنا ابن خالةٍ قبل أسبوع، لمسته الكهرباء،
فما أطال البقاء؛
مجرور مياه لا حل له، يحدثك كلما اقتربت
حسّان ذهب إلى السويد لا يأخذك معه،
لأنك لست بهياً ولا أوروبي! حسّان تعرّف بديفيد، 
وديفيد جميلٌ بهي الطلعة أشقر
ديفيد رأى حسان مخبرا، 
وحسان رسمه جسرا بسم ديفيد، فرح حسّان 
حسّان ركب الطائرة دون دموع، 
فليس في لبنان ما يودعه غير الألم، 
هو ترك رسالةً واحدةً على هواتف أصدقائه: 
الفلسطيني لا يحب لبنان، يكره لبنان ويكره أهله
يريدوننا إما ببندقيةٍ نخضب كلامنا بفلسطين دون عمل، 
دون هوية، 
وباهانة لاجئين
نشحذ منهم سقف يومنا،
يا أخوتي: أنتم بلا غدٍ هنا!
الحقوني إلى السويد! الفلسطيني لا يحب لبنان،
يكره لبنان ويكره أهله
الفلسطيني لا يحب لبنان، 
يكره لبنان ويكره أهله

على باب المخيم يوقفني كلب الحراسة 
يشتهي لحمي وحلمي وعلمي 
الأرز وقود جهنم أقول
وهذه البلاد بطولها وعرضها، بشعبها وأرضها للأفول 
على باب المخيم كلب الحراسة 
ورجال السياسة
ومنظمات النخاسة 
يمنعون فلسطين من الدخول



يا بحر خدني معك

wael jasar ayam

Bu Nasser is a Lebanese rapper and writer whose music speaks for the silenced and the marginalized. Since launching his career with Touffar’s As7ab El Ard in 2009, he has become one of the most commanding voices in Arabic rap, blending uncompromising lyrics with raw energy that turns every show into a collective experience.
From the streets of Lebanon to sold-out venues in Turkey, The Netherlands, France, Switzerland, and Germany, Bu Nasser has proven his ability to move massive crowds and headline some of the biggest rap events in the region. His performances are intense, urgent, and unforgettable. transforming audiences into communities bound by rhythm, resistance, and release.
In 2025, he released Limbo, a groundbreaking album that captures the turbulence of the present and the weight of a haunted past, created with forward-thinking producers from the region and beyond. The album’s release tour marked one of the year’s biggest independent rap movements, cementing his place as a cultural force who thrives on collaboration, innovation, and impact.
Beyond music, Bu Nasser is also an acclaimed novelist, with two published works that have reached international literary exhibitions, expanding his reputation as an artist whose words hold weight on page and stage alike.
For promoters, fans, and collaborators, Bu Nasser represents more than rap, he is proof of how art can electrify, unify, and leave a mark long after the lights go down.

2 نشيد الطفار - طافر - بالإشتراك مع عبد الرحمن جاسم

Bu Nasser Touffar