EL.bunaser,rass

طفررررر

طفار

انيج

Bu Nasser Touffar

Bu Nasser Touffar 2021 - لوّن حبسك
Photo Credit: Rabih Yassine

Bu Nasser  - لوّن حبسك

بو ناصر في : تتليت 
موسيقى : مونما
تصميم الصورة :محمد سعودي

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

إيقاع المونما يبن عمّي الصوت علّي
 خلّي يشفى هالقلب من كل علّة
 ضل دلّ سبّ كبّ حجار علّي
 عيشتي و عيشتك لجهنم قلبها
 بكّى عيون العالم و حرق قلبها
 كل هالتماثيل واجب قلبها
 و واجب يبكي البكّاك الدمعة دم
 و خلّى العمر كلّه يمشي زود دم ع دم
 من تحت الارض يخي طلع دم عدم
 كل أفعى ببطن الشعب كبّت سمّا
 و كل من نزع سهرة عيلة طيبة سمّا
 ناصردين الإشيا بأسمائها سمّا
 و ما بعمره حب الشهرة للكلام فضّى
 و لا بعمرا الروح انباعت كرامة حشيش و فضّة
 سيرة انّي اخلص خلص فضّا
 و تسمّع راب و عتاب
 و زتّ عالظلمنا يوم لوم و عتاب
 ما بدّي قصور صدور بيوت و عتاب
 بدي كون حرّ عرصيف شارع فرعي
 بغنّي عن الجيرة و العشرة بكلام فرعي
 بكون حرّ عرصيف شارع خالي
 لا تقلّي الحزب أمك هاك الكلب منّو خالي .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

مين ضلّو حدّك ؟
 و مين طرّى حدّك ؟
 و مين لمّا وقعت قال خلصت هون حدّك ؟
 مين ضلّو ماضي ؟
 و مين نسي ماضي ؟
 و مين عرفت مأخّر إنو لعدوّك ماضي ؟
 مين مالو مال ؟
 و مين عنده عزّة نفس لكن ما لو مال ؟
 و مين استقرش حتّى حكيه صار مال و مال و مال و مال ؟
 مين إبن طايفة ؟
 و مين لمّا بتبزق بوجهو بيقول طايفة ؟
 مين باع دين؟
 بالهرمل إلي أخوة مهما كانو باعدين
 مرّة العيشة بين حيطان زرقا مرّة
 مرّة بس طلاع و شوف الدني برّا مرّة
 و شوف كيف الافتراضي فيه يكون جدّي
 و خلّي الثورة تضرب من وسط طهران و جدّة
 و هدّي خوك ان وقع قدّام العدوّ نهار
 و انهر كلّ من ركع قدّام العدوّ و انهار
 نحنا كتاب الكذب ما روانا
 و نهر الخمر اللي بالجنة ما روانا
 بالقانون ممنوع تتليت ماروانا
 و اللي تلّى الدم ديه عالرئاسة متلّت .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)


ناصردين الطفّار - تتليت - موسيقى مونما

إنتاج الراس. 2015


خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هيدي مش ضريبة للحكومة.

ناصردين الطفّار - بو ناصر

هوّي الصيت للخندق بس الفعل للي فوق واللي فوق أمروك إنك تهرب من حدود و تلاحقنا ببيروت تكون عبد و مأمور
عبد و مأمور عأنفاسك ما بتمون يمكن يأمروك تقتل خوك يقبضوا ملايين ويسرقوا ملايين بنت النايب بدا حبوب إبن الظابط هيرويين
و الحيط عالحيط
فوق في نجوم غرقانة بالوسخ و تحت في عقول مقفلة بمعاش
بدلتك و رتبتك و سلاحك مو الك، طيب قلي يبن عمي هاي روحك مو الك؟ عيد مين بدا تروح؟ اللي بيترقى عدمك و بحياتو مو مجروح؟
حامي الوطن مسعور لصهيون حطّوه ناطور بسوليدير حامل أخمس عامل أخمَس طابور
نفّذ ثمّ اعترض
عمالة ما بتصيب الجيش الا بأعلى الرتب ما الخبرة هيي السبب و انت قناني عم تنضرب
كل ما زادوا النجوم يبن عمي زاد الطمع كل ما ينقتل زحاف بدلة ظابط صارت ألمع
مين قدامك مين وراك؟ المشنوق من الفقر أو مخنوق من خراه؟
المفلوق من طاووق أو تسميم صدور عراة؟
طائفي بمولوتوف يا إما ثائر سلمي؟
غاز مسيل دموع، بشوطا أو بعطيها "حل علمي" ؟
خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هاي مش ضريبة للحكومة.

الراس

عروف مع مين عم تحكي
سيكارك بدنا ندخنه بيضل صوتك واطي قد ما تتخنه نشاز قد ما تلحنه راسي بارد قد ما تورمه تسخنه
منعمل فحص البول بس هني اللي تحتن شخّوا
بصلتي مش محروقة فبيصير الغاز صديقي
طرابلسي بالساحة قصير مش أسير أنا مش متنكّر أنا مش متل تحريتك ساعتك تك تك تكّت تك تك تكّت بينت معادنن لمّا دروعن انحكّت و ركابنا ما سكّت ما رح تقدر تسكّت
مبسوطين مكيفين بالمي مبوردين كونو عنّا مقطوعين من المي من الضو ولو
ما في ريحة بسوليدير ما في زبالة بسوليدير هيي الزبالة سوليدير هيي زبالة سوليدير
و العمامة مش لالله اذا حبلا بإيد الغير
اللي حرر الأراضي عم يستعبد البشر و اللي صب ابريق الشاي نزل فينا بالعصاي لما انحشر فشر
سنة شو و شيعة مين مان؟ اللي وحد الاله ما بيقسم الانسان
لا سعودية و لا ايران نحنا و الزبل جيران
لا عونية و لا قوات نحنا المسيح عالخشب عم بنفيق الأموات نحن البيت و اهل البيت نحنا النار و صبّو الزيت عن الطائفة انشقّيت
عن الطايفة انشقّيت

ناصر دين الطفار و الراس - نحن والزبل جيران

الرّاس و بو ناصر الطفّار - بين العصا و السكّين
2015

الكلمات :

بو ناصر:

رح نضل عقلبك مهما هاش علينا كلبك مهما دفعت ضربت بعتت مخبرين
خود
نصيحة بجمل خود بالك ضب مالك
إجوك المندسين صاروا قبالك يبن البنك
شدّ حالك يا ارقى نوع انقى عرق بروتيلي بيحرق طقمك و الكوفية بتحرق شالك
شم
ريحة عرق متل صيتك
شواحيط تدعس نيتك مظلوميتك
السم
الكنت تحطه شربه

و اتذكر "روحوا العبوا"
شوف اللعب شوف الشغب بس يلم سميعة نعيم
ايام النعيم ولت
اجوا النور ليطقوا بقصرك صور
ينتقموا من الدعس عليهن يوم بزمور الخطر
بإيدي سيف وين ما شوف راسمال بقصّو
كلب دولة سرق نص دمي و بنك نصو
اجو المندسين قالوا عملوا عالحيطان طسّوا تسقط
طسّوا تسقط
طسّوا تسقط

الراس:

كنا نوقف عالرصيف تمرق المواكب تشلح فتافيت
فهمنا الصبر ما بيفيد عرفنا اخد القرار
قمنا نزلنا عالطريق صارت تهرب المواكب نرميها بحجار
كنا نخاف من التدعيس صرنا نجبلن كوابيس
فراغ البلد اكيد اكبر من منصب رئيس
فراغ بحجم مواطن يا مسافر يا تعيس
فراغ بحجم وطن كونه الوطن حجم عائلي
بيتزا طاولة حوار بحجم العطل بالنوايا
بحجم الامن بين النجمة والسرايا
بحجم الفرق بين النجمة والسرايا
وبواب مستشفى وخيام انسرق سقفها
وجيبة بلا قاع 
بحجم الخوف بالنخاع كسرناه بس الحاجز حاجز مانه هدف
والنصر تنظيم تخطيط ومانه صدف
فبدي سجل موقف ولا بدي حقق مكسب؟
تحاسب لازم احسب ما بقا بيكفي اكتب
ما بقا بيكفي اعتب
ما بقا بيكفي قله طلعت ريحته
لما صار شكل إصلاحه انه يعدل بتسريحته

بو ناصر الطفّار و الرّاس- بين العصا و السكّين - إنتاج الرّاس

جلّاد ، كلمات و أداء بو ناصر و المحراك
إنتاج موسيقي : الوتر الجندي المجهول
تسجيل : الراس
الصورة : أحمد طرابلسي
الكلمات : 
 
من يوم الكنت إحمل فرد مي إقبضا و عصبي يشد
إتخيل حالي حامل مدفع كل ما حملت جفت
كل ما طير شفت بإيدي برسم فرد، شفت ؟
صفّر صوت الإنفجار كل ما سمعت جرس
انطر يوم العيد تياب جديدة و فرد خرز
الطريقة النقي فيها صورة فيلم احضره
تهديدي لكل ولد عذّب بدي اقبره
خلي امه تدبحه و تسحب روحه
و تدبح طير الحمام حتى ينام الولد
بالأحلام شفنا السيف قبل الرقة و حلب
منعرف حرملة و الشمر ما منعرف عبد المطلب
في عنف فالش؟  و في داعش؟ و في صف قلعطة بالدين بالمدارس
جيل ربي انو الحبس للبيناقش
مدرسة و مستشفى مقابيل خمسن جامع
حوثي لادن و مقتدى، في نون
نون النسوة والنصارى نون النصرة النصيرية نون النفط نون نوافل نون نكاح النية
بعيني كل بنات العالم، بنتي بوئدا
ما الشرف اغلى منها، عالبلّوعة بشخطا
لما تعيب
أني الملك خود الرضا
أني الملك أني. سماع سماع
أني الملك أني. ركاع ركاع
أني الملك أني. سماع سماع

مجرد مجرد من حق مدني مخيم مطوق بعسكر ببدل اميركاني التكليح علني
مجرد مجرد من حق مدني مخيم مطوق بعسكر ببدل اميركاني التكليح علني
 محروقة كروتة مكاتب الفصائل بحر سلاح جوا
بتعرف بعدما تغرق بالدم تسبح
 انا ناقل هون الصورة اللي ما بتعجبك
 لالله بهمني كل واحد مني بموت على أتفه سبب
 اطلع بلا وراق ثبوتية وعيش لتعدّ تهم 
إخلع رب قضيتك إن لسا بحنظلة خريطة الوان العلم 
احنا بس جوكر بإيد الدول
 تحت اسم رعايا منضل ننباع بمبنى الامم 
 بكل ذكرى تأسيس فصيل على أساس بخدم ارضي منطلع 
وبنفس الوقت منسمع قمم قمم 
ما مندرك مين بهالحالة الغنم للرتب في اسم هون 
التعامل معنا لا لون لا دين لا طائفة لا مناطقية 
ّهون السبب يعني  لاننا فلسـ... هاي هي


جلّاد - بو ناصر الطفّار و محراك - إنتاج وتر

الراس - أشهدُ

لاجئ و يعيد
كلمات و أداء : ابن حواري
إنتاج : الراس
ضبط صوتي : الراس
من آلبوم تراكم | خروج إلى الداخل
2017
الكلمات :


شفتك مشيتي و قلبي لسا واقف شايفك
بقلبي رغيف خبز و شفافك لقمة بايتة
 مخبي نبضة بتطلع مع آخر برميل
كبتنا مكة خيتا حوتنا برلين 
بحسك نسيتي بإيديكي المجازر أساور
صرت أغير لهجاتي حتى الحواجز أناور
كنت أخاف أفقد ملامحي , و ما يعرفني أبوي
لما أطلع أشوف وجهه أرجع أموت
أيا تابوت بيسع حلمي بأني أصل لقبره   
أديش فيكي تكوني دافية وأديش فيني لسا أبرد 
كل الماتوا حلق بأدنيكي حطيون
كل يلي بقيوا بدم يلي ماتوا انقعيون  
نمتي منيح  فتحتي عيونك على جروحنا
فقنا ببلاد تانية فكرنا الهجر عالج روحنا
أنت كذبة كبيرة إلا لما تكوني نحنا
و نحنا منبقى نحنا وين ما رحنا
إلي فيكي أهل ما بدي منك زينة
و أول ما أرجع رح أحرق فيني الياسمينة
أنت الآس دينك صار الآس دينك 
بجرب لمك لقلبي بتخطفك إيدين القاسمينك
ضعت جواتك بحر و قلبي مرسى
كل مرة بلاقيكي فيني برجعي فيكي بغرق
بدور ع حالي وين 
بتطلع على أصابعي بلاحظ الشوارع عم ترتب حالها بيني و بين 
الحارات يلي عم تهدد حالها بإنو تبقى 
بلاقيني بحيطان هدت حالها حتى تبقى 
ليكي حتى لما عريتي ولبستيني انا نقصتك
يما حارتي هي مشاعر متل الكعبة انهدت
كل الحدود مبارح شفتها وقعت على شكلها
سياج عالي من الأضافر عم يحك بضهر الملجأ
و لسا ما نشفت ملامحك بس بكل أيلول بتضعف
روح أسأل خصر البلد ليش ع هزنا كتير استدمى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
بشيل عني همي على كتافي ناتع ولد
نادى أمه قلها بحبك قالتله حبك بلد
بكره الموت يلي حب خالد أكر
بس بتذكر أديش كنت حب أديش خالد قتل
بحب أسرق منك صورة ومن الحكومة كهربا
بحب وجوه الناس طقوس و زخة المطر بكرهها
رح شوفك بكرة ها ! جيبي معك مقروطة
بحب الحلو بس تضحكي و بكره يلي قتل الغوطة
بحب كيف كنا نخبي كل حديث بأضيق حارة 
و بكره كيف الزنازين ضيقة متل الحارة
أنا ماسك  قبلة خدين , بصلي عالقلب مرتين
كل ما يقولوا لك هرب , قولي صارت العودة حقين

05. لاجئ و يعيد | إنتاج الراس

"Wlla La'a" Jundimajhul Feat Bu Nasser
Album: "El-Mahatta L'oula" By Jundi Majhul - 2017
produced by: @jundimajhulwatar
Mixing : Hello Psychaleppo 
Mastered : Yahia Tello 
Artwork : Mohammad Saudi

جندي مجهول مع بو ناصر: ولّا لا / البوم المحطة الأولى WALLA LA

شو عمي مطولين لنمشي
يلا عمي عمهلك لنطلعلنا راكبين بعد
..شو بطلع فاضيي
طب عليلنا هالصوت من عندك الله
آه
الصوت الصوت..
من مدينة الشهدا مبلش طريق القدس ، خزان المقاومة بدمنا اللي تحول ثورة جياع و مستضغفين بوج الدولة حرمتنا منعتنا نزرع لنحصد تحرير و حرية قتلتنا ما سكتنا ردينا التار تهمونا تهمة شرف سمونا تجار تعاطي بحليب ولادنا الصغار نزلوا من بطن امهم حاملين الرشاشات ازرع احصد كسّر لفّ رانج كلاشين و فيميه و مطرح ما بيحلالك صف
تحضر لبلشلك من اول الطريق بعرفك على بقاعنا و تاريخنا العريق عندك لحدود شتورة كله مش محسوب بتضلك ماشي دغري بتوصل لنص السهل
طريق جديد مزفت عجنابه بيوت الاهل و اشجار بتنقي حتى الهو ا جُبنا و جدعان ما بيعيشوا سو انصيحة مني لكل الما بيتحمل يدور من هون و يرجع احسن ما يفل محمل لانو نحن قطعنا زحلة صارت خطيرة الرحلة حواجز عسكرية نقاط تفتيش مراكز فاضية ما فيها جيش اسباب معروفة من هيديك المرة علقتهم مع بيت جعفر اكيدة كانت مرة او قبلها بيت زعيتر حمية و المقداد علوه ناصرالدين المصري و مش رح زيد طبيعة صخرية و الاصل فلاح تحية للبيحترموا المزارع الفلاح من اهل اللبوة العين بعلبِك و بريتال حربتا حرتعلا الهرمل كلها رجال معروفين بالكرم النخوة و الرجولة رانجاتهم المفيمة بتمشي بلا نمر الاخمس المواعين معليلي نعيم صفات طريق العودة بتختصر
ازرع احصد كسّر لفّ رانج كلاشين و فيميه و مطرح ما بيحلالك صف
يا ابن عمي يا ابن عمي
انت بس انتظر لننتقم لتنعدم انت بس انتظر لف بكفن في رجال عم بتضوي الدنيا و تعيش بعتم احلام بسيطة بقبر الفقر عم تندفن حكم مستغني عن ناس استغنت عن حكم عفن حكم عبقاع يعيش بعدم بعلبك بقلبك طفّار تقاتل طفر
ببلد منتظر مرض مُعدي مُنتظَر و التاريخ مليان شواهد عشيرة شعب جبار
قارن كم في جندي و كم بقاعي بخط النار تذكر نهر البارد شو بيشبه جسر المطار
حي السلم مار مخايل و تذكر بجرود عكارتذكر حملة عالطفار قوّادا عميل ركن
بلا جامعة احتلينا الجامعات نحن الما في عنا سوليدير ولا بارات
عنا رغم الفقر بيضل الكرم منصان والفان معيش بيتين و للتالت جايب ضمان
و دمار حامي عمالة نظام انتبه لحد هلق كم في عسكري عميل
انتبه لحد هلق جيشك كم روّح قتيل منموت بعيون مفتوحة منتظرة وطن شوف الفرد حتى بجنب جثة مخوفن كلاب بوليسية كلاب بيكتب التاريخ كتاب اخمس دستور bkc
ناس بتزرع وفا ضد وفا انعرض انطلب ناس بتزرع شرف ضد شرف بالمال انضرب و ضد دستور حول بلد لماخور حول سهل ارض بور والاديان و طوائف جور
جرّب زور مدينة محاطة بسور و بيوت ما بتشوف نور ما بيقطع حيطان قصور جيل عم يكبر بين جثث بيلعب بكلاشين رجال عم تضوي الدنيا تعيش بعتم نظام عميل عم بيموت و ببعلبك الدفن شتلة من البقاع بتسوى الف جنة عدن ابن بعلبك ما قتل و ما سرق الا اللازم ينقتل و ينسرق و ابنك ما حرق الا اللازم بنحرق
هو الوحيد اخترق نظام بيسرق تعب بيسرق عرق
ولك صف
ازرع احصد كسّر لفّ رانج كلاشين و فيميه و مطرح ما بيحلالك صف

3 مدينة الشهدا

شغّيل تقاتل الدّولة وعامل ، عسكر خان لأرضو وعميل. صهيوني يحرق بميلة وعميل ونظام بيسرق حبوب

التراب.

جعفر ناصردّين من الشرقي للجرد.

شو يبن عمّي الليلة عالعرس؟

ايه يخي يا هلا يا هلا.

يلّا منلتقى تحت.

(ناصردين) :

هالفلّاح منتظر للحصاد مفتخر بحرّاس السّهل. عنّا الجرد مختصر، أسلوب حياة علّمنا حب الأرض وطرد كل محتلّ. من الصعب السهل يسلّم هيدا السهل الممتنع الحجّة بمشية عسكريّة تحت اجريها ترجّ الأرض، تدعس أشرف ريف ما بطعمي خبز الورد. من شرق من جرد لتتحكّم ما فيك قبلك سرّب قتيل، أهل بعلبك مو عبيد منتشرين بالضواحي وبعلبك ضاحية الوطن الّي شرّد وطفّر شباب وهجّرن. شرف يكرم لصهيون من عوكر لمرجعيون. المدارس اني بعمرها ومصنعي ببنيه بسقي بستاني بساويه بوطن مبعد فيه

(ناصردّين) بوطن نحلم فيه. صوب الشرقي والجرد ما فيه ناس تموت الجوع، ما فيه ناس تموت البرد. ما فيه شياطين تسكت عن حقّ ولا عن أرض. فيه سلاح يحمي حدود يحمي الزّرع بأرض جدود، يرمي ملوك القتل

السرقة الفتنة الدم النهب الموت. ايد ما بتنمد للكبير مدّا علايه مدّا علاي. مدّا عجبان كبّ سلاحه وضيّف شاي. من الشرقي للجرد الحصّادي محتفلين وبالشرقي للجرد الشغيلة المنتشرين صوب الهرمل والعين صوب الشرقي والجرد.

(جعفر) :

زلغوطة بعرس الحصاد الشغّيلة محتفلين، استراحة مزارع بعد كبسات الجيش وغدر البدلات الرسميّة لمّا تقرّر تتسلبط عالسهل تتلفلك كل الموسم كأنّه طالع بعل. معوّد توقف بوجّن يا قاتل يا مقتول، تحمي الشتلة المزروعة فوق صاروخ بعيد المدى المدفون بتراب المتروس برصاص بانتظار قطش الروس المحنيّة متل النعام. لمّا يجد الجدّ المعارك بدها رجال. معنا تحب الموت ما في مطرح للأنذال، والشرقي مقسوم. أساس المقاومة مزارع ثائر فلّاح، المنكوش الفرّاع الجترين بإيدو سلاح، سلوك بلون الدم من الشمس ليرتاح، العرق من جبينو ينزل حافظ طريقو بصم يحفر قبر كل محتلّ بقوّس عالكلّ، بيطرد جيش الذلّ. بشيّع طافر شهيد بدمّه ساقي تراب الأرض من الشرقي للجرد. ويعزم لعرس الحصاد من بعد الحصاد، الحرمة اخت الرجال. بالنبتة تحنّي كفوفها والرقصة صبّاحيّة بالمدراية والشاعوب.

بين الشرقي والجّرد جعفر ناصردّين من الشرقي للجّرد الحصّادي محتفلين. جعفر ناصردّين، الحصّادي محتفلين. جعفر ناصردّين

4 من الشرقي للجرد

عالجرودات ... 
احفظوا هذه الكلمة جيّداً

5 عالجرودات

طفّار صحاب الأرض ايه يابن عمّي جعفر ناصردين

نزلوا الطفّار وصلوا عوسط بيروت
عالكروش عالبدلات عالشركات عالبنوك
عسوّاح عمطاعم الدعارة بالعواصم السياحة بتقتل ناس عتعمير هدّ بيوت
عحاخام بعقال منكّر حتّى يفوت عهوا من باطون جامع حرامية كون أنكل سمّ مصّ الدمّ تلوّن مية لون
تعدّد جنسيات و معاليك عم بتشمّ
والتحرّي عم بيحرّي عم بيخرّب بيوت البشر
إنجاع الشعب ياكل حكّاموا ما ياكل حجر
نصب إحتيال قبض حقّ الإغتيال عقانون قوي علينا مدعوس من السوليدير
فتفت نظامن لمّا فات بلعبة موت مات بريال الإنتخابات لليهود السندات
للخلجان أميركان أوروبية و روسيات
بسترباكس كوستا كوكاكولا مولانا ما في مطرح للفقير بوسخ وسط الغنى
متل ما بلعتوها لبيروت رح تبلعكن متل ما حرمتونا بالبقاع رح نحرمكن
ماشي
عم بتهدّد الطفّار حبّس شعبة معاليك
روح حبّس صبّاط للعدوّ مدّ الأيد روح حبّس العمّر بنى قصور بدم عبيد
يطلع يتلف رزق الناس حتّى يورّد كوكايين
تعيش و تترحم تتذكّر بيروت سوليدير
بدّا تموت حتّى نعيش بدّا تطفي حتى نطسّ
هاي مش شرم شيخ اللص هاي مدينة منوّرة
هاي للروي البدها قصّ
شو بتترك لليهود بس تخاف من غنيّة
بس تخاف من غنية ولا شو بتترك لليهود آه؟
ناصردين جعفر

هيدا البلد هيد الشغل هيد الحكي ماشي
هيد النصب هاي السرقة هيد الكفر ماشي
من عتم بيوت الناس شعشع وسط بيروت
عالوسخ التجاري إبن بعلبك ما بيفوت
هيدا البلد هيد الشغل هيد الحكي ماشي
هيد النصب هاي السرقة هيد الكفر ماشي
من عتم بيوت الناس شعشع وسط بيروت
عالوسخ اللتجاري إبن بعلبك ما بيفوت إبن بعلبك ما بيموت إبن بعلبك ما بيموت

الطريق نزول
من الهرمل عابيروت
من فوق بتشوف علب كبريت مركّبين عن الجسر غرفة نوم ما في حرمة للبيوت
الإضاءة موزّعة بين مناطق شعبية و أحياء للطفّار بالمدينة مهدّدين
محاصرين وسط
و محاصَرين بوسخ تجاري ببيروت متحدين
هودي بنوكي مش لإلنا أمّن حق التابوت
مجتمع مقسّم طبقات حتى بس تموت
مفكّر كل من مات بيندفن ببيروت؟؟؟
ماللي احتلّوا القدس نفسن هنّي احتلّوا البلد بشركاتن بالمطاعم باللي لبّس قبّة جامع من كتر كفروا دهب
عمّر بار الحيط الحيط محلّ صرامي بدل البيت
بعد إحتلال البلد بلّط نصّ البحر
النورماندي من عنّا لقبرص صارت جسر
عمارك ما بتساعوا الأرض علي بعد طلوع
بالسما بساط الريح صوت الفقش الطقش الرقص
مع طلوع الفجر أعلى من صوت الأدان
وهيدالجايي ليستثمر موسم سلم و صيف
قللّي شو كان عامل لمّا كانت هالأم كامل عم بتوزّع هدايا ممضيّة بخط اليد
عالضاحية لبعلبك كل الجهات جنوب
والشركة عم تتوسع تحقق بالأرباح بتأجر بتبيع بتحالف مع خليجي بتتحوّل عالمية برعاية أميركان
عم يحموها الأبطال تحريّة موزّعين مسعّرين بزواريب ممنوع عليها تفوت
مفكّر إبن بعلبك بدّو يسكت عالحرمان؟
ما حدا ناطر منكن حقّ بيتاخد بالقوّة
بكرا الثورة يابن عمّي تقتل كل كلاب العصر
تطرد كل ملوك القصر
تدمّر شركة سوليدير
ترجّع كل حقوق الشعب لأصحاب الأرض
يابن عمّي من الهرمل عا بيروت ضوّي سوليدير و عتّم عالناس بيوت
يابن عمّي

6 الوسخ التجاري

لكل ام شهيبد

من البوم صجاب الأرض

7 لكل أم علي

النسخة الصوتية للحلقة رقم صفر من برنامج البوتقة
تجدون الحلقة المصوّرة الكاملة على صفحة بو ناصر على فيسبوك
https://www.facebook.com/Naserdayn.touffar/videos/2080403585316938/
هندسة صوتية: جندي مجهول
موسيقى الشارة: هالو سايكليبو

البوتقة - الحلقة صفر / نسخة صوتية

النسخة الصوتية للحلقة الثانية من برنامج البوتقة
تجدون الحلقة المصوّرة الكاملة على صفحة بو ناصر على فيسبوك
https://www.facebook.com/Naserdayn.touffar/videos/2122948534395776/

بو ناصر الطفّار - عشر طيور (البوتقة حلقة 1) - نسخة صوتية

Bu Nasser - Aneej - 2019
Produced by Bu Kolthoum
Artwork By Mira Abou Malhab.
Recorded in "Radyo Modyan" Istanbul

Bu Nasser Touffar - Aneej Prod. By Bu Kolthoum

Bu Nasser Touffar : Hexaphobia - 2019
Music Production: Hello Psychaleppo

For the official video: https://www.youtube.com/watch?v=oIMREtsNRdo

Bu Nasser Touffar - Hexaphobia (Prod. By Hello Psychaleppo)

مش رح ترجع تركب
مش رح ترجع تجرح 
شوف البلد كيف بزقتكم بطل الكم مطرح

وليد وسمير وسامي مفكريني هبيلة وناسي
الشعب استيقظ صاحي الشعب استيقظ صاحي
إذا بقطع هي طرقاتي بحتلها هي إداراتي
ثورة مطالب مش جبهة محاور 
تنعيش هي شعاراتي
وسع بحدود خياراتي
للكل هي ايتيكاتي
شعبي مكسر أصنامه فلتسقط مستحيلاتي
هيدي الثورة رح تجيبها شو بعد عندك هاتي
لو بتعبوا المليون وحياتي الأعظم آتي

شوف وين صرنا شوف وين صرنا
شوف شو بنينا شوف شو كسرنا
وحدونا بالعذاب صرنا شعب فانتصرنا

والأجهزة يما الأجهزة فلتانة يا عمري الاجهزة
عملا وقمع وتلفزة، منتشرة بكل الألبسة
وصفات تخوين مجهزة ولحشد العصب المذهبي
تسقط أحقاد الماضي عجتتنا بترجع تركبي
بلبل بندير الكركبة، بنرفع عن عورة عنصري
ورقة إصلاح المهزلة
حقي مانه عند اللاجئ حقي البنك المركزي
نحن مش جبران باسيل
نحن الموت لاسرائيل 
نحن ماننا بن سلمان
بس كمان ح تستقيل

شوف وين صرنا شوف وين صرنا
شوف شو بنينا شوف شو كسرنا
وحدونا بالعذاب صرنا شعب فانتصرنا

الراس - شوف

من مقابلة بو ناصر في برنامج جو شو، عهد التغيير

عهد التغيير صحّ، بس من سيء لأسوأ
من مستقبل رمادي غامق لمستقبل كلّه أسود
من زبالة عالطرقات لزبالة بالشرب والأكل
وزير بيزعل من وزير بيهدّد بفضح "القتل"
غير شكل بلبنان
عهد مطامر سرطان، فساد جمارك أمن عام، سرقة أرض ومشاعات، عهد مطامر دين عام
بالآخر التتبيلة بتمثيلية بلطجي
الكاتب بوست بيشدّوه، لكن تمّن بيسدّوه لمّا يكون في عالشارع شبّيحة وخرطشة
معاليك، خرّيج الحرب الأهليّة
خلّي اليد من حديد تلاقي مقابر جماعية
تلاقي مطالب بالعدالة كان يدبّح عالهويّة
تلاقي رخص عمار لشعبك قبل ما يشطّ ريالك تكلب عإعادة الإعمار بسوريّا
نسينا المحكمة الدولية، ومصاري الله اللي سحبتوها من معاشاتنا زي ما هيي
هاي بهيّة
هيدا عهد الانتصار والبسطار اللي تارك لشعبه حريّة الخيار بين هجرة وانتحار
بين النومة تحت الجسر او الشغل طنعشر ساعة حتّى تدبّر الأجار
ومن بعده شغل تاني
مش مفتخر معاليك، هيلاهيلاهو
طالما انت بالحكم راسي بالأرض ومدعوس بس اذكر انّي لبناني

Bu Nasser Touffar | عهد التغيير، محكي

شوف عمي، بطّلنا مدح الصنّة
رح نقدح طنة ورنة بدل الزنّة بالحنّة
وندبح حاكم بنك بالأعراس بدل الغمّة
قناعتنا كنزن هني. ولا لا ؟

لما تقلي المال زبالة وانت حاشي تمك فيه من زلعومك رح اسحبه
اللي بينصحك بالصبر غني او جبان فقير والتنين خافوا يخسروا

فكرك حلمي كون حاكي بلسان المحروم كون كاره ومكروه شو مع فقري ماضي عقد؟
واذا طمعت بيوم النوم مريح يكون يعني صرت جلدي خون اذا هديت امي عقد؟
مبسوط كون بالشارع مضروب من عرصات ؟
موضة تلات صبيع عنا يبانوا من الكلسات ؟
هواية نجيب نص ربطة خبز وتلات بيضات؟
قيمة نطبق العدالة عنا بجوع ولاد؟
هيبة لبس سواد بالحداد والعياد؟
فرحة نبدل لبس ولاد على إنه تياب جداد؟
ديكور قوضة قعدة يكون فيها تخت وبراد؟
فقسة فضل جهنم الله عهالبلاد؟
شوف عمي، مرة تانية لأني محمحم قلبي وناطر هالمقطع من سنة لغني
مين العنده وطن بس بيفضل المخيم؟
مين العنده تخت وبحجار الرصيف متيم ؟
مين؟
مين بيعشق السجان؟ مين اللي بيعشق الكلبجة والحيطان؟
مين اللي بيفضل صحن الخرا من النظام على صحن اكل امه
ولا لا؟
مين القلك انو نحنا منهوى البؤس؟
شو اللي بيتعب من الشغل بيكره يتعب من الرقص؟
مبسوط بالشحار؟ شو حمار؟شو بيكرهوا البيوت لأجل الجرود الطفار؟
كني بحب عد شو ضل معي كل ما ليرة ادفع؟
فجأة وقف أكل اصلاً ما بيسوالي اشبع
شو منكره نفرح؟ بيوجعنا الضحك ؟
منقاتل اللي فوق يعني بدنا نضل تحت؟
دفا تحت، بس نحنا منحفظ بمكان بارد
أخوك الناصر عهالمقطع بعده سارد بس خلص القلم
صار لازم اختمه، بس لازم ارجع قبل ذكرك انه
لما تقلي المال زبالة وانت حاشي تمك فيه من زلعومك رح اسحبه
هاللي بينصحك بالصبر غني او جبان فقير والتنين خافوا يخسروا
ولّا لا؟


غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
"هاي الجملة قلتها غلط هاها"
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار

لما تقلي المال زبالة وانت حاشي تمك فيه من زلعومك رح اسحبه
هاللي بينصحك بالصبر غني او جبان فقير والتنين خافوا يخسروا
ولّا لا؟

Bu Nasser Touffar - Walla la (Live From Joe Show interview)

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار والرأس

Bu Nasser Touffar : TAR - 2020
Music Production : @HelloPsychaleppo

Lyric Video:
https://www.youtube.com/watch?v=CLmtwDSzei4

Bu Nasser Touffar - TAR (Prod. Hello Psychaleppo)

Bu Nasser is a Lebanese rapper and writer whose music speaks for the silenced and the marginalized. Since launching his career with Touffar’s As7ab El Ard in 2009, he has become one of the most commanding voices in Arabic rap, blending uncompromising lyrics with raw energy that turns every show into a collective experience.
From the streets of Lebanon to sold-out venues in Turkey, The Netherlands, France, Switzerland, and Germany, Bu Nasser has proven his ability to move massive crowds and headline some of the biggest rap events in the region. His performances are intense, urgent, and unforgettable. transforming audiences into communities bound by rhythm, resistance, and release.
In 2025, he released Limbo, a groundbreaking album that captures the turbulence of the present and the weight of a haunted past, created with forward-thinking producers from the region and beyond. The album’s release tour marked one of the year’s biggest independent rap movements, cementing his place as a cultural force who thrives on collaboration, innovation, and impact.
Beyond music, Bu Nasser is also an acclaimed novelist, with two published works that have reached international literary exhibitions, expanding his reputation as an artist whose words hold weight on page and stage alike.
For promoters, fans, and collaborators, Bu Nasser represents more than rap, he is proof of how art can electrify, unify, and leave a mark long after the lights go down.