Rap-Arabic

hip hop & rap

Touffar

Arij

Arabic Rap

غناء: ندى الشاذلي
كلمات، ألحان، توزيع، انتاج: الراس
الرصاص الحي: مقاتلو طرابلس

أغمد سيوفك ما بهذه الأرض حق
أغمض عيونك عن عيونك واستفق
كل هذا الشعر في الأصل لثام
صلب ألباب العرب، لا يلين لا يرق

استرح من ضباب لا تنتهي فصوله
من ذباب جائع من حلم مأكوله

مقل مدورة في جيف مسمرة
بين جحيم مفتوح وجنة مسورة

لاحقين بقيصر وصاحبي لم يبك
تعودنا الميسر
عظامنا أطلالنا فحتمنا أن تكسر
العظام من بنياننا، أن نخسر
فألنا في شامنا، يميننا في ميسرة
أفعالنا مصفرة، في اليد صرت خنصراً
فكن نصف نبي في غاره تدثرا
وما سرى في فتحه منتصرا

سيوفي غيث تغمده الغمام
عيوني اثنان يمان وشام
سمعت شمالي الآن استقبل يميني
سأزرع الغار من ورود النار
وأخلع الدثار فالشوك يقيني
والشك يقيني من حبري الكرّار
يذود عن زرعي بباب الغار أسدُ
وترسم الخيال خيول الشعر تعدو
وتحمل المياه طيور الشوق تشدو
شوقي لله كسر، جبريل ما جبر
مع العسر يسر في قلب من صبر
عصر الصحراء هذا، طوفان رمال

خذ من الصحراء شيئاً من همم
كن صرخة الصوفي في وجه العدم
جدد على شكل الصبابة عهدنا لله، أو بالله
لله در العقل ما أغناه، ما أهناه غير الآه
رباه هذا الفتى اضناه بين القاف والهاء اقتتال
لا قابيل، لا هابيل عبادتي الإقبال
قرباني الأفكار، مسقية بقبلة القلوب في الأذكار
إنكار لخدعة الدستار،
 طوبى عراة الرأس فالدستور
أن تعتنق أقوالنا الهوى، ويقتنع هوانا
برقصة السؤال في الأقوال
لا أقسم بمواقع النجوم
إن ترسم الدوائر حول قبلة تدور
تصير،
سلالم الجينات حمضاً في النواة
يذوب المعارض، ثائرٌ يحوله
فلا تقل تشوه بل سمه اختبارا
بالحب يتفوه
فإن غدا بقاؤه احتمالا
في الغاب جال
دون أن يموت،
دون أن يضيع في زرقة الفيروز، وحمرة الياقوت
صار للعقول والقلوب قوت
موسعاً مساحة الناسوت

ندى الشاذلي والراس - أثر نواة

Dam is a Bollywood film - الدام فلم هندي

They say that Bollywood movies presents a song every 5 minutes!
DAM is a Bollywood Movie 
يدعون ان الافلام الهندية تعرض اغنية كل ٥ دقائق - الدام فلم هندي

Dam is a bollywood film (FREE DOWNLOAD)

ناصردين الطفّار - ناي 
انتاج موسيقي : جواد نوفل "مونما
مشاركة صوتية "مقدمّة الأخبار" دانا مهاجر
تصميم الصورة : محمد السعودي



حققت قواتنا الباسلة انجازاً نوعياً جديداً في مستعمرة حمص ، حيث تمّ القضاء على الطفلة ناي ، بعد معركة شرسة امتدّت حتّى صباح اليوم الجمعة .. مزيد من التفاصيل من ساحة المعركة مع مراسلنا المأجور تضليل اعلامي ، تضليل ... تضليل

بحمص خلقت ناي من الطفولة ارهابية
منّا طفلة زغيرة هاي مندسّة قطريّة
مش عم تبكي لأ بدها قوّة دولية لتعلّما الحكي يعني الكذب
- بالمختصر -
مش سوريّة ناي هويّتها مزوّرة
بوها اسرائيلي مسقط راسا انقرة
اللهاية اللي بتمها مغطّسة ببترول
يوم الخلقت ورتّوها بالعراق حقول
صح شكلا بنت لكن هيي مخرّب
هيي و عم تدبدب للقاعدة بتقرّب
زغيرة بعدا يعني الله مدري شوّي
و مع هيك يخي تأكّد انّو ناي طائفيّة ..

اعزائنا المستمعين نعتذر عن عدم الدقّة في ما ورد في المقطع الأوّل فهو يندرج في اطار غسيل الدماغ الذي يمارسه اعلامنا العربيّ دوماً لتحويل الضحيّة الى وحش كاسر .. ناصردين ، الهواء لك .

بحمص خلقت ناي من الطفولة يتّموها
قتلو أبوها جنود شكّوا انّو حرّ
اني حرّة اوّل كلمة ناي نطقتها
كتبتها عكرتونة هيلكوبتر حرقتها
لعبتها سمّتها حطّين
و فستانا بعلم فلسطين
قتل خوها الأسد قتل اختا التكفير
و راحت ناي بين جرين حريّة و تحرير
حلمت تكبر و تصير محامية لامعة
طحن حلما جنازير دبابة ممانعة
كل الدني يخي اتفقّت عناي
كلّو نهش لحما دمّا ارخص من الماي
توحّد سيف الحاكم و الكافر عرقبتها
خبّت ثورتها بالقصير دفنتها

كان هذا كلّ شيء حتّى الساعة..نشكر لكم حسن المتابعة و الى اللقاء

Naserdayn L Touffar - Nay (PROD. MUNMA)

عبالي تف عالايقاع نص طالع من المعدة
خايف المايك يدوب الكهربا بالراس بتعدي
عهدي عنفسي قول لاشباح الموت ابتعدي
متل كتاب الموتى الكلمات بتعيش بعدي
خط لكمة، بكل كلمة لكنة طعمة
متل المصلوب ما كل كلي من بعضي
نعمة، بس مش ضابط بدرعا
أنا ظفر طفل صار لتجار الثورة مرعى
بدل ما تخاف عالرب بقلب الجوامع
خاف عالرب بقلب طفل مكسور جفنه دامع
سامع؟
بدل الثورة بعمل مية
هي مش لائحة طعام وانت بتنقي القضية
طرابلس والقاهرة، تونس عمان بيروت
رقصنا أنبياء يونس ببطن الحوت
قريش هون بس بطلنا ايلاف
لك الراس مش راس الراس رؤوس بالآلاف
تصالحوا الملائكة تحرروا الاكتاف
أكداس أهداف أنا بالبيت مش ضيف
لا أكياس رمل ولا موسم اصطياف
زهر زجاجي عم ينبت عالبترول
فتحسس بالربيع وقع منخار أبو الهول
عراس مثقفين متحف شيخ ابو المول
وجع الراس ببلاد البانادول
بدل ما تخبطه عالحيط
بتخبطه عالwall

أنا الراس من جسمي
وعم خاطب راسك فيك
على ايقاع قلبك لأنه الراس ما بيكفيك
انتاج ضو برقص
خلايا الدماغ بالرأس
فأس تقطع ايد اللي بتمتد لتطفيك
الحرية روح العصر بس الروح صنعة
فالحرية والتعب متل الروح والدمعة
غرقنا بسواد فكرنا النعي وعي
صار الفعل بالكلام لما الكلام صار لعي
دعي الواتساب من يديك وتعي معي
مش عالروف، أنا بطريق مش خروف
بدنا نرجع عالبداية مش بس النقط 
الحروف بدنا نعيد رسمها
للحروف أرواح فما بنوقف عند جسمها
كونها قصة قديمة من الهند أصلها
فما تفكر قصدي راب أنا بدي شوف الرب
بالحرف مش بالحرب
لأنه الفاء التفت، روضت الأنا فالنقطة خفت وفت
ارتفعت لفوق بس الحجاج ما بيعرف
عمكثف بالمراجع حتى بالبحث تغرف
ما بتغرب شمس الحق حتى شم الحبر تشرق
مرن الذاكرة حتى الكلمة تفرق تخرق جدار الواقع
تسرق كمشة من الممكن وعالحدود تهريب تمرق
إذا بنترك المساحة لأصناف إسلاميين
غير باسراء جماعي ما بنشوفها فلسطين
فرق بين اللطم والتلطيم، بين الحكم والحكيم
تفصيل رجيم
متل النبي الثوري طه بتدرج بالأيات
أنا لست المتنبي، أنا شوي بموت حتى تعبي حياة
نصوصي من بعدي ائمة أهل البيت
لنبات بأمان، بيت لكل المظلومين، مش ضيوف المخطوفين
ثورتنا بالسماع بوطن مكفوفين
بس في راس كيميائي مضروب ترامادول
بيتلخص نهجه الفكري بمشاهدة the wall
الpink floyd بس الفيسبوك أزرق
بيضل حلمك جوا ملحك جوا إذا ما بتعرق

الراس و مونما - جدران المعدة

Music by Munma
Mastering by C-drík 

عم يقولوا الناس عنّا إننا بنعمل غير الناس
وإنه الناس بتحكي عاطل لما بتسأل عنا الناس
وإنه عيون الناس علينا برتبطنا من ايدينا
وإنه الحرية بالأكل، الهوية والشكل بيكونوا عذوق الناس

طب مين هالناس؟ بركي بدهم تطبيب بالأساس؟
بيعطيك إحساس إنه ملائكة وخنّاس
إنه انت شقفة فحم بين حقول ألماس، تيس
مين الناس؟ مصلي الصف الأول؟
حج عند مرته بس مع صاحبته بيتحول
سماهم في قلوبهم، بيسكر بزبيبته
الجبية حبيبته
ما حدا بتطول لحيته بسبب فائض طيبته

مين الناس؟ هيدي البياعة السراقة؟
برج مراقبة تقول التجارة غطاءها
"هذا من فضل ربي" مترين عالمدخل، بس لسانها ما بتضبه
هوّا عمنقل
إذا شوي دمها بيتقل، جرحها بيلزق
بضاعتها فاسدة، قد ما بترغي عليها بتبزٌّق

كرمال عيون مين بدك تحبس بنتك اختك؟
كرمال عيون مين بدك تتركي المطارح؟
كرمال عيون مين بدك تخاطري بصحتك؟
كرمال عيون مين بدك تتخبى بمبارح؟
هيدي مدن أو مسارح؟
شاشة بيضا بس بالكواليس مذابح
عنّا، لو المسيح قال من كان منكم بلا خطيئة فليرجمها
كنّا صلبنا المسيح وهتفنا: انتم كفارة ذنبونا فلن نرحمها
شلحت حجابها خففت تيابها وما كتبت كتابها هربوا العرسان عن بابها
حشوة سم بقلب ورق عريش، نوع حرص غريب
سكاكين بمخدة ريش
بنعتل همها وبطريقنا بنحكي عنها
بننشح عرضها بالحديث، ملا شرف خبيث

عم يحكوا عليك الناس من الجنّة والناس
خلي براسك هالوسواس، سكر برادي الشباك
قطش ايديك بايديك حتى تتسلم الكاس

*2

إذا الأمهات ترباية حريم سلطان
رح يطلع فرويد غلطان واوديب فلتان
عهبل صبحيات مدامات لبنان
إبن ناس ابن عيلة أهله جماعة أكابر
بيسوق رينج روفر وبيه مأجر بلدوزر تيرفع صورة زعيم
إيه لأ والنعم، داعسين عالفهم، توريت للجهل
بس شو معلم "من شابه أباه ما ظلم" !
اللي خايف اذا جديدة الحالة بيخاف من حاله
شايف عين لاحقته وما بتتركه بحاله
بارانويا، بارانويا، غطي وجهك بويا
إذا كان الخيط بالإصبع فالمخ يو يو
مجتمع نميمة مطبخ أفكاره فاضي فعلحم جاره الحي عم يعمل وليمة عزيمة
وبيرجع بيحكيك عن هيدي الأمة العظيمة
قال شرف البنت متل عود الكبريت
بس شرف الشب قداحة
شرف معبأ غاز، رجولة مساحة
متل اللي باع حمص وبده يجاهد بالقرداحة
ففضي الساحة، تتسبح الإباحة
ببركة التكرار ياللي حتى الحمار بيعرف ياخد منه راحة
إقتصاد رعوي، اغتصاب فموي
فكر مخنوق بيعمل التهاب رئوي بصدر القعدة
حط واقي فكري لسانك مرض معدي

الراس و مونما - بشرفك

El Rass & Munma - Take it from Jamaleddin's hand.
Mastering by C-drík
قال قاتل الشاه ناصر الدين عندما طعنه: خذها من يد جمال الدين (الأفغاني)

طال الحصار، طروادة بمئة حصان
تخريب إسلام، تهريج من دون ألوان، أسود
نملة شرك عحجرة كعبة مدنسة
فرس وترك عدين أمة مهمشة
إسلام سياسي نتيجة فكر مستشرق
الروح تارك بهم الجسم مستغرق
فرق تسد، خوف وحسد
رعب وجسد، منطق MTVات
فلسفية أقليات:
اعط السنة مظلومية يحسوا حالن أقلية
وهني بين المسلمين أكثر من 60 بالمية
غير بالتشيع الشخصية المركزية
من حكمة ابو الحسن للبطولة الحسينية
الأعمال بالنية، يعني الغاية لا تبرر
وإذا كان الجيش حر مش يعني الوطن تحرر
أنا الشك متل توما
فالحبر (بفتح الحاء) ما بيعترف فيني
بين داريا ودوما بين الحبر (بكسر الحاء) والسكينة
كينا بسهل حوران، من غرفتي بسرح
عبالي قول للبعض إنه القلم بايده بيجرح
عفن عاللسان من كتر الجبن وضعف الايمان
وهن، بإدراك علاقة الحراك بالزمن
رافض تقليد مجتمعه، بس لافف عمخه كفن
بتقاليد مجتمع تاني اندفن
فصار مجرد فئة
طلاع من  راسي بقا


الشاب تعب ما فيه يحمل قضيتين
بده نص القلب بحلب ونص التاني بفلسطين
طريق غلط مختصر، تشقق شبكية شوه البصر
جزأ المعادن من صخر لحصى
لما سيل قوله انحصر بحنجرته عصيت عصا
بتذكره بشكل عقمه بعد ما انخصى
رصا..الطلقة سبقت الصاد بصمته
مرخية همته بيحلف بأمته ما بيخاطر بذمته
عمتم مساءا:
صباحا جايي التحرير، بس عآخر لحظة اجت مؤامرة بحجة التغيير
فاضطرينا للتأجيل
حبل الكذب قصير، عفواً قصير
الشاب يطالب يكون للثورة تفسير
شوف ثورة الصليب خلت وراها كام انجيل
القضية واحدة: كيف شايفن قضيتين إذا كانت الوحدة نية؟
الشاب اشترى كوفية، فكره يطلعله صك غفران هدية
لما اختلطت الألوان صارت الحطة مجرد لفحة رمادية
خطة رد الحطة بتستلزم أعيد ربطها، ازرعها حنطة
من غزة لعكار، من بنت جبيل لعكا 
من العقبة للرقة
تلقى تلقح، شكلك بارد ومتلفح بوجه مسطح
زهر آكل لحوم وعالربيع فتّح
يا بتتسلح وبتصوم رمضان شلّح
يا بتتشلح بالمقلوب: تمر بلّح
في جرح عم يتملّح لمطابخ بابل صرّخ 
دور عمالمحورين في مليون خيار بيفرّخ


الراس و مونما - خذها من يد جمال الدين

ولما قسا قلبي وضاقت مذاهبي رفعت رجائي نحو عفوك سلّماً

كلّ يوم عاشوراء، كل أرض كربلاء، كل مظلوم حسين، كل ظلّام يزيد
في كلنا كل ذلك فقل لي كيف ينصر المظلوم دون أن يكون في جلد الجلاد هالك؟
لدرب الظلّام سالك؟
هل تظن أنّ منا من للحق مالك؟
تمالك نفسك!
الوسط في اللغة قمة الجبل، النصر بالسواد دنس بلا حبل
موقف بلا عمل، ثورة على عجل
خشب مصفق لأقدام ممثل 
أنت المسروق وأنت المحصل
أنت المشنوق وأنت المتأصل في حبكة الحبال
مع أنها أمانة لم تحملها الجبال
عقال ما دونه عقول، حضيض ما دونه دون
عبيد متعادون، خلف طغاة...متعادلون
كلّهم بادون، كلّهم أظلم
العين والسن لا يخسرهما من يحكم
ما الأحكم؟ بالرأي الكتمان أم ينطقني الظلمان؟
بل مظالم بأعداد العباد، كالطريق للإله
ترى ما كان جرى لو الحسين انتصر؟
هل كان صاغ المجزرة؟
كل مظلوم محق حتى تشاد المقبرة

سيد الكونين اقعد وشوف حسين
على الثرى مظروح يبكي ويدير العين

الراس - في حضرة الحسين

I`M NOT A TRAITOR - انا مش خاين

على الحفة مشروع رواية موسيقية انتاج اسلوب بلاشتراك مع 
تهاني نصار (الراوية/مريم)
عبد الجبار خمسة (ابراهيم)
مقدسي (ابو داوود)
ساطي (الشيخ)
اد عباس (المخبر)
ابراهيم غنيم (رابر الحارة)
شكس العلي (الجار المزعج ) 
جزار(محمود) 
فرقة قمح (زبون ابراهيم )1
الشاعر عبد الرحمن جاسم (وسام السلفي )
شاهد عيان (ابو ابراهيم)
مولتوف (احمد)
جعفر الطفار (تاجر الحشيش )
رامي سباعي (الشاب السوري)
اسلوب (زبون ابراهيم 2) و من سكان المنطقة 
موسيقي /ميكس : اسلوب 
فلوت:نيسم جلل 
جيتار/باص: زياد صادر /اسلوب 
درامز في المشهد العاشر حسين قمح 
كيبورد :لؤي احمد في 2 .10 .17
رسم وتصميم الغلاف :زياد صادر 
شكر خاص الى افاق على دعم المشروع و (ابو غابي.حسام نيهوم .عيسى المقداد .عبد الرحمن جاسم .تهاني نصار .احمد فهيم .محاسن المصري .عايشه سلعوس .روز نكد .علاء العلي .مولتوف.عبد الجبار .جاستين دي غونزاغ.زياد صادر  )

المشهد الاول

المشهد 15 (تاجر الحشيش )

ناصردين الطفّار - قمم
مستوحاة من قصيدة قمم للشاعر العراقي مظفر النواب
انتاج موسيقي : وتر (من لتلتة )
تصميم الصورة : محمد السعودي

اللازمة :

قمم قمم معزى على غنم 
ملوك وسلاطين شيوخ بازارات الأمم
قمم الأزياء و نفط مضرطة بنغم
دفع قبض استسلام حشم و خدم

ضحك عالدقون أكل خرا عض صبيع
مزايدة عبعض مين اللي ارخص بيبيع ؟
حريتهن ذل و عودتهن تطبيع توحدت كروشن بس الوحدة عالتقطيع
دمك للتوازن و لحمك للتضامن ، المجازر و التنازل كيف بيجوا بالتزامن ؟
حرف الضاد مش عم يحمي استجدي من جلادك رحمة .. المنابر حكي فاضي بس بالحمام الوحدة
الطهارة قذارة و الحقوق يعني خسارة و الشرف تجارة و الدعارة يعني قيم
عالرئاسة حمار بس ذكي لما شعبو نزف دم حمل سيف و بكي
سرق الانتصار معو مصاري الاعمار مثل بلدو بقمة لت و عجن حكي
الملك الملعون اللي بيبرم كل الكون حتى يسوق البترول بس بيعقد قمم
عار علينا اذا شارون مات ما انعدم
اجتماع عربي امريكي روسي التأم بلشتا لا  و لم و لن خلصنا الدفع كم ؟
سمو نعجة جلالة كبش بغل محترم

(اللازمة)

هاي قمة القمامة
كلن نتنياهو مهما غيرو الاسامي
كلما حكو عفلسطين زادت العمالة و كل ما دعمو الثورات فيها كترت الرزالة
انت مصدق حزب البعص بدو يحرر فلسطين و آل سعود الهن علاقة بالدين ؟
هاي قمم كاميرات تغندر قداما الحكام متل العاهرات
سكرو بدم شعوبن حتى ينامو بالقمة ـ الأفعى بطقم او دشداشة رح بتضلا مسمة
اكل و نوم قتل و حكم عمى و صمم بنسوان و مال الأمم عرب الله باعو الدمم
عاش مظفر النواب و ماتت كل القمم

ناصردين الطفّار - قمم (معزى على غنم)

إنتاج : أسلوب
فلوت :نيسم جلال
باص : زياد صادر
إيقاع : حسين قمح

الكلمات:

"تحت رحمة مدفعية".
أسد وحش غابة ما لازم يحكم بالبشر
بيسوى تشوي لحمو إذا انقطع لحم البقر
ثورة بلا سلاح قلي كيف بدا تنتصر؟؟
طالب الحرية  بقلم يسندو فلاح 
مرا حجابا من كوفية صدريتا جعبي
ولد يعطي إحداثية و الجهاز بإيدو لعبي
قائد الميدان ما بيفكر بالسُلطة 
و المصاري حق سلاح جمّعتا الناس 
هيك كان لازم إنو تكون بالأساس
بس الدعم إجا من اللي باعوا الأرض كُلا 
إبن الهاشمية ,سعود,تركي بن عبدالله
من اللي غرّقو بالدَين ل صدام
شريكو الشمّت فيه ع حبل الإعدام 
من إسلام بلاد الشام بندر بن تيمية
و صواريخ صارت تنزل عشوائية 
و دبح عالهوية
و قائد الميدان ضاع ب زواريب قصر تاني
و التفجير سيارات عالبشر فلتاني 

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

مصر كانت بعدا عم بتجرب مرسي 
و البحرين ملك الله ما شالو عن كرسي
فتحلي دفتر سايكس- بيكو ل نعيد التقسيم
ما القصير بدا تصير مطار بهالقرب
حولا عدرا قارة وادي النصارى و النبك 
قطاع الدرب من العريضة عالغوطة الشرقية 
ما الخلاف عالخلافة بعدو بأرضو 
و بقي الشعب وحدو تحت رحمة مدفعية.

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

تحت رحمة مدفعية

الراس:
هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا


الراس وناصر دين الطفار (انتاج مونما) - لبنان 2

الراس :

هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا

Naserdayn Touffar & el Rass- Loubnen 2 (Prod. Munma)

كلمات و أداء ناصردين الطفّار
انتاج موسيقي : مونما

الكلمات

انت مغلط اذا مفكر انو جهنم بعد الموت ، اني عرفت جهنم اول يوم خدت نفس
اول كلمة قلتا "بدي" تاني كلمة "البدكن ياه" يمّا غمّة بالقطيع يا أمّا بتندعس
الجنة يبن عمي ما بتجي من رياضة قوم و قعدة الجنة بسمة بوج فقير بإيدو تنكة ايفيس
جهنم للي جاعت بنتو ركع و صلى
 الجنة للي سرق اكل حاكم و طعما
كل ما اجو الشحادين عالسيارة علي الصوت علي قزازك و اكتب عالفيسبوك الله للفقير
الله يبن عمي محاصر باليرموك ، قلي ضب لسانك لا كلاب الملك يرموك
الله ولد يبن عمي مع ولاد درعا ، بزواريب جبل محسن عم يتوقى القناص
شوفو صوب بعلبك موجود بكل ضيعة ، عالرصيف مع شغيلة الفاعل عالبحصاص
طافر بسهول ما بتتسعر بالمال مبدل اهله بسلاح و جاره باحتلال
شاف بعينو النبي شيت خاوى نبي بقانا مات، بعدا ببالو دولة سمت اشرف حرب مغامرة، عادت عملت ثورة اشرف شعب مؤامرة
الله منو بجامع فخم الله بالمخيم، فلاح بسهل القاع و بحلب عايش بالرعب
طفل بعرسال استشهد طلعت روحه بعيتا الشعب
الله عنده حقوق ولو ما عنده صواريخ صوته من صوات صريخ اسرى التعذيب
دم الحق ما بينجمع مع الجامع معه مصالح مع القلك قوس معك يوم القبض قلك صالح ، الله ما في عنده حزب ولا تيار سلفي
الله بري من كل دين حق المرا منو في
لما تصلي للرب لا تتوجه صوب الكعبة الله عاف آل سعود بوجهن لبس جعبة
الله ناس بلحما الحي صوب القدس مجمعة عم ترعب لدورية ملالات مدرعة 
بالبحرين بدوار اللؤلؤة
و بمصر ضد الكل بميدان التحرير
بسورية عم ينقصف منو بقصر الامير آمن ، آمن ..

ما بدي موت بانفجار صدفة للاقيك
ولا بدي ذلي بهالدني يعطيني عندك جنة
يا رب
لو بجهنم صفيت .. جهنم للي جاهر باللي بقلبه ، جنّة .



براءة - ناصردين الطفّار (موسيقى مونما)

جعفر الطفار 
مقدسي 
ساطي
احمد رفعت :دف
ايقاعات :حسين قمح 
انتاج اسلوب
كلمات الاغنية 
مقدسي
اخر الليل ومش نايم عبيت شنتي وراق بس لسا خايف ابصر يمرقوني يا ربي تسهل بدي الحق الطابور من اولو خليني اشهل مبارح دورية مسكت جاري عالجدار هيو صار بنفحة وصار جداري بلا جار داري اتعبت بغبار فجأة قام هدولو دارو قالو امني بالسجن بتلت سنين محدا زارو بتوصلني اخبارو , بديش افوت تهريب هيني اخدت تصريح غصبن عني سيب !! ايدي بعرف الطريق مهوني كانت مزرعة واقف بطابور قدامي جندي ورا اسلاك مربعة حاسس بصربعة مش يمكن ناسي وراق ؟؟ مهي فوبيا صارت عندي ولك فوء يا ! لاء هي صار الفحص دوري خد كومة وراق لتشبع فتحلي باب صغير من وراي وقلي إرجع !
جعفر 

بين أرضنا و أرضكن حدود عليها دورية
و نحن بين الموت و بين حواجز عسكرية

تنين درك حطّو مرا هندية بسيارة
طاروا فيها صوب بعبدا ع مبنى الوزارة
زمور الخطر بتقول كمّشو الأسير
مدري اللي مارق مستعجل موكب شي وزير
مدري نكد دهر الله ما بيرمي الا فقير
مدري الحرية ما لبقت إلا لأمير
و حمامات الأمن العام صارت حبوسات
ل اللي جايي من سوريي ,سودانيي ,فلسطينني
فندق خمس نجوم حبس الروسيات
بس ل اللي معو مصاري وزّع جنسيات
فضلات الناس البطراني عالأطفال مساعدات
غيفارا ما مات
بس البشر ماتوا
لما عالحواجز يخي مرقّوا سيارة
فجروّها بالضواحي روّحوا ختيارة
و الفقير بعدو ناطر يقطع حاجز...

بين أرضنا و أرضكن حدود عليها دورية
و نحن بين الموت و بين حواجز عسكرية
ساطي
صحيت عالخمسة جهزت ودعت أخوي والحجة
دعواتك اللي زمان مش رايح قلبي صابته الرجة
بس من هم الرحلة راحت وبلشت أحسب الغلبة
عقلي بودي وبجيب شكلو بالشمال دعست عالعتبة
ضايع الطريق طويل والنخزة عالجسر إختفت
مريت بسرعة المعاملة بكل سلاسة عطول إنتهت
المرحلة الثانية بين دارين روحي هون وهناك بين نارين
نظام وإحتلال المشاعر إختلطت صفيت بين جارين
باص باصين طلعو خمس باصات بس ملطوعين
بالنص خمس ساعات قاعدين بالشمس متروكين
طلعات ونزلات بوزعو إبتسامات بدون أختام
تقول جاي عدارهم بشيك عالجواز بعطيك لزقات وأرقام
أجهزة ورنات نظرات وشاشات بعدها بتروح عالثالث
عد للثلاث من الجهتين نفس الحاصل خذ عالساكت
بسال عالمارق عشان تحس بوجود السلطة
معاي مش فارق بما إنك بتفتش حتضلك نقطة
https://soundcloud.com/ay-satti 
https://www.facebook.com/GaafarTouffar?ref=br_rs
https://soundcloud.com/maqdesi

مقدسي .جعفر الطفار. ساطى :بين الحاجز والموت انتاج: اسلوب

From the Previously Released DESERT SAGA Mixtape
Prod. Nimrod 
This is a song that Attacks addresses the Machine,  Illuminaty and all the Governments that follow their Demonic wicked plans.. Conspiracy is not a Theory as the current Revolutions Prove

Electric Chair (Rush, E Money,Sphinx, MC Amin)

Lyrics and vocals by El Rass
Produced by Munma
Mixed &amp; mastered by C-drik Kirdec
Art work By Ali.
From the album "Kachf el Mahjoub" to be released in february 2012.
عزيزي الوالد،
القتال مشتعل والاستشهاد وارد
بس الجو بارد
بتمنى تعذر يا بيي رداءة خطي
ايدي اليمين منصابة لاففها بحطة
حلفتك برحمة ستي ما تجيب سيرة لامي
بس يا بيي هون فهمت وحدة حبري ودمي
ولاختي قلها: ما تهتمي
خيك نسج من خط النار سجادة أفكار
رح ترقصي عليها بشي نهار قريب
لما نحرر بلدنا من الجهل المعيب
دم الشهداء لازم يغذي قلوب مش جيوب
نحن بدمنا عمنقاتل والكرامة حقنا
مش تستفيد البدلة وتقبض هيي حقنا
مش تحتى تطول اللحية وتحبسلنا جسمنا يستولي علينا يللي ما بيعرف يلفظلنا اسمنا
عشو اسمنا ثوار إذا كنا رح نساوم
عشو اسمنا أحرار إذا كلنا ما بنقاوم
هيدي رسالة من التحرير، من وديان كشمير
هيدي رسالة من نابلس، من الجوعان بطرابلس
هيدي رسالة من البصرة
من ريف حمص الحرة
من كل محمد الدرة والبوعزيزي
هيدي رسالة من بنغازي
من ملثم بسينا بفجر انبوب الغاز
من تونس، من مهد الثورة
من اثيوبية علدورة
من دوار الشهداء بالمنامة
من تلال النبطية
من رموش عين مقاوم ما بتنام
من سفوح جبال قنديل
من دم شهيد عميروي النيل
من محتلي وول ستريت، من محتجي اثينا
من دلال المغربي، من ورد نبت عكفنها
من ضواحي باريس والمخنوقين بعفنها
من متاهات الغربة والغرقانين بسفنها
كان حزننا يلفنا
والخوف في احشائنا يخنقنا
سليبا كان حقنا، فحق لنا أن ننتفض
فلتستفض أقلامنا، ولتستفق سيوفنا
فلتحترق جلودنا، لتندفق حروفنا
والبنادق
سماؤنا خنادق
محطات الموت غرف في فنادق
ترف للمنافق أن يكون الصوت صادق
شرف للمقاوم أن يكون الحكم مارق
أن يكون العدو في ظلامه غارق
عزيزي الوالد
اتمنى أن تبارك
ثورات جيلنا البطل
لقد شهدنا ما حصل، وما حصدنا من ثوراتكم
غير الكلام في الظلام
غير العتاب والنحيب
وما نفع اقوالنا وجسم معلق فوق الصليب؟
وقدسنا سليب


من ثائر Les justes

انهض للثورة والثار - مارسيل خليفة Enhad - Marcel Khalife

طفّار - من الأوّل
الإنتاج الموسيقي : جعفر طفّار
ميكس : رائد خازن
2012
Touffar - Min Al Awwal
Produced by: Ga'far (Touffar)
Mixed by: Raed Khazen

New track to be released on an upcoming compilation by Stronghold Sound.
Respect to those finding the truths in the middle of the game.

touffar - من الأول

ناصردين

لمّا بدك تحكي بالناس الجوعانة جوع مرّة قاتل اسرائيل لنصدّق بدك رجوع
في حرامية بسترزق من الثورة و حرامية عالمعس تنطر دورا
ثورة مين يخي قلّي شو الموضوع نضال مع طقوم في كذب بالموضوع
ياما ناس ماتو طلعوا بزق من القبور ياما حقول انباعت يقبض حقّا الناطور
صحاب الارض هني القتلو الناطور ردّو الارض خنقوا الخونة ال بالقبور
 باعوا لفلسطين عادوا اجروا الجولان بالتمويل الاسرائيلي عمّرو لبنان
هيرولو حصان ابيض للوليد بن طلال و اللي خانن بتموز شريكن بالحلال
جيش سعود بالبحرين نفسوا ببريتال سلّم رقبة للمحتل اعلن القتال
نصر الثورة يبن عمّي لمّا تكون ثورتين ثورة عالنظام لمّا الحريّة يخنقا بعدا ثورة عاللي ناطر نصرا ليسرقا
و ببيروت الثوار تبع كراتين حوّلو المسيرة استعراض و تهريج صار الاحد رحلة تصوير و تهييج
حكّن يخي لاقي نصن تحرية نصن فوق منن سمعانين برومية و بيخافوا من الموت
ممانعة اللي بتعني من حديد ايد فق طاولة تحتا ايد عم بتفاوض تل ابيب طايلة
والعروبة صارت جزمة يتمرجل فيها الكتّاب المن كتر ما شدّوا طقّوا عروقن عبغداد
حسني مبارك لمّا انشال لبس بدلة عسكرية حطّ نجوم دعوس بنت خوّفنا بالسلفية و تلفزيون الدولة متل الدولة حراميها وين ماكان عندو صفة ليوصفنا فيها
 عملا و ماسون صهيونية وجرادين و مذيعة تقول الشهَيد قتل الحسين

جعفر

بدّي بطّل طافر مرّة و دبلوماسي كون انزل كل ليلة عالحمرا و فيها مرتي خون
واجتمع بمثقفين لنسكر بالقهوة ونتناقش كيف الانسان ممكن يعمل ثروة
او انو كيف بلبنان تعمل مناضل وتكون انت مش بالحزب
مع العروبة بسوريا وضد نظام الأسد مع ثورة شعب الحرية ومنك مع بو لهب
خايف بكرا يجي كلب يتحكم بالبلد والغول السفارة يفتح و يصيروا الشهدا اللي ضحو بس مجرد عدد
غابة يبن عمي جامعة حكام العرب عإيدن هني المسيح هلق عم ينصلب
الشرب من دم فلسطين كيف بيطالب بالحرية قال انو هني ثوار وصحاب القضية ؟
وهيدا النهب ثورة مصر والثورة الليبية متلوا متل الحكم قبلو متربع ععرش الحكم ملبق الغرافة عالطقم مفكر حالو ماوسي تونع بالصين الشعبية
معروف اللي عندو حكم بدو يكترلو حراس و ينادي بديمقراطية واديان وتعددية مفكر هيدا فيك تشيلو بالثورة السلمية؟
واللي هون بدو الثورة بالخليج عينو عورة ناصب خيمة بضهر الشير وبالقطيف بيزرع حورة
تأكد انو هودي بكرا عليهن جايي الدور واللي بالجرم المشهود ما بتفيدو شهادة زور
واللي عم بيقدم دم تارك اخوة واب و ام ما طمع مرة بالجنة وما تخرج من قمّ
بدو يسقط النظام و من الله منصور

مارح صالح اسرائيل حتّى سقّط النظام \ ضد اسرائيل والنظام . كلّ نظام
ما بيستسلموا الطفّار حتى يقبعوا الحكام \ ضد اسرائيل والنظام . كلّ نظام
مارح صالح اسرائيل حتّى سقّط النظام \ ضد اسرائيل والنظام . كلّ نظام
ما بيستسلموا الطفّار حتى يبطل فَي الحكام \ ضد اسرائيل والنظام . كلّ نظام

Touffar - Mnel Awel

New track by Yaseen of I-Voice for upcoming Khat Thaleth compilation.
Beat by Dub Snakkr. 

Il-7all by  I-Voice : الحال - صوت لا يقهر

Prod. by Munma.
لما امسك القلم واكتب عن الشام ايدي بترتجف
لما يقرب الوجع من العظام سهلة تنجرف
لما كنت طفل وكان حاكمنا غازي كنعان
علمني بيي فرق بين النظام والإنسان
لما الحريري مات السيارات المفيمات ذاتها
اللي عالتشفيط لبشار كانت تصرف بنزيناتها
صار 14 آذار محور حياتها وضلت تقبض مصرياتها
لو حكمهم السنيورة كانوا انفلجوا السوريّة
ولما قاموا عبشار قاموا كرمال الحرية
والعم سام آخر همه أحلامنا
كرمال عيون السود لدولارات آل سعود
بكره بيلبس عمامة واللي بعده بيعمل إمامنا
الثورة خلعت بواب الحرية
ورح يتسلل من هالباب يهود واخونجية تيخطولوا لبشار جلباب الضحية
وعباية مطرزة بخيوط من لون قضبان المزة
عضهرها مكتوب بالدم، أنا إله العلمانية
بالمختصر حكيم النظر معه مد بصر
بيشوف البعيد أحسن من القريب غريب
أسد بياكل جزر، مستعد يتفاوض مع صهيوني بس الشارع السوري شايفه مندس ومريب
كيلو الممانعة بالفين لأنه الحكي ببلاش
دعم المقاومة بلبنان تجارة بحقوق الناس معليش

فلسطين حق الشعب
والشعب حقه الكرامة الكرامة بيحميها الحاكم والحاكم بقصره نايم 
نايم عجثث الشعب والشعب بده فلسطين
فلسطين بدها الأحرار والأحرار اختاروا الثورة عالنظام
الاستقرار بالموت موت باستمرار ارفع الصوت
مش بحاجة للجزيرة الصورة واضحة من بيروت
يما مويل الهوى يما مويليا ضرب الخاجر ولا حكم الخسيس فيا
اسأل عروبتك من تناصر هي؟ مش عبد الناصر هو
اسأل كيف على كرسي الحكم هوى
كيف هني واليهود دفنوا الجولان سوا
جحيم كلام صار الإعلام
وصاروا الأراء قد المارة عجسر سليم سلام
ما بيعيش إلا الأحلام
ومجلس الأمن جايي زمن يدفع التمن
العقول الحالمة مدركة إنه العفن بالنظام العالمي
أميركا علقة بتعيش على المي الآسنة
من كل جسم حي بتلزق تتمص الدم للأمانات خائنة
ابتعد عنها يا ابن العم
رأس المال لكل ثورة سم مميت
الدعم الأميركاني الوحيد بتاخدوا من العنيد بوول ستريت
كون الطوفان وسمع صوتك للكون
كون نبض انقلاب على موسى وعفرعون
وجهين لعملة وحدة
هني الجرذ والطاعون
نحن الجذر والباقون
متل الزعتر والزيتون
أرضي وحدة من الجليل لقاسيون
وأمة الظلم واحدة  
ديكتاتور وابن صهيون

الرأس ومونما - أمة الظلم

ناصردين الطفّار : جورج
اهداء للأسير المقاوم في السجون الفرنسية جورج ابراهيم عبدالله
كلمات و أداء : ناصردين الطفّار، بعلبك الهرمل .
الانتاج الموسقي : وَتر (من لتلتة) ، سوريا .
تسجيل استوديو صوت الشعب ، بيروت .

يا حضرة الرئيس الك أول الحديث ، انت و عم تستقبل اساتذتك من باريس
تأدي الطاعة تطب تبوس جريهن مبتسم
كم بزقة بوجهك مع كل بسمة عم يبزقها جورج ؟

تانياً حديثي للي منصّب عالحكومة متل البومة و مقربط
بيعلف لبغال الخليج و عشعبوا بيتقرمط
انت و عم بتدوبل ارباحك شركاتك و تعد ملياراتك بالبنوك رانجاتك ببيروت
بتعرف انو كلن غبرا عصرماية جورج ؟

تالت الحديث لرئيس برلمان من عشرين سنة مسوغرلو عشرة كمان
لو من كل يوم منهن شلت دقيقة بس
و من كل ميتين صورة الك شلت صورة بس
و من كل خطاب عن الاسر قلت كلمة بس
و من كل مشط احتفالي رصاصة وحدة بس
كنا من زمان باركنا بحرية جورج

رابعاً سيادة النواب يا ماشالله ، اكل شرب نصب شم سمسرات الله
مش معروف شو شغلتكن كفتا موجودين
كفتا بدكن هالحصانة و كل المرافقين
مرة وحدة بس خلي عليكن هيئة بشر مع انو جنون البقر عنا بالنيابة انتشر
الله صار تنين معكن معدتكن والدولار
انسوا الدولار لحظة وحدة يا نواب الامة
و اعترفوا انو الامة بتخجل تلفظ اسم جورج

خامسا مقاومة الهزمت عالم بأسرو
و تعهدت تحرير كل مقاوم من اسرو
و عطت للحرية دروس اجملها بتموز
و بتعرف كفتا هالأسير بفرنسا محبوس
كفتا هيد الاسم ما بينذكر بدفاترها
لأنو مذهبو اليسار او لأنو جورج ؟

يخي

انت و راجع حر عقبياتك
انسى امر الدولة خلص شيلا من حساباتك

كل يوم حبس الك كان اطهر الطهارة و عالسياسية بلبنان ادعر الدعارة
لما قسمت العالم انت جبنا و احرار ، هون الجبنة قسموها اشاوس اذار
قسموا وسخهن عطوايفهن بالتساوي ، بيركعو مرة للرب و عشرة للرشاوي
عملا اسرائيل قالولي حرروهن
بمواكب ورد و زلاغيط عبيوتن وصلوهن
قلتلن احسن يبن عمي

بيشنقهن جورج

Naserdayn ltouffar - Georges

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

انتاج: اسلوب
باص :زياد صادر
الضغط النفسي لما تعيش بمنطقة متل رويسات 
متل الضغط بحي السلم و المخيمات 
الساعة ستة شوف الغانم راكد عالباصات 
يلحق شغلو و الطريق موقف سيارات 
كل واحد وحدو بسيارة حتى السرفيسات
نحنا هوني مجبورين حتى نبقى مستورين 
احترق عنا البو عزيزي مية مرة 
بقي صوتو بنفس الشارع ما طلع لبرا 
نحنا يما مشحرين يا عم ناكل بعض
غرف ما بتساع تخوتي نومتنا عاﻷرض
صحاب اﻷرض صرنا مأجرين للشركات
يبدو إنو إبن بعلبك يا بن عمي مات
كنا بمشاريع القاع كل ما موسم منا ضاع نزرع و نعيد الكرا 
صرنا ولاد حزام البؤس بين اﻷوزاعي و صبرا و شوفارية كميونات الهرمل ع سوق الخضرا
نحنا كل ما صارت حرب منستشهد بقانا
هوي البقي تحت القصف متل اللي سافر ع غانا
نحن الشعب بترم الثورة خانوها إخوانا
نحنا بحروب المذاهب ما في إلنا دور 
أرض الليمون الحزيني من حيفا لصور
تبكي عالحوش اللي كنا منا حمص نزور
ياما مهجرين بتموز زاروا زيتا 
أمن ع أهلو المقاتل لنتصر ب عيتا 
و اللي أستقبلونا بين بيوتن و المدارس 
كيف ت صاروا يحفوا الشارب و يربوا مكانس ؟ و اللي قاتل إسرائيل ع حدود السورية حارس!
يا خالي تقطيع الروس صار بإسم الثورة 
روسيا إحتلت طرطوس لتحافظ ع دورا 
تركيا صار إلها نفوذ صارت صوت و صورة 
اللي دمر أفغانستان متل اللي احتل العراق 
بنوا دولة كردستات بإسم اﻷعراق 
كلن مجتمعين بمجلس أمن ع فلسطين 
عالثروة اللي بالسودان 
ع كوبا و مالي و إيران 
من ميلي الفقر و الحرب متل الحكومة و الحزب 
كان ناقصنا السلفية و بترول بلبنان .
العروبة ماشية بدمي و العراق
 و قلبي حزن ع و ضعا ولع راق 
تاييه بين سوريا و العراق 
و إيران و رمل صحراء العرب . 

تاييه

أداء: ناصردين الطفار وبو كلثوم
إنتاج: وتر
غرافيك : محمد سعودي

لا تتطلّع صوب السمَا، اللي فوقك قتيل
اتطلّع صوب الأرض هيدا وقت الرَحيل


-بو كلثوم :
عصايه خشب كيس قماش لينهد حيلنا 
قصة ألف ليله و ليله عنّا ألف ويلا و ويلا 
خارج بلاد العرب ولا ألف خيمه و خيمه 
الإنتقام عقيم قص السحليه بتبدل ديلا 
روحي أكبر من جسدي فتروك مسافه
اخترت ديق الحفره لما اعرفت قديش مفهوم الذل واسع
لملم خدّون عن المخدّه بآخر الحرف لعبة شدّه ..
لعبة شدّو للحبل و ان انقطع بتروح الشّده 
روحي رافضه حبس الجسد في شي ناقص
لا تتمنى ايكون دمنا بترول لأن بيحبوا الفائض
نرد بسبع نقاط سود عمين الدور ؟؟
مو شرط اتكون الثوره بلا قرون و ان كانت أنثى الثور
بالزور أو بالرضى لح منغادر 
إن كان من عباب فراش أو برصاص قناص عإيد غادر
تارك مقطعي مكرر عنفس المسجله 
عم راقب عزرائيل ناطرني لخلص آخر سجده ......
يلّا تنام يلّا تنام لادبحلك سياسه و باب 
له ! يا "كرشو" لا تخاف عم بضحك عالشعب لينام
بينط و بيقول "هيهات" !!
و سنير الموقف ترقع !!
قالوا اللي بيرحل بقذيفه ما بيسمع صوت المدفع
-ناصردّين :
جيرة عضام السبقني عالموت ارحم مية مرة من جيرة اسرائيل
ارحم من ثورة بتعطيها العيون بتعطيك حساب جاري بمصرف قطرائيل
ارحم من اللي حلل المتعة و حرم عليك تكسر صلا
حرّم عليك تزرع ارضك حشيش و حلل عليك تضرب مرا
احلى ما بالكفن يبن عمي انو بلا جياب احلى ما بالقبر انو بلا بواب
ما بدها باسبور روحك تقطع الحدود مهما تكبر البيوت بس تموت عالتابوت
آل سعود منهن يقرف الموت عطر قبورن ذكّرني بكرنتينا بيروت
هونيك ما فيك عين تدمع
هونيك ما فيك كذب تسمع
عشرة الدود تحت الارض يبن عمي ارحم مية مرة من عشرة العبيد
هونيك ما في عطش لينروى ولا بتفيق مخنوق عم تدوّر عهوا
لا بتنطر معاشك من شركة ولا مصرف ولا بيرميك ابن عمك بس تأفلس
لا بدك الارم حتى يفيقك من نومك و لا بتنطر مفتن يعلن صومك
سبلن يخي الدنيا و الجزيرة والنظام والبيوالي والبيعارض كلو من بعضو أخرى
و الله ما في فرق بين البعص و النصرة


رحيل -  ناصردين الطفّار وبو كلثوم

جعفر الطفار و عبد الرحمن جاسم بلاشتراك مع خضر سلامه 
باص:زياد صادر
انتاج اسلوب 
البرستيج الكليشيه و العالم الكلاس
الدعارة بالفن الراقي ما بتعبي الراس
فنان اللحظة السعيدي 
قهوة سيجارة جريدي و قعدة عالتراس
مش كوفية بالالوان شرشف طاولة
شلكة حلقة بمناخيرا و ايدا طايلي
لبنان الوادي الاخضر بالعلب المعفّنة
إقتصادو من السياحة و النسا المزينة
تيبس أرض السهل
نربى نحن بعل
تقتلني و بدك تقنعني انو نحن أهل؟
الحكي عالمنجعي سهل و الفلاح بأرض السهل عايش بأرضو غريب ابنو بزواريب
متل ما بتطل الشمس متل ما بتغيب 
عندو أضعف الايمان يكره شي اسمو لبنان
عندي اضعف الايمان اكره شي اسمو لبنان

يا بحر خدني معك
يا موج بيعدني
مقطوع هون الامل
 عيشة جهنمية

قالوا لي أن حسّان ذهب إلى السويد؛ هناك يلتقي الفلسطينييون ببعضهم .
ضيقةٌ هي بلادنا؛
واسعةٌ لأوروبي يتحدث العبرية، 
وموظف جمعية يصرف أمواله يساراً في الحمرا
في المخيم، الوقت أقل ضيقاً، 
الناس أوسع صدراً أمر بين الأسلاك، 
ودعنا ابن خالةٍ قبل أسبوع، لمسته الكهرباء،
فما أطال البقاء؛
مجرور مياه لا حل له، يحدثك كلما اقتربت
حسّان ذهب إلى السويد لا يأخذك معه،
لأنك لست بهياً ولا أوروبي! حسّان تعرّف بديفيد، 
وديفيد جميلٌ بهي الطلعة أشقر
ديفيد رأى حسان مخبرا، 
وحسان رسمه جسرا بسم ديفيد، فرح حسّان 
حسّان ركب الطائرة دون دموع، 
فليس في لبنان ما يودعه غير الألم، 
هو ترك رسالةً واحدةً على هواتف أصدقائه: 
الفلسطيني لا يحب لبنان، يكره لبنان ويكره أهله
يريدوننا إما ببندقيةٍ نخضب كلامنا بفلسطين دون عمل، 
دون هوية، 
وباهانة لاجئين
نشحذ منهم سقف يومنا،
يا أخوتي: أنتم بلا غدٍ هنا!
الحقوني إلى السويد! الفلسطيني لا يحب لبنان،
يكره لبنان ويكره أهله
الفلسطيني لا يحب لبنان، 
يكره لبنان ويكره أهله

على باب المخيم يوقفني كلب الحراسة 
يشتهي لحمي وحلمي وعلمي 
الأرز وقود جهنم أقول
وهذه البلاد بطولها وعرضها، بشعبها وأرضها للأفول 
على باب المخيم كلب الحراسة 
ورجال السياسة
ومنظمات النخاسة 
يمنعون فلسطين من الدخول



يا بحر خدني معك

Bu Nasser is a Lebanese rapper and writer whose music speaks for the silenced and the marginalized. Since launching his career with Touffar’s As7ab El Ard in 2009, he has become one of the most commanding voices in Arabic rap, blending uncompromising lyrics with raw energy that turns every show into a collective experience.
From the streets of Lebanon to sold-out venues in Turkey, The Netherlands, France, Switzerland, and Germany, Bu Nasser has proven his ability to move massive crowds and headline some of the biggest rap events in the region. His performances are intense, urgent, and unforgettable. transforming audiences into communities bound by rhythm, resistance, and release.
In 2025, he released Limbo, a groundbreaking album that captures the turbulence of the present and the weight of a haunted past, created with forward-thinking producers from the region and beyond. The album’s release tour marked one of the year’s biggest independent rap movements, cementing his place as a cultural force who thrives on collaboration, innovation, and impact.
Beyond music, Bu Nasser is also an acclaimed novelist, with two published works that have reached international literary exhibitions, expanding his reputation as an artist whose words hold weight on page and stage alike.
For promoters, fans, and collaborators, Bu Nasser represents more than rap, he is proof of how art can electrify, unify, and leave a mark long after the lights go down.

Touffar - Mnel Awel

Bu Nasser Touffar