രചന - സി എൻ കുമാർ 
സംഗീതം ആലാപനം - ഭരത് ലാൽ

KARUTHANU FINAL

ശലോമോന്‍റെ ഗീതങ്ങള്‍ അഥവാ പീറകളുടെ പാട്ട്


വെയിലേറ്റു നീറും ഭൂമീ  
തെരുവുബാല്യങ്ങളിലെന്നുകാണും    
ചിരിപൂത്തു നേര്‍ക്കും മേളം?

ചെളിവിരല്‍ വായില്‍ത്തിരുകിത്തെരുവിന്‍
മാറിലൂടോടിമറയുന്ന കുഞ്ഞേ,
ഇത് നിന്റെപേരില്‍ കുറിച്ചിട്ടൊരോര്‍മ്മനാള്‍
മനപ്പയസമുണ്ണാന്‍ വിധിച്ചിട്ടനാള്‍.

കിതച്ചു പായുന്നോരീ കാലക്കരുത്തിന്റെ
തേരൊച്ചയില്‍പ്പെട്ടു തേഞ്ഞമരുന്നോരീ
നിലവിളിത്തുണ്ടുകള്‍ കാതില്‍ പതിയാതെ
വാതില്‍ ചാരുന്നു,
വാഹനച്ചില്ലടയ്ക്കുന്നു.
ശിശുദിനപ്പാട്ടില്‍ മുഴുകി മനസിനെ
ഇരുള്‍വഴിയിലൂടെ പിടിച്ചു കടത്തുന്നു.
തെരുവിലെ കാഴ്ചകള്‍ കാണാതിരിയ്ക്കുവാന്‍ 
കണ്ണിന്റെ ഷട്ടര്‍ വലിച്ചടയ്ക്കുന്നു. 

ലോകബാല്യങ്ങള്‍ക്കാശംസ ചാര്‍ത്തി നീ  
സായാഹ്നസ്റ്റാറ്റസ് പുതുക്കി വിളമ്പുന്നു
ലൈക്കും കമെന്റുമായ് രാവറുതിയോളം
ചര്‍ച്ചിച്ചനാഥബാല്യത്തിനൊപ്പീസു ചൊല്ലുമ്പോള്‍
എഴാംനിലയില്‍ നിന്നു നീ താഴേയ്ക്കു
നിന്നിടംകണ്ണൊന്നു ചിമ്മിത്തുറക്കുക  
പിന്നാമ്പുറത്തെ ചേരിയില്‍,
പ്ലാസ്ടിക്കു കൂരയ്ക്കു കീഴില്‍
എത്ര കുഞ്ഞുങ്ങള്‍ തളര്‍ന്നു മയങ്ങുന്നു
അരവയര്‍ പോലും നിറയ്ക്കാതെ
അസ്വസ്ഥരായിത്തിരിഞ്ഞും മറിഞ്ഞും.
എന്തുനീ, ജാലക൦ കൊട്ടിയടച്ചുവോ
പാതിരാക്കാഴ്ച്ചകള്‍ സ്വാസ്ഥ്യംകെടുത്തിയോ?
പൂമെത്തയില്‍ ശാന്തമുറങ്ങുന്നൊരുണ്ണിയെ
നോക്കിനീ ഗൂഢ൦ നെടുവീര്‍പ്പുതിര്‍ത്തുവോ?

വെയിലേറ്റു നീറും ഭൂമീ
തെരുവുബാല്യങ്ങളിലെന്നുകാണും  
ചിരിപൂത്തു നേര്‍ക്കും മേളം?

ചാനല്‍ക്കവലയില്‍ ചര്‍ച്ചകള്‍ മൂക്കുന്നു
പക്ഷം പിടിയ്ക്കുന്നു വാഗ്ദ്ധോരണികള്‍.
ചേരിപ്പരിഷകള്‍, ഭാവിതന്‍ കൊട്ടേഷനിസ്റ്റുകള്‍,
കൂട്ടിക്കൊടുപ്പുകാര്‍, വേശ്യകള്‍,
ബിരുദങ്ങളേറെ ചാര്‍ത്തിയൊരുക്കുന്നു
പുനരധിവാസചാര്‍ട്ടു ചമയ്ക്കുന്നു.    
എല്ലാരുമെല്ലാരും കുഞ്ഞേ നിനക്കുള്ള
സ്വപ്നരാജ്യത്തിന് പണിപ്പുരയില്‍.
ഭരണയന്ത്രത്തില്‍ പതിറ്റാണ്ടുനൂര്‍ന്നിട്ടും
മോക്ഷം കിട്ടാത്ത കര്‍മ്മക്രമം
നന്നങ്ങാടിയില്‍ ഭദ്രമുറങ്ങുന്നു
വാഗ്ദാനഘോഷം വാനില്‍ നിറയുന്നു.
നീയോ, പാതവക്കത്തെ ചളിക്കുണ്ടിലിപ്പൊഴും
പ്രേതരൂപം പോല്‍, നുരയ്ക്കും പുഴുപോല്‍
കുപ്പയിലന്നം തേടുന്ന നായ്ക്കളോടൊപ്പം  
മത്സരമല്ലോ രാവും പകലും.

സ്വപ്നങ്ങളെല്ലാം നരച്ച ചിത്രങ്ങളായ്
നിഴലിച്ചുനില്‍ക്കും കണ്‍തടാകങ്ങളില്‍
ഏതക്ഷരത്തിന്റെ വാക്കു വിതയ്ക്കണം
ഇനിയേതു നാവിനാല്‍ പാട്ടു പൊലിയ്ക്കണം?
കുഞ്ഞേ നിന്നുടെ ശൂന്യമാം കണ്‍കളില്‍
ശതകോടി നക്ഷത്രപ്പൂക്കള്‍ നിറയ്ക്കുവാന്‍.


വെയിലേറ്റു നീറും ഭൂമീ
തെരുവുബാല്യങ്ങളിലെന്നുകാണും  
ചിരിപൂത്തു നേര്‍ക്കും മേളം?
==============================CNKumar.

ശലോമോന്‍റെ ഗീതങ്ങള്‍ അഥവാ പീറകളുടെ പാട്ട്

കഥകളി പദം ........ അജിതാഹരെ ..........

അയ്യപ്പഭക്തിഗനം
(പല്ലവി)

എന്നുമെൻ്റെയുള്ളിലയ്യൻ വന്നു നിറയേണം,
സങ്കടക്കടൽ താണ്ടിയെന്നെക്കൊണ്ടു പോകേണം.
വമ്പൊഴിക്കാൻ വൻപുലിമേലയ്യനെത്തുമ്പോൾ
ഇമ്പമാർന്നൊരു ശരണമന്ത്രം നാവിലുയരേണം.

(കോറസ്)
ശരണമയ്യപ്പാ സ്വാമീ ശരണമയ്യപ്പാ,
ദുരിതശമനം തവചരണം മാത്രമയ്യപ്പാ.

(അനുപല്ലവി)

കരിമലപോലെൻ ദു:ഖം പെരുകിയേറുമ്പോൾ
ഇരുമുടിയുമേറ്റി ഞാനാ മുന്നിൽ നിൽക്കുന്നു.
തിരുനടയിൽ നെയ്ത്തിരിയായെരിഞ്ഞീടുമ്പോൾ
കരുണയെന്നിൽ ചൊരിയണേ പൊന്നുടയോനേ.

(കോറസ്)
ശരണമയ്യപ്പാ സ്വാമീ ശരണമയ്യപ്പാ
ദുരിതശമനം തവചരണം മാത്രമയ്യപ്പാ.

(ചരണം)

ജീവിതപ്പെരുവഴിയിതിൽ ഏകനായോരെൻ
ജീവനത്തെളിനീരുവേറെന്തെയ്യനല്ലാതെ,
മിഴിയടച്ചു വണങ്ങിയാ മുന്നിൽ നിൽക്കുമ്പോൾ
മിഴിതുറന്നെന്നെ നോക്കാൻ കനിവുകാട്ടേണേ.

(കോറസ്)
ശരണമയ്യപ്പാ സ്വാമീ ശരണമയ്യപ്പാ
ദുരിതശമനം തവചരണം മാത്രമയ്യപ്പാ.


അയ്യപ്പഭക്തിഗാനം.mp3

Music directed by deepak dev 
Lyrics penned Rafeeq Ahmed 
Vocals by Vinod Varma
Rap by Desmond D Fernandes  



I'll be there for you…..

Lyrics- sunil.rc.raj
Music - p saradhi
Singer- manju thomas
Backing vocal - syama


പ്രണയമധുരം..കരളില്‍ നിറയും

ആറാം തെരുവിലെ കണ്ണട 
 
ജനിച്ചനാള്‍ തൊട്ടെനിയ്ക്കു കാഴ്ചയ്ക്കു
കോട്ടമുണ്ടെന്ന സാക്ഷിമൊഴിയച്ഛന്‍.
ആ മുത്തലി ക്ഷാ വരെയ്ക്കുള്ളയക്ഷരം
ചൊല്ലി ചൊല്ലിയെന്‍ കണ്ണു തെളിയ്ക്കുവാനമ്മ.
 
പാഠങ്ങളെല്ലാമുരുവിട്ടുരുവിട്ടു പാഠശാല വിട്ടു 
പോന്നിട്ടുമെന്തേ കാഴ്ച തെളിഞ്ഞീല?
കൂട്ടുകാര്‍ നാട്ടുകാരൊക്കെയും
കാഴ്ചയ്ക്കു  കാഴ്ചയായ് പുസ്തകരസ്സായനം,
പച്ചിലമരുന്നുകള്‍, പനയോല ഗ്രന്ഥങ്ങള്‍ പേറുന്ന 
യോഗങ്ങള്‍, ലാടവൈദ്യങ്ങള്‍, ഒറ്റമൂലികകളൊക്കെ
പരീക്ഷിച്ചൊടുവിലാ വിധി വന്നു
കണ്ണട വയ്ക്കുക കാഴ്ച കിട്ടും.
 
ഒന്നാം തെരുവിലെയ്ക്കോടി ഞാന്‍,
കടയാകെ കാവി പുതച്ചു നില്പൂ.
കണ്ണാടിക്കൂട്ടിലെ പാവകള്‍ക്കൊക്കെ
സിന്ദൂരക്കുറി നെറ്റിയില്‍,
കണ്ണുകള്‍ മറയ്ക്കുന്ന കണ്ണട കാവി. 
പരസ്യപ്പലകയില്‍ വാചകം; കണ്ണട വാങ്ങിയാല്‍
സൗജന്യമായി  തുരുമ്പിച്ച ശൂലം.  
 
രണ്ടാം തെരുവിലെന്‍ കണ്ണു ചെല്ലുന്നു,
കടയും വിരികളും പച്ച,
പാവകള്‍ക്കൊക്കെ താടിയും  തൊപ്പിയും 
ഹരിതവര്‍ണ്ണ കണ്ണട കണ്ണിലും.
പരസ്യപ്പലകയില്‍ വാചകം; കണ്ണട വാങ്ങിയാല്‍
സൗജന്യമായി, വാളുമൊരുകുപ്പിയത്തറും.
 
മൂന്നാം തെരുവിലെന്‍ മുഖമുടക്കുന്നു,
മുറിയാകെ മഞ്ഞ,മുന്നിലെപ്പാവ,കണ്ണട,
ഒക്കെയും മഞ്ഞ,പരസ്യപ്പലകയിലെഴുത്തു മഞ്ഞ,                                       
കണ്ണട വാങ്ങിയാല്‍ ‍സൗജന്യമായി
മത്തടിപ്പിക്കുന്ന മദ്യം.
 
നാലാം തെരുവിലേയ്ക്കെന്‍ കാലു നീങ്ങുന്നു,
നിലമാകെ കടലിന്റെ നീല,
കടയിലെപ്പാവ, കന്നടയോക്കെ നീല.
പരസ്യപ്പലകയില്‍ സുവിശേഷം;
സ്വര്‍ഗ്ഗത്തിലിരിപ്പിടം സൗജന്യം
കണ്ണട വാങ്ങുക.....
 
അഞ്ചാം തെരുവിലെന്തൊരു തിരക്ക്,
കവാടം മുതല്‍ തെരുവും കടയും വരെ ചുവപ്പ്,
പാവകള്‍ക്കു രക്തസാക്ഷിച്ഛായ,കണ്ണട ചുവപ്പ്,
പരസ്യപ്പലകയുടെയുദ്ബോധനം;
ചെത്തിമുനച്ചയലകു സൗജന്യം,
വാങ്ങുന്ന കണ്ണടയ്ക്കെല്ലാം.
തെരുവിലെക്കുട്ടികള്‍ തെറിവിളിച്ചും
തമ്മില്‍ കുത്തുവാക്കിന്‍ പന്തെറിഞ്ഞും
തിമിതിമിര്‍ക്കുന്നു.
പിന്നാമ്പുറത്തൊരു  കൂട്ടനിലവിളി,
രണ്ടാം തെരുവാണപ്പുറമെന്നൊരു ചെക്കന്‍ വിക്കി വിക്കി. 
 
തെരുവുകളഞ്ചും പിന്നിട്ടെനിയ്ക്കിനി കാഴ്ചയ്ക്കു
കണ്ണടയേത് ? കണ്ണടയ്ക്കു നിറമേത് ?
 
ആറാം തെരുവിലേയ്ക്കാശങ്കയോടെന്‍ 
കാലുനീങ്ങുന്നു, പടിതൊട്ടവിടമാകെ സ്ഫടികം,
നിലം നിര്‍മലം,നിരത്തിലൊട്ടും തിരക്കില്ല,  
കടയില്‍ പാവയില്ല, പരസ്യപ്പലകയില്ല.
സ്ഫടികക്കണ്ണട കണ്ണില്‍ വയ്ക്കുമ്പോള്‍,
കഴിയുമോയെനിയ്ക്കെന്നെക്കാണുവാന്‍, 
സഹജനെക്കാണുവാന്‍,വിശപ്പിന്‍ നിറം,
സ്നേഹത്തിനാഴം,കണ്ണിലെ പ്രതീക്ഷതന്‍ വലിപ്പം.
 
ആറാം തെരുവിലെ കണ്ണടയ്ക്കായി ഞാന്‍;
ആദി ഹൃദയനായ് ധ്യാനിച്ച്‌ നില്പൂ.
====================================CNKumar. 
 

ആറാം തെരുവിലെ കണ്ണട

പറഞ്ഞു തീരാത്ത കഥകള്‍ 


നിലാവിനൊപ്പം
ചില്ല് ജനാലയ്ക്കരുകില്‍ 
വറുത്ത സ്വപ്നങ്ങള്‍ കൊറിച്ചു
മലയിറങ്ങുന്ന വെള്ളി മേഘങ്ങളുടെ 
സഞ്ചാരവഴികളില്‍ മിഴിപാകി
പടിയിറങ്ങിപ്പോയ കാറ്റ്.

ഓട്ടുവിളക്കില്‍ പ്രാണ ത്യാഗചെയ്ത 
ദീപനാളത്തിനൊപ്പം 
പറഞ്ഞു തീരാത്ത കഥയുടെ 
കാല്പ്പെട്ടിയടച്ചു 
തെക്കേപ്പറമ്പിലെ തലപോയ 
തെങ്ങിന്‍ ചോട്ടില്‍ ,
ക്ലാവ് കനച്ച തോടയിട്ടു 
യാത്രപോയ പാറു മുത്തി.

തണ്ടുപാളത്തില്‍
തലവച്ചുറങ്ങാന്‍ 
ജപ്തി നോട്ടീസും 
കാലിക്കീശയുമായി,
യശോധരയ്ക്കും മകനും 
പെയ്തൊഴിയാത്ത കണ്ണീര്‍ജന്മം
ന്യാസമേല്‍പ്പിച്ചു പോയ 
സിദ്ധാര്‍ത്ഥന്റെ മുഖച്ഛായയുള്ള അച്ഛന്‍.

 
ഇപ്പോഴും, 
രാപ്പുള്ളുകളുടെ പാട്ടില്‍ 
അമ്മയുടെ തേങ്ങല്‍ അലിയുന്നത് 
ഉറക്കത്തിന്റെ കുഞ്ഞിടവേളകളില്‍ 
പ്രായോജകരായെത്തുന്ന 
സിരാകമ്പനങ്ങള്‍ 
സാക്‌ഷ്യപ്പെടുത്താറുണ്ട്.
അതിനാലാണ്  പോക്കഞ്ഞി*യില്‍ 
ഉപ്പു ചേര്‍ക്കാത്തതും. 

 
കുഴിഞ്ഞ കണ്ണുകള്‍,
ഒഴിഞ്ഞ സ്വപ്നഭരണികള്‍,
ലഹരി ചേക്കേറിയ മസ്തിഷ്കങ്ങള്‍,
വരിയുടച്ച യുവത്വങ്ങള്‍,
അമ്പലക്കാളകള്‍ പലവുരു മെതിച്ച,
ചോരയും രേതസ്സും വീണുണങ്ങിയ
കിളുന്നു ഭോഗേന്ദ്രിയങ്ങള്‍,
എല്ലാം നമുക്ക് വിറ്റഴിയ്ക്കാം.

വിദേശികള്‍ക്ക് വിത്തിറക്കാനും
സ്വദേശികള്‍ക്ക് കൊയ്തെടുക്കാനും 
ആഴ്ചച്ചന്തയുടെ ആരവങ്ങള്‍ക്കിടയില്‍ 
തെളിയാതെ പോകുന്ന തേങ്ങലും 
ചോര ചോരുന്ന കണ്ണുകളും 
കാണാതിരിയ്ക്കാം.

ചൂണ്ടികള്‍ക്കിതു ** ചാകരക്കാലം 
ശ്ലഥസ്വത്വകൃമിജന്മങ്ങള്‍
കാലം തെറ്റിയ  മഴയെപ്പോല്‍
മണ്ണാഴങ്ങളില്‍ കിനിഞ്ഞിറങ്ങാതെ 
കടല്‍ത്തിരയിളക്കങ്ങളില്‍
ഉടഞ്ഞടിയുന്ന വെണ്‍ശംഖുപോല്‍,
കാലുറയ്ക്കാതെ.............
---------------------------------------------------
*പോക്കഞ്ഞി = പകല്‍ക്കഞ്ഞി
** ചൂണ്ടി     = മൂന്നാന്‍ 
======================= CNKumar.

Poems of CN kumar  -----------  പറഞ്ഞു തീരാത്ത കഥകള്‍

പൊലിപ്പാട്ട്...
 

ഒന്നാം 
മലമേലുദിക്കണ ചൂര്യനെ 
കണ്ടിട്ട് തന്തോഴം 
വന്നെന്റെ നീലീ 
കുഞ്ഞിചിരുതയും 
ചീരുവും വന്നിട്ട്
മുഞ്ഞി മിനുക്കണ 
ചൂര്യനെ കണ്ടോളി.

ഞാറു പറിച്ചതും 
വരി നട്ടുകേറ്യതും 
മുത്തി മുതുക്കീടെ 
പാട്ടു പൊലിച്ചതും 
നടവരമ്പത്തേന്റെ  
പെലയക്കിടാത്തന്മാര്‍
മടവീഴാതെന്നാളും 
കാത്തു കെടന്നതും 

വെളനെല്ലുകൊയ്തു 
മെതിച്ചതും ഞാളല്ലേ 
പത്തായപ്പെരയില് 
കൊണ്ടോയ് നെറച്ചതും
മോന്തിയ്ക്ക് ചാളയില്‍ 
കല്ലരിക്കഞ്ഞിയ്ക്ക് 
കാത്തുകാത്തെങ്ങടെ 
ക്ടാത്തന്മാര്‍ ചാഞ്ഞതും 
ഇന്നലത്തെപ്പോലെ 
ഓര്ക്ക്ണം നീലീ
ഓര്മ്യ്ക്ക് ചിന്തേര് 
ചേര്ക്കതണം നീലീ 




കുറ്റിരുട്ടത്തൊരു 
ചൂട്ടുമിന്നിച്ചന്നു 
കുടിതോറുമെത്തിയ 
ചൂര്യവെട്ടത്തിനെ
വെയമൂക്കന്‍ 
കൊത്തിയെടുത്തൊരാ 
പെരുമാളെ, 
നെഞ്ചില്‍ നെനയ്ക്കണം നീലീ.

നടുനീര്ത്തു് നിക്കാനും 
പതമെണ്ണി നേടാനും 
നടവഴി തീണ്ടി 
നെടുനെടേ പായാനും
ചേറില്‍ കൊഴഞ്ഞൊരു 
ചോര പൊലിപ്പിച്ചു 
അന്നുതിച്ചേ വന്നുതിച്ചേ 
ആതിച്ചന്‍ പെരുമാളും. 

അക്കാലമൊക്കെ 
നടകേറിപ്പോയെന്റെ നീലീ
പൊയ്ക്കാലിലാണിന്നു 
പൂട്ടും കിളയും  
വിത്തും വിതയും 
കണ്ടം മറന്നു
കൊയ്ത്തും മെതിയും 
കൊതിപെട്ടു പോയീ  

കളയെടുക്കാനിറ്റു 
നേരമില്ലാ മാമലക്കണ്ടത്തില്‍ 
കളകേറി മുടിയുന്നു 
കളവേറി മുടിയുന്നു
കാലം പൊല്ലാത്ത 
കോലം വരയ്ക്കുന്നു 
പൊള്ളത്തരങ്ങള്ക്ക്് 
ചൂട്ടൂ പിടിയ്ക്കുന്നു 

പിണിയൊഴിയ്ക്കാനിനി 
പണിയേറെവേണം 
എള്ളുതിരി,കത്തുന്ന പന്തം, 
കുരുതിയ്ക്ക് കുമ്പളം, 
മഞ്ഞളും നൂറും 
ചേര്ത്ത രത്തവെള്ളം,
പിണിയാള്ക്കി രിയ്ക്കാന്‍ 
കുരുത്തോലപന്തല്‍, 
ആടിയൊഴിയാന്‍ കളമെഴുത്ത് 
പ്ലാവിറകാലെ  ഹോമകുണ്ഡം, 
പറകൊട്ടിയുറയാന്‍ പാക്കനാരും.

മണ്ണിന്റെ വിണ്ണിന്റെ 
പിണിയെല്ലാം പോയൊഴികാ 
കണ്ണേറും നാവേറും പോയൊഴികാ

പൊലിക പൊലിക 
മുപ്പത്തുമുക്കോടിദേവകളും,
പൊലിക പൊലിക 
മുതുമുത്തച്ചന്തൊ ട്ടുള്ളകാരണോരും, 
മണ്ണുംപൊലികയീ 
വിണ്ണുംപൊലിക, 
പൊലിക പൊലിക 
പഞ്ചിന്തിരിയങ്ങളും 
പഞ്ചപാണങ്ങളും  
പഞ്ചപൂതങ്ങളും പൊലിക,

തെളികാ തെളികാ മനംതെളികാ
മാലോകര്‍ മാലൊഴിഞ്ഞീ 
മനംതെളികാ
========================CNKumar.  




Polippaattu

രചന - സി എന്‍ കുമാര്‍ 
സംഗീതം ,ആലാപനം - രവിവര്‍മ 

സ്നേഹപ്പൂക്കള്‍ വിരിയട്ടെ 
ഗ്രാമ വിശുദ്ധി നിറയട്ടെ 
മണ്ണില്‍ ശാന്തത പുലരട്ടെ 
ഓം ശാന്തി ഓം ശാന്തി ശാന്തി ഓം.


മഴയില് നനയും മിഴിതോരാക്കാഴ്ച്ചകള്‍  
ഒഴുകും രുധിരം മനസിന്‍ മണ് വീഥിയില് 
വഴിയരുകിലൊടുങ്ങുന്നു 
ദുരനുരയും ജീവിതങ്ങള്‍ 
ഈ ഭൂവില് കലിബാധവിളയാട്ടുകള്

കൊന്നപ്പൂക്കള്‍ പാടും ഗ്രാമ 
ഗീതം കാതില്‍ നിറയുമ്പോള്- മഴ 
മോഹം പോലെ മണ്ണിന്‍ മാറില്
ഇനിയ നാമ്പുകള്‍ നീട്ടുമ്പോള്
പടരുമീ സുഖദഭംഗിയില്
ഹരിതലാളനം നിറയെപ്പുളകമായ് 
ഇവിടെയൂറുന്നു കിളികള്തന് പാട്ടില് 
സ്നേഹസാരങ്ങള്‍ സുരഭിലമായ്.

കുഞ്ഞിക്കാറ്റു മൂളും നാടന്‍
ശീലിന്‍ ചൂരില്‍ ഉയരുമ്പോള്‍ -മുകില്‍ 
വെഞ്ചാമരം വീശി ത്തിങ്കള്‍
മൃദുലചിന്തുകള്‍ പാടുമ്പോള്‍
തരളമീ പ്രണവചാരുത 
ഹൃദയരഞ്ജിതം ഭുവനകാന്തിയാല്‍ 
ഉറവയൂറുന്നു അവനിതന്മേട്ടില്‍
ജീവനാദങ്ങള്‍ ഒഴുകുകയായ്.


KARUTHANU FINAL

CN Kumar

Related tracks