Devils Music - Sub-Zero
Rec - Mix - Master : Devils Music
Free Beat 
Lyrics : 
ورقة بيضا  حبر اسود
انا من جديد بمشاهد زى اللى سبقت
الاختلاف انى مفيش تفاصيل
عشان " انا " دلوقتى الصورة فيها بهتت
انا زى القمر نفس الرسمة
ضلمة بيعكس ضوء كئيب برسم ضحكة
بس هو عند القدر يفضل يعكس ضوء
وانا لما بضحك بخاف من بكره
بتعدى السنين وانا لسه مش عارف
صورتى فى المستقبل ملهاش ملامح
انا مش مسامحنى على اللى هيحصل فيا
اصل انا السبب مكنتش بحاول
افكر كنت بخاف بس مش اكتر
ولما الخوف بيكتر بتخدر
وانا احب اتخدر لحد ما اانام
عشان اغيب عن الحاضر والمستقبل
------------------------------- 
تعبت من الاحلام كرهت النوم
كابوس المستقبل بشوفه كل يوم
بشوف ناس كتير انا مسئول عنهم
بيستغيثوا بيا وانا مش قادر اقوم
 وازاى اصلا اكون مسئول  عن دول
منا لو عايش فى بحر يبقى مفروض اعرف اعوم
وانا مش بعوم انا بسيب روحى تغرق
واستنى اللى يجى ينقذنى من الموت
كرهت كل شئ له علاقة بالواقع
عايش بدون دافع والانتحار مش نافع
مش عاوز اموت كافر ولا اعيش مش بعافر
انا زى اللى شارى وفى نفس الوقت بايع
انا تايه مرتبك مش واعى
عايش بدون داعى
مش حاسس بالدنيا وهى مش طايقانى
وكلامى عن همومى بيحلالها ويحلالى
-----------------------------
انا زى ما انا وعارف انكوا زيي
بس مشكلتى ان السكوت بيقتلنى
وانتوا بتستكتوا وبتتألموا
وانا بتكلم وبرضه الكلام بيوجعنى
لسانى مل عينى كارهه تشوف
ودنى بتتسد عند حرف من الحروف
اى كلمة قبلها هـ يعنى هبقى
 طب انا مش هبقى ودة سبب الخوف
الضلمة بتخيلها نفسى اشوفها
زى حية بتحلم تدوق سم جوفها
انا حالة ميئوس منها
صبارة عاوزة تحس بألم شوكها
الدفى مش للى زيي انا بموت من البرد
مش برد المشاعر ولا برد الجو
برد الرعب من سرعة الوقت
ناحية المستقبل بسرعة البرق

Sub-Zero | أنا 5

FOLLOW ME TO GET ALL NEW
#INSTAGRAM : Scandarghost
#YOUTUBE : SCANDAR 706
ARABIC RAP
specifically Egyptian
أنا الضوء في بلده تمكنت منها العتمه 
#2023


Facebook:  https://www.facebook.com/SuBZiR0
Youtube channel : https://www.youtube.com/channel/UCfnZyuGqsMCvtJvO64gM3WQ
