El Joker - Sa3et el Tagaly | الجوكر - ساعة التجلي

fair

Recored By : A-R Studio
Mix.Mastring : Mahmoud Afifi ♥
Lyrics : 
عارف لما تبقى بارد و تموت جواك المشاعر
وتكره كل حاجة بتربطك بأى كائن
تخاف انك تجازف وتسمع كلمة اسف
كاخر كلمة اتقالت ليك فتاخد العزلة ساتر
عارف لما تبقي حاسس باللى جوا كل واحد
وتشوف اسمك بعينك اصغر خط تحت فى هامش
بتكبر بس فى حالة هوامش المصالح
فتلعن كل عيش و ملح بينكوا زمان اتاكل
عارف لما تبقي حاضر بس كأنك كنت غايب
وتشوف الضلمة نور لان  القمر نوره باهت
وحبيبتك مهما كانت بتضحى او بتساعد
حبك ليها نهايته فرقه برغم عدم وجود مشاكل
عارف لما تبقي تايه لما تبقي مانتش عارف
مين اللى فيهم صادق مين بتقابله و هو طبعه خاين
لما تكره التجارب لما تلقى العشرة هانت
لما تعدى وانت خايف لا ينوبك من الغدر جانب
----------------------------------------
عارف انت لما تكون وسط كل دول و دول
وتلاقى فى وشك السواد محدد الجفون
وتشوف اللى فى القواب امراض على كل لون
بتحس الكل عادى وانت لوحدك المجنون
----------------------------------------
عارف يعنى ايه تخون متأمنش حتى لضلك
مش مستوعب فكرة ان حد بيفضل جمبك 
وتشوف الفرقة جنه تحب تكون لوحدك
وليه تعيش معاهم طب ماكله هيبعد عنك
عارف لما تبقي جماد ساعتها مبتعرفش تقرق
بين طعم المايه العذبه و طعم المايه المالحة
وتقول اصلا مش فارقة ومين مهتم بحالتك
ياعينى دة انت شوفت كتير لما القلب استكفى
عارف انت لما تدور ع السعاده فى خرم ابره
وفجأة تكتشف ان السعادة مجرد  كدبه
وتلقى العيشة اصعب من شوكة واقفه فى حلقك
ويبقي الموت اهونلك من انك تطلب مساعدة
عارف لما تحس بجلدك رافض نور الشمس مرة
مش عاوز تخرج بره حتى لو عملولك ثورة
عرفت انت مخير وخدت قرار فى لحظة
انك ما تفارق اوضتك الا لما تكون فى قبرك
----------------------------------------
عارف انت لما تكون وسط كل دول و دول
وتلاقى فى وشك السواد محدد الجفون
وتشوف اللى فى القواب امراض على كل لون
بتحس الكل عادى وانت لوحدك المجنون
----------------------------------------

Follow me on Facebook :
https://www.facebook.com/SuBZiR0

Sub-Zero | عارف

كل ما تبقى الأرض أصلب تحت رجلي أترعب
لـ أنسى كوني شخص بكل معاني الكلمة تعب
وبستغل خوفي في إني اتقدم ، مش في إني اتحجم
عارف الفرق بين الراحه ، وبين ألم مطفي بمسكن

بقالي وجود لما بقالي أهداف أحققها
بسعى للمثالية ، وعارف إني مش هلحقها
بس هفضل ببقى أحسن كل يوم عن اللي قبله
وده يستاهل إني أتعبله ، ويطمنّي وانا بقابله

انا كنت شايفه رماني ، لا في زماني ، ولا في مكاني
وكنت فاكرني هبقى المهدي لو اتولدت في ظرف تاني
تلميذ مذاكرش ، وفاكر امتحانه اللي ميتحلش
مع إن الكل واخد نفس الامتحان مقلش

من هنا بدأت أحل الأزمة ، لما بدأت أشوف
إن العيب كان فيا من البداية ، مكانش في الظروف
آمنت بكون الله بيديني بس اللي استحمله
فبقيت بواجه أي شىء ، وانا راضي ، ومتقبله

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

لما تاخد فرصه تانيه وانت قبل الموت بمللي
يبقى صوت مـ السما بيقولك: جه الوقت تآمنلي
فـ تفوق تشوف كام موته .. كام أوفر .. كام شوطه
كام حادثه .. ليله سودا .. كان وارد فيها موتك

واتكتبلك عمر جديد ، وانت كنت أعمى وعنيد
تقوله أموت .. يقولك عيش .. تقوله ليه مبترحمنيش
وكل دي تجربه ، ومكانش فيها صدف
ده احنا وقعنا عشان نقوم ، وعشان نتعلم إزاي نقف

خطائين .. لكن ده مش هيحدد نوطى ولا نعلى
مش محتاج تغير نفسك ... محتاج تغير فعلك
عمر ما جوهر المُزارع زاد أو قلل الحصاد
الفراعنة لما اجتهدوا شوفنا بعيننا الأهرامات

ولو تعبت في ص ، ولقيت النتيجه في س
بعد فتره هتعرف إن الـ س أحسنلك بكتير
آمن إن ربك أدرى بأفضل حاجه ليك
فـ بيكافئك في الميعاد ، وفي المجال المناسبين

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

El Joker - Forsa Tania الجوكر - فرصه تانيه - YouTube.MP4

اغنية بكتبلك .. اهداءً لأمي

كلمات : عمر أحمد الجنايني
موسيقى: وهبي
تسجيل وهندسة صوتية: علي أجنبي

اهدوا الاغنية لمُحبينكم !!

كنتي شمس في عز النور وأنا إللي كنت معمي عنك
ولأنّ الشمس حقيقة ، مافيش نهار يقدر يداري
ولا ليل يثبت بنجومه إنه أكثر قيمة منك 
يمكن دلوقتي عرفت إنك مهمة بالنسبة لي
لما الدايرة أتفرغت ، كل أما أقرب كنت برجع 
والف مالقاش غيرك.. كنتي مركز وأنا البرجل 
لما نزلت لـ حوت ، ولما يونس كان لوحده
كنتي آنتي ليا بشكل حصري كل حد احتجته
ولما عقارب ساعتي حكمت بـ إن الوقت خلاص أتأخر
حاربتي الزمن قولتي: إني طفلك مهما هكبر 
كنتي ألبوم صوري ، كنت كتير وكنتي آكتر 
كنتي تآني أكبر حاجة ليا بعد الله أكبر
رسالة من الجنايني.. شكرا ليكي لأنك كنتي
أوسع مساحة خضراء بزرع فوق أرضها رجولتي
أنا مش آكتر من خيالك و انعكاس معانيكي لأنك
جميلة فلما بشوف جمال ، تلقائي بشوفه منك
في عز ما كنت لوحدي ، والعرب خذلوني، وسابوا
علم "إسرائيل" على أرضي ، جيتي آنتي ومشيتي بؤسي
فكرتيني بتاريخي ، واني كنت و هم كانوا
فاكتشفت إني فلسطين ، وده لأنك آنتي قدسي
أضلاعك بتحاوطني ، بتوازيني ، بتكملني 
هندسيًا صعب ، بس بيولوجيًا آنتي مني 
اشهدلك بانك كنتي بدايتي في وقت ما جت نهايتي
انتي التوازن.. يعني لو قمتي هتقوم قيامتي
آنتي سدرة المنتهى.. اعلى جنة أنا عرفتها 
من غير بُراق ولا معجزات لقيتك فـ دخلتها 
نصيبك في كتاباتي كان قليل ، دي مشكلتي 
أنا اه رومانسي كبير بس أصغر من وصفك انتي
بس هذا لم و لن يعني إني مش مهتم 
زي ما ترجمتيها آكتر من مرة بأني معنديش دم 
بس اديني بكتبلك كعبة ندر عليا تطوف حواليها
كل حواء هتقرا فـ تتمنى أن كلامي يبقى ليها
آنتي فرض فلازم ، شخبطة طالب في ملازم 
هو نسيكي ، بيعتذرلك إنه كان حافظ مش فاهم 
اسألي البيبان عن خبطي.. والورق عن كلمة بـ خطي 
شكرا لأنك دايماً هنا.. و عمرك ما اتأخرتي ❤️
أنا يمكن ساكت دايما؛ بس ده لأني إنطوائي
بكتبلك وأنا بغير عليكي حتى من قُرائي 
يديكي طولة العمر و تبقي وردة جوا جنينتي 
وأفضل أتوه في وصف ولما أعطل أقول حبيبتي

Omar Ahmed - El Ganainy | بكتبلك -  الجنايني

متطلّبات الجنة:
_______________________________________
Intro: scene 1
-انت عايز تعمل ايه
=يعني مش عارف
-عارف، زي ما انت عارف ان دي مش الطريقة اللي هنلاقي بيها اجابة
=مبقتش عايز اجابة.. انا زهقت.. مبقتش عايز اسال نفسي عن اي حاجة
-انت اذكى من كدا.. مش انت اللي يوهم نفسه.. ولا اللي يريح دماغه وميفكرش
=شكلك عندك أمل تقنعني! 
-انت لسه برضه مفهمتش اني مش بحاول اقنعك باي حاجة.. انا بدور معاك.. وبسأل نفس اسالتك.. والأمل اللي عندي إنك تسمعني عالأقل
=قال يعني هتقولي حاجة معرفهاش.. ما انا حافظ كل نصايحك.. اسمعك ليه وانا عارف انك هتقولي.. 
_________________________
Verse 1:
معلش، آخر مرة، استحمل، عيد شريطك تاني
أدوق أنا المّر في حياتي، وانت تطبطب في الأغاني!
ماعادش في مساحة لربك فاكرنا فمتقلقش
ناتج الظلم كان مفروض العدل ولسه متحققش!
فكل مرّة كنت بهدى وأصدّق، إني لازم أصدّق
ليه بتقنعني أغطس أعمق كل ما تشوف إني بغرق!
القشاية اللي انت شايفها دي مش أمل ده سراب رسمته
بتشوف في الضرر حسنته، وتخفي غضبك بابتسامته
والغريب مهما عكس كلامك حصل لسه مؤمن
بتلاقيلك سبب مقنع، حقك مش هيضيع لا يمكن
فالحق بيتنسي، وتاني اتأذي، والمؤذي بيتكسي
والسؤال لو الرقيب ليه حكمة، أنا لمين اشتكي!
آمن بفكرة لكونها أذكى فكرة، ما إنت غبي
"صدّق لحد ما تتأكد" ده عمره ما كان مذهبي
الشك اللي انت خايف إنه يعيش، بياكل خوفك
بيهوّن عليك وظروفك "تغلط والإله يشوفك" 
________________________
Scene 2:
-ايوة بس أنا مكنتش هقول كدا
=يا سلام! من امتى بتفكر بطريقة مختلفة
-انا كنت عايز اقولك انك طلعت عندك حق
=ما انا عارف من زمان، بس يا ترى انت ايه اللي خلاك تغير رأيك دلوقتي 
-عشان المرة دي فهمت مشكلتك
= وايه هي مشكلتي؟!..
-نتايج افعالك.. وافعال اللي حواليك بتقنعك تبعد عن الصح.. يعني مثلا لو جربت
_________________________
Verse 2&3:
تعيش بتحاول تمحي جهلهم، محدش هيعلمك
اديهم آخر لقمة وجوع، محدش هيأكلك
ما انت طيب، فكرك سوي، فلأجل المصلحة العامة
بتستحمل وقوع ضرر عليك لخروج عدد من أزمة
وطول ما فيك حيل انت بتشتغل وغيرك لأ
ما المسمار المتني في راحة والسليم طبيعي يتدق
وبمعايير الدنيا هيقولولك ان المتني ناجح
وانت متعترضش عشان نجاحك جنة وانت عارف
مش بس كدا الضمير بيعلى فالمطلوب بيزيد
والمقابل مش نجاحك لأ، انك للكون مفيد
فلا حد هيشكر سعادتك، ولا هيرد الكون افادتك
مانت هدفك، عارف انه نجاح على المدى البعيد
فبص، محدش هيساعدك، مش هيعيشوا الوقت بساعتك
ايوة؛ غير انك تمشي صح هتشيل ليلة مش بتاعتك
فاكر لما كنت قريب من حلمك كام شخص بعدك
كل عنصر فيها جزء من نظام بيحفر تحتك
اوعى تصدق إن خوفك من العقاب كرادع نافعك؛ 
.. ابعد عن الغلط عشان غلط هتزيد دوافعك.
.. السم في العلاج، وخوفك من المرض خلاك
على استعداد.. تقتل شيء في يوم تلبيةً لاحتياج.
واوعى تظلم حتى لو هتتظلم من الكل
كل ظالم فتيل مظلوم، اقطع انت حبل الظلم
لكل فعل رد، دايرة كحق ليك مشروع
بس أشرفلك تكتب اسمك على طَرَف الحبل المقطوع
هيسرقوك، وهتيجي فرصة تسرق.. حكّم أصلك
هتشوف نساء سعيدة بالتحرّش.. غضّ بصرك
علماء الدين هيشاوروا باليمين على الشمال
واتخلقلك عقل عشان تحتكم ليه مش للاقوال
صعب؟ ما طبعا صعب.. مش نفسك تروح الجنة!
ولا فاكر ان بجملة حقك في النعيم تتهنى
لأ جنب الشهادة مطلوب عبادة وصالح الاعمال
وبعد ده كله دخولك الجنة برضه مجرد احتمال
_________________________
Scene 3:
=اديك قلتها.. اتعب نفسي ليه بقى من الاول، المهم انك فهمت اخيرا.. ممكن بقى تسيبني في حالي! 
-لأ..
=انت مبسوط يعني وانت شايفني بتظلم! عاجبك اوي اني كل مامشي صح اندم.. واشوف بعيني كل اللي ماشي غلط مرتاح! 
-تفتكر انا هدفي اديك سبب زيادة انك تستسلم! تفتكر انا فعلا عشان مش راضي باللي بيحصلك هسيبك تتوه!
=انت عايز مني ايه 
________________________
Verse 4:
مش عايزك تفهم غلط، بحضرّك، مش بحبطك
عايزك في كل لحظة تبقى واثق من خطوتك
انا شفتك استحملت الاذى من الشارع و المدرسة
صمدت رغم كذا وكذا، ودلوقتي بترجع للاسف
مش هقولك انت اخترت فلو هتمشي ايه اللي جابك
طول ما سؤالك لسه عايش عمري ما هزيف اجابة
ولا هسيبك برضه تتوه في سكة مش لاقيلها هدف
وعد هفضل المحايد مع انه المنبوذ للاسف
مش هزيّف الحقيقة، الطريق ده مش ممهد
هو اصلا صعب بيهم، شبه مستحيل لوحدك
بس عارفك، كل ماتتعب هتشوف في التحدي راحتك
مش ضامنلك مكسب؟ يمكن.. بس ضامن تكسب نفسك
مش قادر اوعدك بالجنة، مش عايز اقنعك تستنى
حب الصح عشان ده الصح ده اللي كنت عارفه عنك
انت اسمى من المقابل، انت آخر صح فاضل
انت آخر نقطة بنروي بيها شجرة الفضائل
________________________
Outro:
انت النقطة اللي بتتقاطع فيها روح كل الفصائل
انت الاثبات الوحيد عالحكمة في خلق شيء عاقل

Last Rap Seed

علامة استفهام 4

Motatallabat El-Ganna - متطلّبات الجنّة

Artist: kassar
Prod by : free beat 
All efforts : VII ❤❤
cover by : ammar hosney ❤❤
Lyrics:
..
V1:
حلفتك ببعادك لا تغيبى عنى لا تغيبي 
من بعدك بستنى الليالى تمر وبستحمل نصيبي
الدنيا بتضيق ولسانهم بيطولك بالشر البعيد
بيقولوا انك متى ومش راجعة وبرد هترد اكيد 
..
متضايق .. بالى مش رايق 
مبقتش بشيل الهم وبشرب انا مش فايق
على عينى نسيانك صعب ومش قادر
سالونى اقلام جواباتى لبيتك فين عنوانك 
..
ببص لفوق 
وادعى للسما انى اشوفك يرد المطر يبنى فوق
فى بعادك طوق 
لجمنى ومستنى تزورينى فى احلامى واشكيلك من طيفك و الشوق 
..
C1:
يا ملاذى وقت ما غابت كل البيوت 
طلى ليلة وطمنينى و كفنينى بموت 
زورى دارى لدمعى دارى ومسي روحى بصوت
طال علاجى ليكي باجى اتمنى اشوفك يوم 
..
V2:
صدقينى مش سهل اسيبك كبرت ولساكى جوايا 
زارتنى البنوتة دى شبهك وشفتك فى حكايتى معاها 
سامحينى انا زى الغريق اللى مستنى شط فى غويط النهاية
مش هلمح الشمس هحكيلك بليل علمتك بنجمة فى سمايا 
..
باركيلي الليلادى هيزور الدنيا دى 
خليفتى فى تعاستى فارقينى الساعادى 
بكتبلك وانا عالباب اللى جابلى حفيد
منستش ان كان نفسي انك تكونى فى البيت 
..
الورق بيشطب يا حور
بكتبلك قبل يومي بيوم
وسابع عقد شاف النور
اخيرا هزورك وافوق
..
C2:
يا ملاذى وقت ما غابت كل البيوت 
طلى ليلة وطمنينى و كفنينى بموت 
زورى دارى لدمعى دارى ومسي روحى بصوت
طال علاجى ليكي باجى اتمنى اشوفك يوم 
..
سهرة مش تمام خالص :"
لو عجبك قدر وخلى غيرك يسمع 💜
#كسار
#ال12

O my refuge | يا ملاذي

Artist : kassar
Prod by : free beat
Rec.mix.master : VII
"عازف" cover by : ammar hosney 
Lyrics:
..
الروح اليك تشتاق 
رغم البعاد والمسافات 
الدار يا دار غريب 
وانا قلبى ليك ميال
..
زورينى وداوى روحى 
الليل هيزول لو يوم تبوحى
سوادك غطى جوفى
ولوحدى لكن مش بطولى
..
وانا مش بنساكى ليه
بسهر واناديكي ليل 
سيبتيلى بواقى خيط
واتعلقت وهويت 
..
وانا ياللى غايب من زمان 
شفت فى عنيك معنى الكمال 
لو تيجي فى بالى انا مش بنام 
ضمينى اللية دى كمان  
X2
..
واستنينى .. راح يوم جيكي 
عنى لا تغيبى .. طلى واليوم هلا عيدى 
..
كل الطرق بتفكرنى بيك
عشمان تدق الباب ايديك 
راسمك فى قلبى بصورة باهته
وكل ما ابعد بعود اليك
..
وانا مش بنساكى ليه
بسهر واناديكي ليل 
سيبتيلى بواقى خيط
واتعلقت وهويت 
..
وانا ياللى غايب من زمان 
شفت فى عنيك معنى الكمال 
لو تيجي فى بالى انا مش بنام 
ضمينى اللية دى كمان  
X2
..
لو عجبك اللى بعمله شيره ووصل صوتى لاخر الدنيا 💜
الذكرى ال 22 لوجودى هنا وسطكوا ✌
#كسار
#ال12

Quien se perdió | يالي غايب

Nour Ellden نور الدين FT Kassar كسار , VII السابع - Shots I كاسات

الجوكر كبايه العصير ٢٠٢٠.mp3

الكلمات :
دوس  عالوجع لساك بخير بتداري حزنك عالورق
كل السطور عارفاك سكير مفضوح يا سارى عالعلم
بتشوف الناس بعين ضعيف وعنيك ياقوت مطلى بدهب
اغلاك رخيص فعيون صحابك سهمك هزيل نخ ووقع 
..
دور على اللى يحتويك هتلاقي ركن وفيه قلم 
اكتب بخط المجروحين عبى السموم حبرك زهد
واستنى بكرة بروح جريح عنده الحياة شق الامل
بكفاية ترسم عالحيطان ايدك دى لوحة امسك فرش

..
عبيلي من نوايا لقاك اللى ما شافت عيني منها يوم 
و اخفيني بين ثنايا الناس اللى عنيك بتزورها وقت النوم 
و لو كان اللقا تفاريح متقللش فى منابي 
عيوني بتشتي طول الليل وتبكي سمايا فى منامي..!
وانا سواح سواح.. فى بلادك
ومش مرتاح مرتاح.. فى بعادك

..

Elsayed agamy

يا صاحبى طال فراقنا و طال حكاوينا 
لا كان فى طبعى هسيب ولا احنا فاض بينا 
اسامينا على ده الحال بتشبهنا 
و نتقابل فى ١٠٠ موال يحكينا

لليل 
موعود يا ليل 
للغير 
بنتوه يا ليل


..
عبيلي من نوايا لقاك اللى ما شافت عيني منها يوم 
و اخفيني بين ثنايا الناس اللى عنيك بتزورها وقت النوم 
و لو كان اللقا تفاريح متقللش فى منابي 
عيوني بتشتي طول الليل وتبكي سمايا فى منامي..!
وانا سواح سواح.. فى بلادك
ومش مرتاح مرتاح.. فى بعادك

..
Black Ak
بنتلجلج و نتلغبط 
لو نتعاتب بنتستغرب 
ننسي مين غلطان و نسرح في حكاوينا 
لية نتباعد مين قصدك ؟ 
كنت فاهم من النظرة 
قلت أأجل الفراق لو دقيقة 
الدنيا بتواسيني يا ليلي يا ليل 
البعد دا أذيني انا فيني و فينك 
شفت مين كان أصدق
صحبي بتاكلك الضلمة 
الي كسرني مش الوحدة 
بس إن كانت منك الضربة 
تبعد ليه تقصد إيه ليه رحت بعيد 
إيدى وقفت من المراسيل 
هوا انت نسيت ولا جه غيري ينسيك
والله مهما تبعد مش هسيب
كنت فاكر إنا واحد لو وقعت تشيل
أسف لو لمرة كنت تقيل 
بقيت اقصد أنا أفكر فيك 
عشان لما أنام الاقيك 
انا سواح سواح
و مش مرتاح مرتاح
وانا سواح
في بلادى

Follow Black AK
https://www.instagram.com/blackakoffi...

Follow Kassar
https://www.instagram.com/kareem_awad_66
https://www.youtube.com/channel/UCHbS...

Follow Elsayed Agamy
https://www.instagram.com/elsayedagam...
https://www.youtube.com/channel/UCL_p...

Beat Prod by : Reddy
https://www.facebook.com/Redonemusic112

Art work : Hamdy Destination
https://www.facebook.com/Hamdy.Destin...

Rec,mix,master : Elsayed Agamy

Black Ak ft. Kassar , Elsayed agamy - swa7 | بلاك و كسار و السيد عجمي - سواح


Facebook:  https://www.facebook.com/SuBZiR0
Youtube channel : https://www.youtube.com/channel/UCfnZyuGqsMCvtJvO64gM3WQ


Sub-Zero | عارف

Devils Music