Rec . Mix . Master By: Devils Music | زعفران ريكوردز
Lyrics : 
متوشوشنيش  مش هتشوفنى شبههم ابداً
انا اواجه فى الوش مليش فى الغدر عمرى ماخدته مبدأ
طب تصدق جاتلى الفرصه مقابل الماده
اكل اكلهم اشرب شربهم اسيبهم وبالخيانه أبدا
يا شيطانى سيبنى انا غير انا مختلف
قدرت تقنعهم و تكسرهم بس انا واقف ك الألف
مهما اتغيروا و جم عليا انا عمرى ماللشر هنجرف
صافى زى اللؤلؤ وسط الفضه من نورة يتعرف
طب عارف الناس اللى كنت مأمنهم واديتهم اسرارى بعدها سابونى
عمرى ما حتى فكرت اواجههم عارف ان من وسوستك خانونى
نسونى باعونى مش فاكرين عشرة سنين
بعد ما كنت مصدر قوتهم ضعفوا لما رموا ودانهم ليك
انا مش كارهم حتى هما فى سكة وانا فى سكة
عامل حسابى  مش هقابلهم ولو  بالصدفة البحته
عندى طريقى اولى بحلم اوصل درجة بدرجة
انا بشوف الغدر مرض اكيد محلمش اكون من المرضى
----------------------------------------
بسأل نفسى ساعات ايه وصلنا للخلافات
طب دة نقص ولا غيرة ولا حب زيادة للذات 
زادت المسافات يا صحاب من زمن فات
انا مش زعلان على حاجة غير على العمر اللى فات
------------------------------------
انا عادى لوحدى مكمل حتى لو بعيون مقفولة
واوعدكوا انى مش هدمع كل اما ابص علينا فى صورة
بس بيبقى غصب عنى لما اشوفها وابص جمبى
وافتكركوا واشوف نظرات العطف من حيطان الاوضة
وانتى لما احتاجتينى لقيتينى جمبك
كل الطرق لوصلك اتسدت لما احتاجتك
انا شوفتك .. بس مكونتيش لوحدك
كانت ايدك فى ايده دة اكيد مش غصب عنك
فمتقوليش انا اسفه اسفك اصلا مش مقبول
انتى من نوعهم نفس صفاتهم فعلكوا دايما عكس القول
يا اما الغلط عندى و الزمن ده مش زمنى
دة زمن اسمه مصالح بمراحل و كل وقت بلون
والله احترت فيكوا وبرضه احترت فيا
ليكون مكتوب عليا اعيش دايما باصص حواليا
ادور فى الوشوش اجرب حظى و اخسر 
واموت من الحسره قبل ما الاقى حد يشبه ليا
----------------------------------------
بسأل نفسى ساعات ايه وصلنا للخلافات
طب دة نقص ولا غيرة ولا حب زيادة للذات 
زادت المسافات يا صحاب من زمن فات
انا مش زعلان على حاجة غير على العمر اللى فات
------------------------------------

Sub-Zero | أنا 4


Facebook:  https://www.facebook.com/SuBZiR0
Youtube channel : https://www.youtube.com/channel/UCfnZyuGqsMCvtJvO64gM3WQ


- أنتِ وظروفُه ومحنتُه وأهلُه..
اربَعة علىٰ واحِد كتِير!'
