صلاج جاهين

موسسقى شرقي

سـمعت نقطـة ميـه جـوه المحـيط
بتقول لنقطـة مـاتنزلـيش فى الغويـط
أخـاف عـليكى م الغـرق . . قلت انا
ده اللى يخـاف م الوعـد يبقى عبيط
عـجبى
_____________
أنا قلبـى كـورة . . والفـراودة أكـم
يـامـا اتنطـح وانشـاط .. وياما اتعكم
واقـول له كـل ح ينتهى فى المعـاد
يقـول بسـاعتك ؟ والا سـاعة الحكم ؟
عـجبى

أنا قلبي كورة والفراودة أكم - رباعيات صلاح جاهين بصوت علي الحجار

خـوض معركتهـا زى جـدك مـا خاض
صــالب وقـالب شـفتك بامتعـاض
هـى كـده . . ما تنولش منهـا الأمـل
غير بعـد صـد ورد ووجـاع مخـاض
عـجبى
_________________
اوقـات افـوق ويحــل عنـى غبـايا
واشـعر كأنى فـهمت كـل الخبـايـا
وافتـح شـفايفى عشــان أقـول الدرر
مـا أقـولش غير حبة غزل فى الصبايا
عـجبى

أوقات أفوق - رباعيات صلاح جاهين بصوت علي الحجار

عجبى عليـك . . عجبى عليـك يا زمن
يـا بو البدع يا مبــكى عينى دماً
إزاى أنـا أختـار لـروحى طـريـق
وانا اللى داخـل فى الحيـاة مرغمـاً

عـجبى
_________________
حاسب من الأحـزان وحاسـب لهـا
حاسب علـى رقابيـك مـن حبلهـا
راح تنتهـى ولابــد راح تنتهـى
مـش انتهت أحـزان مـن قبلهـا ؟
عـجبى
_________________
مرغم عليـك يا صـبح مغصوب يا ليل
لادخلتهـا بـرجليا ولا كــانـلى ميل
شـايلنى شـيل دخلـت انا فى الحياة
وبكـره ح اخرج منهـا شـايلنى شـيل

عـجبى
___________________

يأسـك وصـبرك بين إيديك وانت حـر
تيأس مـا تيـأس الحياه راح تمــر
أنا دقت مندا ومندا عـجبـى لـقيت
الصـبر مـر وبرضـك اليـأس مــر
عـجبي
__________________
يا باب أيا مقفـول . . إمـتى الدخـول
صـبـرت يـامـا واللى يصـبر ينـول
دقيت سـنين . . والرد يرجع لى : مين ؟
لو كنت عارف مين أنـا . . كنت أقـول

عـجبى

حاسب من الأحزان \ يأسك وصبرك بين إيديك - رباعيات صلاح جاهين بصوت علي الحجار

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

كلمات: بهاء جاهين
ألحان: أحمد منيب
التوزيع الموسيقي: عادل عايش
إيقاع دفّ: سليم الشعراوي
عود الفنان: فتحي جمال
كولة: إبراهيم فتحي
كيبورد: عادل عايش

انا مصري - أحمد منيب - من ألبوم رح أغني

كلمات: عبد الرحمن أبو سنّة
ألحان: أحمد منيب
التوزيع الموسيقي: عادل عايش
إيقاع دفّ: سليم الشعراوي
عود الفنان: فتحي جمال
كولة: إبراهيم فتحي
كيبورد: عادل عايش

أنا قلبي كورة والفراودة أكم - رباعيات صلاح جاهين بصوت علي الحجار

Doaa M. Dwidar