كل حاجة فى حياتنا لازمها ثورة True# 

صوتي عوره جسمي عوره كل حاجه حلمنا بيها لازمها ثوره

الكلمات حلوة جدا .. بس المزيكا كان ممكن تكون أحسن كتير

بجد إستمرى جداً عجبانى الفكره موت ^_^

احب الأغنية دي جدا جدا جدا 

فهِّمونا زمان إن احنا بنات

صوتنا مكتوم، جوَّانا تساؤلات

ممنوع كلام، ممنوع السلام

فهِّمونا إن الجهل أمان
 
علمونا نبطل كلام

صوت المرأة عورة فلازم السُّكات

ممنوع كلام ممنوع السلام

صوت المرأة عورة فلازم السُّكات

عروستي

حطُّونا جوَّه الصندوق

لفوا حوالينا القيود

ممنوع كلام .. ممنوع السلام

ممنوع الحب ممنوع الأحلام 

ليه نسكت، ليه الاستسلام

أنا حرَّة وصوتي ليك أدان

ممنوع كلام... ممنوع السلام

أنا حرَّة وصوتي ليك أدان

عروستي

سكوتنا مش هيطوِّل

هنزيد كمان ونقول

حرية يعني بنت..

تكبر وتشوف النور

تكسر السلاسل.. تكسر القيود

تطير وتعدي السُّور

وتقولك:

غور غور غور غور غور غور

خلِّي بناتنا تشوف النور

عروستي

3- Fahemona Zaman - فهمونا زمان

حرب كبيرة

حياتي حرب كبيرة... مش لقيالها نهاية

كل يوم بأقول هتخلص... و أبدتدي نفس البداية

قولِّي ليه؟ ليه تحولها لحرب؟

قولِّي ليه؟ ليه تخلي من وجودي ذنب؟

هحكيلك موقف صغير... يبدأ من وأنا فى البيت

في يوم صحيت.. م النوم لقيت... ماما عملالي الفطار... وابتدى نفس الحوار 

مفيش نزول... مفيش طلوع... ومن انهاردة مفيش غنا....

مفيش غنا..؟

الغنا ممنوع... والزعل مرفوع

نقول إيه للناس عن بنت كبرت والحجاب مقلوع؟

الحجاب مقلوع؟

يا ماما بس اسمعيني..

حاولي يمكن تفهميني..

دة قراري .. ده اختياري..

مش هينفع تجبريني..

يا بنتى اعقلي..

أنا وأبوكي عنك مسئولين..

 ومن النار مرعوبين..

ده غير كلام الناس التانيين..

بأنهي عقل.. وأي دين.. تكونوا عنِّي متحاسبين؟

وانتهى الحوار

و آدي أبسط الحاجات..

مشي في الشارع سكات..

صوتي عورة..

جسمي عورة..

كل حاجة حلمنا بيها لازمها ثورة !

وحياتي حرب كبيرة.. مش لاقيالها نهاية

كل يوم بأقول هتخلص.. وأبتدي نفس البداية

قولِّي ليه؟ ليه تحولها لحرب؟

قولِّي ليه؟ ليه تخلي من وجودي ذنب؟

2- Harb Kbira - حرب كبيرة

حريِّتي

قولتوا كفاية عليَّا الحياة
أمشي	 براحتي خط المشاة
حلوة الخطاوي وساعة ما أدبّ
أبقى ف كَلَبْش فوضع انتباه
قولتوا التنفس ضروري ومهم
بس الزهور قولتوا ممنوع إنِّي أشم
مسمعش نَفَسِك؛ ده نوع من الإغراء
لَحسن هتلاقي الناس تتلم
امشي زي الألف.. بس بهمزة طايرة
وعنيكي تكون ف الأرض في وجود نظرة حايرة
غطي عنيكي أحسن تتحسدي
يا بت استحملي ومتعيطيش
خلِّي المراكب سايرة
قولتوا الضحك فُجْر؛ والفُجْر من الشيطان
والابتسام عند اللزوم فى وجود مِحْرِم عشان
العفَّة وسط الزفة ضمن صفاتك تكون
هتكوني هادية ولا هتفَضَّلي الجِنان
عيشتوني في وهم، هرتوني مسميات
خلتوني أنا الأداة لتنفيذ العادات
الوهم كان اسمه بنت؛ والحقيقة سُكات
هتعيشي هادية، ولا هتموتي زي اللِّي مات
 
---
هبقى جزء من الحقيقة ..مش بس من السراب
لسة فاكرة التبريقة، والغيمة والضباب
هقول حاجات كتير قالولي شِبْه مستحيلة
من حقي أجري الصبح بدري من غير تعليقات سخيفة
فيها إيه لو راكبة عجلة ميتقالش دي بنت سافلة
ليه علشان ألبس فستان يبقى لازم فيه مناسبة
مش هموت لحد ما أفهم مفهوم الحرية
حريتي مش ملك ليك؛ حريتي حق ليَّا
يا أبويا ولَّا أخويا ولَّا جوزي.. احترمني
فكر واسأل نفسك مرة إيه تعريف العيشة الـمُرَّة
ترد تقولّي احنا شرق مش عايشين برَّة
الخصوصية برده حقي ولازم تُحتَرم
أنا مش مِلْكيَّة عامة بتزيدوا عليها الألم
سبوني أعيش حياتي وبِوشِّي الحقيقي
مش من وأنا لسَّة صغيرة بتخطَّطوا لطريقي
أنا جسمي بس ملكي مش هسمح بالتشويه
أنا لسَّة حقوقي كتير، فَليَسقط السَّفِيه
الخطوة الأولى تقول من حقي إني أختار
هختار أنا حياتي اللي هعيشها بإصرار
من حقي أكمِّل تعليمي لِحد ما أكتفي
من حقي أبان للعالم.. مش عايزة أختفي
من حقي أختار شِريك.. مش شِريك لِعيلتي
يمشي معايا فالطريق ويكمِّلِّي فمسيرتي
من حق أخويا يحترمني ميهاجمش
مش برَّا يقول حرية، وييجي عندي يقوللي: "هش"
مش هموت لحد ما أفهم مفهوم الحرية
حريتى مش مِلْك لِيك، حريتي حق ليَّا

5- Horeity-حريتي

الحب عُمره في يوم ما كان سيطرة
الحب هو اللي يقدِّم مش يرجَّع لِورا
قال إيه عايز تحميني
انت كده بتلغيني
حلمي أبني نفسي مش إني أبنيك
أنا عايشة كاملة و مش ناقصة، ومش هكمل بيك
تِركني زي الفازا
عامل مني ألماظة
عمري في يوم ما هكون فازا في فاترينا
أو حِتة ألماظة لطيفة مخلوقة للزينة

مَرَة مُرَّة مَرَار مُرَّة مَرَار
مَرَّر عيشتك يا اللي تقول
مَزْمِز مُوز مُزَّة

قُطْعت إيدك يوم ما تطول
مَرَّر عيشتك يا اللى تقول
عُرْس عَروسة عروستي

أنا مش عروسة حد
ولا ماريونت بِيَد
متنزليش متقوليش متبسيش متحبيش.. ناقص تقوللي متعشيش

مَرَة مُرَّة مَرَار مَرَّر عيشتك
قُطعت إيدك يوم ما تطول
عُرْس عَروسة عروستي

جسمي لا هو عود ولا كمنجة
برَّة القالب مش راح أموت
أنا مش حتة تلجة
عقلك بين رجليك ودماغك أرض بور
أي كلام بنقوله بتهيج زّ التور


4- Morra Marar-مُرَّة مَرَار


حَطّوك عشان تِكمِّل مَعرفتش تعمل إيه
انت لازم تتحمل، والطريق لازم تمشيه
لازم تصرف، تشتغل، وكمان لازم تحب
لازم تكون أحسن حبيب وابن وكمان أب
قالولك وانت صغير: لو بتموت متعيَّطش
ولو هي الأميرة.. لازم انت تكون الوحش
ف البيت لو مراتك رَخِت لازم تشد
مع أختك تبقى جامد، و عايزها زيَّك جد
انت اللي عِلو صوتك من قوّتك مش عورة
انت اللى شبِّهوا بيك الحريم فِالثورة
افتخر بغريزتك عادي، و امشي عَاكس
هتلاقي في دماغك بتزيد الهواجس
وبنتك اوعى فيوم تشوفك وانت حزين
راح تتهد صورة القوة، والكلمة تبقى اتنين ..
و بِجملة المشاعر اوعاك ف يوم تتألم ...
فِنظرهم بعد تنفيذ الحاجات دي بقيت مِعَلِّم

كورس:
انت الكامل، انت العاقل، وهن ناقصات
انت الكاهن فالكنيسة، وهن راقصات
شرفك ليس له وجود زي ما عندها اتوجد
"لما قالوا ده ولد اتشد ضهرى و اتسند"
كوني راجل ميخلنيش قالب طوب
دقوا المزاهر الزار عمره ما لغى الذنوب
مش شرط أدفع حسابها
بيني وبينها المشاركة
لو اتألمت هحس ما أنا انسان
وعادي هعيط قدّامها
أصنامكم دي عاداتكم، هكسرها مش هبقى عبد
فيه غيري كتير ساكتين؛ فبالنسبالكم أنا مُستجِد
ابني هربِّيه وأقوله كلام كتير نسيتوه
لو اتأسفت عن كوني إنسان هكون معتوه
علاقتي بأي أنثى مبنيَّة ع الاتزان
غبائكم ربَّى بنت معقدة وراجل جعان
مجتمع وجهله طالنا احنا الاتنين، على مين نلوم
فصلونا بجهلهم ف إعدادية العلوم
إمضاء واحد منكم كان عايش عشان يصقف
قرر يحس بالبرد و هيبطل فالشتا يصيف

كورس:
انت الكامل، انت العاقل، وهن ناقصات
انت الكاهن فالكنيسة، وهن راقصات
شرفك ليس له وجود زي ما عندها اتوجد
"لما قالوا ده ولد اتشد ضهرى و اتسند"
 


5 - Anta Al Kamel - أنت الكامل

قولوا لأبوها  ابكي على الوكسة

مكسورة بإيدك والدموع ع الفَرشة

قولوا لأبوها ضحكوا عليك ضحكوا

لا شرفها بين رجليها

ولا بيحكوا

قولوا لأبوها مهيش سلعة تتباع

دبحوا الدبايح والنواح ينزاع

قولوا لأبوها إن كان قلقان يرتاح

مهيش كالون مستنية المفتاح

قولوا لأبوها دي البنات موجوعة

شايلة الوجيعة والرؤوس مرفوعة

قولوا لأبوها إن كان قاعد يتمشَّى

يحمي الصبايا من فيران العِشَّة

قولوا لأبوها إن كان تعبان يريَّح

بنت المَصَاروة أصلب م المِسَلَّح

روحوا  لأبوها وانزلوله الخيمة

مش بالتحكم راح تزول الغيمة

قولوا لأبوها  ابكي على الوكسة

مكسورة بإيدك والدموع ع الفَرشَة

قولوا لأبوها ضحكوا عليك ضحكوا

لا شرفها بين رجليها... ولا بيحكوا

1- Olou Labouha - قولوا لأبوها

لكل واحدة حكاية
 ينشدلها العود 
ولكل واحدة حرب
 بتخوضها بطريقة 
ولكل واحدة حياة 
محدودة بالضيقة 
قشر الحكية يقول 
ان الزمن قاسي 
وان العادات تقتل 
وان الحزن موجود
بالرغم من الضحكة 

قرار
بين لوني وديانتي 
بين شكلي ومكانتي 
بين اصلي أو عرقي 
ألوانه متفرحش

وان الحكاوي كتيير 
أغلبها تشبه بعض 
ما كلهم ستات
 وقهرهم واحد 
قلب الحكاية يقول 
القهر له الوان 
القهر متعدد
 اشكاله بالمجان 

قرار
بين لوني وديانتي 
بين شكلي ومكانتي 
بين اصلي أو عرقي 
الوانه متفرحش
 
برفض الاجماع 
عن كلمه وصفتني 
مرأة وست
مرة وبت 
حريم نسوان 
طلعنا من البؤجة 
ومتحطش عنوان 
لون حزننا الاسود 
ابهت من المعتاد 
اوقات بسيب حلمي 
م الأسى اللي اتعاد

قرار 
بين لوني وديانتي 
بين شكلي ومكانتي 
بين اصلي أو عرقي 
ألوانه متفرحش

كلمات: مارينا سمير وإسراء صالح
غناء: مريم سمير وإسراء صالح ومارينا سمير
ألحان: مريم سمير
إنتاج موسيقي وهندسة صوت: كريم حسام
إلكتيرك جيتار: زياد عصام، يوسف السيوفي 
فكرة وتنفيذ البوستر: مارينا سمير، ميريت عبد المولى، مريم سمير، إسراء 
صالح

Lyrics: Marina Samir and Esraa Saleh
Vocals: Mariam Samir, Esraa Saleh and Marina Samir
Music Composer: Mariam Samir 
Music Production and Mixing: Kareem Hossam
Rhythm Guitar: Ziad Essam 
Lead Guitar: Youssef El Seyoufy 

Idea and Execution of the poster: Marina Samir, Mariam Samir,Esraa Saleh and Mirette Abdel-mawla

لكل واحدة حكاية - Lekol Wahda Hekaya

كلمات: محمد إبراهيم
ألحان: إسلام علي و عمر غالي

#لو_مكنتيش_بنت_حلوة
كنتي ممكن تبقي وردة
او كمانجة او كتاب
كنتي ممكن تبقي قهوة
بتشاركني في الاكتئاب

كنتي ممكن تبقي بحر... 
تبقي مطرة
تبقي بلكونتي البسيطة
تبقي خطوة ف كل شارع
تبقي ضلي في كل حيطه

تبقي مثلا خط ايدي
او دوا ماشي ف وريدي
او مكان دايما بروحه
كنتي ممكن تبقي "اسمي" .. تبقي "جسمي" .. تبقي "روحه"

كنتي ممكن تبقي فعلا
شئ غريب مش من هنا
لو مكنتيش بنت حلوة
كنتي ممكن تبقي انا

كنتي ممكن تبقي بحر... 
تبقي مطرة
تبقي بلكونتي البسيطة
تبقي خطوة ف كل شارع
تبقي ضلي في كل حيطه

Omar Ghali - Bent 7elwa | Live | عمر غالي - بنت حلوة

دعسوقة - الكرش - Do'souka - Elkersh

Lyrics by: Mohamed Ali "Walkman"
Music by : Salalem

Recorded, Mixed and Mastered at Sonic Studio Ltd.
Sound Engineer: Essam El Saharty

كلمات: محمد علي - ووكمان
ألحان و توزيع و أداء فرقة سلالم

تم التسجيل والمكساج في ستديو سونيك
مهندس الصوت: عصام السحرتي

جميع الحقوق محفوظة
----------------
بلا قلبة راس بلا حرقة دم .. أنا مش مهتم
واذا كان عندك حاجة مهمة انا عندي أهم
ومش مهتم .. لا لا لا لا لا لا لا.... لا لا لا لا 
وانا مش مهتم

مصدر مسؤول صرح تصريح
والشيخ بهلول كلامه أبيح
والدنيا يا عيني بقت مراجيح
وانا مش مهتم .. أنا مش مهتم
*
عميل متميز .. عرض فريد
خبر في الجريدة بشكل جديد
وحرامي الزفة راح في الحديد
وانا مش مهتم .. أنا مش مهتم
*
والناس ح تهاجر على المريخ
والحرب هـ تبدأ بالصواريخ
والموسم دوا يزرعوا بطيخ
وانا مش مهتم .. أنا مش مهتم
*
آآآه وحبيبتي فرحها الجمعة الجاية
والناس واقفين وقفة احتجاجية
وانا قاعد أألّف .. بكتب أغنية
ومش مهتم .. أنا مش مهتم

Salalem - Mish Mehtam "Studio Version" مش مهتم

Ya Bakhtak - يا بختك | (A3det Mazika - Deezer Sessions)

English below

نحن فرقة نسوية مصرية، ننتج أغاني مبنية على التجارب الحياتية التي تعيشها النساء في الواقع المصري 

لماذا البومة؟

ثقافيًا، تحمل البومة دلالات سلبية حيث يشار إليها دائمًا على أنها تجلب سوء الحظ. يُقال للنساء العابسات "ابتسمي لا تكوني مثل البومة". لكن في الواقع، البومة مخلوقًا رائعًا يتمتع بخصائص غير عادية: يمكنها إدارة رأسها والرؤية من جميع الاتجاهات، ولديها حواس قوية في الرؤية والسمع ويمكنها سماع الأصوات الضعيفة. وعادة ما تكون فريسة البومة أثقل منها. 

هكذا نأمل أن نكون: أن نسمع الأصوات الخافتة ونعبر عنها، أن نرى حتى في الأوقات المظلمة، وأن نفترس نظامًا أبويًا راسخًا أكبر منا بكثير. 

We are an Egyptian feminist band. We produce songs based on women's life experiences in the Egyptian society. 

Why ElBouma (The Owl)?
Culturally, ElBouma entails bad connotations as it’s always referred to as a creature who brings misfortune. Women who are frowning are being told “Smile, don’t be like ElBouma”. But in fact, ElBouma is an amazing creature with extraordinary characteristics: It has a 360 degree vision, It  has a very strong  hearing sense  that allows it to hear the lowest  of voices  Additionally, El bouma is able to prey on animals  that are  heavier than it. 

That’s how we aim to be: to listen to and express the vulnerable voices, to see even in the darkest times, and to prey on an established patriarchal system that is much bigger than us.

2- Harb Kbira - حرب كبيرة

ElBouma - البومة

Recent comments

Tota Sawan

Tota Sawan

nazzer ramadan

Bassant Muhammedi

Related tracks