اهداء ل على حمدى صاحبى الى  انا كملت التراك ده  عشانه ولولاه مكنتش نزلتها  ^_^


Ensan w Laken

Lyrics ( الكلمات ) : Mo'Men

Music : Danson 

Vocal & Mastering & Mixing : Mo'Men 
(NaQd 7aD Records)
...........................الكلمات.................................
نزل ستار الليل نام البشر عم السلام
لمعت نجوم كتير ساد الصمت ف تاه الكلام
اصوات بتعلى وبتعلى ..اصوات مصدرها عقلى
وكأن عرض مسرحى بيتعرض جوا فكري
بطله العرض فكره,باعته جواب لبكره
مفادها خليك احلى ..غير حال الولد ده
مشاعره صبحت بارده...خليه يحب ولا يكره
رديت: ده ف الاحلام...انا اصلا من زمان
خسران صفه الانسان
أنا ضبع نابه ازرق
يطلع على كتف البشر لو حس انه حيغرق
بخوُون مش بصدق ...بخًون مبقتش افرق
صادق كذاب معملش حساب المهم انى اسبق
ابكى وانا مش متأثر والضحكه لونها اصفر
وبقعه نور جوايا ويوم عن يوم بتصغر
وياما حاولت اتغير ف افشل واحاول اكتر 
اوصل للنور اخر النفق لكن كان غيري اشطر



أنا الى كبته سجنه ولا مهرب غير عين تدمع
ومش هيدارى ضعفه ف ضحكه خلاص معدش ينفع
صرخت الوتر اتشد ف كملتوا لحد ما اتقطع
جفت بير الواحه هاجرت بعيد مش ناوى ارجع
مات نخل الطيبه قتلوا شىء جوايا ساكن
والدنيا مش زى الكرتون مش زى ما انت فاكر
اهاجم؟ مش حهاجم.....عشان ادافع حهاجم
نص ضبع...نص انسان..يعنى انسان ولكن



شديت خط تحت جمله اخرها سؤال وملهوش رد
عصفور اسير يكسر جناحه يبطل يعلى يا يعيش عبد
ومهما تعمل فيه الدنيا صابر قادر يرد
ده الظاهر انه صابر من جوا بيصرخ مش قادر
 عالى صوته وف الاخر ملكه الكره ولا سمعه حد
بدله الكره وشه الطيب بوش تانى
 اساسا مش مميز ولا يبفرق م الاولانى
فرق واحد ع الجبين مكتوب اليأس
 بحر دموع نازل م العين والحزن مبيخلصش
م القهره العين تدمع..... يلحقها بضحكه تسمع
 عازفها ع الكامنجه..... بطعم الحزن تطلع
تدوسه الدنيا ويركع يتقدم لما يرجع
كل البشر حواليه والثمن لوحده بيدفع
ف كل كلمه يقولها بتسمع صوت ناى مكسور
بيقضى نهاره نايم...بطل يطلع ف النور
...عن الفرحه قلبه صايم...والحزن بابه مقفول
...اصرخ فيه يخرجنى واقول



أنا الى كبته سجنه ولا مهرب غير عين تدمع
ومش هيدارى ضعفه ف ضحكه خلاص معدش ينفع
صرخت الوتر اتشد ف كملتوا لحد ما اتقطع
جفت بير الواحه هاجرت بعيد مش ناوى ارجع
مات نخل الطيبه قتلوا شىء جوايا ساكن
والدنيا مش زى الكرتون مش زى ما كنت فاكر
اهاجم؟ مش حهاجم.....عشان ادافع حهاجم
نص ضبع...نص انسان..يعنى انسان ولكن



سبع سواقى يدوروا يرووا ارض جسمى هم  
وكل يوم حاجات اكتر بتموت جوايا وكأن
ف كل ضربه قلب تضخ دم يروى حقد يتزرع يطرح شجر ف جدوره سم
 يقتل..... .معنى الوجع قلبى طرحت شرايينه شوك من كتر ما اتوجع
شوك شوهلى وشى رسم مكانه وش مصطنع
امل اتحرق...... .حب ما فرق
 انا مركب ف طريقها للغرق
قبطانها عنيد رفض صمد بشراع ودفه من ورق
تيار واقوى من كل مأوى تحس فيه ب دفا الامل 
ومن بعيد الشط باين لكن ليه عمره ما وصل
فاكر ساعتها كنت خايف...لكن قررت اكون بطل
واهد السور واطلع للنور زى زرعه من تحت التراب
ارسم شروق الشمس ف اقتل الغراب
جواب الفكره وصل لبكره قابله بالقبول
ف اترسم مشهد نهايه لسعاده بتقتل غول 
مسحت دماغى الغنوه الى بتقول 
........انا الى كبته



أنا الى كبته سجنه ولا مهرب غير عين تدمع
ومش هيدارى ضعفه ف ضحكه خلاص معدش ينفع
صرخت الوتر اتشد ف كملتوا لحد ما اتقطع
جفت بير الواحه هاجرت بعيد مش ناوى ارجع
مات نخل الطيبه قتلوا شىء جوايا ساكن
والدنيا مش زى الكرتون مش زى ما كنت فاكر
اهاجم؟ مش حهاجم.....عشان ادافع حهاجم
نص ضبع...نص انسان..يعنى انسان ولكن


Ensan W Laken | انسان ولكن

ملحوظه : أسم التراك مقصووود 

...................... الكلمات..........................
كيك اول هوك رابى كستم رابكوا ستوك 
كستم = Custom   )   ( ستوك = Stock ) 
بعمل شير لنفسى مش فان عشان احك
نلعب صد رد انا بانشى ما بيتصد 
صرو هات وخد اشوط ف الحيط ترد
الأم سى مش كاب وسكيت 
يا برنجى تعالى عض
تقولى ده اسمه إيه فلو ف تتخض
على كيك وسناير سابقنى هوااا
انا قاعد فوق النخله برميكوا بالنوا
باخد عاطل ويا باطل لو مش عاجبك نعمل باتل
القلم بنص جنيه والبيتات عندنا
محترم...ف الراب سافل اكل والحسوا الى فاضل 
انا أم سى أم سى انتوا  أمسوا من هنا
تيرى تيرى تا تا مين الى هناك دا
خرم وسط الناس وجاى ليا
يا ناس تعبان يا ناس......حرام عليك خلاص
صدام جه يقولى ان اسيادنا راضيين عليا
......................................................................................
دب ع البيت اجرى واسابق قطر مجرى
تعالوا على حجرى رجلى ع الارض دوسى
انا بوجاتى فيرون...مؤمن ومين غيروا 
يسابق طيارات وانتوا  لادا  روسى
الدور الى تحتى مفروش غرا
انا اخترع وانتوا تفيكوا باراتى ف الدرا
مش كدا ؟ ! خد هنا
باراتك مش ولادك ف احفادك ولاد زنا
ارمح اقلبها وعييد = حمرا ;)
الفيت بينا مش فيت البيت عليه عفريت
يجرك السناير ت أوف اضحك من بعيد
بينقلوا منى حل الشيت بس الاكيد
سين راب كفر الدوار بديلوا انا طرف الخيط
انا ولف وال ستريت دوركوا ف الفيلم (احم)... لو شفت الفيلم هتفهم
رامى عقولكوا ف المكتبه عندى ف البيت
بدبح ف الامسيز واكلهم نى ف نى 
لسه 4 تراكات وانتوا خايفين م الى جاى
........................................................
تم حذف كلمات الحته السريعه لحقارتها
......................................................
متقلقش اخر فيرس
قلبك بيدق؟ فاكروا ديس
انا بنكشك بلعب بس
يا عم إنت معورنا عبش
اصابك بنشا او رميت بأسهم
اديك نص بار تقولى كلوا يا مؤمنى
إنى انصببت من السماء انا الى مغششها لجرير
نص قصايد المتنبى مجهود العبد الفقير
فكر مره واتنين قبل عليا ما تعمل نمره
من باراتى سكرانين وتقولوا....بعناش خمرا
قولوا  yo اقول الليله يا سمرا
عورنى انزل حبر انا مجبش دم
دوركوا كومبارسات انا منتج الفيلم
لو ملقتش بارات ابخ ع المايك سم
مقصدش حد بالكلام يا روحى هاف فن
مرفوع كتفى اليمين فكر يالى بتفهم
كان معاكوا مؤمن على ألكتروا خلص رص
وادى خامس تراك بكعب رجلى ف المقص
........................................................
Have Fun | نص متعه 


Lyrics - الى هى الكلمات الى مش كلمات ده هجص - : Mo'Men

Mastering & Mixing : Mo'Men

الاغانى المستخدمه 
1 - حسام حسنى - لولاش
2 - حسام حسنى - حيث أن
3 - طلعت زين - تيكى تا
4 - اتحاد القمه - اتحاد القمه وإسلام فانتا

شكر خاص لكل من
علاء الشيخ 
والحاج حناوى
 وهشام الحرامى

Have Fun |  نص متعه

Rec.Mix nd Masterin` By : Fidro Records™.

Young T .Ft. Alaa Soliman - ( Fasel W Na3od )

من فضلك كمل التراك للأخر....خالص !
Title : Fhemt ? | فهمت ؟


Vocal : Mo'Men

Mastring & Mixing : Mo'Men
..................... الكلمات .......................
بخنق القلم وابرى اخر سنتى فيه

بدور ع الامل  ف تنايا جسمك ع السرير

بلبس لبس الاحرام , واشيل ف جيبى الربع جرام

واشطب من اسمى ابن سام واكتب ابن عزازيل

إنتى بره مدى الجاذبيه , ف مش هتحسى حملى تقيل

أنا  ف مركز نجم بينهار ومش سامع غير صوت تكسير

وازاى تتعقل ؟ ف إيه الصوت بينتقل ؟

الا لو الصوت ده جوا جسمي , بالمهمه عضمى كفيل

خرج الكيس ده بسرعه , طلع منه مقدار جرعه

عقلى لوحده لسه فاكر بس انا وجسمى ناسيين

الصالحين ماتوا ف المدينه...الخطائين خرقوا السفينه

عشان بيحاولوا يعيدوا علينا قصه الخضر

فاهمين ؟؟؟؟؟؟؟؟؟؟

طوفت عكس الاتجاه , وغيروا كلام الادان 

شالوا الصلاح والفلاح , لكن سابولنا اسم الله

الدجال على الابواب , وجيش المهدي جاى وراه

ف المخرج وقف المشهد , عاده وبدل الادوار 

..............................................................
وقف المكن ثبت الصوره ع الشاشه

المشهد مصطنع ادوا للفنانين جوايز

احسن تمثيل الكرسى ده , الاوفرتير كان الفرح

السوكسيه كان حرق المسجد .والضحك ف موت الولد
...........................................................................
دوروا المكن عيدوا مشهد النهايه تانى

متسيبوش حد حى وقصروه ل 3 ثوانى

مشهد البدايه 7 مشهد النهايه العن

واوعوا تكرروا نفس الغلطه متسمعوش غير كلامى
........................................................................
صلاح الدين العوام خانه , ف مكملش وانسحب

يوسف جاهين كان كدبه بين , والقصه كانت غلط

لكن الشعب ده واعى جدا , عاقبوه والفيلم سقط

احمد مظهر لبس الساعه , الاوسكار مش من نصيبه

مفيش جريمه او كدبه كامله , خدلك تفرانيل ونام

ومسيرك تصحى , وهو ده عيبه 

دورلك على حاجه اقوى

شرائك الكدبه تجاره رابحه

الحقيقه كوى بيوجع , غير الجرح الى بتسيبه

ف انا اسف مش هقدر اكمل , قصتنا كانت جميله

واظن ده هو السبب الاكبر , ف انها حاجه مستحيله

لما مريم كانت عايشه , يوسف مكانش ع البسيطه

متقابلوش وإن كانوا اتقابلوا متقابلوش ف ارضنا

المشهد اتغير وقعه , قاموا اتقابلوا

لكن محدش انتبه

خرج اخر جرعه بره , سم جسمه وفضى الكيسه

كات ..قال كاتب السيناريو

عقله قال : مش ده الى كتبه

لو مريم مبقتش عذرا يبقى ازاى هيجيلنا عيسى

لأ

وقفوا المكن ثبتوا الصوره ع الشاشه

المشهد مصطنع إزاى بس محدش شايف

ده مش تمثيل ده كدب لأ مش انا الى كتبت ده

صمت بعد صوت الطلقه ضحكوا لما مات الولد

دوروا المكن شغلوا الصوره ع الشاشه

المشهد صح جدا زى ما الكل شايف

متزعلوش ع الواد ده ده مثير شغب

ومصلحه اللوكيشن طبعا فوق اى حد
....................................................

انا أسف ^_^

Fhemt? | فهمت ؟

v1.hema swift-v2.fuhrer -  #free beats- افكار التراك مش افكار من غناها بل فكره اشخاص يعيشون في المجتمع في صراع افكار حتي اصبحو في فكر مهمش

Marginalized thinking- فكر مهمش

Führer Rap