الغرام في الدم سارح
والهوى
طارح معزة
والحنين للقرب بارح
والنوى جارح
يا عزة
يا ابتسامة فجر هلت
بددت ليلي الحزين
يا ندى الصبح اللي سأسأ
فوق خدودي الدبلانين
بل شوقهم
صحّى لون الورد فوقهم
كل خد
وشم له وردة
مين يدوقهم
غيرك انتي
ومين سواكي
يا حياتي
يا ملاكي
يا نسيم الحب لما هب
هز القلب هزة
يا هوى الأحلام يا عزة
... 
الليلادي جم خدوني يا ملاكي
جوز تنابلة
ونص دستة
من التيران
كنت باحلم يا حبيبتي
كنت باحلم
بيكي انتي
كنا قال
انا وانتي قال
ف جنينه خضرا
ومحاوطها البرتقان
والسيسبان
وانتي جوا قرنفلايه
بالعبير بتستحمي
اجري يمك يا هوايا
تسبقيني وتجري يمّي
احضنك
واشرب عبيرك
من شفايفك
والغصون
واقفة وشايفة
بتراعينا
بس خايفة م العيون
والعيون بتقول كلام
والكلام
طاير حمام
بينادينا بالأغاني
ويهادينا بالسلام
كنت بحلم يا حبيبتي
كنت باحلم
بيكي انتي
أيوه انتي
ومين سواكي
يا حياتي
يا ملاكي
يا نسيم الحب لما هب
هز القلب هزة
يا هوى الأحلام ياعزة
وانطلق في الجو فجأة
يا حبيبتي
صوت مفاجأة
صوت يخلي الدم يجمد
اصحى يا احمد
اصحى يا احمد
وانتهى الحلم الجميل
وابتدا الهم التقيل
_ 
فين إمام 
_
انتوا مين 
_ 
احنا ناس مكلفين 
تيجي سالك مش ح تتعب
واحنا طبعا معذورين
_ 
انتو دود الارض 
والآفة المخيفة
انتو ذرة رمل
في عيون الخليفة
انتو كرباج المظالم
والمآسي
انتو علة ف جسم بلدي
انتو جيفة
_ 
سكتوه ابن الكلاب 
سففوه من التراب
فتشوا كل الاماكن
طلعوا رفوف الدولاب
... 
كمموني يا حبيبتي
كتفوني يا حبيبتي
قوموني .. قعدوني
كل شعرة في جسمي
بالعين فتشوها
المخدة من جنانهم
شرحوها
وانتهى التفتيش
مفيش
صدقيني
متخافيش
هو فيه ياعزة عندي ممنوعات
غير بحب الناس
وباكره السكات؟
... 
بص واحد من التنابلة
جوا عيني
وانتي عارفة
عينية صافية وطيبين
زي كل عيون بلدنا يا حبيبتي
شبّاكين
ع القلب دوغري موصلين
كان مناه يلمح علامة خوف بسيطة
طب حييجي الخوف منين ابن
العبيطة
هو مين فينا الجبان
ولّا مين فينا اللي خان
اللي قلبه بالمحبة وبالاماني
وبالربيع لاخضر مزهر
والأغاني
ولّا كلب الصيد
وأسياده الأباطرة
أكّالين لحم البشر
فوق الصواني؟
هو مين فينا الجبان
ولّأ مين فينا اللي خان
هو بص في عيني بصة
ارتجف وف حلقه غصة
واتعوج ومال وقال
جملتين مش مفهومين
أصله شاف صورتين جُمال
في العيون الطيبين
مصر في العين الشمال
وانتي في العين اليمين
أيوه انتي
ومين سواكي
يا حياتي
يا ملاكي
يا نسيم الحب لمّا هز القلب هزة
يا هوى الأحلام يا عزة
يا هوى الأحلام يا عزة


#أحمد_فؤاد_نجم - عزة

ايها المواطنون مجلس الانس الكريم

في بداية الاحتفال اشكر الاخ ابراهيم
النهارده جبتكم للمناقشة في الحوار
تسمعوني و اقلكم هكذا يبقى الحوار
بس قبل الاحتدام خلو بالكو صحصحوا
حد اثناء الكلام يتنقل من مطرحه
كل عام و انتم بخير
النهارده في بلدنا أي واحدعنده حق يبدي رأيه في أي حاجه الا في السياسة .. لأ
احنا آه ديمقراطيه بس في حدود الحدود
تيجي شلة ماركسيه او مُزايد او حقود
كل عام و انتم بخير
فيه كلام عن مشكلات هم مالهم بالبلد حد جاع او حد مات كل مولود انولد
فيه تفاوت في المعايش ايوه بس الحقد عيب
والمثل بيقول يا غايش كل هدمه وليها جيب
كل عام وانتم بخير
اما شغل التنظيمات و اللي دايرين يلطموا يبعتولي وفد منهم ما اقتنعش ح افرمه
واحنا برضك عيلة وحدة والرغيف ح نقسمه يجي واحد مش فاهمني يعني ايه ح نقسمه
كل عام و انتم بخير
فامشوا احسن من سكات ع الحوار المستقيم
احنا برضك فلاحين نعرف العيب من قديم
و احنا مجتمع سلام والسلام يعني السرور
والتسامح و الزهور
و المحبة و العطور
و المباني و الاغاني
و الاماني بالبخور
و المباهج في القصور و القناعه في الكفور
و احترام الاغنياء زي شارات المرور
و الكبير يفضل كبير مهما يغلط او يغور
و الصغير مش ضروري انه يكبر او يثور
و الجعان يبوس ايديه لو يبات من غير فطور ليه؟
لأن الشكوى عيب
و النجوم غير الجذور
هكذا نبني السلام و السرور ع الناس يدور
ايها المواطنون مجلس الانس الكريم
في نهاية الاحتفال اشكر الاخ ابراهيم

مجلس الأُنس الكريم - الشيخ امام و أحمد فؤاد نجم (أنور السادات) قصيدة

صبرين - كلمات: أ. ف. نجم

من ديوان  "أيام العجب و الموت"

أم صفوت- بصوت فؤاد حداد

طـلـعــت أدبّ نــزلـــت أدبّ
وطـالـع نــازل اقـزقـز لـب
أردبّ أرادِب
أرنب أرانْبّ
دا كـُله دا كله في بطن الدبّ
وكمـثل الـدبّ كمـثل الــدّبّ
يجُب في جُب يعّبي في عبّ
طلعـت أدب نـزلــــــت أدبّ
طلعت أدب…
طلعـــت أدبّ أدبّ دبـيـــب
ونـزلت أدب سبع سراديب
انا اخوك الدبّ ماانيش الديب
ومفنجلْ عيني تقول دا أديب
والاَّ دا عاشق داب في دباديب
الحلو اللي بيغطس ويقبّ
طلعت أدب …
طلعت أدبّ البط ما باضش
نزلت أدب أخوك ما قبضش
انا باستعبط وما باستعبطش
انا باتْلخبط  وما باتْلخبطـش
انا صاحب رقّّه وصاحب بطش
تزفّر بقي والاَّ أسبّ
طلعت أدبّ …
طلعت أدب برجل وإيد
ونزلت أدب وعيشْه بتقيد
ريَّحت رقبتي من التحويد
وعمـلـــت صغــّيـر قــلـت يــا ســيـــد
انْ كانـــّك مــش شـايف لـبـعـيــــــد
إعمـــل زيي على ظفـــرك شـــــــِبّ
طلعت أدب …
طلعــــت أدبّ الـســقـــف أتــــــــرجّ
نـــــزلـــت أدب الـبــــيـر اعــــــــْـرَجّ
الـعــالـــم ماله ؟ الــــــعــالـــم وَجّ
قــــال كـلــت حـبــيـبك ؟ كلته ياحْاج
ويــا حـبــيـبي كان طـعـمـك فـــَــجّ
انْ كـنـت حـبـيـب انا بـرضـــه مُحبّ
طلعت أدب …
طـــلــعـــــــــــت أدبّ ولا الأمــــــراء
ونــزلــت أدب يـــا وز عـــــــــــــراق
يـــا حياتي وموتْي ولـقا و فـراق
ويومـــأتى   بـتاكلْ  مني  في  راق
آخـرتي  شـمــاعه  في  قصــر فـراء
مــا حـاســــيبش غير الفرو المجربّ
طلعت أدب..

رقصة الدب - بصوت فؤاد حداد

                              

الشاي في إيد الشهيد - بصوت فؤاد حدّاد

أطيب من شراب الورد  - بصوت فؤاد حدّاد

درب البهلوان - بصوت فؤاد حدّاد

أغنية : قاوم بالصدر العاري
Artist : Cheikh Imam - الشيخ إمام عيسى 
Album : Intifada 2 البوم إنتفاضة 
Original Quality - نسخة أصلية

02 Qawim - Cheikh Imam [HQ]

شهيد الثورة - مصطفى إبراهيم

كلمات للشاعر / احمد حداد

لبن - فرقة اسكندريلا

انا والد الشعراء ..فؤاد حداد
أيوه...
انا الوالد ...
و ياما ولاد.. !!

درب البهلوان - بصوت فؤاد حدّاد

Foad Haddad